خمارها أحيى دقات قلبي

7

ﻧﺎﺽ ﻭﺳﺎﻡ ﻣﻦ ﺑﻼﺻﺘﻮ ﻭﺟﺎ ﻭﻗﻒ ﺣﺪﺍﻳﺎ ﻛﻴﺸﻮﻑ ﻟﻮﺭﺍﻕ ﻟﻲ ﻛﻨﻬﻀﺮ ﻋﻠﻴﻬﻢ .. ﺟﻴﺖ ﻧﻬﺰ ﺭﺍﺳﻲ ﻟﻘﻴﺖ ﺣﺘﻰ ﺍﻧﺲ ﺩﺍﻳﺮ ﺭﺍﺳﻮ ﺣﺪﺍﻧﺎ ﻭﻛﻴﺸﻮﻑ ! ﺷﺎﻑ ﻓﻴﻪ ﻭﺳﺎﻡ : ﻛﺘﻔﻬﻢ ﻓﻬﺎﺩﺷﻲ؟ ﺟﺎﻭﺑﻮ ﻭﻋﻴﻨﻴﻪ ﻋﻠﻰ ﻟﻮﺭﺍﻕ ﻛﻴﺸﻮﻑ : ﻻ .. ﻏﻴﺮ ﻛﻨﺸﻮﻑ ! ﻭﺳﺎﻡ : ﺍﻳﻪ .. ﻣﺮﺣﺒﺎ ! ﺗﺨﺸﻴﺖ ﻓﺤﻮﺍﻳﺠﻲ ﻭﺗﺰﻧﯖﺖ . ﺍﻧﺲ ﻫﺎﺩ ﻟﻤﺮﺓ ﺯﺍﺩ ﻓﻴﻪ،ﻧﻤﻮﺕ ﻭﻧﻌﺮﻑ ﺍﺵ ﻗﺎﻟﻮ ﻟﻴﻪ ﺍﻟﺪﺍﺭ .. ﻣﺎﻣﻮﺍﻟﻔﺶ ﻳﻜﻮﻥ ﻫﺎﻛﺪﺍ ! ﻭﺳﺎﻡ ﺣﺲ ﺑﻠﻲ ﺷﻲ ﺣﺎﺟﺔ ﻣﺎﺷﻲ ﺣﺘﺎﻝ ﺗﻢ،،،ﻭﻟﻜﻦ ﻣﺒﻐﺎﺵ ﻳﻌﻄﻲ ﻻﻣﺮ ﺍﻫﻤﻴﺔ،، ﻭﺑﺪﺍ ﻛﻴﻬﻀﺮ ﻣﻊ ﺍﻧﺲ ﻋﻠﻰ ﻟﻘﺮﺍﻳﺔ : ﺍﻳﻮﺍ ﺍﺳﻲ ﺍﻧﺲ ﺍﺵ ﺩﺭﺗﻲ ﻫﺎﺩﺍﻙ ﻟﻌﺎﻡ،،ﻳﺎﻙ ﻟﻌﺎﻡ ﻟﻮﻝ ﻓﻼﻓﺎﻙ ! ﻧﺠﺤﺘﻲ ﺟﺎﻭﺑﻮ ﺍﻧﺲ : ﺑﻘﺎﻭ ﻟﻴﺎ 4 ﻣﻮﺩﻳﻼﺕ " 4 ﻣَﻮﺍﺩ " ﻭﺳﺎﻡ ﻭﻫﻮ ﻛﻴﺪﻳﺮ ﺭﺍﺳﻮ ﻣﺼﺪﻭﻡ : ﻭﺍﻳﻠﻲ، 4 ﯕﺎﻉ؟ ﻋﻄﺎﻭﻙ ﺩﻭﺯ ﺭﺍﻃﺮﺍﺑﺎﺝ .. ﻭﻻ ! ﺍﻧﺲ : ﻛﻴﻒ ﻋﻄﺎﻭﻧﺎ ﻛﻴﻒ ﻣﺎ ﻋﻄﺎﻭﻧﺎ .. ﻭﺳﺎﻡ : ﻭ ﺟﻤﻊ ﺭﺍﺳﻚ،ﻭﺯﻋﻤﺎ ﻛﺘﺒﺎﻥ ﻓﻴﻚ ﻣﻨﯖﻮﺽ ﻭﻗﺎﻓﺰ " ﻭﺑﺪﺍ ﻛﻴﻀﺤﻚ ! ﻭﺍﺧﺔ ﺍﻟﻨﺘﻴﺠﺔ ﺩﻳﺎﻝ ﺧﻮﻳﺎ ﺷﺒﻪ ﻣﺸﺮﻓﺔ ﻻﻧﻪ ﻋﻠﻰ ﺍﻻﻗﻞ ﻧﺠﺢ ﻑ 2 ﻟﻤﻮﺍﺩ ! ﻭﻛﻴﺨﺎﺹ ﻳﺒﻘﺎ ﻓﻴﺎ ﻟﺤﺎﻝ ﻟﺤﻘﺎﺵ ﻣﻨﺠﺤﺶ ﻓﻜﻠﺸﻲ .. ﺟﺎﺗﻨﻲ ﺍﻟﻀﺤﻜﺔ ..^^ ﺷﺎﻑ ﻓﻴﺎ ﻭﺳﺎﻡ : ﺑﺎﻳﻨﺔ ﻋﻠﻴﻚ ﺩﺧﻠﺘﻲ ﻟﻤﻮﺍﺩ ﻛﺎﻣﻠﻴﻦ ﻓﻠﻌﺎﻡ ﻟﻮﻝ ! ﺍﺣﻤﺪ ﻛﺎﻥ ﺳﺎﻛﺖ ﻭﻗﺎﻃﻊ ﻟﺤﺲ ﻭﺣﺎﺩﺭ ﺭﺍﺳﻮ ﻛﻴﻠﻌﺐ ﻓﺎﻟﺘﻴﻠﻴﻔﻮﻥ،ﻏﻴﺮ ﺳﻤﻊ ﻭﺳﺎﻡ ﻭﻫﻮ ﻳﺠﺎﻭﺏ : ﺍﺷﻤﻦ ،،ﺍﻧﺎ ﻋﺎﻗﻞ ﻣﻨﺠﺤﺎﺗﺶ ﻓﺤﺘﻰ ﺣﺎﺟﺔ !.. ﺿﺤﻚ ﻭﺳﺎﻡ ﻭﺩﻭﺯ ﺍﻳﺪﻳﻪ ﻋﻠﻰ ﺷﻌﺮﻭ : ﻫﻬﻪ ﻭﻋﺎﻗﻞ ! ﺟﺎﻭﺑﻮ ﻭﻟﻬﺪﺭﺓ ﻛﺘﺴﺒﻖ ﺣﺮﻛﺔ ﺍﻟﺘﻨﻔﺲ ﻋﻨﺪﻭ : ﻋﺎﻗﻞ،ﻫﺎﺩﺍﻙ ﻟﻌﺎﻡ ﻣﺴﺎﻓﺮﻧﺎﺵ ﻻﻧﻬﺎ ﻣﻨﺠﺤﺎﺗﺶ ﺍﻧﺎ ﻧْﺪﺏ ﻭﻻ ﺍﺷﻨﺪﻳﺮ،،ﺍﻧﺎ ﻟﻲ ﺟﺎﻳﺒﺔ ﻣﻌﺎﻳﺎ ﺍﻟﺸﻮﻫﺔ ﺣﺘﺎﻝ ﻫﻨﺎ .. ﺍﻧﺎ .. ﻧﺴﺘﺂﺁﺁﻫﻞ ﺯﻳﺪﻭﻧﻲ ! ﻳﺎﻻﻩ ﺑﺪﺍﻭ ﺑﻐﺎﻭ ﻳﺠﺒﺪﻭ ﺍﻟﻀﻮﺍﺳﺎ ﺩﻳﺎﻭﻟﻲ ﻭﺍﻧﺎ ﻧﻮﺽ .. ﻳﺎﻻﻩ ﻧﺮﺟﻌﻮ ﻟﻠﺪﺍﺭ ! ﻭﺳﺎﻡ ﻛﻴﻀﺤﻚ : ﻛﻤﻠﺘﻲ؟ ﺣﺪﺭﺕ ﺭﺍﺳﻲ ﻭﺗﻤﺸﻴﺖ ﻟﺠﻴﻬﺔ ﻟﺒﺎﺏ : ﻏﻨﻜﻤﻞ ﻓﺎﻟﺪﺍﺭ،ﻏﺪﺍ ﺍﻥ ﺷﺎﺀ ﺍﻟﻠﻪ ﻧﻤﺸﻲ ﻟﻤﺤﻜﻤﺔ ﻧﺸﻮﻑ ﻭﺣﺪﺓ ﺻﺎﺣﺒﺘﻲ ﺗﻄﺮﻕ ﻣﻌﺎﻳﺎ ﻫﺎﺩﺷﻲ،،ﻳﺎﻻﻩ ﺍ ﺍﺣﻤﺪ ! ﺍﺣﻤﺪ ﻣﺒﻐﺎﺵ ﺍﻳﻨﻮﺽ ،ﻋﻄﺎ ﻟﻮﺳﺎﻡ ﺍﻟﺘﻴﻠﻴﻔﻮﻥ ﻭﺗﻢ ﺟﺎﻱ،ﻛﻴﻒ ﺣﺮﺟﻨﺎ ﻣﻊ ﻟﺒﺎﺏ ﻭﻳﺎﻻﻩ ﻏﻨﺘﺎﻗﻢ ﻣﻨﻮ،،ﺟﺎ ﻭﺳﺎﻡ ﻛﻴﺠﺮﻱ : ﺑﻼﺗﻲ ﻧﻮﺻﻠﻜﻢ ! ﻗﻠﺖ ﻻﻧﺲ ﺑﺸﻮﻳﺔ : ﺍﻳﻼ ﺧﻠﻴﺘﻴﻪ ﺍﻭﺻﻠﻨﺎ ﻭﻟﻠﻪ ﻣﻨﻘﺎﺩ ﻟﻴﻚ ﻟﻴﻮﻡ ﻟﺤﺮﻳﺮﺓ ﺣﺸﻤﺘﻮ ﺑﻴﺎ ! ﻛﻴﻒ ﻭﺻﻞ ﻋﻨﺪﻧﺎ ﺟﺎﻭﺑﻮ ﺍﻧﺲ : ﻳﺎﻻﻩ ،،ﺑﺎﺳﻢ ﺍﻟﻠﻪ ﺭﻛﺒﺖ ﻓﺎﻟﻄﻮﻣﻮﺑﻴﻞ ﺍﻟﻠﻮﺭ ﺍﻧﺎ ﻭﺍﺣﻤﺪ ﻭ ﺍﻧﺲ ﻭﻭﺳﺎﻡ ﻟﻘﺪﺍﻡ ! ﻣﻘﺪﺭﺗﺶ ﻧﺼﺒﺮ ﺣﺘﻰ ﻧﻮﺻﻞ ﻟﻠﺪﺍﺭ ﻋﺎﺩ ﻧﻮﺭﻳﻪ ﻟﺨﻔﺔ ﻓﻠﻬﻀﺮﺓ ﻛﻴﺪﺍﻳﺮﺓ،ﻏﺎﺩﻱ ﻓﺎﻟﻄﻮﻣﻮﺑﻴﻞ ﻭﻳﺒﺮﻭﻝ،ﺷﺪﻳﺘﻮ ﻭﻗﺮﺻﺘﻮ ﻭﻏﻴﺮ ﺑﺸﻮﻳﺔ ! ﺯﺍﺩ ﻓﻴﻪ،ﺑﺪﺍ ﻛﻴﺒﻜﻲ ﻭﻳﺘﺮﻛﻞ : ﻗﺼﺤﺘﻴﻨﻴﻲ ،،ﺍﻧﺲ ﺣﻔﺼﺔ ﻗﺮﺳﺎﺗﻨﻲ  ﻏﻮﺕ ﻋﻠﻴﺎ ﺍﻧﺲ،،ﻭﺩﺍﺭ ﺷﺎﻑ ﻓﻴﺎ ﻭﺳﺎﻡ ﺑﻮﺍﺣﺪ ﻟﻮﺟﻪ،ﻛﻨﺖ ﻏﻨﺒﻜﻲ ﺣﺴﻴﺖ ﺍﻥ ﺧﻮﻳﺎ ﺍﻟﺼﻐﻴﺮ ﻛﻴﺤﯖﺮﻧﻲ ! ﺗﻌﻘﺪﺕ،ﻭﺩﺭﻭﺕ ﻭﺟﻬﻲ ﻟﺠﻴﻬﺔ ﻟﺒﺎﺏ ﻭﻫﻮﻣﺎ ﺑﻘﺎﻭ ﻛﻴﺴﻜﺘﻮ ﻓﻴﻪ
ﺗﻌﻘﺪﺕ،ﻭﺩﺭﻭﺕ ﻭﺟﻬﻲ ﻟﺠﻴﻬﺔ ﻟﺒﺎﺏ ﻭﻫﻮﻣﺎ ﺑﻘﺎﻭ ﻛﻴﺴﻜﺘﻮ ﻓﻴﻪ ! ﻳﻒ ﻭﻗﻔﺎﺕ ﺍﻟﻄﻮﻣﻮﺑﻴﻞ : ﻧﺰﻟﺖ ﺍﻧﺎ ﻟﻮﻟﺔ ﻭﺿﺮﺑﺖ ﻟﺒﺎﺏ ﺯﻋﻤﺎ ﺭﺍﻧﻲ ﻣﻘﻠﻘﺔ ! ﺩﺧﻠﺖ ﻟﻠﺪﺍﺭ : ﺍﻟﺴﻼﻡ؛؛ﻭﻋﻠﻴﻜﻢ ﺍﻟﺴﻼﻡ،ﻓﻴﻦ ﺧﻮﺗﻚ؟ ﺿﺮﺑﺖ ﻓﻴﻬﻢ ﻭﺩﺧﻠﺖ ﻟﺒﻴﺖ ﻛﻨﻐﺒﻦ ﺑﻘﺎﺕ ﺍﻣﻲ ﻛﻄﻞ ﻣﻦ ﻟﺒﺎﺏ ،ﺣﺘﻰ ﺩﺧﻞ ﺍﻧﺲ ﻭﺍﺣﻤﺪ ﻋﺎﻭﺩﻭ ﻟﻴﻬﺎ ﻛﻠﺸﻲ،،ﻭﺟﺎﺕ ﻋﻨﺪﻱ ! ﺩﺧﻼﺕ : ﻣﺎﻟﻚ ﺿﺮﺑﺘﻲ ﺧﻮﻙ؟ ﺩﻭﺭﺕ ﻭﺟﻬﻲ : ﻣﻀﺮﺑﺘﻮﺵ .. ﺧﻠﻴﻨﻲ ﻧﻌﺲ ﻋﻴﻴﺖ ﻭﺿﺎﺭﻧﻲ ﺭﺍﺳﻲ ! ﺑﻘﺎﺕ ﻛﺘﺴﻮﻝ ﻓﻴﺎ ﺍﺵ ﻭﻗﻊ ﻭﻋﺎﺩ ﺧﻮﺗﻲ ﻋﺎﻭﺩﻭ ﻟﻴﻬﺎ : ﻭﺻﺎﻓﻲ ﺍ ﺍﻣﻲ ﺭﺍﻩ ﺳﻤﻌﺖ ﺑﻮﺩﻧﻴﺎ ﻛﻴﻌﺎﻭﺩﻭ ﻟﻴﻚ،،ﻫﺎﺩﺷﻲ ﻋﻼﺵ ﻣﺴﻴﻔﻄﺎ ﻣﻌﺎﻳﺎ ﺍﻧﺲ ﺣﺘﻰ ﻫﻮ ،، ! ﺟﻠﺴﺎﺕ ﺑﺠﻨﺒﻲ : ﺧﻮﻙ ﻭﻳﻤﺸﻲ ﻣﻌﺎﻙ ، ! ﺧﺮﺟﺎﺕ ﻭﺍﻧﺎ ﺑﻘﻴﺖ ﻓﻠﺒﻴﺖ ﺳﺎﺩﺓ ﻋﻠﻴﺎ .. ﺟﺒﺪﺕ ﺍﻟﺘﻴﻠﻴﻔﻮﻥ ﻧﺠﺒﺪ ﻧﻤﺮﺓ ﺩﻳﺎﻝ ﺻﺎﺣﺒﺘﻲ ﻟﻲ ﺧﺪﺍﻣﺔ ﻓﻠﻤﺤﻜﻤﺔ،،ﺑﺪﻳﺖ ﻛﻨﻘﻠﺐ،،ﺍﻩ ﻧﺴﻴﺖ ﻛﺎﻧﺖ ﺳﻴﻔﻄﺎﺕ ﻟﻲ ﻣﻴﺴﺎﺝ ﻓﻴﻪ ﻧﻤﺮﺗﻬﺎ ﺟﺪﻳﺪﺓ،ﻳﺎﻻﻩ ﺩﺧﻠﺖ ﻛﻨﻠﻘﻰ ﻣﻴﺴﺎﺝ ﻣﻘﺮﻱ ﻣﻦ ﺑﻌﺪ ﻟﻤﻴﺴﺎﺝ ﻟﻲ ﻛﺘﺐ ﻟﻲ ﻭﺳﺎﻡ ﺩﻳﺎﻝ : ﺳﻤﺤﻲ ﻟﻴﺎ !! ﻛﻨﺖ ﻛﻨﻈﻦ ﺍﻧﻪ ﻃﻠﺐ ﻣﻨﻲ ﺍﻟﺴﻤﺎﺣﺔ ﻟﻼﻫﺎﻧﺔ ﻟﻲ ﺗﻌﺮﺿﺖ ﻟﻴﻬﺎ ﺑﺴﺒﺒﻮ،ﻭﻻ ﻟﻬﺪﺭﺓ ﻟﻲ ﻗﺎﻝ ﻟﻴﺎ ﺍﻭﻝ ﻧﻬﺎﺭ .. ﻭﻟﻜﻦ ﻗﺎﻝ " ﺳﻤﺤﻲ ﻟﻲ .. ﻣﻌﺮﻓﺘﺶ ﻋﻼﺵ ﺑﺎﻟﻀﺒﻂ .. ﻛﻨﺤﺲ ﺑﺎﻟﺬﻧﺐ " ﻓﻬﻤﺖ ﺩﺍﺑﺎ .. ﻋﻼﺵ ﺍﻟﺪﺍﺭ ﺩﺍﺭﻭ ﻫﺎﺩ ﻟﺤﺎﻟﺔ،،ﻭﻫﺪﺭﺓ ﺍﻣﻲ .. ﺩﺭﺕ ﻣﺎﻓﺮﺍﺳﻲ ﻣﻴﺘﻌﺎﻭﺩ ﻭﺧﻠﻴﺖ ﺍﻻﻣﻮﺭ ﻛﻴﻔﻤﺎ ﻫﻲ،ﺗﺎﺻﻠﺖ ﺑﺼﺎﺣﺒﺘﻲ ﻭﺗﺎﻓﻘﺖ ﻣﻌﺎﻫﺎ ﻧﺪﻭﺯ ﻋﻨﺪﻫﺎ ﺍﻟﺼﺒﺎﺡ ﺑﻜﺮﻱ ﻣﻊ 8 ﺻﺒﺎﺡ ! ﻓﻠﻌﺸﺎ .. ـ ﺍﺑﻲ،ﻏﺪﺍ ﺍﻧﻤﺸﻲ ﻟﻤﺤﻜﻤﺔ،ﻋﻨﺪ ﺳﻌﺎﺩ ! ﻳﻤﺸﻲ ﻣﻌﺎﻳﺎ ﺍﺣﻤﺪ ﻭ ﺍﻧﺲ؟ ﺟﺎﻭﺑﻨﻲ ﺍﻧﺲ : ﻭﺳﻴﺮﻱ ﻏﻴﺮ ﺑﻮﺣﺪﻙ ﺍﻭ 8 ﻣﺎﻟﻨﺎ ﻓﺎﻟﺒﺤﺮﻳﺔ،،ﻏﻨﺼﺒﺢ ﻧﺎﻋﺲ ! ﺟﺎﺑﺘﻮ ﺑﺸﻮﻳﺔ : ﻟﺒﺤﺮﻳﺔ ﻛﻴﻔﻴﻘﻮ ﻑ 5 ﺻﺒﺎﺡ ﺑﻼﺵ ! ﻗﺎﻃﻌﺎﺗﻨﺎ ﺍﻣﻲ : ﺣﻔﺼﺔ ﺣﺸﻤﻲ ﺷﻮﻳﺔ،ﺍﺣﻤﺪ ﺍﻳﻤﺸﻲ ﻣﻌﺎﻙ ! ﻣﻊ 7 ﺻﺒﺎﺡ : ﺍﺣﻤﺪ ﻧﻮﺽ ،،ﻭﻓﻴﻖ ﺍﻣﻲ،ﺍﺟﻲ ﺷﻮﻓﻴﻪ ﺭﺍﻩ ﻓﻘﺼﻨﻲ ﺍﻳﻤﺸﻲ ﻋﻠﻴﺎ ﻟﺤﺎﻝ ! ﺟﺎﺕ ﺍﻣﻲ ﻣﺒﻐﺎﺵ ﺍﻳﻔﻴﻖ،ﺑﺪﺍ ﻛﻴﺒﻜﻲ ﯕﺎﻉ،ﺷﺎﻓﺖ ﻓﻴﺎ : ﺻﺎﻓﻲ ﺳﻴﺮﻱ ﺑﻮﺣﺪﻙ،ﺩﺍﺑﺎ ﻧﻘﻮﻝ ﻟﻌﺼﺎﻡ ﻳﺪﻭﺯ ﻋﻨﺪﻙ ! ﺧﺮﺟﺖ ﻣﻦ ﻟﺒﻴﺖ : ﺻﺎﻓﻲ ﺑﻼﺵ ﺑﺴﻼﻣﺔ ﻗﺎﻟﺖ ﻟﻲ ﻭﻫﻲ ﻛﺪﺍﻋﺎ ﻣﻌﺎﻳﺎ : ﺍﻟﻠﻪ ﻳﻌﺎﻭﻧﻚ ،ﺭﺩﻱ ﻟﺒﺎﻝ ﻟﺮﺍﺳﻚ؛؛ﻣﻌﺎﺵ ﺗﺮﺟﻌﻲ؟ ـ ﻣﻌﺮﻓﺘﺶ ﻟﻮﻗﺖ ﻟﻲ ﺳﺎﻟﻴﺖ ﻳﺎﻻﻩ ﺑﺴﻼﻣﺔ ! ﻣﺸﻴﺖ ﻭﺻﻠﺖ ﻣﯖﻠﻮﺑﺔ ﺑﺎﻟﻄﻮﺑﻴﺲ،ﺩﺧﻠﺖ ﻋﻨﺪﻫﺎ ،ﻭﺭﻳﺘﻬﺎ ﻟﻮﺭﺍﻕ ؛؛ﺍﻩ ﺧﺎﺻﻚ ﻭﺍﺣﺪ ﻟﻮﺗﻴﻘﺔ ﺑﺎﺵ ﺍﻳﻜﻤﻞ ﻟﻤﻠﻒ،،ﺣﺎﻟﻮ ﺳﺎﻫﻞ،ﺟﻴﺒﻴﻬﺎ ﺩﺍﺑﺎ ﻣﺎﺣﺪ ﺍﻟﺴﻴﺪ ﻛﺎﻳﻦ ﻟﻴﻮﻡ ! ﺷﻔﺖ ﻓﻴﻬﺎ ﻭﻣﺎﻋﺎﺭﻓﺎﺵ ﻣﻨﻘﻮﻝ : ﻣﻌﻨﺪﻳــ .. ﺵ،ﺯﻋﻤﺎ ﻫﻲ ﻣﻮﺟﻮﺩﺓ ﻭﻟﻜﻦ ﻋﻨﺪ ﻭﺳﺎﻡ ! ﻭﻫﻲ ﻛﺘﺠﻤﻊ ﻟﻮﺭﺍﻕ ﻭﺳﻂ ﻟﻤﻠﻒ : ﻭﺳﺮﺑﻲ ﻋﻴﻄﻲ ﻟﻴﻪ ﺍﻳﺠﻴﺒﻬﺎ ﻭﻻ ﺍﻳﺸﻮﻑ ﺍﺵ ﺍﻳﺪﻳﺮ ! ﺷﺪﻳﺖ ﺍﻟﺘﻴﻠﻴﻔﻮﻥ ﻭﺑﺪﻳﺖ ﻛﻨﺘﺮﻋﺪ، ﺳﻌﺎﺩ ﻣﺎﻓﺎﻫﻤﺔ ﻭﺍﻟﻮ .. ﺟﺒﺪﺕ ﺍﻟﻨﻤﺮﺓ ﻭﺑﺪﺍ ﻛﻴﺼﻮﻧﻲ ﺗﻴﺖ ﺗﻴﻴﺖ ﺗﻴﻴﻴﻴﻴﻴﺖ .. ﺟﺎﻭﺏ : ﺃﻟﻮ .. ﺣﻔﺼﺔ؟ ﻏﻴﺮ ﺳﻤﻌﺖ ﺻﻮﺗﻮ ﺑﺪﺍ ﻗﻠﺒﻲ ﻛﻴﻀﺮﺏ : ﻧﺎﺭﻳﻲ،،ﻭﻃﻔﻴﺖ ﺍﻟﺘﻴﻠﻴﻔﻮﻥ ! ﺷﺎﻓﺖ ﻓﻴﺎ ﺳﻌﺎﺩ : ﻣﺎﻟﻚ؟ ﺟﺎﻭﺏ؟ ﻣﺎﺟﺎﻭﺑﺶ؛؛؟ ﺑﻘﻴﺖ ﺷﺎﺩﺓ ﻓﺎﻟﺘﻴﻠﻴﻔﻮﻥ ﻭﻛﻨﺤﺲ ﺑﻘﻠﺒﻲ ﻛﻴﺮﺟﻒ : ﺍﻩ .. ﻻ،، ! ﻋﺎﻭﺩ ﺻﻮﻧﺎ ﺍﻟﺘﻴﻠﻴﻔﻮﻥ ﺩﻳﺎﻟﻲ ،ﻗﻔﺰﻧﻲ ﺍﻟﺼﻮﻧﻴﺖ ،،ﺟﺎﻭﺑﺖ ﺑﻨﺒﺮﺓ ﻓﻴﻬﺎ ﺧﺠﻞ ﻭﺣﻴﺎﺀ : ﺳﻼﻡ ﻋﻠﻴﻜﻢ،،ﺑﻐﻴﺖ ﻟﻮﺭﻗﺔ ) ...( ﻭ .. ﻭﺍﺵ ﻣﻤﻜﻦ ﺗﺴﻴﻔﻄﻬﺎ ؟ ! ﺑﺼﻮﺕ ﻫﺎﺩﺉ ﻭﺭﺧﻴﻢ : ﻛﻴﻔﺎﺵ ﻧﺴﻴﻔﻄﻬﺎ؟ﻣﺎﻓﻬﻤﺖ ﻭﺍﻟﻮ ! ﻓﻴﻨﻚ ﻧﺘﻲ؟ ﺟﺎﺑﺘﻮ ﻭﺍﻧﺎ ﻛﻨﺘﻔﺘﻒ ﻭﻛﻨﺪﺧﻞ ﻭﻛﻨﺨﺮﺝ ﻣﻦ ﻟﻬﻀﺮﺓ : ﺍﻧﺎ؛؛ﺳﻴﻔﻄﻬﺎ،،ﻧﺎﻗﺼﺔ ﻣﻠﻘﻴﺘﻬﺎﺵ ﻣﻊ ﻟﻮﺭﺍﻕ ! ﺟﺎﻭﺑﻨﻲ ﻭﺻﻮﺕ ﺿﺤﻜﺎﺗﻮ،ﻛﻴﻮﺗﺮ ﺩﻗﺎﺕ ﻗﻠﺒﻲ : ﻫﻪ ﻭﺍﻟﻠﻪ ﻣﻔﻬﻤﺖ ﺷﻲ ﺣﺎﺟﺔ،ﻭﺩﺍﺑﺎ ﻏﻴﺮ ﻗﻮﻟﻲ ﻟﻴﺎ ﻓﻴﻨﻚ ﻧﺘﻲ؟ ! ﻗﻠﺖ ﻟﻴﻪ : ﻓﺎﻟﻤﺤﻜﻤﺔ ! ﺟﺎﻭﺑﻨﻲ ﻭﻫﻮ ﻣﺼﺪﻭﻡ : ﺍﻭ ﻣﻊ 8 ﻭﺭﺑﻊ ﺩﻳﺎﻝ ﺍﻟﺼﺒﺎﺡ ! ﺻﺎﻓﻲ ﺻﺎﻓﻲ ﺍﻧﺎ ﻧﺠﻴﺒﻬﺎ ﻭﻧﺠﻲ،، ! ﻗﻄﻊ ﺍﻻﺗﺼﺎﻝ ﻭﺍﻧﺎ ﺷﺪﻳﺖ ﺍﻟﺘﻴﻠﻴﻔﻮﻥ ﻭﺑﻘﻴﺖ ﻛﻨﺸﻮﻑ ﻓﻴﻪ ! ﺳﻌﺎﺩ ﻛﺘﺸﻮﻑ ﻓﻴﺎ ﻭﻛﺘﻀﺤﻚ : ﻫﻬﻪ ﻏﻨﺪﻳﺮ ﺭﺍﺳﻲ ﻣﺸﻔﺖ ﻭﺍﻟﻮ ! ﻣﺠﻮﺑﺘﻬﺎﺵ .. ﺑﻘﻴﺖ ﻛﻨﺘﺴﻨﺎﻩ ﺣﺘﻰ ﺟﺎ،ﺗﺎﺻﻞ ﺑﻴﺎ ﺧﺮﺟﺖ ﻟﻌﻨﺪﻭ : ﺍﻟﺴﻼﻡ .. ﻫﺎﻫﻲ ﺟﺒﺘﻬﺎ ! ﺑﻘﻴﺖ ﺣﺎﺩﺭﺓ ﺭﺍﺳﻲ : ﻭﻋﻠﻴﻜﻢ ﺍﻟﺴﻼﻡ .. ﺧﺪﻳﺘﻬﺎ : ﺷﻜﺮﺍ ! ﺿﺤﻚ : ﻧﺘﻲ ﻟﻲ ﺷﻜﺮﺍ ﻓﺎﻳﻘﺔ ﻣﻊ 8 ﺻﺒﺎﺡ ﻣﻘﺎﺑﻠﺔ ﻟﻲ ﺷﻐﻠﻲ ! ﻣﻌﺮﻓﺘﺶ ﺑﺎﺵ ﻧﺠﺎﻭﺑﻮ ﻣﻦ ﻏﻴﺮ : ﺍﻟﻌﻔﻮ ﻫﺎﺩﺍ ﻭﺍﺟﺐ ، ﺩﺧﻠﻨﺎ ﻟﻤﻜﺘﺐ ،ﻋﻄﻴﺘﻬﺎ ﺍﻟﻮﺭﻗﺔ،ﺩﺍﺭﺗﻬﺎ ﻓﺎﻟﻤﻠﻒ : ﺗﺴﻨﺎﻭﻧﻲ ﻫﻨﺎ،ﻫﺎﻧﺎ ﺟﺎﻳﺔ ﻧﺪﻳﻠﻴﻪ ﻫﺎﺩ ﻟﻤﻠﻔﺎﺕ ﻭﺣﺘﻰ ﻫﺎﺩﺍ ! ﻣﺸﺎﺕ ﻭﺧﻼﺕ ﻟﺒﺎﺏ ﻣﺤﻠﻮﻝ ! ﺟﺎﻟﺲ ﻗﺒﺎﻟﺘﻲ،،ﻋﻄﺮﻭ ﻛﻴﻌﺒﺮ ﻣﺴﺎﻓﺎﺕ ﺍﻻﺧﺘﻼﻑ ﺑﻴﻨﻲ ﻭﺑﻴﻨﻮ،،ﺣﺮﻛﺔ ﺍﻳﺪﻳﻪ ﻓﻜﻞ ﻣﺮﺓ ﻛﻴﺸﻮﻑ ﺍﻟﺴﺎﻋﺔ،،ﻭﺣﺮﻛﺔ ﺭﺟﻠﻴﻪ ﻟﻲ ﻛﺪﻝ ﻋﻠﻰ ﺍﻟﺘﻮﺗﺮ ﻧﺮﻓﺰﺍﺗﻨﻲ .. ﺧﻼﺗﻦﻱ ﻧﺘﻨﻔﺲ ﺑﺼﻌﻮﺑﺔ .. ﻭﺩﺍﺑﺎ ﺣﺘﻰ ﺣﺮﻛﺎﺗﻮ ﻭﻻﺕ ﻛﺘﺄﺛﺮ ﻓﻴﺎ) ﺟﻤﺎﻝ ﺫﺍﺕ ﺍﻟﺨِﻤﺎﺭ .. ﺣﻴﺎﺅﻫﺎ ﺟﺎﻟﺲ ﻗﺒﺎﻟﺘﻲ،،ﻋﻄﺮﻭ ﻛﻴﻌﺒﺮ ﻣﺴﺎﻓﺎﺕ ﺍﻻﺧﺘﻼﻑ ﺑﻴﻨﻲ ﻭﺑﻴﻨﻮ،،ﺣﺮﻛﺔ ﺍﻳﺪﻳﻪ ﻓﻜﻞ ﻣﺮﺓ ﻛﻴﺸﻮﻑ ﺍﻟﺴﺎﻋﺔ،،ﻭﺣﺮﻛﺔ ﺭﺟﻠﻴﻪ ﻟﻲ ﻛﺪﻝ ﻋﻠﻰ ﺍﻟﺘﻮﺗﺮ ﻧﺮﻓﺰﺍﺗﻨﻲ .. ﺧﻼﺗﻦﻱ ﻧﺘﻨﻔﺲ ﺑﺼﻌﻮﺑﺔ .. ﻭﺩﺍﺑﺎ ﺣﺘﻰ ﺣﺮﻛﺎﺗﻮ ﻭﻻﺕ ﻛﺘﺄﺛﺮ ﻓﻴﺎ ! ﺣﺎﻭﻟﺖ ﻧﺸﺘﺖ ﺍﻧﺘﺒﺎﻫﻲ ﻋﻠﻴﻪ،،ﺍﺳﺘﻐﻔﺮ ﺍﻟﻠﻪ ﺍﺳﺘﻐﻔﺮ ﺍﻟﻠﻪ،ﻟﻜﻦ ﻧﻔﺴﻲ ﻟﻲ ﺟﺎﻫﺪﺗﻬﺎ .. ﻭﺗﻔﻮﻗﺖ ﻋﻠﻴﻬﺎ،ﻫﺎﺩ ﻟﻤﺮﺓ ﺑﺪﺍﺕ ﻛﺘﺴﺎﻭﻣﻨﻲ . ﻭﻗﺮﺑﺎﺕ ﺗﻘﻨﻌﻨﻲ ﺍﻧﻲ ﻧﺮﻓﻊ ﺑﺼﺮﻱ .. ﻭﻧﺸﻮﻑ ﻓﻴﻪ ! ﻟﻜﻦ .. ﻣﻘﺪﺭﺗﺶ ﻓﺎﻻﺧﻴﺮ .. ﺣﺎﻭﻟﺖ ﻧﺘﺠﺎﻫﻞ ﺍﻱ ﺗﻔﻜﻴﺮ ﻣﺘﻌﻠﻖ ﺑﻴﻪ ،ﻭﻟﻮ ﺍﻥ ﻛﻠﺸﻲ ﻣﺘﻌﻠﻖ ﺑﻴﻪ،ﻟﺪﺭﺟﺔ ﺍﻧﻲ ﺗﻤﻨﻴﺖ ﻓﻠﺤﻈﺔ .. ﻭﻟﻮ .. ﻭﻟﻮ ﻗﻠﻴﻞ ﻣﻦ ﻟﻐﺒﺎﺭ ﻟّﻲ ﻛﻴﺴْﺒﺢ ﻣﻊ ﺍﺷﻌﺔ ﺍﻟﺸﻤﺲ ﻳﺘﻨﺎﺛﺮ ﻋﻠﻰ ﻗﻠﺒﻲ ﻭﻳﻐﻄﻲ ﺍﻱ ﺷﻌﻮﺭ ﻣﺘﻌﻠﻖ ﺑﻴﻪ ! ﺩﺍﺭ ﺭﺟﻞ ﻋﻠﻰ ﺭﺟﻞ،،ﻭﻗﺎﻟﻲ : ﺣﻔﺼﺔ .. ﺩﺧﻠﻲ ﺷﻌﺮﻙ ﻛﻴﺒﺎﻥ ! ﻣﻌﺮﻓﺖ ﺑﺎﺵ ﺗﺒﻠﻴﺖ ﺑﺪﻳﺖ ﻛﻨﺘﺮﻛﻞ ﻓﺒﻼﺻﺘﻲ .. ﻭﻛﻨﻐﻮﺕ : ﺩﻭﺭ ﻭﺟﻬﻚ ﻟﻬﻴﻪ ﻣﺘﺸﻮﻓﺶ ! ﺩﻭﺭ ﻭﺟﻬﻮ ﻭﺍﻧﺎ ﻛﻨﻌﺎﻳﺮ ﻓﺮﺍﺳﻲ .. ﺣﻴﺪﺕ " ﺩﺑﻮﺱ " ﻭﺑﺪﻳﺖ ﻛﻨﺰﻳﺮ،ﺣﺘﻰ ﻗﺠﻴﺖ ﺭﺍﺳﻲ،ﻭﺑﺎﺵ ﻣﺘﺨﺮﺝ ﺣﺘﻰ ﺷﻌﺮﺓ ! ﺩﺍﺭ ﻋﻨﺪﻱ ﻛﻴﺸﻮﻑ ﻓﻴﻬﺎ : ﺳﺎﻟﻴﺘﻲ؟ ﺍﻧﺎ ﻭﺟﻬﻲ ﻭﻻ ﻛﻴﻒ ﻣﺎﻃﻴﺸﺔ،ﺩﺍﻳﺮﺓ ﻓﻨﻴﺘﺔ ﻓﻔﻤﻲ ﻭﻛﻨﻬﻀﺮ : ﺩﻭﺭ ﻟﻬﻴﻪ / ﻣﺪ ﺍﻳﺪﻳﻪ ﻟﺠﻴﻬﺔ ﻭﺟﻬﻲ : ﺣﻴﺪﻱ ﻫﺎﺩﺷﻲ ﻣﻦ ﻓﻤﻚ،ﺭﺍﻩ ﻏﺘﺴﺮﻃﻴﻪ ،،ﻭﻣﺎﻛﺎﻧﺶ ﻛﻴﺒﺎﻥ ﺷﻌﺮﻙ ﻏﻴﺮ ﺑﻐﻴﺖ ﻧﺘﻔﻼ ﻣﻌﺎﻙ ﺣﻠﻴﺖ ﻓﻤﻲ ﻣﺰﻳﺎﻥ ﻓﺎﺵ ﺑﻐﻴﺖ ﻧﺒﺪﺍ ﻧﺨﺎﺻﻢ ﺣﺘﻰ ﻃﺎﺭﺕ ﻟﻔﻨﻴﺘﺔ ﺩﻳﺮﻳﻜﺖ ﻟﺤﻠﻘﻲ ﻭﻭﺣﻼﺕ ! ﻧﺎﺽ ﻛﻴﺠﺮﻱ ﻋﻨﺪﻱ : ﺳﺮﻃﻴﻬﺎ؟ﺧﺮﺟﻴﻬﺎ ﺩﻏﻴﺎ ! ﻣﺎﻗﺎﺩﺭﺍﺵ ﻧﻬﻀﺮ،ﻭﺣﺘﻰ ﻧﺒﻠﻊ ؛؛ﻓﻴﻨﻤﺎ ﻛﻨﺒﻐﻲ ﻧﻘﻮﻝ ﺷﻲ ﺣﺎﺟﺔ ﻛﻨﺤﺲ ﺑﺎﻟﻮﺧﺰ ﻭﺑﺎﻻﻟﻢ ﻓﺤﻠﻘﻲ ! ﻫﻮ ﺗﺨﻠﻊ ﺑﻐﺎ ﻳﻨﻮﺿﻨﻲ ﺑﺎﺵ ﻧﻮﻗﻒ،ﺑﻌﺪﺕ ﻋﻠﻴﻪ .. ﻗﺎﻟﻲ : ﺣﻔﺼﺔ ﺍﻧﺪﻳﻚ ﻟﻄﺒﻴﺐ ! ﺑﺪﻳﺖ ﻛﻨﻬﻀﺮ ﺑﺎﻻﺷﺎﺭﺓ ﻻ ﻻ،ﻭﻳﺪ ﺷﺎﺩﺓ ﺑﻴﻬﺎ ﻟﺨﻤﺎﺭ ! ﻭﻗﻒ ﻭﺑﺰﺯ ﻋﻠﻴﺎ ﻧﻤﺸﻲ ،،ﻳﺎﻻﻩ ﺣﻨﺎ ﺧﺎﺭﺟﻴﻦ ﺗﻼﻗﻴﻨﺎ ﻣﻊ ﺻﺎﺣﺒﺘﻲ ﺳﻌﺎﺩ ،،ﻗﺎﻟﻴﻬﺎ ﺑﺎﻟﺰﺭﺑﺔ ﻭﺳﺎﻡ : ﺣﻔﺼﺔ ﻭﺣﻞ ﻟﻴﻬﺎ ﺩﺍﻛﺸﻲ ﻓﺤﻠﻘﻬﺎ !.. ﺧﺮﺟﻨﻲ ﺑﺎﻟﺰﺭﺑﺔ ﻭﺩﺍﻧﻲ ﻟﺠﻴﻬﺔ ﺍﻟﻄﻮﻣﻮﺑﻴﻞ ،،ﻭﺍﻧﺎ ﻛﻨﺘﻘﻞ ﻓﻠﺨﻄﻮﺍﺕ ﻣﺎﺑﺎﻏﻴﺎﺵ ﻧﻤﺸﻲ ﻣﻌﺎﻩ،ﻭﺣﺘﻰ ﻭﺻﻠﻨﺎ ﻗﺪﺍﻡ ﻟﺒﺎﺏ : ﻳﺎﻻﻩ ﺭﻛﺒﻲ ! ﺣﺪﺭﺕ ﺭﺍﺳﻲ ﻭﺑﻘﻴﺖ ﻭﺍﻗﻔﺔ ! ،، ﺟﺎ ﺣﻞ ﻟﻴﺎ ﻟﺒﺎﺏ : ﺣﻔﺼﺔ ﺭﻛﺒﻲ ﻧﺪﻳﻚ ﻟﻄﺒﻴﺐ ﺑﺎﻟﺰﺭﺑﺔ،ﻭﺍﺵ ﻣﻀﺮﻛﺶ ﺣﻠﻘﻚ؟ ! ﺭﺟﻌﺖ ﺑﺨﻄﻮﺓ ﻟﻠﻮﺭ ﻭﻭﻗﻔﺖ ! ﻣﺎﺗﺤﺮﻛﺘﺶ ﻣﻦ ﺑﻠﻼﺻﺘﻲ ﻭﺑﻘﻴﺖ ﻛﻨﺸﻮﻑ ﻓﺎﻻﺭﺽ ﺑﻘﺎ ﻭﺍﻗﻒ ﻛﻴﺘﺴﻨﺎ ﻭﻛﻴﺸﻮﻑ ﻓﻴﺎ ﺣﺴﻴﺖ ﺑﻴﻪ ﺗﻌﺼﺐ ،ﺭﺩﺥ ﻟﺒﺎﺏ ﺑﺎﻟﺠﻬﺪ ﺣﺘﻰ ﻗﻔﺰﺕ ﻣﻦ ﺑﻼﺻﺘﻲ : ﺑﺤﺎﻻ ﻏﻨﻘﺘﻠﻮﻙ ﻋﻴﻘﺘﻮ ﻓﻬﺎﺩ ﻟﺒﻼﺩ ﯕﺎﻉ ﺗﻐﺮﻏﺮﻭ ﻟﻴﺎ ﻋﻴﻨﻴﺎ ﻓﺪﻳﻚ ﺍﻟﻠﺤﻈﺔ "".. ﻭﻓﺪﻳﻚ ﺍﻟﻠﺤﻈﺔ ﻋﺮﻓﺖ ﺍﻥ ﻻ ﻣﻜﺎﻥ ﻟﻲ ﻓﻘﻠﺐ ﺷﺨﺺ ﺑﺤﺎﻟﻮ،ﻭﻻ ﻣﻜﺎﻥ ﻟﻴﻪ ﻓﻘﻠﺒﻲ،ﻻﻧﻲ ﻣﺎﺷﻲ ﺷﺨﺺ ﺑﺤﺎﻟﻮ "" ﻭﺑﺪﻳﺖ ﻛﻨﺒﻜﻲ ﻓﺎﺵ ﺗﻤﺸﻰ ﻟﺠﻴﻬﺔ ﻟﺒﺎﺏ ﻻﺧﺮ ﺩﻳﺎﻝ ﺍﻟﻄﻮﻣﻮﺑﻴﻞ : ﺻﺎﻓﻲ ﻏﻴﺮﻛﺐ ﻭﻏﻴﻤﺸﻲ ﺑﺤﺎﻟﻮ !