مشيت لي عاطف عشان يوريني طريقه الشغلل،،،،كنا قاعدين في المكتب وفجاءه جا داخل راجل كدا،،،نهائي شكلو م غريب علي،،،قال لينا اسف للمقاطعه م كنت عارف انو الاستاذ عندو ضيوف،،،عاطف قال ليهو تعال تعال،،،خش واقفل معاك الباب،،قام دخل وقعد في الكرسي جمب عاطف وبقى مقاصدني،،،انا بس بعاين ليهو عشان اتذكر اني شفتو وين؟،،،،عاطف قاليهو والله زولنا دا قال طريقة الشغل صعبه وانا من جبيل بحاول اسهلا ليهو،،،وبما انك من امهر الناس هنا محتاجين مساعدتك💕قام الراجل نطتت عيونو واتخلع،،،،قا ليهو شنووو؟عايز تشغل دا؟وبقى متوتر،،،قلتا ليهو اي فيها مشكلة لو اشتغلتا يا استاذ ابراهيم؟😉♥(عرفتو ابراهيم دا منو؟دا الزول الكانت قاعده معاهو قمر هو ومرتو في بورتسودان)
قاال لي انت اخو قمر؟قلتا ليهو ااي امجد☺💕قام على حيلو وسلم علي تاني ،،،عاطف قال لينا شكلو كدا انتو متعرفين مسبقا😂يلا م مشكلة ،،،اها يا استاذ ابراهيم تساعدنا؟قال ليهو م عندك مشكلة،،،قام عاطف من كرسيهو،،،وابراهيم قعد محلو،،،جاب الابتوب وبدا يشرح لي حبه حبه ومع كل شرح بديني تمرين عملي وبكدا بقى لي ساهل،،،بعد انتهينا شكرتو شديد💜💜💜💜💜💜💜 ،،،قلتا ليهو م بتعرف ليك زول شاطر شغال في التجارة،،،عاطف قال لي انا زاتي شغال تجاره،،،قلتا ماف طريقه تشغلني معاك عشان تكون اضافه شغل؟قال جدا م عندك مشكلة ومن الليله نبدا،،،قلتا يااخخي شكرا بالجد😍😍😍😍💜💜💜💜💜،،،
عاطف قال لي م ح اديك مكتب خاص الا تبقى ماهر في الشغل دا،،،،قلتا ليهو ماف مشكلة،،،قال لي التجارة دي انت ح تشتغل كالاتي:م عليك الا تعرض للناس الحاجات الح الاجيبا،،وح نقسم الربح بينا،،،وشوية شوية الناس ح تبدا تثق فيك وتاني اي زول يكون عايز يبيع حاجه طوالي بجيك وانت ح تربح فيهو بكميات،،قلتا ليهو تمام💜
فعلا بديت الشغل في الشركه وبعد دوامي ينتهي بمشي بعرض للناس الحاجات الجابا عاطف،،،وحتى ناس الشركة،،،شوية شوية شغلي بقى ماشي تمام وفعلا زي م قال عاطف تاني الناس بتجيني براها عشان ابيع ليها لانو معارفي والناس البتعامل معاهم كتاااار،،،
تميت سته شهور على الروتين دا ،،،،القروش العندي دي بقت عادي ممكن تشتري لي جامعه عديل😂والوقت دا كلو تواصلي بي رهف ضعيف عشان الشغل،،،
في يوم ضربت لي وقالت جايه الخرطوم الاسبوع الجاي،،،انا فرحتا وقلتا ليها تمام نتلاقى💜
مشيت شلتا شهادتي وطوالي سجلتا طب الخرطوم لانو نسبتي عاليه،،،وفعلا نزلتا الجامعه وكنت خايف القى واحد من اصحابي معاي في الجامعه،،،والحمدلله م لقيت زول،،،وتاني مشيت محل بتاع عربات مشهور وعرباتو سمحه و اشتريت لي عربية GXR😍💜(قلتا ليكم القروش العندي بتشتري جامعه😂✋) ،،،طوالي مشيت طلعتا رخصه،،اصلا فضل لي كم يوم واتم ال18سنه،،،اما الشغل بقى كلو بليل بس عشان الجامعه
قبل اليوم الح تجي فيهو رهف ضربتا ليها قلتا ليها ح تجي الساعه كم ومعاك منو؟قالت لي براي وبصل العصر كدا،،،قلتا ليها كيف يعني براك؟قالت لي م معاي زول وابوي في الخرطوم قلتا ليها تمام،،،لمن تصلي اضربي بجيك قالت لي طيب،،،
