لمن لقيت امجد واقع والدم نازل منو ،،،طوالي فكيت الصرخه💔 ،،كنت في حالة صدمه وخاته يديني في راسي وبعاين،،،وطوالي جيت واقعه وتاني م حسيت بجسمي،،،بس بسمع اصوات ناس كتيييره بتتكلم،،لكن الصوت بعيد،،فجاءه سمعت صوت احمد صاحب امجد،،كان بتكلم وقال ليهم ارفعوهم سرييع،،دخلهم العربية سريع،،اسمع ي مؤيد كلم ناس البيت سريع والقني في المستشفى،،..بعدها تاني م سعتا صوت،،،💔،،
لمن صحيت لقيت امي جمبي وبتبكي وماسكه المصحف،،قلتا ليها بصوت تعبان اميي!💔،،عاينت لي بخلعه وقعدت جمبي،،بقت تهبش وشي وهي م مصدقه،،،لقيت مركبين لي درب،،قعدت تبكي بصوت وحضنتني وقالت حمدلله على سلامتك عين السواد والرماد ي يمه😭😭😭💔،،قلتا ليها امي الحمدلله انا كويسه،،بس امجد وين؟،،قالت لي امجد كويس وقامت طلعت برا الغرفه،،ان حسيتها كذابه وطوالي فكيت الدرب وطلعتا برا الغرفه،،لاقيت اخوي،،لمن عاين لي اتصدم وجاني حضني في المستشفى،،قال لي حمدلله على السلامه💔قلنا تاني م بتقومي من الوقعه ديك،،قلتا ليهو ياتو وقعه؟،،قال لي وقعتي وانضربتي بالارض،،الحمدلله انك قمتي💔،،قلتا ليهو جبتوني متين؟قال لي لينا اربعه يوم هنا ولا انتي ولا راجلك م عايزين تقومو،،قلتا ليهو شنو؟ اربعه يوم؟ وامجد كيفو؟،،قام سكتت وقال لي كويس،،قعدتا ابكي وبقيت بضرب فيهو،،م تكذب ي رامي 💔امجد كيف؟قول لي سريييع😭😭😭💔💔قال لي طيب هدي اعصابك عشان م تقعي تاني،،قلتا ليهوو قول سريعم توترني💔💔💔قال لي امجد دخل غيبوبه وانضرب في راسو ضربه قوية وغير كدا فقد دم كتير💔،انا حيلي برد وبقيت شايفه عشرين عشريين😭💔💔💔،،رامي اخوي جاب لي موية،،،شربتا بعد تعب وقلتا ليهو ارح وديني ليهو،،💔قال لي طيب ارح،،وبقيت ماسكة فيهو وماشى ي الله ي الله💔،،،وصلنا الطابق الفوق ولقيت امي وخالتو منال وجد امجد وحبوبتو،،مسكتا في خالتو منال ووقعتا فيها بكا💔💔قالت لي م تبكي ي بتي كلو لي خير💔اصبري ي بتي💔 وانا زدتا في البكاء وخالتو منال غلبها تقعد،،نزلت تحت وخلتنا،،رامي قال لي تعالي،،وصلني قدام غرفه وقال لي خشي بس بدون ازعاج،،انا دخلتا وقفلتا الباب،،،لن عاينتا ليهو دموعي بتنزل بغزارة ولا إراديه💔بالجد منظر امجد والاجهزة حولينو يقطع القلب💔💔م قدرتا استحمل طوالي طلعتا💔💔،،اخوي اتخلع وقال لي متين شوفتيهو؟،،قلتا ليهو رجعني البيت،،وامي واخوي وجد امجد وحبوبتو وخالتو منال بعاينو لي باستغراب،،قالو لي امشي،،شكلهم كدا قالو انا جنيت،،او دا مفعول الصدمه،،،ركبتا مع اخوي العربية ومتحركين على البيت،،والطريق كلو ساكتين لحد م نزلتا،،قلتا ليهو انت ارجع انا عندي نسخة من المفاتيح،،قال لي تمام ولو احتجتي شي اضربي لي وتلفونك ختيو ليك في الشقه مع فيء،،،قلتا ليهو طيب💔،،،
دخلتا شقتنا ولقيت فيء بتحضر في التلفزيون،،جيت قعدتا جمبها ،،قالت لي كيف بابا؟ وعيونو مليانه دموع،،حضنتها علي وقلتا ليها بابا كويس وان شاء الله يقوم انتي بس قولي ي رب😭😭💜💜،،قالت لي ببرأءه ي رب قوم بابا وخلي يجي عشان يلعب معاي💜💜،،بستها في خدها وفضلتا حاضناها علي لحد ما نمنا الاتنين في الكنبه،،لمن صحيت،،شلتا فيء ورقدتها في سريرنا وخليتا نايمة،،،
،،،مشيت اوضيت ومسكتا المصحف وقريت سورة البقرة كلها وقريت يس،،،بعد انتهيت المغرب اذن،،،صحيت فيء،،واديتا عبايتها واتوضت وصلينا سوا💜،،قلتا ليها ارح ندعي لي بابا،،بقينا ندعي الاتنين💜،،،قالت لي اديني المصحف،،اديتو ليها وانا دخلتا المطبخ،،،كان في اكل في التلاجه سخنتو وكبيتو في صينيه،،ناديت فيء عشان تاكل بس م جاني رد،،مشيت ليها ولقيتا بتقرا في المصحف،،،جبتا الصينية جمبها واستنيتا لحد م انتهت،،قلتا ليها قريتي شنو؟قالت لي قريت سورة يس💜💜💜،،بستها في راسها مسااااافه وقلتا ليها حبيبتي انا💜يلا ارح ناكل،،مشت قلعت العباية وقدنا ناكل،،،قالت لي انا مشتاقة لي بابا شديد💔من ما انا صغيره كنت مستنياهو يجيني عشان يلعب معاي،،وهسى لمن لقيتو مشى خلانيي😭💔💔،والله جملتا دي قطعت قلبي وقعدتا ابكي وضميتا علي،،قلتا ليها بكره نمشي لي بابا سوا وان شاء الله ح يبقى كويس ويجي💜،،قالت لي متاكده؟قلتا ليها انتي قولي ان شاء الله💜💜،،
