★الكاتبة : Remas
ـ •┈┈┈••✿❂✿••┈┈┈•
ضلينة نضحك ونسولف شوي وطبن نبأ وسارة وزهراء وضحى وسرة.
*سرة : هاا يالخاينات گاعداة هنا وعايفاتنة يم العجايز.
*داليا : محد گلج ضلي گاعدة تتمضيگين 😏 .
*سرة : اجاوزج باخلاقي ايي شلونج هيلانا والله طلعتي احلة من الوصف.
*هيلانا : الحمد لله حبي لا يابة مو لهل درجة.
*زهراء : اذا انتي تشوفين روحج مو كلش حلوة چا تشوفينة قرودة بضحكة.
*الكل : ههههههه
*ضحى : خوش انتن ابوجن وامجن تقبل تلبسن هيج.
*مينا : اي شبي لبسنة.
*وديان : قصدهة هيج بناطير ومكياج وداليا مفرعة.
*هيلانا : عادي ما بيهة شي يقبلون اصلاً بابا وماما ما يدخلون بلبسنة ومكياجنة ابد احجي بگلبي اگول ليش من اجيت لحد هسة كوليتهم صافنين بلبسي وبشكلي.
*سارة : هنيالج احنى ما يقبلون اله صاية وكون عريضة ومكياج ممنوع منة نحط بالبوگات.
*هيلانا : لا يابة وين عايشين عادي ترى البنية باخلاقها مو بلبسهة ومكياجهة.
*وديان : اي صح بس عدنة ممنوع.
استغربت لتفكيرهم ما توقعتهم يمنعون هاي الاشياء الحمد لله بابا سلمان مو هيج تفكيرة،شوي ودخلت بنين بت عموو جاسم.
*بنين : هاي شنو الحلوات هنا گاعدات.
*هيلانا : عيونج الحلوة وهم گعدت يمنة تسولف ونضحك وسولفتلنة ع زوجهة وهية اكبر مني بسنتين وبتهة تخبل گلساع وابوسهة والجرها من خدودهة مال گرط انفك الباب ودخلت ابتهال بس تحجي بعصبية ومن ورا خشمهة.
*ابتهال : شنو گاعدات هنا وعايفات الشغل علي تعالن نزلن امي نهاد تصيحلجن علمود نصب الغدة، عافت الباب مفتوح ونزلت قبل لنحجي.
*بنين : وگرص جگد شايفة روحهة.
نزلنة اني نزعت شالي وخليتة ع جتفي ومينا نفس الشي دخلنة للمطبخ وردت اساعد البنات ما قبلن گالن:
*بنين : لاا هيلانا انتن وخواتج گعدن لان تعبانات.
*سرة : جياتجن هواي ع غير مرة نكربجن.
*هيلانا : هههه عيني والله ما اعرف اگعد بدون شغل گللي خل اساعدجن.
*وديان : ماشي گعدي وسولفينة عنج هاي تعتبر هم شغل.
*هيلانا : هههه جديدة بس يالله ميخالف گعدت وهنة يسئلن واني اجاوب ونسولف شوي واجن بنات بابا زمرد واماني.
*أماني : هاا بنات محتاجات مساعدة شي تردن اسوي.
*وديان : اذا بيج حيل طلعي الخواشيگ وغسليهن.
