قد يحبك الكثير وأنت تحبهم أيضاً..
ولكن هناك شخص واحد مختلف بقلبك تجد أبسط الأشياء منه تسعدك حتى وإن نطق باسمك ❤
جهاد
من بعد ماراحت امها وصلتها امي للباب ورجعت
يمه جهاد شبيك خيرك
مابيه يمه مابيه روحي صعدي لجونه
واني طالع شويه وارجع
طلعت من البيت ماردت اشوف الحزن بعينها من تعرف امها راحت حتئ بدون ماتودعها وتسلم عليها
لجين سبحت عالسريع ونزلت لامي بلگي من تعرف خلصنا كولشي
تغير رائيها
اايي اايي ماما تكذب متعوفني هسه تحظني واتگولي جنت اريد اقويج
واني بهذه تفكيري بين مابدلت وبسرعه حتئ شعري مانشفته نزلت بلهفه ورحت للمطبخ
صارت بوجهي عمتي
هاالجونه ماما تعالي حبيبتي اريد اصعدلج عود
يلا تعالي وياي للمطبخ
اني صافنه وگلبي وجعني
عمه لعد امي وين
امج راحت حبيبتي خابر عليها خالج خطيه استعجلها
دمعت عيوني انقهرت ودموعي صارت تنزل وحدها
ليش هيج امي سوت ليش
اااااووف
ماما لجونه شبيج حبيبتي ليش هالبجي ياامي
جهاد مايقصر يوديج وامج هم تجي عليج كل الهلا بيها يااامي انت
عمتي تحجي ومتعرف بلموضوع شنو
متعرف امي راحت وهذه اخر مره راح اشوفها هيج گلبي يگول
صعدت الغرفتي متت بجي ملخت نفسي تلفووني وين اريد اتصل علوالدي
اخذت التلفون اتصل مغلق اتهسترت ركعت التلفون بلكاع بكل قوتي
شسويت اني ياناس ياعالم
شنو ذنبي طفله مرحموني معقوله ذولي ااهلي
اووف بابا انت مو تحبني ليش هيج وينك
انفتح الباب دخل جهاد
انصدم اجاني يركض يريد يحظني
دفعته وخر كله من وراك ماريد روح مني كل ماشوفك ااشوف حياتي الي خسرتها
اطلع من الغرفه ماتبقئ يمي
اتهسترت اصيح وادفع بي واضربه عالصدره وهو صافن
اهدي حبيبتي لجونتي عمري انت اهدي
فدوه لگلبج شتريدني اسويلج
بس عالكيفج ويه نفسج
ماريد شي اطلع اطلع
صار صار اهدي طالع اني
جهاد
طلعت علمود. ماشوف ردت فعلها وياريت ماطالع رجعت لگيتها متهستره ومتعصبه
حاولت اتقرب منها احظنها اهديها ماكو حظنتها بقت تضرب بصدري وتگولي اطلع من الغرفه كله بسببك
شفت وضعها مو مال اتناقش وياها
كولتلها صار وطلعت
نزلت جوه
امي ها جهاد هديتها المرتك خطيه من نزلت ومالگت امها شصار بيها
يمه روحي اصعدي شوفي حالها
متهستره ماگدرت حتئ احجي وياها
اووف يايمه االله كريم انطيها صبر بمرور الايام تتعود
عليك وعلينا
الله كريم
خلي اروح اصلي قبل لايجي ابوك حتئ نصب غداء
وانت لاتصعد ابقه جوه هسه اخلص صلاه واصعدلها خليها ترتاح وحدها
صار يمه صار
رحت للهول خليت راسي عالقنفه واني افكر بتصرفات امها
والله حيرتني عفيه ام يعني ماگدرتي تنتظرين خمس دقايق بس لحد متنزل لو انت تصعديلها
اااخ راسي ذبحني من التفكير ابد مارتاحيت صار اسبوع يوم اسوء من يوم
واني افكر نمت وماحسيت ع نفسي الا من كعدتني امي
يلااا يوم گوم اتغدئ ابوك اجه وصبيت الغداء هسه جاي يوم
رحت للمطبخ وعيني عالدرج
هسه تنزل يمه صعدتلها شويه هدات الحمدلله
لاتفكر يمه
الله كريم يمه
نزلت وسلمت وكعدت عالميز والوجه مابيه اي معنئ للحياه
مادري شسويلها
دناكل واباوع عليها نفس الوضع تلعب بالاكل بلخاشوكه وبالها مو يمنا اصلا
تقربت من اذانها همست
لجونتي اكلي حبيبه
باوعت عليه لحظه ونزلت عيونها عبالك رجعت لواقعها
وبدينا ناكل
ابو جهاد
جهاد باب هديتكم مني تروحن لاربيل اسبوعين
شكراا يابه ربي ميحرمنا منك
راح احجزلكم باجر بشركه وبعد باجر تطلعون
تسلم. بابا
هالجونه عمو تريدين غير مكان ليش داحسج ماعندج واهس
حبيبتي عمو اني ابوج الثاني شنوو الي مضوجج تجين اتگوليله
حتئ اذا جهاد اطرده من البيت
ابتسمت
اروح فدوه لهلوجه الحلووو
تسلم عمو لا هذه هو اختيارك حلو عاشت ايدك
ليش متجون انت وعمه ويانا
والله ياعمو ياريت نگدر جان رجعنا ايام الشباب وشهر العسل
بس عندي دوام
غير مره ان شاء الله
خلصنا غداء
ام جهاد راح اسبح وادخل انام ماريد جاي من اكعد يلا
روح عيني حمام الهنا
يلااا ماما جهاد انتو هم صعدو تعبانين انتو وحظرو نفسكم وشنو تريدون گولولي احظرلكم
لجونه لاعمه ماصعد انت روحي ارتاحي واني راح انظف المطبخ واكمله
تلحگين عمه عالتنظيف معليج بيه هسه روحي صعدي ويه رجلج
اني عفتهم شيقررون يقررون وصعدت للغرفه
لگيتها مرتبتها ومنظفتها. ومغيره الفرشه
خليت راسي عالمخده واجتي دخلت ملاكي
لابسه دشداشه فانيله بصلي لونها ومفصله ع جسمها
بقت عيوني عليها وهي تفتر بلغرفه
هسه غير تجي تنام لا تفتر
شفتها راحت للكنتور وطلعت فراش وتريد تفرش بالكاع
واني اشتعلت بنار
شدسوين لجين تعالي نامي عالجربايه وذبي هالفراش من ايدج
جهاد عوفني براحتي معليك بيه
واسمع مني اني وياك بلغرفه مثل هذه الطابوريه لاتتوقع مني اي مشاعر واي شي اتجاهك لجين ماتت
انت قضيت عليها دمرت حياتها
لحظه لحظه علكيفج شنووو هالحجي لج بابا شمسويلج اني
خطبتج وتزوجتك ترئ ماگاتل واحد منكم
جهاد اذا تريدني ابقئ بلغرفه خليني براحتي
يااخي مامتقبلتك ماريدك
طفله مراهقه دمرت حياتها متعرف تصرف انت
ماريدك وماعتقد يجي يوم واسامحك
وياريت وياك تشوف حل او عذر بطريقك لوالدك حتئ تلغي سفرنا ماطيق ابقه وياك نفس المكان
يصير خير لجين
واني هم بعد هذه الغرفه مادخلها اخذي راحتج
وماراح اخليج تعانين فتره ونلكه حل وننفصل
#يتبع
