طفلة الشيخ

بارت 4

**********
ريام:اني ادفع بي وهو باقي لازم ايدي وجان اشوف علي ...يمه عبالك قلبي وكف

*******
علي:اني ضجت من الكعده بالديوان ف أخذت حجه علمود اشوف ريام احس قلبي يريدها وهيه جانت تجنن طالعه فرحت طلعو بلديوان احنا الديوان مالتنه بره بالشارع وكلش كبير لأن دائما تصير عدنه كعدات ف أستأذنت واخذت حجه وطلعت ورحت للطرمه جانا شوف خالد ولازما يد ريام وهيه تدفر بي هنا اني عيوني صعدن ليفوك كبل كمزت عليه وظليت اضرب بيه بس ما ضربته هواي لان هاي ريام هنا وهسه يجون الزلم كلهم نزعت الصايه مالتي ااي جنت لابسهها فوك الدشداشه ورحت غطيتها بيها ولازمها من ايدها حيل وخالد يتوسل والله خالي ما اعرف مرتك..
ريام:يمه جرني من ايدي بس شلون لزمني قوووي كلش والدمارات مال ايده بينت وطب بين النسوان بس ولا باوع وعادي هنه كلهم ميلبسون منه حجاب والنسوان يمه خير شكو وهو ميجاوب لازمني ويصعدب يه الدرج وفوك راسيه الصايه ..واول ماطبينه للغرفه واني اشوف عيونه نار وشرار جان يدفعني ويشمرني بلكاع وظل يضرب ايده بلحايط
ريام:على كيفك علي وكمت داشوف ايده جان يعيط عيطه قويه هزت البيت ولزمن من ايدي قوي وجعصها على الحايط
علي:انه شكم مره كايلج لا تطلعين بره الاستقبال وين طالعتلي بالطررررررممممه ويعيط وبدون حجاب ولابسه صكيف ومكيجججتلي انوبه
ريام:والله اسفه بس ما ادري ...علي ايدي حباب كامت توجعني
علي:اتوجعي لج زين ما موتج اني وجان يضربني راجدي قوي طيرلي سنوني
ريام:كمت ابجي وماحجيت ويا بس كاعده وابجي وهو يعيط
علي:لج ميتين الف ممممره كتلج لتطلعين ولكيت خالد لازم ايدج انتي تعرفين مرت منو؟لجججج مرتي انه الشيخ الناس كلها تعرفه تطلعيلي هيج لابسه شيحجون عليه الناس ميكولون هذا ماعنده غيره كومي لاتبجين ككوووومي كلت
ريام:اني ظليت بس ابجي
علي:اخخخخخخخ ويضرب بأيده لج لاتطلعين يامره لاتطلعين الا تخليني اتعصب وظل يضرب بأيده..جان شفتها كاعده ترجف مني وتبجي انوبه قلبي رجف عليها انقهرت نصيت صوتي وكعدت كبالها ولازم وجها...شوفي اني صح عصبي بس غير من وراج يعني الناس هسه شتحجي..وجان وخرت وجها وكامت تمسح المكياج وكلتلي اطلع بره اريد امسح المكياج
علي:ريام اشبيج ترا جاي احجي وياج
ريام:خلصص علي واني جاي اشهك من البجي...خلص خلص تعبتني مصارلي 4 ايام يمك وانت ولا يوم مضاربني بي على اقل غلطه تضرب شنو كل ماتتعصب ماتهتم الي وتظل بس تضرب اني هم عندي كرامه وهم بنيه واتأذه يعني اني هسه ولا بنيه بأحساسي تدري شيكولن عليه؟فصليه خطيه ماعدهه ذهب والثانيه تكول ابيش اشتروج والثالثه تضحك عليه لأن معندي ذهب ونوور كل ماا نزل اتعير بيه وامك هم واني ساكته وما انطق ولا حرف اني ابجي طلعت بره اريد ابجي اشتاقيت لاهلي اشتاقيت أخويه اشتاقيت لبيئتي اشتاقيت لحياتي القديمه ولا اي بشر يحب هيج يتعذب وينضرب ترا اني بشر والله لك اني صارله بس 4 ايام وميت اخويه وهم 4 ايام اتزوجت واني ما اعرفك ولا تعرفني ومن اجيت لحد هسه اتضرب خلصصصصص موتني مووووووووتني ما  اريد اعيش
علي:اني صافن على حجيها وحركتها وهيه بس تبجي والدموع تنزل...هيه ظلت تضرب بيه مال عصبيتها جانن احصنننها قوووي وهم ظلت اتدفر كتلها ششش والعب بشعرها وهيه هدأت ياربي شلون الطفله وعلى حضني....ريام شوفي اني اسف لأن اضربج بس انتي تعصبيني يعين شنو طالعه بلطرمه ولابسه هيج على الاقل لبسي عبايه فوك راسج  وخلص بعد ماضربج بس انتي لاتطلعين
ريام:واني بحضنه ويلعب شعري كلتله ...علي غير انت تعلمني اني شمفهمني والله حموت اني ما اعرف حياتكم شلونها
علي:ششش يلا لاتبجين وظليت العب بشعرها وراها اجتي فاطمه
فاطمه:اني اسفه خالو مادكيت الباب
علي:لا عادي يابعد خالج تعالي ريام اشويه عصبت
فاطمه:ليش عصبتها مو كتلك ممنوع ريام تبجي
ريام:اني واسمعها امسح دموعي وجان اضحك واروح احضنها
علي:والله غير هيه عصبتني شوفيني يابعد خالج شلون انه نار وشرار من وراها غير لمصلحتها اني جا اشعندي غيرها
ريام:استحيت ودنكت بس اني اعرف ديجذب بس هو لا اراديا
فاطمه:يلا خالو اطلع شعندك هنا خل نطلع احنا نسوان ونريد نحجي نشوف ليش عصبتها
علي:اويلي منجننن هههههههه...اخذت الصايه وطلعت
لكيت خالد واكف ومدنك راسه
خالد:خالي والله اسف ما اعرف هاي حرمتك
علي:اسكت وبلا حجايه حتى لو مو حرمتي تكعد هيج تتجاوز وتلزم ايديهن
خالد:والله خالي ردت اشوفها ليش تبجي عبالي ضاربيها جانت طالعه تبجي ومتحجي وياي بس ترجف
علي:خالد انت مثل ابني وميصير هيج تتعدى على النسوان سواء حرمتي او لا حتى لو مو حرمتي وشفتك هيج لازمها جان هم اجيت ودميتك ميصير تلزم ايد حرمه انت مو حلالها ندري انت بغداد عايش بس هم تعرف تقاليدنه يجوز بغداد عادي بس هنا ميصير وبعد لا تلزم ايد او تتقرب يم اي بننت من عدنه وحتى نظره لتباوع
خالد:حاضر خالي...ورحت دابوس ايده
علي:كوم ابني ...اني صح عري 24 وصغير بس لازم الكل اعتبره ابني ويحترموني كلش لان الشيخ اني
ام الشيخ:صعدت يم ريام اشوفها وينها...شفتها هيه وفاطمه غاطات بالنوم سديت الباب وعفتها اني صح جنت متحلفه الها بس اشوفها حبابه ولا تحل ولا تربط وصدك سندس كالت هيه مالها ذنب بموت زوجي اخوها الملعون الي كتله الله يلعنك
نور:اني شفت الشيخ عصبي ولازمها وحاطا لصايه فوكاها كلت اكيد مسويتلها فد مكسوره بحيث هيج اتعصب مخربه سمعته لو لكاها ويه ولد اني اعرف هيج شكول
علي:اخخ واخيرا كلشيء خلص وصارت الدنيا لليل وساعه بال 9 رحت وجان اشوف نور كبالي
نور:هلا شيخنا نوورت
علي:نورج من رخصتج اريد اصعد ل ريام
نور:دكعد شيخ  ويايه اشويه لو نسيتني
علي:اي نسيتج ريام نستني بيج
نور:شيخ انت تعرف الظروف
علي:ششش ياظروف تحجين عليها ليش هو الحب بي ظروف وكلتلج وخري خل اصعدن ل ريام
نور:رحت حضنته وكمت ابجي والله انه احبنك شسوي
علي:وخرتها كلتلها ديربالج تمدين ايدج عليه انتي مو حلالي وحرام يلا ودفرتها وصعدت وهيه كاعده تبجي...ياربي اشبيه شو كلبي مديرجف عليها المفروض هسه قلبي طالع من مكانه ويرجعلها لأن دتبجي يلا يجوز نسيتها وهذا الشيء زين ..صعدت للغرفه وشفت فاطمه وريام نايمات وحده حاضنه لثانيه ابتسمت ونمت بصف فاطمه....
ريام:كعدت الصبح لكيت علي طالع وفاطمه بعدها نايمه بستها وكتلها حبيييبتي فطووومتي كومي يلا خل نتريك ونستعدهم بالتنظيف ونسبح انوبه نمشط واخليج تمكيجيلي
فاطمه:والله انننني امكيجلج
ريام: اي يعمري انتي تمكيجيلي
فاطمه:بستها وغسلنه وجهنا ورحنه نسوي ريوك
ريام:نزلت لكيت ام الشيخ ونور وسندس و رهف و عمتي الارمله  سناء
صباح الخير
اما لشيخ وسندس ورهف وسناء:هلا صباح الخير
بس نور كاالبه وجهها كلت اوي شعليه الشيء الحلو ام الشيخ الي هيه عمتي بس توكل بيه ومدللتني علمود اجيبلهم ولد اني مرات انقهر بس شسوي ميصير يلزمني غير يموتوني بس تجي هاللحضه يا ريام وتموتين خل نشوف شنو الي كاتبه الج الله
ريام:مدينه السفره شطولها لان هواي كرااايب..اجه خالد وعلي واكرم وحسين واحمد ومحمد هم ابن خالهم وعمتي سناء ونور ورهف وأم نور نسيت اعرفكم بيها اسمها (اسماء)وساره مرت احمد يعني عائله كلش جبيره اجيت اني هم كلهم كاعدين الولد والبنت ينكلن جان دافرش السفره ودنكت ماقبل علي خزرني اني كلت يبوووو عليه بس يخزر بيه
علي:هيه تفرش السفره واتندك وهيه ما شاء لله جسم يجنن صدر ورشيقه عدها خصر وتلبس كله كصيف ولهمره لابسه وردي فاتح كلبيه فيزون وكككككصيفه عليه بسزحاطه شال ونص شعرها طالع هنا اني اتخبلت انوبه دنكت صارن عيوني نار وهيه انتبهت عليه جان تكول لفاطمه تفرشها واكرم يساعدها لان عيب يكومون الكبار واكرم جان صغير عمره 17 بس كلش صديقه ل علي
المهم اخر من كعد بلسفره اني جانت نور كاعده بصف علي واني متت احس قلبي نغزني انوبه اني اكرها ماكو مكان اكعد يمه بس يم ام الشيخ
ام الشيخ:عيوني شلون انتي كاعده بصفه للشيخ كومي عيوني نور تعالي يمي وخلي زوجته تروح يمه
علي:هنا حسيت براحه يي الحمدالله راح تجي يمي احس اشتاقيت الها
ريام:نور كلعاده كالبه وجهها بس اني ولا اهتميت اصلا فرحت بتصرف بيبي واكرم يبتسم مال خبث ويتغامزون مثلث الشر (حسين و احمد وا اكرام) اني اسميهم مثلث الشر هههههههه بس كلش احبهم حبابين كلش
علي:هيه كاعده يمي واني نار صرت كلساع تطخ بيه شلون بيه لو ظاله نور احسن...سويت نفسي امثل جبت ايد ريام وبسته وهيه خجججلت وصارت طماطيه وهم رجعت ترجف
مثلث الشر: (حسين واحمد واكرم) هاهاهاهاا شيخنه ويضحكون ....ونور كبت وكامت من السفره
ريام:شفته يبوسني من ايدي ياربي لا بيه اكله وخر وظل لازم ايدي طول ما كمنه انوب اهمسله اكوله علي اريد اكوم شبعت وهو لازك بأيدي لازمهن حيل وميقبل
ريام:خلصنه ونظفنه المواعين وصار الجاي ورحت اودي جان اشوف علي كبالي وكلي فوتي فوتي وين رايحه..اشبيك علي اودي الجاي الكم
علي:اني مو كتلج لاتدنكين انوبه تقدم جاي مره ثانيه خلي اكرم اني اكله يفرش السفره وسندس ونور يودن الاكل سممعتتتي؟
ريام:ي سمعت بس صيحه لاكرم مو ايدي انشلعت من وره الصينيه
علي:بعيوني هسه اصيحه ههههههه...لك اكككرمممم تعال
اكرم:ها شيخ أمر
علي:هاك ودي الجاي
اكرم:تدلل
ريام:راح اكرم وداروح جان يلزمني وين رايحه انتي؟
ريام:اشبيك علي تصرفاتك غريبه اليوم غير داروح اصعد كلهم صعدو ابدل وانزل
علي:جان احط ايدي على حلكها واهمسلها انه اليوم نار وشرار واريدج تصيرين حلالي
ريام:شنوووووو وفتحت عيوني وابتعدت عنه
علي:ريام انتي حلالي شنو السالفه ما اكمشج اني هم رجال وما اتحمل واني  لو اريد اغصبج جان من اول لليله بس بقيت وهسه لا خلص اريدج الي اليوم يعني اليوم وعفتها ورحت
ريام:يمه اني شلون بيه اليوم جنازتي تطلع من الباب والله هسه الولد يشوف ماكو دم ويموتني صعدت للغرفه واني ابجي واكول ربي صبرني وخلي يبتعد عني انوبه نمت وكعدت ساعه 11 لان ب 7 سوينه الريوك كمنه انسوي الغده واني وجهي اصفر
ام الشيخ:اشبيج يمه اصفريتي شجرالج؟
ريام:يمه مابيه شيء بس اشويه تعبانه
ام الشيخ:لا حبيبتي تتعودين بعدين
نور:شنو هالعياره قابل اول مره تشتغلين وتعبتي اشو جنتي خدامه بيت ابوج
ريام:عادي شكو بيها اخدم ابويه واخدمهم هم مامسويه شي غلط يستاهلون خدمتي همه مدلليني
نور:ظليت صافنه وعفتها
رهف:ها لج ضجتي منها؟ختولي شكد اكرها

ريام:ههههههههه عاادي راح اتعود عليها
رهف:ياهو يتعود عليها جنها شيطان تلعب هههههههههه
ريام:هههههههههههههههههه
ام الشيخ:لجن كافي ضحك يلا دينتظرون الزلم

هم اكلنه ومدري شنو وصارت دنيا عصر هنا كل النسوان يروحن يمكيجن ويلبسن ونروح يم الاستقبال كل وحده وزوجها ماكو احد أعزب اني هم لبست دشداشه زيتوني بس مو كلش كصيفه وسويت شعري كعكه وخليت حمره وكحله ونزلت لأن مابيه حيل
علي:اشوفها تعبانه او وجها اصفر وبس ترجف اجتي كعدت بصفي...وهمستلها اشبيج ترجفين
ريام:مابيه شي بس انت كلتلي حتقربلج وخايفه
علي:لتخافين مراح أذيج
ريام:ي وكك
علي:طبعا اني كيفت لان معارضت كلت اليوم يععني اليوم تصير حلالي وتنام بحضني
ريام:طبعا خلصنه الكعده واني اجتني فكره اجيب فاطمه وانيمها يمنه وماخليها تروح وهو ميكدر يطردها وبوكتها ميكدر يلمسني
علي:صارت الدنيا لليل واني طاير بس اريد اصعد فوك ساعه ب 9 واني اتخيل ريام كاعده مثل العروسه ولابسه سيت نوم حلو اووويلي شلون بيه جان اصعد والكه فاطمه بالغرفه
علي:هلا فطومه خانم
فاطمه:هلا بخالي اليوم اشتاقيت لريام واريد انام يمكم
ريام:شفت وجه علي انكلب من سعيد ل حزين وبوجهه خيبة امل انقهرت عليه بس شبيدي ما اكدر
علي:هسه يافطومه وكتج تجين هسه اليوم المفروض يصير احلى يوم (طبعا احجي بقلبي لأن اخاف تنجرح فاطمه..ونمنه اثنيناتنه
كعدت الصبح بس هالمره الوجوه مكلوبه وحزينه ياربي سترك شكو...ريام منعرف شنكلج بس ابوج انطاج عمره ومات