★الكاتبه : Remas
ـ •┈┈┈••✿❂✿••┈┈┈
4:34 مسائاً
*هيلانا : گعدت ب4 نزلت لحگت بابا امبدل وگاعد يشرب چاي وماما تسولف وياه رحات بوست بابا وماما ورحت للمطبخ فتحت الثلاجة اخذن سلطه باليمون والكرفس والخيار مسويتهة ماما بس كولش طيبه (معلومة عني اني احب الليمون كولش جميع انواع الحوامض ما اقاومهن عكس داليا تحب الككو )
اخذت الكاسة ورحت گعدت يم بابا وماما واكول واغمض عيني من الحموضة بابا وقتهة فاطس عليه من الضحك.
*سلمان : هههههه لج بابا شموازيج ماكلته.
*هيلانا : وهية تغمض عين وتفتح عين احبه احبه
*سبرانا : ههههه انته متعرف بتك ما تقاوم الحموضة
ضلو يضحكون ويسولفون وشوي واجت مينا
*مينا : وهية تفرك عينهة لان جانت نايمه مساء الخير
*سلمان و سبرانا و هيلانا : مساء النور
راحت مينا تكرفصت بحضن ابوها شلون الي تريد تكمل نومتهة بس بحضن ابوها
*سلمان : ههههه لج بابا صحصحي وهوا يلعب بشعرها.
*مينا : امممم خليني انام.
*سبرانا : ههههه وين راحت داليا عنج جان صنفتج تصنيف.
*مينا : من سمعت بداليا گوعدت وباوعت لابوها وامها ذكرتوني بداليا بابا والله ميصير هيج هاي البنيه ازعاج گولهة لاا تدنة يمي كلما تشوفني اقرأ رواية تجي تطبطب فوگ راسي ومن انام تحوس يمي وهية تشكي لابوها عن اختهة.
*سلمان : ايي بابا غير اختج الصغيرة وتدلع عليج
*مينا : بس هية ما تدلع تزعج وهاي ازعاج علي حاجيهة بالكي والله بالبيت الجديد تكف مني.
*سلمان : الله كريم تكبر وتعقل.
المهم ضلينة نسولف شوي وبابا سلمان گام
*هيلانا : بابا وين رايح.
*سلمان : حبيبتي عندي كم شغلة هنا اخلصها وهاا ب6 بدلن وكملن علمود نطلع نتعشة برة.
*سبرانا : ماشي حبيبي هم لازم نشبع من البصرة.
طلع سلمان وباس سبرانا من راسهة وراح يخلص شغلة بالبصرة علمود من ينتقل لبغداد ما عندة شي
(سلمان يشتغل ضابط يداوم بغداد بس كل اربع ايام يجي للبصرة يشوف مرتة وبناته )
*هيلانا : من طلع بابا اني لزمت الموبايلي وراسلت صديقاتي وخبرتهن انو راح ننتقل لبغداد وحيل ضاجن لان ما راح يگدرن يجلي ولاا اني اگدر كل فترا اروحلهن بس احاول اكلم بابا كول فترا يجيبني.
5:30 مسائاً
گعدت داليا فكت الباب ولحگت سبرانا.
*سبرانا : گعدتي صعدت اگعدج علمود تحضرين روحج نطلع.
