طفلة الشيخ

بارت 17

قبل اسبوع من الحادثه.......

ادم....
وقت خروجي من المستشفى ورفض تام من ريام عن حبها الي
مريت بحاله نفسيه وعععصبيه كلش من ورا ريام وكلت لازم اسوي شي
حتى لو ما اخذها بس ماخليها تتهنى بحياتها مع علي
فكرت وفكرت قررت اتصل ب نور لكن ماحصلت على جواب
كلت هالشي مراح اشترك بي ويه احد راح اراقب علي وشوكت مايطلع بلسياره وحده
راح اروح واكذب عليه بخصوص ريام واكله انو اني وريام بعلاقه ولحد هسه احنا نحب بعض
بقيت انتظره ايام حتى بلبيت ما اجه يوم من الايام صار البيت هوسه ونسوان كومه اجن
كلت اكيد علي رجع لبيته لأن كل مايرجع تصير هوسه ويستقبلو واخيرا اجه علي ساعه 9:00 الصبح
انتظررت يطلع من البيت وطلع بس ورا سااعات عديده اني بالانتظار
علي انتبهت عليه انو هو بحاله عععصبيه جدا رحت لحكته وراها اعتقد انتبه اني دالحكه
طبك السياره ونزل يضرب بلجام مال سيارتي
ويكول.....

علي:هييي انت منو؟
ليش دتلحكني ترا منتبه عليك مو بس هلمره

ادم:فتحت الجامه لأن جانت مظلله....
اني ادم

علي:وشعندك تلحكني

ادم:نزلت من السياره ..
اني ما احب اجر بلكلام من الاخير اني اجيت اكلك عوف ريام بحالها البنيه متطيقك واني وياها بعلاقه
حب

علي:هه يعني هسه تريدني اصدك بكلامك؟

ادم:سواء صدكت او لا بس اني وريام من الطفوله نحب بعض وترا اني ادري ريام هاجرتك وانت مالك غير حل تغتصبها عساس انت رجال من تغتصبها مثلا؟

علي:لكككك الزم لسانك لا اكصه الك افتهمت معليك انت هيه زوجتي واني حر بيها

ادم:ما اخاف من تهديداتك داكلك عوف ريام

علي:اشو دتعال اني حشوفك شلون اعوفها....لزمته من ياخته ومددته بلكاع وكمت اضرب بي بوكسات مال مخابيل وضرب حيل على خشمه لأن اني اصلا عصبي وهو اجه وحجه هذا الكلام صرت عصبي بالأكثر وما اتحمل اي واحد اني مامنتبه جان ابن الكلب ضرب طلقه بكتفي وهرب وظل يفشر عليه بس وجها كله مزورك ودم من الضرب...بلكوه جبت التليفون لأن الشارع جان صحراء مابي واحد بس احنا نتعارك والمسدس الي ضربني بي صامت ميطلع صوت ومحد انتبه عليه خابرت على اكرم يجي ياخذني واصلا جان قريب على منطقتنه ماطول 15 دقيقه وأجه اكرم وحجيتله السالفه بس ملخصه وبلكوه احجي لأن ما اكدر الطلقه دتأذيني وراها اتخربطت وماحسيت بأي شي.....

................

ريام:الله علييكككم طلعوووني رهههف سندس ولكم انتو تعرفوني اني وين عندي علاقه ويه ادم
ليش متحجن ليش ساكتات

سندس:اسسسككتي احنا بيا حال كله من وراج

ريام:ولج اني شعليه بس افتحي الباب وافهمج

سندس:شنو انتي شعلييج؟
ادم يحبج وضرب علي من وراج انتي اذا صار بعلي شي انتي السبب

ريام:والنبي اني معععليه والله احب علي وماحبيت واحد ولا حاجيه ويه احد ثاني
كعدت بلكاع وجانت ورايه الباب مقفوله وكمت ابججي واصرخ بحرقه اريدهم يطلعوني
اريد اشوف علي اشتاقيتله محد يصدكني حتى سندس ورهف صارو ضدي
انتظرت ساعات ومحد فتحلي الباب تعبت من البجي والصراخ جنتت جوعانه
وراها اجتي ام علي (الشيخ)وظلت تعيط وفتحتلي الباب واني اجيت يم رجلها