وصَيةُ حِقد

الفصل الثالث

( أحوال)

يائس سعيد جميعها احوال
ويبدوا ان الحقد ينتظر الافعال
والرحمه سجنت وقفل عليها بمئات الاقفال
والحقد طليق بدا بالهبوط في قلب اول الابطال

في غرفه كل شي فيها ذو لون تفاحي بادق التفاصيل اللون الاخضر التفاحي هو السائد وان كان هناك لطشات للون الابيض والاصفر الباهت

[

جلست فتاه تبلغ من العمر الان الرابعه والعشرين ذات شعر احمر مقصوص بعنايه لتنساب بغض الخصل على وجهها بدون ترتيب وهذه الخصل ذات اطوال مختلفه وكأن القصه تعتمد على العشوائيه لتبصح منتظمه لينتهي طول شعرها عند بدايه كتفها .......هادئه الملامح انفها مستدق صغير يناسب ملامحها الرقيقه وعيونها صغيره ناعسه كثيرة الرموش وشفاه مكتنزه برتقاليه اللون وبشره صافيه معتنى بها وجسم نحيل جدا لا يدع مكان للشك ان صاحبته كانت في يوم من الايام تلقب بالبدينه

همايل بتركيز تام تناظر الاب تب حقها كانت فاتحه على موقع يختص بالديكور اللي هو مجالها

دخلت احدى الخادمات _ عمه همايل العم سعد يقول لك انك تردين على جوالك لانه يدق عليك وما تردين

همايل ناظرت فوق بحزن _ يا الله وش اسوي الحين لازم يدق الصباح والليل ما عنده شغله الا انا (ناظرت الخدامه ) تقدرين تطلعين خلاص

الخدامه طلعت وهمايل ناظرت جوالها المرمي على الكوميدينو باهمال وما كذب الجوال خبر دق على طول وكان المتصل (ر:سعد ) ومعنى حرف الراء (رجه ) وفي مره من المرات سئلها سعد ليه حاطه راء قدام اسمي قالت اني اقصد ((روحي )) وهو رضى بالجواب بفرحه كبيره

همايل خذت الجوال وتنفست بقوه وردت

همايل _الو

سعد _ هلا باصوت وصاحبه الصوت اللي ملكت القلب والفؤاد

همايل _ القلب هو نفسه الفؤاد

سعد وكانها انحرج _ المهم انك ملكتي قلبي مو المهم الكلام

همايل _ صح

سعود_ احم احم همايل روحي (وسكت )

همايل يوم سكت عرفت انه يباها ترد عليه بكلمه حلوه بس ما راح ينول مراده

همايل _ نعم وش فيه يا سعد

سعد بعد خيبه امله فيها _ ما اشتقتيلي ولا سئلتي عني تعرفين ان مسافر الحين ولي ثلاثه ايام وكل يوم اقول بكره بتدقين بس لا حياه لمن تنادي

همايل تبغى تتدارك الموضوع _ ها لا بس انا كنت زعلانه منك لانك سافرت وما قلتلي وشوف من غلاك رديت رغم اني كنت ناويه ما ارد