.*.**.*.*.*.*.*.*.*.*.*.*
ادم:السلام عليكم
علي:وعليكم السلام شلونك
ادم:الحمدالله وانت شلونك
علي:الحمدالله خير ليش جاي؟
ادم: ان شاء الله خير جاي اشوف ام ريام واخذها ويانه
علي:ليش تاخذها
ادم:ميصير يا ابو حسين هسه الناس شتكول ماعدها اهل رايحه لبيت زوج بنتها
علي:حقك هسه هيه يم ريام شويه واصيحها
ادم:هاا ريام شلونها سمعت هيه مريضه
علي:لا مابيها شيء
اوكف خل اصيح ام ريام
ام ريامممممم تعالي اشويه
ريام:اووف يمه هذا شيريد
ام ريام:عيب خل انزل اشوفه شيريد
ريام:لا لتنزلين يعني يدري انتي يمي وهو ديصيح اني حنزل
ام ريام:لا يمه عيب اني خل انزل يمكن محتاج شيء
ريام:اااصبري دقيقه ابقي هسه اجي
(نزلت وما ادري ادم موجود لأن جانو بالاستقبال والبيت كبير واني جنت فوك اجيت وبكامل عصبيتي فتحت الباب قوي جان الكه ادم ياكاع انشكي وبلعيني بهاي اللحضه نزلت بدون حجاب ولابسه دشداشه قصيره وماشوف الا وعلي جرني من ايدي)
اخخ علي عوفني دتوجعني
علي:وين نااازله بدشداشتج القصيره وبدون حجاب
ريام:ما ادري ادم موجود
علي:سواء ادم موجود او لا هيج دشداشه قصيره متنزلين بيها هاي اول شيء ثاني شيء اربعه وعشرين ساعه الكه الحجاب فوك راسج احنه يجينه خطار وانتي تعرفين لذلك حطي الحجاب ولتخليني بهيج مواقف تمام
ريام:اوكي اوكي فهمت بس عوف ايدي مو حموت من الوجع
علي:اصعدي لغرفتج يلا
ريام:ليش ادم هنا
علي:يريد ياخذ امج يلا اصعدي وصيحي امج
ريام:ليييش ياخذها عوفني خل احجي وياه
علي:لا هاهيه اعوفج بهاي دشداشتج وشعرج تحجين وياه صح؟مو شفتيني كو**
ريام:ليييش تفشر ترا اني ما احب هلكلمات
علي:لا بعد قبل ما افشر اسئلج هو غير انتي طلعتي روحي يلا اصعدي
ريام:زين دقيقه البس عبايه واجي بس اكله ليش ياخذها
علي:استغفرك ربي
ريام:حببباب والله هسه البس عبايه واجي الله عليك خليني لعد شنو امي تروح بس خليني احجي وياه وانت يمي عود من اطب للاستقبال الزم ايدي واحجي وياه
علي:ههههه
ريام:ي ماطول ضحكت يعني تقبل يلا خل البس العبايه واجي
أنت تقرأ
طفلة الشيخ
De Todoقصه فصليه صغيره بالعمر تذهب الى شيخ العشيره فهل سوف تتحمل المسؤوليه وهيه صغيره؟؟
