وصَيةُ حِقد

وصية الحقد (ذكريات مسروقه 2)###
.................................................. .......... ....
(ابتسامة حاقدة)

مازلت اذكر ذلك المساء
الذي خرجت فيه من عالم الطفوله الى عالم النساء
ومازلت اذكر تلك الدموع التي ضرفتها على كتفك
وانت تبحث عن متعتك وانا ابحث عن عطفك

على سطح بيت من سطوح حاره قديمه في جنوب الرياض جلسوا اربع بنات تختلف اعمارهم اثنتان تبلغان من العمر 19 واثنتان 15 سنه كانوا جالسين بين صواني كثيره ملئيه بالخبز والفلافل والبطاطس المقليه والخس والخضروات الخضراء المقطعه

هيوف بصوت نشازي ذو مستوى عالي_ ااااااااااااااااااااااااه يا ليل

البنات الباقيات _ ااااااااااااااااااااه يا عين

هيوف تكمل الموال _ ليلي ليلي ليلي يــــا يايايايا ليل

البنات بصوت عالي _ يا ليل

هيوف ناظرت البنات وحطت يدها عند اذنها تبغى تستطرب صوتها _ القرع لما اســــــتوى قال للخيــار يا لوبيــا

البنات _ الله الله ايوه عظمه يا ست

هيوف في ذي اللحظه قامت والبنات بسرعه شلوا الصواني وحطوها على حضنهم كانها طبول عارفين وش هي الخطوه القادمه

هيوف بغناء سريع وترقص مصري صعيدي _ دول دول خبلانه اللي فاهمهم راسه تعبانه عايز تفهمهم يحموك في تنكه

البنات قاموا معها وتركوا شغلهم وبدوا يرقصون معها مصري بس مو رقص البنات لا رقص الرجاجيل الصعايده وهم مازالوا يدقون الصواني

دانه _ بنات بنات وقفوا وقفوا

البنات وقفوا

دانه _ احم احم اسمعوا ذي .... انا اللي فارسني بغني من تلته ابتدائــــــــي

البنات _ يا عين الله الله

دانه _ من قبل تامر حسني وقبل محمد حماقي يا ليل يليلي يا ليل

هيوف _ اديني

دانه بدت ترقص خليجي _ يا ناس احبه واحب اسمع سواليفه

البنات رجعوا يرقصون

وهيوف جلست على القاع وبدت تميل وتسوي حركات خباله بامتياز

سالم بصوت عالي يسمعه الجيران وكان باين من الصوت انه غضبان لدرجه الموت _ يا زفتات يا حمير وينكم

البنات كلهم اسكتوا وناظروا بعض

دانه _ يا ويلي سمعنا اهربوا

البنات هربوا الا هيوف اللي احتارت بين مكانين وين تتخبى

هيوف تناظر البرميل وتناظر الغرفه الموجوده في السطح اللي مليانه اشياء لا يعلم بها الا الرب _ وين وين بسرعه يمه

سالم فتح الباب وما لقى احد قدامه وتقدم _ يا بنات الشوراع عارف انكم متخبيين اطلعوا احسن لكم لا تخلوني ادور لكم واتسدحكم هنا

هيوف كانت متخبيه ورا الباب لانه جا وعادها ما اختارت بين المكانين ويوم شافته دخل للسطح تسرقت شويه وطلعت من ورا الباب وقدها بتنزل بهدوء

التفتلها سالم

هيوف بصرخه وحده نزلت الدرج بسررررعه يوم عرفت انه بيلحقها

هيوف _ ييييييييييييااااو يمه الحقيني يا خاله

سالم رافع ثوبه ويجري وراها هي اصلا اللي كان متحلف فيها عارف ان كل البلاوي من تحت راسها

سالم _ وقفي يا زفته وقفي يا قنفذ اوريك اوريك

هيوف دغري على المطبخ وتخبت ورا خالتها

سالم دخل

هيوف وهي لاصقه في خالتها _ قولي لولدك يا خاله لا يضربني

سالم _ تعالي يا كلبه

الخاله _ سالم اترك البنت وش خصك بها

سالم _ وش خصني بها مسويه لي كازينو فوق وانا راجع من البقاله سمعت اصواتهم هي راس البلا هي دايمن اللي تخلي البنات يغنون

هيوف _ لا مو انا بعدين انا ماني اختك مالك علاقه فيني انقلع روح دور خواتك وتفاهم معهم

سالم ناظر حوله قاهرته معصبته مقرفته مسك منشفه ورماها عليها هيوف مسكتها وقعدت تخزه بعينها وتسوي حركات تقهر بعينها

سالم _ اصلا الشرهه مو عليك الشرهه على خالتي اللي تجيبك وما قبلك عيال

ام هيوف _ سالم وش ذا الكلام

سالم وهو معصب طلع

وبعد خمس دقايق انسمع صراخ البنات

وهيوف تضحك عند امها وخالتها في المطبخ فرحانه مره ان البنات ينضربون

ام هيوف مسكت يد هيوف وقبصتها

هيوف _ اااح ليه يمه

ام هيوف _ ليه تغنون تبين تعصبين سالم عارفتك