رواية "حب الصدفة" ♥️
للكاتبة* تسنيم الشطي 🌸
الحلقه 2
ف العشية الساعه 5:30
الباب يطقطق ✊🚪
عبير نزلت تجري بتفتح لقت يوسف ماشي بيفتحه💞 قعدت واقفه فالدروج
يوسف : اهلين !♥️
الاء : اهلين كيف حالك
يوسف : الحمد لله تفضلو
شهد: (بفرحة😍)يزيد فظلك
خشت شهد والاء
عبير : اهلين تفضلو ♥️
شهد والاء : يزيد فضلك كيف حالك
عبير : الحمد لله وانتو
الاء : تمام
شهد : تمام بخير
تعالو
دخلتهم عبير لصالون جت أمل سلمت عليهم
أمل : اهلين كيف حالكم
شهد والاء : الحمد لله كيف حالك انتي
أمل : تمام الحمد لله
وغمزت ل عبير ب معنى من هادم !
عبير: ا ء هادم صحباتي تعرفت عليهم اليوم الصبح لما وصلنا قعدت نهدرز معاهم وقالولي بنجوك ف لعشية
أمل : ااه تمام ٠😀
الاء : ماما طالعه كلمتها قتلي امشي وتو لما نروح نجي نشوف جيرانا الجدد 😍ونتعرف عليهم ❤
شهد : حتا ماما بتجي مع ام الاء
أمل : مرحبتين بيهم 😍
وخشت للمطبخ فرحانه تقول الحمد لله عبير فيسع مادارت صحبه وتعرفت ع البنات
أمل: خلي نجهزلهم عصير وشوكلاته 🍫🍷
__________________________________
فالصالون البنات يهدرزو
شهد: هههههه دمك يهبلل خشيتي قلبي 😘
عبير: انتي اهبل تسلمي حتى انتم محلاكم ومحلا هدرزتكم
الاء: 😍
شهد والاء فرحانات دارو صاحبه جديدة وهدرزتها عسسسل
عبير: كم عندكم خو واخت ؟
الاء: اني عندي خو واحد بس مواليد 99 اسمه سعيد مسافر ل ماليزيا والاسبوع الجاي بيروح ♥️
عبير: كويس ربي يحفظهولك
شهد: واني بنت وحدة ماعنديش خوات
عبير: ااامممم
شهد: اا ء كم مواليد خوك 😊؟
الاء شبحتلها وفنصت فيها
شهد فاتتها
عبير: مواليد 98
شهد: كويس ربي يحفظهولك 🤤♥️
عبير: تسلميلي ويحفظك
الاء: حقااا الاسبوع الجاي عيد ميلادي يوم بيروح سعيد مش تجي تحضريه عيد ميلادي باهي ❤😍
عبير: تمام 😍♥️
ودووورة ينزل يوسف
شهد تشبحله وعيونه بيطلعو
والاء انتبهتلها تبي تفنص فيها ماقدرتش عبير تشبحلها
ولما تجي عين يوسف ف شهد طوول شهد نزلت عيونها وهيا متحشمةة استغرب يوسف من نضراتها نفس نضرات الصبح لما سلم عليها ♥️
يوسف: عبير اني طالع ماتبي شي
عبير : سلامتك ٠😌♥️
تتجكتر عليه كيف دارت صحبات جدد 😂
يوسف: امالا هي باي وشاف ل الاء وشهد ابتسملهم وطلع
هوا طلع شوية ويطقطق الباب ناضت عبير بتفتح
فتحت لقت زوز نساوين سلمت عليهم ونادت امها سلمو ع بعض طلعو ام الاء وام شهد خشت أمل هيا وياهم قعدو يهدرزو والبنات مقعمزين بروحهم فالصالون يهدرزو ♥️!
____________________________
يوسف طلع ركب ف سيارته شاف واحد يطق عالمرش ابتاع السيارة
نزل يوسف المرش
يوسف: تفضل ؟
أسامة: انتم الي انتقلتو جدد😀
يوسف: اي
أسامة: كيف حالك
يوسف: الحمد لله بخير
أسامه: اني جاركم هادا حوشنا
يوسف: كويس مقابلين بعض
وهدرزو تعرفو ع بعض
أسامة: عطلتك اسف 😅
يوسف: لا عادي اا ء
اسامة: تبي تقول حاجة؟😀
يوسف: اي اني طالع تطلع معاي 😁
أسامة : م فيش مشكله
ركب اسامة السيارة مع يوسف ومشو
أسامة: عندي صاحبي حتا هوا جارنا مسافر ل ماليزيا والاسبوع الجاي مروح اسمه سعيد
يوسف: اااه كويس
أسامة : تو نعرفك عليه ح تحبه
يوسف شبحله وابتسمله
______________________________
البنات !♥️
الاء: شن سجلتي ف مدرستنا قريب تبدا القراية (weak)
عبير : اي بابا مشي سجلني
شهد: قالو مازال شهر
الاء: اي قالو
عبير : فيسع مايفوت (what)(weak)
الاء وشهد: ااااي
وقعدو يهدرزو لين ادن المغرب ناضو روحو
خدو ارقام بعض
هما روحو وركبت عبير تجري ل دارها فتحت النت
ودارت قروب عالفايبر 😂♥️
عبير: هاااي 😋😋
بعد ربع ساعه
الاء: ههههه هاايات 😍
عبير سكرت النت فالدوش طلعت جففت شعرها ولبست توتة لونها زهرية تهبل طالعه عليها جت قعمزت ف سريرها
فتحت نت لقت رساله الاء وشهد باعته رساله كاتبة اهلينن ٠😚😚
ردت عليهم: استحشتكم 😂😁
الاء: هههههههه حتا ني
شهد: 😂😂🤭
___________________
والمهم فاااتو سته ايام 😍♥️💃
الساعه 5:30
الاء كلمت شهد قتلها خوها روح وغدوا عيد ميلادها ومدايرة حتا عشاء وقتلها تجيها اليوم وشهد قتلها باهي
وكلمت عبير : قتلها مانقدرش عندي ولد خالتي صغير مخليتهولي خالتي وطالعه
المهم بعد نص ساعه جت خالتها خدت ولدها وروحت
عبير: كلمت يوسف
عببر: الو يووسف حبيب قلبي
يوسف: شن تبي ملاخير قولي مش فااااااضي 😏
عبير: بتفضي روحك ع خاطري (exhausted)(teary)
يوسف: شن تبي
عبير: وخيا نجهز روحي وتعالا ارفعني نشري هدية ل الاء غدوا عيد ميلادها
يوسف: نقولك حاجة
عبير: قووول 🥺
يوسف : خو الاء غدوا مروح وعندي رقمه وتعرفي نكلم فيه وبدينا صحااب يعني بناخدله هدية حتا اني البسي وهاني جايك دقايق ونكون عندك 🥴😒
عبير تنقز فرحانه : ييييس اووكيهه باااي
يوسف: هبلة
بعد نص ساعه
جي يوسف طلعتله الانسة عبير مدايرة مكياج خفيف لاكن ف وجهها
يوسف: خليقتك شن الي فيها
عبير: والنبي بابا شايفني عادي راني مواليد 2000ماتخلينيش نمشي زي الغولة بلا مك
وسكتت 🤭
يوسف فاتها وطلعو شرت هدية ل الاء ساعه ورائحة Zara♥️🥺وهوا خداله ساعه وسورية وسروال
المهم وروحو وجي اليوم التاااااني طبعا مدايرين عشاء لبست عبير قونة لونها اسود وبلوزة قصيييرة ذهبية وسبورت ذهبي ♥️وعبايه ووشاح وطلعت طبعا العيد ميلاد الساعه 5 يبدا
مشت لحوش الاء
بنختصر 😍♥️👇
فات العيد ميلاد وجت الساعه 8 طبعا مدايرين العشاء عصبان ♥️جهزو الاء وشهد معاهم العشاء ولما بيروحو شدتهم ام الاء قعدو تعشو
ف جنان حوش الاء جايين ولاد ل سعيد ومعاهم يوسف يهدرزو المهم طلعت عبير تساوي فالاحذية
ويطلع السيد سعيد ويشوف عبير وفاتح فمه
عجباته تحشم يشوفلها وماقدرش مايشوفلهاش لانها تجنن
حست ب حركة وراها وتتلفت بدمن الخلعه شهقت قعدت تكح وسعيد معاش عرف شن يدير جي من وراها قعد يخبط فيها ع ضهرها ومتحشم بيموووت من الموقف وقفت عبير تشبحلها ودفاته ضرباته كف وخشت تجري
سعيد :🤬.الكلبة من هادي تو تشووف
خشت عبير تجري ومصدومة خبطت ف ...
.
.
....
تمت ويتبع ♥️♥️
تفاعلو الرواية تجنن 😍💘
أنت تقرأ
رواية "حب الصدفة" ♥️
القصة القصيرةرواية "حب الصدفة" ♥️ منقوووولة للكاتبة تسنيم الشطي منقوولة
