#تشوه_خلقي
للكاتبة ام مصطفى
البارت الثاني
طبيت لهلي وشايله بنتي بيدي
اختي هناء لا كتني
ها شلونج الحمد لله ع السلامة شنو شبيج تبجين
اشرت امي الها تسكت
اخذت الطفله مني تبوسها
ياااا هاي شنو شبيه وجها
نزعت عباتي وكعدت كعدت كعدت سزوان بحضني
تمسح دموعي
امي حجت
كافي تره حرام عليج الي تسويه خلقة الله.
يوم والله عن نفسي ماعندي اعتراض
بس ابجي ع حالها اكول شلون راح تعيش
الله كريم بنيتي
لا تفكر لها مدبر
صاحت ع مرت اخوي شيماء
اجت
ها الحمد لله ع السلامة وتتربى بعزج
شنو شبيها البنيه
ضليت ساكته
كالت بالله اشوف
يااا خطيه اووي مكرودة
والله انقهرت انوب بنيه كون ولد بيها مجال
امي عاطت بيها كافي كولن الحمد لله شجاجن
روحي سويلها ريوك لكمة تاكلها
تره كلشي مماكله
وجيبلي دوشك الها خل تنمطل عليه
تعبانه منايمة
-اي صار
حجت امي
-بنيتي خليج قوية وارضي بقضاء الله وقدرة وبنتج انت صيري بضهرها
كون ماتحسسيها بيها نقص ابد
لو كبرت ولا تفرقيها ع بناتج
ولا يوم تسمعوها حجايه ع تشوه وجها
اذا كبرت
من هسه اوصيج واكلج جنها شغله عاديه
ولا تسميحن لا واحد يتجاوز عليها لو يعيرها بخلقتها
اذا سمحتي الهم هسه تصير شغله عاديه تره ومن تكبر بنتج تتاذه .
اني بس اهز راسي
يارب اطيني القوه
جابوا الاكل اكلت لكمتين ورضعت ملوكة
ونمت
كعدت ورهة٣ ساعات جارتها نومه
لان الليل كوله مانايمة
شفت امي محلله ملاك من الكماط
جانت هادئه البنيه
باوعت عليها
بيييضة جانت ومدبدبه يجنن جسمها
لزمت ايدها وبستها
كعدتي بنتي نوم العوافي. امي كالت
اشكرج ماما
شوفي بنتج شكد حلوه
اي والله تجنن البنية
دباعي ع يونها لونهن خضر
شوفي هاي التك ذيج ممبين من لان حمار داير مداير عينها
شوفي هاي
اي صدك خضر
اني شقتهن عبالي هيج لون بس بيهن
لا هذن خضر
تخبل هاي الطلفة
انوب هادئه
شلتها وحضنتها بنتي حبيبتي
وابوس بيها
رضعتها جانت جنها لعابه بس لوما هالتشوه
اووف الحمد لله
طب ابوي سلم
هابوية الحمد لله ع سلامتج
الله يسلمك يابة
صدك بتج مشوها
دنكت راس
اي الحمد لله ع كل حال
-الله يساعد سلمان هم بنيه وهم مشوهه لا اله الا الله
-الحمد لله راضيه بكلشي يجي من الله
-الحمد لله
بقيت يم اهلي اسبوع
بهذا الاسبوع تعلقت ابنتي كلش
وسميتها ملاك
تمنيت ابقى اكثر بس بناتي شلعن كلبي يردن ابوهن
وحركات يتعاركن وي بنات اخوي
بهاي الايام مرة وحده اجاني
سلمان
كال صديقي كلي بيع السيارة واطيني فلوسهن نفتح معمل مال تمور يجبسون تمور ويبيعوها
كتله خوش شغله
كال اي بلكت تصير
