بيسو

بيسو 15

بيسو
الحلقه الخامسه عشر
رجعت بسمه مع باسم حجرتهما
بسمه:انا عاوزه اتطلق ياباسم مش هينفع نكمل سوا انا مش هستحمل ابقي هنا وانت مع واحده غيري مش هستحمل خيانتك بعد جواز نهي تطلقني ودا قراري
باسم:اتتي اكيد مجنونه مش طبيعيه
انا بحبك ومقدرش اعيش من غيرك
بسمه:وانا بحبك بس مش هتحمل خيانتك وانا عارفه انك مش هتستحمل انك تبقي معايا بس اكيد هتدور علي ستات غيري انا مش واثقه فيك وطالما انعدمت الثقه بينا يستحيل نعرف نكمل
وانهار باسم :وانا مش هطلقك يابسمه ونزل كالمجنون كانت امه لسه واصله ومع ابوه ف البهو
وهو نازل منهار يقول مش هطلقك يابسمه
امه:مالك يابيسو
بيسو:منار هانم بجلاله قدرها هنا
منار:في ايه ياولد بتكلمني كده ليه
بيسو:بلا واد بلا بت انا قرفت منكو ومن حياتي كل واحد بيعاند التاني ونسيتوني واستخدمتوني ف عندكو انتي تشديني نحيتك وعيزاني زي البنوته وانا اهاودك وهو يشدني ناحيته ويجوزني غصب واهاوده حتي الانسانه اللي حبيتها وكنت خايف احب عشان ماكررش ماساتكو عاوزه تطلق مش واثقه فيا
حرام بقي كفايه انا تعبت منكو كلكو انا مش هعيش غير لنفسي بس انا هسافر بره وسيبهالكو مخضره عاندو ف بعض من غيري بقي
وتستمع بسمه لكلامه وتبكي
وايضا والدته بعد ان خرج كانت تجري وراءه اوقفها والده مش انتي اللي هترجعيه مراته اللي هترجعه
ابوه:اجري ورا جوزك الحقيه بدل مايعمل ف نفسه حاجه
وتجري تركب بجانبه السياره
طب لو عاوز تسيبني هتسيب ابنك
باسم ينتبه:ابني مين
بسمه:انا حامل ومارضيتش اقولك عشان ماتتمسكش بيا وترفض تطلقني
وقبل ان يتفوه جاءته رصاصه فانزلها بيده ونزل ف الدواسه حتي ينتهي وابل الرصاص وهي ف الاسفل تري الدماء عليه فخلعت الشال وسدت به الدماء
بسمه:ماتسبنيش ياباسم انا وابنك مقدرش اعيش من غيرك انا اول مااسمعت انك هتسافر كنت هجنن
باسم:كنتي عاوزه تطلقي هتبقي ارمله ياختي
اررك دكر ياختي
منك لله انتي وإسرائيل اشوفيكو يوم يابعيده
يابت شوفي حد يسوق المخروبه دي دمي بيتصفي عاوزه تموتيني وتورثي انتي واينك
بسمه:ياعم الاصابه ف كتفك هتعملنا فيها ميت
باسم:عوزاها ف قلبي ياجزمه
كان ابوه قد اتي مسرعا بعد اطﻻاق النيران واسندوه لعربه اخري واخذته في حضنها فبدا يغيب عن الوعي لانه نزف كتير
بسمه:حبيبي فوق ماتسبنيش انا اسفه مش هقولك طلقني تاني بس فوق يلا بسرعه ياعمي
واسندوه وظل ف العمليات واخذو اكياس دم ممن وجدوه نفس الفصيله وخرج اخيرا من العمليات
واتجه للعنايه ودخلت بسمه وكان لم يستفق بعد
بسمه:الف سلامه ياروحي ربنا يخليك ليا ولا يحرمنيش منك ابدا وانت اللي تربي ابنك يارب
بدا يستقيق
فوجدها تبكي وتدعو له
بيسو:ماشي يام محمد بتخبي عني محمد
بصوت متعب
بسمه:حمد الله ع السلامه ياحبيبي ربنا يخليك ليا ولابنك بس انا عاوزه مازن
بيسو:بقي عاوزه تبدلي اسم الرسول مع مازن مين مازن دا يابت
بسمه:دا المشرف بتاعي
باسم:من بكره تغيريه مش هيشرف عليكي تاني
بسمه:دا راجل كبير والله
باسم:هو طلعت مني ام محمد قدام صافي اهو تلاقي ربنا ماحبش يطلعني كذاب ومحمد جه ف الوقت ده
بسمه:انت يعني عاوز تنرفزني وتجبلي سيرتها
باسم:مانتي جايه تقولي مازن المشرف بتاعي
بت اطلعي بره انا اتخنقت منك هتموتيني في واحده تنرفز جوزها وهو علي فراش الموت يحتضر كده
بسمه:انت هتستهبل دي جت ف دراعك
باسم:قومي ياجزمه من هنا واما اقوم ليكي علقه
كان نفسك اموت قال ف دراعك دا انا دمي اتصفي وانتي خايفه تخرجي تنادي حد ليطوخوكي
بسمه:هو العمر بعزقه اهو حد يستني يربي الواد
باسم:انا هنادي لحد من الممرضات يشيلك من ادامي بدل مااموتك بايدي
وانتقل لغرفه اخري عاديه وجاء امه وابوه
امه:انا اسفه ياحبيبي احنا كنا انانيين فعلا ومافكرناش الا ف نفسنا بس اما تطلع هنعوضك
انا هنقل مع ابوك واسيبلك شقتي انت وبسمه تعيشو فيها او تبعها وتجيب واحده جمب شغلك
يقبل يد امه:انا اسف ع الكلام اللي قلته حقيقي ماكنتش ف واعيي انا كنت ف حاله انهيارتام وربنا عاقبني عشان رفعت صوتي عليكو
ابوه:لا ياحبيبي انت كان عندك حق ف كل اللي قلته وماتنساش انك رجعتلي امك
بيسو:عيش يامان
ابوه:ولد احترم نفسك
بيسو:هههه مش قادر اضحك
حد يضحكلي سلف