من لحظه دعاء قالت دا عبد الله انا تقريبا م كنت مستوعب،،قلتا ليها عبد الله منو؟الولد وقف و مستغرب زاتو انو كيف عرفتو،،قالت لي دا عبد الله حبيب قمر،،قمتا مشيت عليهو،،هو كبير يعني عمرو ظاهر عليهو 27_26 سنه كدا،،وانا عشان زول رياضي ممكن عادي ببنيه انتهي منو😂وهو ضعيف ومعصعص زاتو😂😂وزاتو اطول منو انا..
قلتا ليهو مرحبا وانا بعاين ليهو جوه عيونو،،الشباب المعاهو قالو ليهو ماشين الدكان وجايين،،طوالي مشوا(خوافين😂)مسكتو من فنيلتو،،ههه انت حبيب قمر؟؟قال لي قمر منو ي زول،،
قلتا ليها بي همس قمر الاغتصبوها،،موش انت كنت بتقول كدا؟؟ الزول دا عررقق وشو بقى شاحب عديل،،
وديتو ليك بوكس في وشو لمن رعف،،بقيت بضرب فيهو،،انت ي.....قايل انو م عندها اخوان؟ولا م قايل عندها ضهر؟؟انا الليله بوريك رجالتك حدها وين..
قام جا مسكني من يدي وضغط عليها،،قال لي انت قايل نفسك شنو؟قايلني قدرك انا؟ قمتا تفيت في وشو،،قام فكاني وبقى يمسح في التفاف😂😂😂
نمر جا وبقى يضربو معاي وهو م فاهم حاجه..
ضربناهو ضرب لمن م قدر يمشي،،قلتا ليهو لسه بينا حساب تاني م خليتك انا😏💔،،قال لي انت منو،،
قمتا نزلتا ليهو في الارض لانو هو كان راقد في الارض،،قعدتا علي ركبتي وقلتا ليهو انا اخوها،،قال لي هي م عندها اخوان،،قلتا ليهو اخوها بي ابوها،،
عفصتو بي رجلي وقمتا،،قلتا ليهو ورينا الاصدار الجديد من الرجوله كويس؟عشان انا بعرف احدثا ليك بي طريقتي😏💔،،مشينا خليناهو واقع،،
قلتا لي دعاء اها ارح وريني البيت الكانت قاعده فيهو،،بقيتا ماشين لحد نهايه الشارع وقفنا في عماره،،ضربتا الجرس مرتين،،فتحت لينا الباب مره عمرها بكون ف40..قلتا ليها السلام عليكم،،قالت لي وعليكم السلام،،قلتا ليها دا موش البيت الكانت قاعده فيهو قمر؟؟ المره عاينت لي باستغراب،،قالت لي قمر منوو؟قلتا ليها قمر عماد حسين،،قالت لي ااي وهي لسه مستغربه،قلتا ليها انا اخوها وجاي استفسر اي حاجه عن قمر اختي لانو مفقوده،،
قالت لي جداً اتفضل،،قمنا دخلنا ودعاء شغاله تقول اريتو حالي ي يمه..بيت زي الجنه،،ناسو عاملين زي صباح العيد😍💜احيييييي ي لطيف 😂😂
دخلتنا الصاله ونادت راجلا سلم علينا وقعد،،انا كنت بتكلم وبعاين ليهو جوه عيونو ،،
المره جات وقعدت بعد ضيفتنا،،قالت لي والله قمر دي بت ماشاء الله عليها بت ناس والله💜بت ادب واخلاق ،،قلتا ليها انا عرفتا انو في زول شوه سمعتا في الحله هنا،،قالت لي ااي لكن والله الناس كلها م مصدقه لانو كانت ظريفه شديد وزوله ملتزمه بصلاتها وحجابها،،وم بتسمع منها الا كل كلمه طيبه💜،،قلتا ليها
طيب قمر قالت انو انتو لقيتوها واقعه في الخلاا صح؟الراجل صلح قعدتو وقال احم،،قال لي ااي،،قلتا ليهو ممكن تشرح لي كيف لقيتوها؟؟
قال لي كنا في الجنوب احنا وكنا راجعين هنا ولقيناها في الطريق ،،قلتا ليهو طيب معقوله م يكون في زول مر بالحته دي قبليك؟؟
قال لي لالا مافي لانو لو في كان شالوها،،قلتا ليهو اممم..
قمتا عاينتا لي دعاء عشان تتكلم،،قالت ليها ممكن ي خالتو. اشوف قمر كانت بتنوم وين وغرفتها وحاجاتها لانو يمكن من بين الحاجات دي نلقى لينا حاجه تدلنا على قمر لانو مختفيه هي،،قالت ليها جداً وقامو،،
الراجل قال لي انت اخوها؟قلتا ليهو ااي،،قال لي البت ليها سنتين مختفيه انت عايز تفتشها ي داب؟؟
قمتا ضحكتا ،،هو اتوتر،،قلتا ليهو
انت عرفتا كيف انو هي مختفيه ليها سنتين؟انا م جبتا ليك سيره انت عرفتا كيف؟قال لي بتوتر،،لالا بس عشان لمن مشت مننا ليها سنتين،،قلتا ليهو اممم
قلتا ليهو اسمك منو ي خال..قال لي اسمي ابراهيم..
قلتا ليهو وانا امجد..قال لي اهلين بيك💜
بعد شويه جات طالعه دعاء قلتا ليهم اسفين علي الزياره المفاجئه وفرصة سعيده،،وطلعنا طوالي...
قلتا لي دعاء اها لقيتي شنو؟
قالت لي مفتاح حقها وقلم،،بس
قلتا ليها هسى ديل اعمل بيهم شنو؟قالت لي والله تاني ماف اي حاجه،،قمتا قلتا ليها اديني المفتاح،،شلتو لقيتا ناحتا فيهو كلمه وطني💕(قمر دي متخلفه ولا شنو؟ دي شنو الحاجات دي😣)
قلتا ليها جيبي القلم،،ادتني ليهو وكسرتو كلو كلو،،
لقيت فيهو حاجه كدا ملفوفه..
د شنو؟؟دعاء قالت لي دا شكلو عمل😂😂قلتا ليها بتعرفي ليك شيخ هنا؟ قالت لي ارح الجامع داك،،
دخلنا الجامع ولقينا راجل كبيير بقرا في قران، سلمنا عليهو قلتا ليهو لو سمحتا ممكن تشوف لي د شنو؟
بعد شويه قال لي دا سحِر ،،قلتا ليهو بعمل شنو يعني؟
قال لي في زول عمل السحر دا انو م تتوفق في حياتك،،قلتا ليهو اعمل شنو عشان ازحو؟ الراجل قام مشى جاب حاجات كدا عجيبه وموية ملح،،قرا فيهم ورماها في موية الملح بعد شوية حرقها،،قلتا ليهو دا منو العمل السحر د؟
قال لي م بقدر اقول ليك لكن بتعرفو قريب،،قلتا ليهو طيب هسى كدا العارض ح يتفكا؟؟قال لي ان شاء الله،،
طلعنا منو ونمر قال لي ممكن تحكي لي، القصة لانو م ممكن اكون زي الاطرش في الزفة،،،بقينا ماشين ودعاء حكت ليهو اي شي،،قال ايواا كدا ي داب فهمتا،،طيب العمل السحر دا منو؟
معقوله زول يكون حاقد على ابوك للدرجه دي؟وقمر دي ذنبها شنو؟والله مسكينه ياخ،،
قلتا ليهو كونو فكينا منها العارض دا يمكن الله يفتحا علينا ونلقاها،،
لقينا كافتيريا دخلنا وقعدنا نفطر..
