ناظرت فيه بغرور؛ ايه انا ومن بيكون غيري مثلا
فهد مسح على وجهه واستغفر؛ وش جابك هنا يا جوهرة
جوهرة؛ الحمدلله والشكر عمتك الصغيرة الكيوت جاية من سفر خصيصا عشان تشوفك وتقول لها كذا؟
فهد بسخرية؛ حي هالجية والله وبعصبية؛ وجامعتك وش سويتي فيها
جوهرة نقزت؛ الله يغربل بليسك نقلت لهنا
فهد؛ امشي بس امشي الله يعينني عليكم
جوهرة مشت قدّامه بكل ثقة؛ مرة ثانية لا تصيح على عمتك
فهد طنشها وركب شنطته وشنطتها وحرك متجه لبيته
جوهرة نزلت من السيارة اول ما وصلو؛ يووه وحشتني اختي سوسو وبناتها وينهم؟
فهد؛ في جيبي
جوهرة مياه شفايفها؛ الحمدلله والشكر وش فيك معصب انت
فهد أخذ نفس؛ هم الحين ببيت جدهم وأبوهم
جوهرة شهقت؛ وشو وانا ليه اخر من يعلم
فهد بسخرية؛ والله وش دراني شوفيه البيت هناك انقلعي عني ابغى ارتاح ودخل بيته وقفل الباب بقوة
جوهرة فزت؛ عساك البلا استغفر الله بس وسحبت شنطتها متجهة لبيت خالها الي هو ابو فهد(جد البنات)
يوسف كان واقف برا ويكلم جوال وعقد حواجبه من شافها داخلة وقفل؛ مين انتي
جوهرة؛ الله يأخذكم ناويين توقفون قلبي الليلة
يوسف تجاهل كلامها؛ اعيد للمرة الثانية مين انتي
جوهرة دققت في ملامحه؛ حمدلله والشكر ما تعرف بنت عمتك مشكلة والله ودخلت متجاهلته
يوسف بتفكير؛ بنت عمتي؟هو عندي بنت عمة غير ياسمين؟ ما تعب نفسه بالتفكير وهز كتوفه ورجع للمجلس
جوهرة بصراخ؛ الحلوهه جاتت
الجدة فاطمة بققت عيونها؛ وش جابك انتي ما عندك جامعة
جوهرة؛ الله يأخذ هالجامعة الحين اقول المزة جات تقولون الجامعة؟
الجدة فاطمة رمقتها بنظرة حادة
جوهرة قمطت؛ امزح معاك نقلوني هنا
رهف كانت ماسكة صحن ودخلته جوه للمطبخ وكانت بتطلع تجيب الباقي وصاحت من شافتها؛ جوجو
جوهرة؛ اخيراً شخص صاحي
رهف حضنتها بفرح؛ وحشتيني
جوهرة ابتسمت؛ يا عممريي انتيي
وفاء شهقت اول ما شافتها؛ جورج ونطت عليها
جوهرة؛ ادري اني وحشتك بس خنقتيني
وفاء بعدت وهي تضحك
فجاة دخلو ميعاد وسعود وسعود كان بيصد ويروح بس وقفته جدته
الجدة فاطمة؛ تعال تعال هذي خالتك المصون
سعود عقد حواجبه؛ مو قلتو عندها جامعة
جوهرة؛ حسبي الله وكفى حتى ولد اختي الي توه يعرفني يسال عن الجامعة لا ما انتو بصاحيين
سعود ضحك وسلم عليها
جوهرة؛ ايهه لا حلو ما شاء الله كما خالتك
سعود رفع حاجب وما رد عليها
ميعاد قربت وحضنت جوهرة بقوة؛ وحشتيني يا احلى خالة
جوهرة بحنان؛ اكثر يا قلبي
الجدة فاطمة ناظرت فيهم؛ طيب وبعدين على المطبخ انتي وهي
رهف ووفاء كشرو ورجعو لشغلهم
ميعاد ناظرت في سعود؛ نروح؟
الجدة فاطمة؛ على وين
سعود؛ عندنا مشوار بسيط وراجعين
الجدة؛ زين انتبهو على انفسكم
سعود وميعاد اوماو وطلعو بعد ما أخذت شنطتها وجوالها
الجدة ميعاد جات؛ يلا يا فاطمة حطينا العشاء وشوي انتبهت لجوهرة وابتسمت بفرح؛ هلا والله ببنت الغالية
جوهرة ضحكت؛ هلا فيك عمتي وسلمت عليها بحرارة
الجدة ميعاد بعتاب؛ وينك معد تزوريننا كنتي تجينا دايم حتى بعد طلاقي اختك ورجالها
جوهرة؛ والله اشغلوني بالجامعة يا عمتي لكن ما عليك لا تخافين الحين بجلس على قلوبكم
الجدة ميعاد ضحكت والجدة فاطمة قلبت عيونها وراحت وهي تستغفر ولحقوها
في مكتب الجد~~
الجد ضرب بعصاه؛ وليه توك تتكلم
فارس بهدوء؛ لي أسبابي
الجد مسح على وجهه؛ استغفر الله العلي العظيم وأتوب اليه وش هالاسباب الي خلتك تترك بنت عمك هاه
فارس تنهد؛ اهدى يا جدي وبتعرف بالوقت المناسب
الجد بحدة؛ ما رح اهدأ وعقابا لك ما رح يصير شيء لين ما تخبرني فهمت
فارس عقد حواجبه؛ معليش يا جدي انا ما انتظرت طول هالسنين عبث رح اخذها وقريب
الجد؛ لعن ابو بليسك تتحدا جدك
فارس؛ حشى مو من حدي بس انت تدري بمشاعري اتجاهها
الجد؛ ولاني ادري ما رح اسمح لك تأخذها لين ما تعلمني وطلع قبل ما يقول فارس شيء ثاني
فارس ضرب المكتب بقوة وعض على شفايفه
عند سعود وميعاد>>
ميعاد غمضت عيونها وهي تحس بالنسيم البارد
سعود ابتسم وجلس جنبها على الشاطيء؛ وش تحسين الحين
ميعاد ابتسمت له بحب؛ الله لا يحرمني منك
سعود ربت على راسها؛ ولا منك
ميعاد سكتت ورجعت تتأمل بالبحر والأحداث الي صارت لها تمر كلها قدام عينها ونزلت دمعة منها
سعود مسحها بإبهامه؛ افا تبكين وانتي عند اخوك
ميعاد بحزن؛ تعبت انا يا اخوي والله تعبت
من وراهم؛ والحين بيروح كل تعبك
الاثنين ابتسمو بتوسع وجلس جنبهم
فهد بمزح؛ ادري وحشتكم
سعود بسخرية؛ ايه كثر منها
ميعاد ضحكت؛ مأخذ مقلب بنفسه الأخ
فهد بصدمة؛ لا اله الا الله جاتكم عدوى من الخيبات أخواتكم
سعود؛ حدكك عاد
فهد ابتسم واشر لسعود انه بيبدأ وهز راسه؛ ميعاد اسمعي بتقول لك شيء
ميعاد عقدت حواجبها وبدات تسمع لهم بكل انصات وسرعان ما بانت الصدمة على وجهها
ميعاد بصدمة؛ وش تقولون انتو شلون يعني
فهد..............................................
_______________________
رايكم؟🌚🏃🏼♀️+عدننااا من جدييدد 😂😭💃🏻💃🏻ان شاء الله يتغير التفاعل هالمرة>>قريتو يا الصامتين ركزو بالحروف 😂🌚🔪
أنت تقرأ
أنتِ سيدة أحبابي وأنا لكِ كل شيء،❤️❤️
Humor✗↴' ❁♩. - *قد يكون ﺂسلوبي خآطئ ﺂححياناً لكن تأكدو* *ان نيتي طيبة فعُذرﺂ لمن ﺂخطئٺ بحقهہ🔕🔑*
