الجدة ابتسمت؛ بتفهمين قريب ودخلت لغرفتها اما ميعاد ميلت شفايفها وراحت لبيتهم
في صباح يوم جديد>>بيت سعود
سعود نزل وهو لابس البالطو وبيده جواله ويكلم
داليا كانت متربعة وتآكل بالصالة وتتفرج؛ يا حلو مين تكلم وغمزت له
سعود ناظر فيها بنظرات صعب تفسيرها وتجاهل سؤالها؛ بعد شوي بيجي يوسف وانصحكم تطلعون بسرعة
داليا كشت عليه قبل ما يطلع؛ مالتت كلكم اخوان نفسية
سعود قلب عيونه وطلع متجاهلها
داليا بققت عيونها؛ شوف الكلب هين انا اوريك وطلعت جوالها؛ اشوف حبيبي مراد بس
شوي ونزلو رهف ووفاء وهم لابسات عبيهم ورافعينها لخصرهم
داليا وهي تدق وتزعج مراد؛ أوب أوب مداكم تنجهزون
وفاء؛ ليه قالو لك داليا
داليا طنشتها ولبست عبايتها وطلعو لما سمعو صوت السيارة
في بيت ابو سعود>>
مراد حط المخدة على أذنه بس عَصّب لما سمع صوت الجوال يرن مرة ثانية ورد بعصبية؛ خير ان شاء الله الواحد ما يرتاح بنومه
ابو فارس بحدة؛ ولدد
مراد فز والجوال كان بيطيح من يده؛ هلا عمي حسبتك احد ثاني السموحة منك
ابو فارس كتم ضحكته؛ ايوهه خلك مؤدب والحين الساعة ٦ ونص لو تجي الساعة ٧ وانت مو عندي مقطوع من راتبك ٥٠٠ وقفل بوجهه
مراد مسح على وجهه بقهر؛ غلطان الي يشتغل عند أقاربه وقام يتجهز
(طبعا مراد مهندس وابو فارس الي هو عمه مثله مهندس وعنده شركة مهندسين ومراد يشتغل معاه)
بدر طلع من غرفته وهو يصفر بروقان ويغني
ريتال وقفت في وجهه وبدلع؛ بدوري أبغاك توديني المول
بدر عفس وجهه؛ قولي اسمي زين بالاول بعدين افكر
ريتال؛ انزين بدر
بدر؛ امشي بس استغفر الله
ريتال مشت قدّامه وطبعا بدر منغث من مشيتها
مراد طلع من غرفته وناظر ببدر وضحك؛ وش فيك انت قالب وجهك
بدر؛ هو احد يشوف اختك المايعة ذي وما يقلب وجهه
مراد رفع يده؛ اشهد انه معاك حق اصبر الله يعينك
بدر ناظر فيه؛ لا تطقطق تراك أردى مني يلا على شغلك وغمز له يقهره ونزل وهو يضحك
مراد بقهر؛ والله لاوريك يا الحيوان اصبر علي بس وطلع من البيت بسرعة بعد ما شاف اتصال عمه
اما بالمول>>
يوسف كان يمشي ورا البنات ومدخل أياديه بجيوبه وعقد حواجبه من شافهم داخلين لمحل ألعاب أطفال
بسمة مسكت لعبة؛ الله حلوة مرهه
يوسف؛ الحمدلله والشكر وش تبغون هنا
وفاء؛ وش قصدك يعني حرام الواحد يشتري لنفسه ألعاب
يوسف قلب عيونه؛ اتوقع اني جايبكم تشترون للمدرسة
رهف؛ جاك الثاني طيب هذي للمدرسة كمان استغفر الله
يوسف بقق عيونه من شاف داليا ماسكة مسدس لعبة؛ ان شاء الله بتسرحون بهذي المسدسات
وفاء أخذت واحد ثاني بس مسدس مويا؛ ايه وش فيها
يوسف اشر بإصبعه لبرا المحل؛ قدامي يلا حدكم محل المراييل والشنط والشوز يلااا
البنات طلعو وهم يتحلطمون ويرمقونه بنظرات كره
يوسف ما أعطاهم وجه ومطنشهم وانتبه لواحدة يعرفها ويميزها من بين مليون شخص وعقد حواجبه وبنفسه؛ وش تسوي هذي هنا
بسمة؛ الو يوسفوه نتكلم احنا
يوسف اشر لهم؛ انا بروح مكان وبرجع يا ويلكم تسوون شيء وراح يتتبعها
البنات ابتسمو بخبث ورجعو لمحل الألعاب اشترو الي يبون وراحو للمحل الثاني يشترون ولا كانهم سوو شيء
رهف؛ مو كأن هذا بدر اخوي
وفاء؛ الا والله هو وش يسوي هنا وليش يتلفت كذا
داليا راحت ودفته من ورا؛ بووو
بدر؛ سكنهم مساكنهم وش تسوون هنا ومع مين جيتو
بسمة؛ وش نسوي مثلا نشتري للزفت المدرسة وجينا مع يوسف
بدر؛ يا الله انك لا تبلانا
رهف؛ اقول بس مسوي لي فيها المهم تدور احد انت
بدر بحيرة؛ ايه ريتال كانت معاي قبل شوي ولفيت ما لقيتها
وفاء؛ غريبة تلاقيها راحت تشتري لحالها
داليا؛ جيت وجابك الله يوسفوه هرب امسك شيل الأكياس عنا
بدر كان بيتكلم بس طبعا ما سمحو له رمو عليه الأكياس وكملو يشترون وهو يتحلطم وراهم
يوسف تم يتتبع ريتال لين ما شافها طلعت من المول ايه نعم الي شافها هي ريتال وزاد استغرابه من شافها ركبت سيارة غريبة وركب سيارته ولحقهم بدون ما ينتبهون
يوسف..........................................
_______________________
رايكم؟🌚🏃🏼♀️+تتوقعون وش الي بتسويه ريتال ومع مين ركبت؟
أنت تقرأ
أنتِ سيدة أحبابي وأنا لكِ كل شيء،❤️❤️
Humor✗↴' ❁♩. - *قد يكون ﺂسلوبي خآطئ ﺂححياناً لكن تأكدو* *ان نيتي طيبة فعُذرﺂ لمن ﺂخطئٺ بحقهہ🔕🔑*
