أنتِ سيدة أحبابي وأنا لكِ كل شيء،❤️❤️

Chapter 27

بدرية ببرود؛ ما يهمني
داليا ورهف دخلو فجاة وهم يناظرون فيها بعصبية وحدة
داليا؛ لا والله احلفي
رهف ما تكلمت على طول مسكتها من شعرها وصاحت بدرية بالم
سعود مسك رهف وبعدها؛ خلاص اهدي
رهف نزلت دموعها؛ هذي هي السبب بكل الي صار لامي وتعلقت بسعود
داليا مسكتها من ياقتها؛ لك يد بعمى امي صح
بدرية ضحكت بجنون؛ ايه لي انا ارسلت رجال حتى يخطفونها ويعتدون عليها قبل ما تولدكم بس الأغبياء ما قدرو ولكن طاحت على راسها وسبب لها العمى وسعود انا زورت شهادة انه مات بدل ولدي الي مات بنفس اليوم الي ولد فيه سعود
داليا ضربتها كف قوي؛ انتي مجنونهههه هاا
الجد؛ يكفي يا بنتي لا تلوثين يدك فيها
داليا رمتها بقوة واتجهت لابوها الي بيغمى عليه من الصدمات الي تلقاها اليوم
داليا مسحت على خده بحنان؛ يبه شوف هذا نحنا بناتك اهدى وتنفس
ابو سعود نزلت دموعه وحضنها بقوة
الجد جلس بصعوبة ومسح على وجهه وهو يستغفر وناظر لبدرية وصرخ؛ انتي لسا هنا؟اطلعي برا وورقتك بتوصلك
بدرية وقفت بكل غرور وطلعت غير مهتمة باللي سوته وتزامنا مع خروجها دخل بدر من الباب الثاني وهو يغني ومراد وراه يصفق
بدر؛ يا البرتقالة وسكت من شاف حالهم وبقق عيونه
مراد صقع فيه؛ عممى ما تشوف انت هيييء سعود وش ذَا متزوج من ورانا
الجد بسخرية؛ الحمدلله والشكر انتو وينكم عن الناس
بدر؛ والله انا كنت ف
قاطعه الجد بحدة؛ محد سالك وين كنت
مراد عقد حواجبه وبهمس؛ اقول جدي شكل عنده انفصام
بدر هز كتوفه؛ دقيقة ذحين من ذول البنات
سعود مسح على وجهه؛ اخواتنا
مراد سوا حركة تدل على التفاجئ؛ اييشش بِسْم الله الرحمن الرحيم متى صار هالشيء
سعود تنهد؛ جدي بيشرح لكم انا باخذ ابوي وأعطيه دواه
داليا باست ابوها على راسه ومسحت دموعه وقومه سعود وراحو
بدر جلس وهو يلعب بالسبحة؛ هييووهه يا فارسي وش العلم
الجد ضربه بالعصا؛ انت ما تستحي تقول لجدك كذا
رهف وداليا جلسو جنب الجد
الجد تنحنح؛ المهم هذول بنات ياسمين رهف وداليا أخواتكم من الأب
مراد؛ هللااا والله ارحببوو واضح انكم مو حقين دلع الحمدلله اخيرا اخوات طبيعيات
رهف رفعت حاجب وما تكلمت
داليا ناظرت في جدها؛ الحين هذول اخواننا؟
الجد هز راسه
داليا ميلت شفايفها؛ الله يصبرنا اجل
الجد ما قدر يمسك ضحكته ومراد وبدر انصدمو وتعابيرهم أليمة حاليا
رهف؛ ايه والله صدق واضح انه عقل ما فيه
بدر بقهر؛ انتي وياها خير ان شاء الله ما فيه احترام
داليا ناظرت فيه من فوق لتحت؛ نحترمك على وش يا حظي
مراد؛ قلة ادب استغفر الله بس
الجد رمقه بنظرة الي قول كلمة زيادة وبالعصا ذي وقمط ام العافية وسكت
رهف وقفت؛ يلا جدو احنا بنروح البيت
الجد بحنية؛ اجلسو هنا وبكرة على راحتكم
داليا؛ لا والله ذحين فهد يقوم فوقنا
الجد هز راسه بتفهم ولف لمراد وبدر؛ قومو وصلو أخواتكم
بدر؛ الله يهديك يا فارسي البيت قريب من هنا ما يحتاج وما حس الا بالعصا على ظهره
الجد؛ انا قلت تقومون يعني تقومون
مراد خاف الدور يجيه ووقف؛ طيب خلاص قمنا امشو انتو
الثنتين مشو وهم يضحكون عليهم
بدر؛ استغفر الله مدري ليش جدي حاقد علي
مراد بسخرية؛ سبحان الله ما تدري ليش
بدر تجاهله وناظر في البنات؛ هالحين كم عمركم انتو
داليا؛ ١٨
مراد؛ لبى الصغيرات والله
رهف قرصته؛ احترم نفسك اقول
مراد مسح على مكان القرصة؛ خير ان شاء الله وش قلة الأدب ذي ما فيه احترام للأخ الكبير
بدر؛ انت نورة ما احترمتك تبي هذول يحترمونك مشكلة والله
داليا؛ خلاص بنروح من هنا لحالنا
بدر ومراد وقفو يراقبونهم لين ما دخلو ورجعو لبيتهم
في صباح يوم جديد~~بيت الجد
الجد؛ انا جمعتكم هنا اليوم حتى تتعرفون على بنات فهد من زوجته الثانية
الجدة ناظرت بزوجها بعدم تصديق؛ وش تقول انت مو ياسمين سافرت وأخذتهم
الجد ابتسم واشر لها على البنات الي دخلو وهم متغطيات بحكم وجود عيال أعمامهم
الجدة نزلت دموعها وفورا اتجهت لميعاد وكيف ما تعرفها وهي نسختها المصغرة والقريبة لقلبها لكن هذا مو معناته انها ما تحب الباقيات الا تحبهم وتعزهم
ميعاد بدات تبكي مع جدتها بقوة وتعلقت فيها وما رضيت تفكها
وفاء كانت واقفة عين مغمضة وعين مفتوحة واضح توها صاحية من النوم؛ استغفر الله وش ذَا المسلسل الي تشوفونه انتو
رهف مسكت ضحكتها وتنحنحت؛ وفاء حياتي اصحي وشوفي احنا وين
وفاء هزت راسها بايوة تسليك ورجعت غمضت عيونها
داليا؛ الحمدلله والشكر ورفستها؛ قووممميي
وفاء صرخت؛ بلا في شكلك توني كنت بتزوج المزيون ذ وسكتت من شافت المكان الي هم فيه
البنات بالقوة كانو ماسكين ضحكتهم والشباب يناظرون نظرات صعب تفسيرها اما الحريم والشياب مو يمهم يسلمون على ميعاد ويسألونها عن الي صار لها
بسمة غمزت؛ من هو المزيون ذَا
وفاء؛ زوجي المستقبلي
البنات ما قدرو يمسكون ضحكتهم اكثر وفكوها
مها؛ الله يغربل بليسك
وفاء جلست جنبها؛ وش قصدك يعني زوجي ما بيكون مزيون؟
مها بلعت ريقها؛ الا اكيد بيكون مزيون
وفاء؛ ايه احسب بعد بتسبين زينه
رهف؛ قومي سلمي الله لا يأخذك وبعدين سولفي ودافعي عن ذَا الزوج الله يجيبه بسرعة ونفتك منك
وفاء رفعت يدها وهي متجهة للصالة الي فيها الحريم والشياب؛ امميييننن وراحت
داليا هزت راسها بأسف وناظرت في الشباب؛ لو سمحتو من غير مطرود على برا
طبعا مين كان متواجد بدر ومراد ونواف ونادر وثامر وكلهم رفعو حواجبهم
مراد؛ لا يا شيخة على كيفك هو
داليا؛ نعم نبي ننزل العبايا ونأخذ راحتنا
بدر؛ طيب عادي نزلو واحنا بنقيم
رهف بققت عيونها ونزلت الشبشب حقها بتضربه بس هج
ثامر كان يناظر برهف بتركيز وتذكر طيحتها ومات يضحك وطلع
رهف عرفت انه تذكر وبهمس؛ وش ذي الفضيحة شكله ما ينسى ذَا لازم افرمت مخه
فجاة دخل سعود وهو لابس البالطو تبعه وابتسم من شاف اخواته واشر لهم يجون لبرا ولحقوه والبنات بدا عرق اللقافة يدق عندهم وشهقت بسمة من شافت فهد واقف برا
فهد.............................................
______________________
رايكم؟🌚🏃🏼‍♀️