بيسو
الحلقه الثانيه عشر
ذهبت زينه وتركت بسمه وحدها لترتاح شويه من المشوار وهي تفكر فيما قالته زينه عن باسم وعن زوجها الفحل وتضحك من اسلوب زينه
بسمه:والله له حق يموت فيكي داانتي تحفه من تحف الزمن
ثم جاء باسم :ايه الجميل قاعد لوحده ليه امال زينه فين
بسمه:راحت للفحل
باسم:نعم.
بسمه:راحت لجوزها نادالها
باسم:اه
بسمه:بس انت ماخفتش يضربك
باسم:هي حكتلك
شوفي انا كنت واخد بالي انه عينه منها ونبهته كذا مره يبعد عنها واحنا اصحاب اصلا بس هو كان خلاص طفح به الكيل ولما مالقتوش عرفت انه راح لمكانها فجريت الحقه قبل اما يتهور ولما شوفته بيحاول يعتدي عليها ماقدرتش امسك نفسي وضربته وهو عشان عارف انه غلطان ماقدرش يعمل حاجه هو مع حجمه بس غلبان جدا وحبها بجد وفكره فقدانها لمانسيب الشغل هنا جننته وعشان كده عمل المستحيل عشان يجوزها وساب كل حاجه عشانها وعاش هنا
بسمه:وهي كمان بتحبه اوي ربنا يسعدهم
انت كلت
باسم:اه بعتولي اكل وانتي
بسمه؛ اه زينه جابتلي
باسم:انا هلكت انهارده والشمس سيحت دماغي علي مانقيت العينات
وانتي نويتي علي ايه تقعدي هنا ولا هترجعي
بسمه:انا راشق هنا يامعلم دي زينه دي تحفه
بدل قعدتي لوحدي
باسم:طيب انا مش قادر ارجع الاوتيل انهارده ننام هنا وبكره نروح نجيب الهدوم
بس مافيش لبس هنا
بسمه:انا عن نفسي هقلع طرحتي وبلوزتي وجيبتي عشان مايكسروش وانام بالكومبيل
باسم:يعني انا اللي همشي مكسر خلاص اقلع قميصي وبنطلوني وانام
وفعلا دخلت بسمه تنام وباسم
باسم:تصدقي وحشتيني
بسمه:دا اللي تعبان والشمس خبطته
وكده كتير اوي ع الشيخ غلاب واحد نشفله البير وانت جاي تكمل عليه الراجل هيقدم علي هجره من القبيله
وهنستحمي فين يافالح
باسم:هرميكي ف البير تاخدي غوطسين
بسمه ماهو نشف خلاص وانا معرفش استحمي قدامك.كده
باسم:ياهبله شايفه الدروه اللي ف الجمب دي
بسمه:الستاره الصغيره دي مالها
باسم:اهي دي بقي شبه الحمام كده حته مربعه بتخشي معاكي طشتك وكوزك وتعيشي حياتك
وحتي انهارده فري جايبين المايه اهم يادوب نرميها بعد كده تجبيها بنفسك
بسمه:ياسلام ونطلع نرميها ونتفضح قدام القبيله
الله يكون ف عونك يازينه كل شويه تشيلي علي قلبك وترمي زمان القبيله كلها بتبتهل عشانك
باسم:انتي مالك انهارده كلامك مش مفهوم
ماهي القبيله كلها كده
بسمه:وايه الستاره الصغيره دا تلات تربع رجلي هتكون باينه
باسم:ماهو دي احلي حاجه تشاهد المباراه وكانك ف الملعب
بسمه:نام ياباسم بقي بلاش دلع
باسم:خلاص ابقي استحمي ف الاوتيل هوديكي بدري
بسمه:وتضيع عليا الفجر لا ياخويا
باسم:انا اصلا بستاذنك ليه انا اول مااجي جمبك هتسلمي نمر اصلا
بسمه:اتلم واوعي تقربلي هصوت
باسم:وهتقوليلهم ايه جوزي عاوز حقه الشرعي فصوت
باسم:يلا ابيسو بقي مش ملاحظه اننا الاتنين بيسو
وفعلها ولم يتركها ودخلت تستحم وراء الستاره وهو يشاهدها من خلفها
بسمه:هات اي فوطه مش هعرف البس هنا المكان ضيق
باسم ناولها فوطه
بسمه:ايه دي صغيره اوي
باسم :اللي موجود بقي كتر خيرهم علي مانجيب الشنط
وخرجت بها
باسم:صلاه النبي احسن
بسمه:عليه الصلاه والسلام
لم الدور ف ليلتك اللي مش فايته دي
انا مش هستحمي ف الهباب ده تاني وزقته لترتدي ملابسها
باسم:طالما هنقعد هنا لازم تاخدي عليه مش عارفين هنخلص امتي
ودخل استحمي وهي رمت الماء وجدته علي الفرشه يدخن سيجاره ويسرح
بسمه:مالك
باسم:الفيرس ده مخلق بمعامل مش تحور طبيعي
بسمه:بمعني
باسم:يعني زي ماقال غلاب اكيد مخلق بمعامل اسرائيليه وهي اللي بوظت الزرع
بسمه:طب ليه
باسم:هدم اقتصاد من المحصول اللي هيدمر
وكمان تطبيع
بسمه:تطبيع ازاي
بيسو:هم مش هيعملو الفيرس الا لو له علاج لما ندمر يجبولنا العلاج وبكده مضطرين يبقي في تطبيع وتبادل بينا
بس مايعرفوش اني موجود
بسمه:بس ده في خطوره عليك لو عرفو انك لقيت العلاج هتبقي ضربه لهم وممكن يغتالوك
باسم:العمر واحد والرب واحد ماحدش بياخد اكتر من نصيبه يعني اسيبهم يدمرونا
بسمه:بس خد بالك من نفسك
وناما من اجل ان يستيقظا ويذهبا للاوتيل
أنت تقرأ
بيسو
Romanceشاب لايرغب بالزواج ويعيش شخصيات متعدد شخصيه الدلوع مع والدته والجاد مع والده وشخصيه علميه في عمله يجبر بالزواج من فتاه هي الاخري ترفضه ولكن ترضخ لتحكمات أبيها وسنري ماسيحدث وسيقابلها بأيه وجه من الثلاثه
