وصَيةُ حِقد

.................................................. ........

في قاعه ذهبيه كبيره تجمع رجال الاعمال وعائلاتهم كانت القاعه مريحه والموجودين من المعروفين جدا في عالم الاعمال

محمد يمشي مع طارق _ الشيخ فهد العاصي حضر اليوم وفيه اخبار تقول انه جاي عشان صفقه الاسمنت

طارق ابتسم _ جاي عشاني اذن

محمد_ قبل ساعه عرفت

طارق _ ولده الكبير جا

محمد _ لا الشيخ حمد جلس عشان يحضر المؤتمر اللي في دبي وكان مفروض الشيخ صغير هو اللي يحضر بس سافر فرنسا عشان سباق الهجن لا تنسى بارك للشيخ ولده فاز بالمرتبه الثانيه

طارق _ ان شاءالله (ناظر حوله بهدوء ) محمد ما اشوف الباري موجود

محمد_ لا موجود بس في القاعه الثانيه مع صاحب شركه تي ام شين حاضر مع اخته الصغيره جود اتمنى لما تسلم عليهم ما تذكر سالفه ابوهم الله يرحمه البنت تتحسس من ذا الشي

طارق هز راسه بهدوء _ حاضر اذن اول شي لازم اسويه اسلم على الباري والاخير اسلم على الشيخ فهد عشان راح اطول معه الا اقول علي ما جا للحين ليه

محمد__ بعد ثواني يكون هنا الانسه بسمه والانسه امل معه

طارق ناظر محمد _ امل معه ليه تحضر

محمد_ انت وافقت لها امس

طارق _ انا

محمد ابتسم _ اكيد ما كنت عارف وش هي تقول

طارق سكت لكن بان انه عصب ما يحب احد يستغفله

وخذا جواله ودق عليها

طارق _ الو امل وينك الحين

امل بخوف _ مع علي وبسمه جايين

طارق _ امل حبيبتي لا اشوفك هنا

امل برجا _طارق تكفا والله ان ثوبي ساتر ولابسه حجاب اسود مو ملون

طارق _ كويس كويس لكن الحفله لا تجينها اموله لا تخليني اكرر كلامي مرتين طيب حبيبيتي مع السلامه

.................................................. .......... ...........

جود ناظرت الرجل اللي متوجه نحوهم باعجاب كان طويل ووسيم غريبه نادرا تلقى مثل هاذي التوليفه في عالم الاعمال اخوها يمثل هذا الشي بالنسبه لها وهي متاكده ان الناس شايفين هذا الشي وهذا من عيون الشابات الموجودات في القاعه اللي كانوا يناظرون اخوها باعجاب لكن هي نظراتها توجهت للشاب القادم وتعتقد ان حتى المتواجدات في ذي القاعه الجانبيه توجهت انظارهم له كانت عيونه مثيره تخفي سر هذا اللي طرا في عقلها اول شي

قرب منهم اذن يبغاهم هم اخوها التفت له وابتسم له هاذي الابتسامه تعني التحدي سلم على اخوها صوته رائع سلس رخيم اخوها قدم الرجل لها

طارق التفت لجود اللي كانت ايه من الجمال _ السلام عليكم

جود بابتسامه _ وعليكم السلام

طارق ناظر اخوها وبدوا يتكلمون عن اشياء انا ما افهمها لكن حسيت اني ابغى افهمها من كلام الرجل اللي قدامي كان شرحه ممتع لكن مع كل هذا تمنيت ان كامل موجود احتجته لو اشوف وجهه ارتاح وهذا اللي ابغاه اني ارتاح

جا رجل ثاني متواضع

محمد_ السلام عليكم

الكل _ عليكم السلام

محمد_ استاذ طارق السيد سعد الغافل جا

طارق ناظره _ من سعد الغافل (وكان واضح ان اخو جود بعد ما يعرف من هو سعد )

محمد بنبرة ذات معنى _ نسيب السيد بدر الشهال

طارق قعد يناظر محمد بصدمه

جود ابتسمت اخيرا قالوا شي تفهمه _ اااه خطيب همايل الشهال

جود توقفت عن الكلام لان طارق التفت لها وسلط نظراته عليها بس هي عرفت انه ما كان يناظرها كانت عيونه غريبه

محمد_ تبغى تسلم عليه

طارق التفت له _ اكيد (والتفت لجود والسيد الباري )اعذروني

راح مع السكرتير حقه بمشيه الواثق لكن هي متاكده ان نظراته تقول شي غير متوقع معقوله يعرف همايل بس ليه يستغرب همايل مخطوبه لها اربع سنين اللي ما عرف صار يعرف ممكن فيه سبب ثاني

جود ناظرت اخوها بحب _ الرجال هذا غريب

.................................... .........................

طارق _ وينه

محمد ناظر سيده وهو معبس _ هناك

طارق بتساؤل_ جا علي

محمد ناظر سيده _ ايوه الانسه امل ما جات ولا الانسه بسمه قال علي انهم رجعوا للبيت

طارق ناظر سعد بنظره غامضه وبتمعن بعدين ناظر محمد وقال بثبات مهزوز _ انا راح اروح اسلم على الشيخ فهد قول لعلي يسلم على السيد سعد نيابة عني

,,,,,,,,,,,,,,.................................... .......... ..........

اتعلم ماذا سيحدث ايها الماضي ............ ساقوم باحيائك

وصية الحقد (ذكريات مسروقه 2)####

.................................................. .......... ...........................

كامل _ وينك الحين

جود _ اكلمك من غرفة الملابس

كامل _ وش لابسه

جود_ اصور نفسي وارسلك الصوره اوكيه بعد شوي

كامل _ اوكيه تعرفين مفروض اني معك بس انا مو عارف ليه اخوك على اخر دقيقه رفض انه ياخذني معاه وخذا تركي

جود_ انا متاكده ان اخي يعرف شي هو وانت عارف يفهم من ادنى اشاره