خمارها أحيى دقات قلبي

12

ﺟﻠﺴﺖ ﻓﺎﻻﺭﺽ ﻭﺷﺪﻳﺖ ﻓﺮﺍﺳﻲ : ﺍﻭﻳﻠﻲ ﻋﻠﻰ ﺍﻟﻤﻔﻀﻲ ﻣﺸﺎ ﺣﻴﺪ ﻟﻠﻤﺮﺍ ﻗﺪ ﺍﻣًﺎﻩ ﻟﺨﻤﺎﺭ ﻟﻲ ﻋﻄﻴﺘﻮ ﻟﻴﻬﺎ ! ﺗﺤﻨﺎ ﻋﻨﺪﻱ ﻭﻛﻴﺘﺒﻮﻫﻞ : ﻣﺎﻟﻚ؟ﺿﺮﻙ ﺭﺍﺳﻚ؟ ﺿﺮﺑﺘﻮ : ﺩﺁﺍﺑﺎ ﺩﺍﺑﺎ ﻏﺘﻘﻮﻝ ﻟﻴﺎ ﺍﺵ ﻛﻴﺪﻳﺮ ﻋﻨﺪﻙ ﻫﺎﺩﺍ ﻫﻨﺎ؟ﻏﻨﺴﻮﻟﻚ ﻭﻧﺘﺎ ﺟﺎﻭﺏ : ﻫﺎﺩﺍ ﺩﻳﺎﻟﻲ ﻭﻻ ﻻ؟ ﻋﻮﺝ ﺷﻔﺎﻩ : ﻣﻌﺮﻓﺘﺶ؟ ﺧﺮﺟﺘﻮ ﻭﺣﻠﻴﺘﻮ ﻟﻴﻪ ﻗﺪﺍﻣﻮ ﻫﺎﺩﺍ ﺩﻳﺎﻟﻲ ﻛﻨﻌﺮﻓﻮ ﻣﺰﻳﺎﻥ،،ﺍﺵ ﻛﻴﺪﻳﺮ ﻋﻨﺪﻙ ﻫﻨﺎ،،ﺍﻧﺎ ﺑﺎﻳﺪﻱ ﻋﻄﻴﺘﻮ ﻟﻌﻴﺸﺔ ﺑﺪﺍ ﻛﻴﻀﺤﻚ : ﺁﻩ ﻫﺎﺩﺍ ﻭﺍﻗﻴﻼ ﺩﻳﺎﻟﻚ،ﻣﻌﺮﻓﺘﺶ ﻟﻤﻬﻢ ﺍﻧﻪ ﻫﻨﺎ ﻭﻫﺎﺩﻱ ﺣﺎﺟﺔ ﻣﺰﻳﺎﻧﺔ ! ﺑﺪﻳﺖ ﻛﻨﺒﻌﺪ ﻋﻠﻴﻪ : ﻻ ﻻ ﻭﺍﻟﻠﻪ ﺣﺘﻰ ﺧﻠﻌﺘﻴﻨﻲ،ﺑﺼﺢ ﻭﺍﺵ ﻣﺸﻴﺘﻲ ﺧﺪﻳﺘﻴﻪ ﻟﻌﻴﺸﺔ ! ﺑﻘﺎ ﻛﻴﺸﻮﻑ ﻓﻴﺎ ﻭﺍﻧﺎ ﻛﻨﺘﺴﻨﺎ ﻓﻴﻪ ﺍﻳﺠﺎﻭﺏ : ﺍﻩ ! ﻗﻠﺖ ﻟﻴﻪ ﺑﺸﻮﻳﺔ : ﻋﻼﺵ؟ ﺣﺪﺭ ﺭﺍﺳﻮ : ﻻﻧﻪ ﺍﻟﺴﺒﺐ ﺑﺎﺵ ﺑﻐﻴﺘﻚ ؟ﻻﻧﻲ ﻓﻴﻨﻤﺎ ﻛﻨﺸﻮﻓﻚ ﻻﺑﺴﺎﻩ ﻛﻨﺤﺲ ﺑﺎﻧﻲ ﺍﻧﺴﺎﻥ ﺍﺧﺮ .. ﻛﺘﻌﻄﻴﻨﻲ ﺍﺣﺴﺎﺱ ﺩﻳﺎﻝ ﺍﻻﺣﺘﺮﺍﻡ .. ﺩﻳﺎﻝ ﺍﻟﺼﻔﺎﺀ ﻭﺍﻱ ﺣﺎﺟﺔ .. ﺍﻭﻑ ﻣﻌﺮﻓﺘﺶ ﻛﻴﻔﺎﺵ ﺍﻧﻮﺻﻞ ﻟﻴﻚ .. ﺑﺤﺎﻝ ﺍﻳﻼ ﺩﻗﺎﺕ ﻗﻠﺒﻲ ﻛﺘﻮﻗﻒ .. ﻭﻫﻮ ﻧَﻌﺶ ﻟﺪﻗﺎﺕ ﻗﻠﺒﻲ ! ﺣﺎﻭﻟﺖ ﻧﺘﺠﻨﺐ ﻫﺎﺩ ﺍﻟﺤﺪﻳﺚ .. ﻭﻟﻮ ﺍﻧﻲ ﺣﺴﻴﺖ ﺑﺼﺪﻕ ﻣﺸﺎﻋﺮ ﻓﻬﺎﺩ ﺍﻟﻬﻀﺮﺓ ﻟﻲ ﻗﺎﻝ ﺍﻳﻼ ﺍﻧﺎﻱ ﻣﺒﻐﻴﺘﺶ ﻧﻌﻠﻖ ﻋﻠﻰ ﺍﻟﻤﻮﺿﻮﻉ،،ﻻﻥ ﻣﻮﻗﻔﻲ ﺑﺎﻳﻦ ! ﺗﺠﺎﻭﺯﺕ ﻛﻠﺸﻲ ﻭﻗﻠﺖ ﻟﻴﻪ : ﻭﻋﻴﺸﺔ ﺍﺵ ﺩﺭﺗﻲ مﻌﺎﻫﺎ؟ﻫﻲ ﻟﻲ ﻋﻄﺎﺗﻮ ﻟﻴﻚ؟ ﺩﺍﺭ ﺍﻳﺪﻳﻪ ﻓﺠﻴﺎﺑﻮ ﻭﺩﻭﺭ ﻭﺟﻬﻮ ﻟﺪﻳﻚ ﺍﻟﺠﻴﻬﺔ ﻛﻴﻬﻀﺮ ﺑﻮﺣﺪﻭ : ﺍﻧﺎ ﻛﻨﻬﻀﺮ ﻟﻴﻬﺎ ﻓﺎﻟﺸﺮﻕ ﻭﻫﻲ ﻓﻠﻐﺮﺏ،، ﻗﻠﺖ ﻟﻴﻪ : ﺷﻨﻮ ﻗﻠﺘﻲ؟ ﺑﺘﺄﻓُّﻒ : ﻻ ،،ﻃﻠﺒﺘﻮ ﻣﻦ ﻋﻨﺪﻫﺎ ﻭﺷﺮﻳﺖ ﻟﻴﻬﺎ ﻭﺍﺣﺪ ﺟﺪﻳﺪ ﺻﺎﻓﻲ؟ ﺣﺪﺭﺕ ﺭﺍﺳﻲ : ﺍﻩ ﻭﺍﺧﺔ ﻣﻜﺎﻧﺶ ﻋﻠﻴﻚ ﺩﻳﺮ ﻫﺎﻛﺪﺍ،،ﻟﻤﻬﻢ ﺷﻜﺮﺍ ﻋﻠﻰ ﻛﻠﺸﻲ ﺍﻧﺎ ﻏﻨﻤﺸﻲ .. ﻭﻗﻔﻨﻲ : ﻣﻦ ﻧﻴﺘﻚ؟ﺍﻧﺎ ﻋﺎﺩ ﻗﻠﺖ ﻟﻴﻚ ﻋﻠﻰ ﻟﻲ ﻓﺎﻟﺪﺍﺧﻞ ﺩﻳﺎﻟﻲ ﻭﻧﺘﻲ .. ﻋﺮﻓﺘﻲ ﻟﻬﻀﺮﺓ ﻣﺎﺷﻲ ﻣﻌﺎﻙ،ﻣﻊ ﺑﺎﻙ !' ﺃﺗَﻌْﻠﻤﻴﻦ ﻳﺎ ﺫَﺍﺕ ﺍﻟﺨِﻤﺎﺭ ﺍﻻﺳْﻮﺩ ﺍﻟﺤﺐّ ﺭﺯﻕ،ﻭَﺃﻧﺎ ﺭُﺯﻗْﺖ ﺣُﺒّﻚ . ﻗﺎﻝ ﺭﺳﻮﻝ ﺍﻟﻠﻪ ﻭﺍﺻﻔﺎ ﺣﺒﻪ ﻟﺨﺪﻳﺠﺔ "" ﺇﻧﻲ ﺭُﺯﻗﺖ ﺣُﺒﻬﺎ ""ﺭﻭﺍﻩ ﻣﺴﻠﻢ ''ﻭﻗﻒ ﻭﻗﻒ .. ﻗﻠﺘﻬﺎ ﻭﺍﻧﺎ ﻓﺤﺎﻟﺔ ﺻﺪﻣﺔ،ﻭﻧﻬﺎﺭ ﻛﺘﺼﺪﻡ ﺑﻨﺖ ﺳﻤﻴﺘﻬﺎ ﺣَﻔْﺼﺔ،ﺍﻟﺸﺨﺺ ﺍﻟﻤﻘﺎﺑﻞ ﻟﻴﻬﺎ ﻛﻴﺘﺼﺪﻡ ﻛﺘﺂﺁﺁﺭ ﻣﻨﻬﺎ،ﻭﻟﻜﻦ ﻫﻮ ﻻ .. ﺟﺒﺪ ﺍﻟﻨﻀﺎﺿﺮ ﻭﺑﻐﺎ ﻳﺠﺮ ﻟﺨﻤﺎﺭ ﻳﻤﺴﺢ ﺑﻴﻪ ﺍﻟﺠﺎﺟﺔ ﺑﻌﺪﺕ ﻋﻠﻴﻪ ﻭﺍﻧﺎ ﻛﻨﺠﻤﻊ ﻓﻴﻪ : ﺍﻳﻴﻴﻪ !! ﺷﻨﻮ ﻛﺪﻳﺮ !.. ﻫﺰ ﻛﺘﺎﻓﻮ : ﺑﻼﺵ،،ﻫﺰ ﺭﺍﺳﻮ ﻛﻴﻘﻠﺐ ﻋﻠﻰ ﺍﻟﺸﻤﺶ،،ﺍﻟﻠﻪ ﺷﻤﻴﺸﺔ .. ﺣﺪﺭﺕ ﺭﺍﺳﻲ ﺷﺪﻳﺖ ﻓﺼﺎﻛﻲ ﻭﺗﻤﻴﺖ ﻏﺎﺩﺓ ﺍﻟﺴﻼﻡ ﻋﻠﻴﻜﻢ ﻧﺨﻠﻴﻚ ﻛﺘﺸﻤﺶ ! ﻻ ﻻ ﺍﻻ ﻓﻴﻦ ﻏﺎﺩﺓ .. ﺑﻼﺗﻲ ﻧﺘﺎﻓﻘﻮ ،،ﻗﺎﻟﻬﺎ ﻭﻫﻮ ﻛﻴﻔﺮﻧﺲ ! ﺑﻘﺎ ﻏﺎﺩﻱ ﺣﺪﺍﻳﺎ،ﻭﺍﻧﺎ ﻛﻨﺒﻌﺪ ﻋﻠﻴﻪ .. ﻛﻨﺤﺎﻭﻝ ﻧﺘﺠﻨﺐ ﺍﻟﻬﻀﺮﺓ ﻣﻌﺎﻩ : ﺍﺳﺘﻐﻔﺮ ﺍﻟﻠﻪ .. ﺩﺍﺭ ﺍﻳﺪﻳﻪ ﻭﺭﺍ ﻇﻬﺮﻭ ﻭﻛﻴﻬﺰ ﺭﺍﺳﻮ : ﻭﺃﺗﻮﻭﻭﻭﻭﺏ ﺍﻟﻴﻪ ! ﺷﻔﺘﻮ ﺑﺤﺎﻝ ﺍﻳﻼ ﻏﻴﺪﻳﺮ ﻟﻲ ﻟﻔﻀﻴﺤﺔ : ﻭﺍﺵ ﻧﺘﺎ ﻣﺴﻄﻲ؟ﺷﻮﻑ ﻣﻜﻨﺤﻤﻠﺶ ﻫﺎﺩ ﺍﻟﺘﺼﺮﻓﺎﺕ .. ﻗﺎﻃﻌﻨﻲ ﺣﺘﺎ ﺍﻧﺎ ﻭﺍﻟﻠﻪ،ﺍﻧﺎ ﻏﺎﺩﻱ ﻣﻌﺎﻙ ﻟﻠﺪﺍﺭ ! ﻭﻗﻔﺖ ﻧﺎﺧﺪ ﺍﻟﻨﻔﺲ ﻭﺧﺮﺟﺘﻬﺎ ﺑﻌﻤﻖ : ﻭﻻﻳﻨﻲ .. ﻋﺮﻓﺘﻲ ﺷﻨﻮ ﻣﻐﻨﺠﺎﻭﺑﻜﺶ،،ﺍﻧﺎ ﻏﻨﺘﺎﺻﻞ ﺑﻴﻪ ﻧﻴﺖ ﻳﺠﻲ ﻟﻴﻚ ! ﺑﺪﺍ ﻛﻴﺪﻳﺮ ﺭﺍﺳﻮ ﻣﺨﻠﻮﻉ ﻭﺑﺪﺍ ﻛﻴﺘﻔﺘﻒ ﻟﻴﺎ : ﻧﺎﺭﻱ ﻋﺘﻘﻴﻨﻲ ﻛﻨﻤﻮﺕ ﺑﺎﻟﺨﻠﻌﺔ،،ﺍﻱ ﺳﻜﺘﺔ ﻗﻠﺒﻴﺔ ! ﻛﻨﻘﻠﺐ ﻓﺎﻟﺼﺎﻙ : ﻭﺁﺁﺁﻋﺪﻱ ﻋﻠﻰ ﺍﻟﺘﻴﻠﻴﻔﻮﻥ ﻓﻴﻦ ﻫﻮ،ﻗﺠﻴﺘﻮ : ﺟﺒﺪ ﻟﻲ ﺗﻠﻴﻔﻮﻧﻲ ،،،ﻭﺑﺎﻗﻲ ﺟﺪﻳﻴﻴﻴﻴﻴﺪ ﺧﺪﻳﺘﻴﻪ ﺑﺎﺵ ﺗﺒﺘﺰﻧﻲ ﺣﻴﺪ ﻟﻲ ﺍﻳﺪﻱ : ﺣﻤﺎﻗﻴﺘﻲ؟ ﻛﻈﻠﻤﻲ ﻭﻛﺘﺨﺮﺟﻲ ﻓﻌﻴﻨﻴﻚ،ﻫﺪﺍﻱ ﺍﻧﺎ ﺍﻧﺘﺎﺻﻞ ﺑﻴﻚ ﻭﺍﻳﻼ ﻣﺼﻮﻧﺎﺵ ﻧﺘﻲ ﻟﻲ ﻏﺘﻤﺸﻲ ﻋﻨﺪ ﺑﺎﻙ ﻭﺗﻘﻮﻟﻮﻱ ﻟﻴﻪ ﺑﻐﻴﺖ ﻧﺘﺰﻭﺝ ﺑﻮﺳﺎﻡ ! ﺑﺪﻳﺖ ﻛﻨﻀﺤﻜﺔ ﻭﺍﺣﺪ ﺍﻟﻀﺤﻜﺔ ﺩﻳﺎﻝ ﺍﻧﻲ ﻣﺘﺄﻛﺪﺓ : ﻭﺍﻳﻼ ﺻﻮﻧﺎ ؟ ﻗﻄﺐ ﺣﺠﺒﺎﻧﻮ : ﻣﺘﺒﻘﺎﻳﺶ ﺗﺸﻮﻓﻲ ﻭﺟﻬﻲ ! ﺧﺮﺟﺎﺕ ﻛﻠﻤﺔ ﺍﻧﻲ ﻛﻨﻮﺍﻓﻖ ﻋﻠﻰ ﺍﻻﺗﻔﺎﻕ ﺑﺘﺮﺩﺩ ﻣﻦ ﺍﻟﺪﺍﺧﻞ ﺩﻳﺎﻟﻲ ﺣﺘﺎ ﺑﺎﻟﻀﺤﻚ ﻣﻌﺠﺒﻨﻴﺶ : ﻭ .. ﻭﺍﺧﺔ ،ﺗﺎﺻﻞ ! ﺟﺒﺪ ﺍﻟﺘﻴﻠﻴﻔﻮﻥ ﻭﻫﻮ ﻛﻴﻀﺤﻚ ﻭﺗﻴﻘﻮﻟﻴﺎ : ﻭﺣﻠﻲ ﻭﺩﻧﻴﻚ ﻟﺘﻘﻮﻟﻲ ﻟﻴﺎ ﻣﺴﻤﻌﺘﺶ ،،ﻳﺎﻻﻩ ﺍﻳﺘﺎﺻﻞ ﻭﺍﻧﺎ ﻧﺘﻔﻜﺮ ﺑﻠﻲ ﺧﺪﺍﺗﻮ ﻟﻲ ﻏﺰﻻﻥ ،،ﺑﺪﻳﺖ ﻛﻨﻐﻮﺕ : ﻻ ﻻ ؛؛؛ﻧﺴﻴﺘﻮ ﻋﻨﺪ ﻏﺰﻻﻥ ! ﺩﺍﺭ ﺿﺤﻜﺔ ﺩﻳﺎﻝ ﺍﻻﺷﺮﺍﺭ : ﻭﺍﻫﺎﻫﺎﻫﺎ ﻳﺎﻻﻩ،ﺩﺍﺭ ﺑﺎﻙ ،،ﻓﺎﺵ ﺗﻬﻀﺮﻱ ﻣﻌﺎﻩ ﻭﻳﻘﻮﻟﻴﻚ ﻧﺠﻲ ﻋﻴﻄﻮ ﻟﻴﺎ،ﺩﺍﺑﺎ ﺍﻟﺴﻼﻡ ﻋﻠﻴﻜﻢ،،ﺍﻩ ﻣﺘﻨﺴﺎﻳﺶ ﺍﻟﺘﻴﻠﻴﻔﻮﻥ ﺍﻟﺠﺪﻳﺪ ﺩﻳﺎﻟﻚ ﻗﻠﺪ ﺻﻮﺗﻲ " ﻭﻳﻠﻲ ﻋﻨﺪ ﻏﺰﻻﻥ " ﻣﺸﺎ ﻭﻳﻜﻀﺤﻚ ،،ﻭﻛﻴﻘﻮﻟﻴﺎ : ﻋﻨﺪﺍﻙ ﺗﻘﻮﻟﻲ ﻟﻴﺎ ﺍﻟﺘﺨﺎﻃﺮ ﺣﺮﺍﻡ ! ﻻ ﻓﻌﻼ ﻣﺸﺎ ﺭﻛﺐ ﻓﺎﻟﻄﻮﻣﻮﺑﻴﻞ ﻭﺯﺍﺩ ؟؟ ﻻ ﺍﻧﺎ ﻛﻨﺤﻠﻢ،،ﻏﻤﻀﺖ ﻋﻴﻨﻴﺎ ﻛﺎﻧﻪ ﻫﺎﺩﺷﻲ ﻛﺎﻣﻞ ﻭﻫﺎﺩ ﺍﻟﻨﻬﺎﺭ ﻛﻠﻮ ﺑﺤﺎﻝ ﻛﻨﺖ ﻧﺎﻋﺴﺔ،،ﺑﺪﺍ ﺑﻜﺎﺑﻮﺱ '' ﻧﺰﻉ ﺍﻟﺨﻤﺎﺭ '' ﺗﺒﻌﻮ ﺣﻠﻢ '' ﺣﻀﻮﺭ ﻭﺳﺎﻡ '' ﻭﺳﺎﻻ ﺑﻠﻔﻘﺼﺔ ﺩﻳﺎﻝ ﺍﻟﺘﻴﻠﻴﻔﻮﻥ،، ﻗﻨﻌﺖ ﺭﺍﺳﻲ ﺑﺎﻧﻪ ﻏﻴﺮ ﻛﻴﺘﻔﺎﻻ ﻭﺑﺎﻏﻲ ﻳﺘﻔﻼ..ﻗﻨﻌﺖ ﺭﺍﺳﻲ ﺑﺎﻧﻪ ﻏﻴﺮ ﻛﻴﺘﻔﺎﻻ ﻭﺑﺎﻏﻲ ﻳﺘﻔﻼ ﻛﻴﻒ ﻛﻨﺪﻳﺮ ﺩﻳﻤﺎ ﻓﻴﻨﻤﺎ ﻛﻴﺤﺎﻭﻝ ﺷﻲ ﺣﺪ ﻳﺘﻘﺮﺏ ﻣﻨﻲ،ﻭﺑﺎﻥ ﺍﻟﺼﻮﺍﺏ ﻫﻮ ﻟﻲ ﻳﻤﺸﻲ ﻟﺪﺍﺭﻧﺎ ﺩﻳﺮﻳﻜﺖ .. ﻭﻟﻲ ﺑﻐﺎ ﻳﻌﺮﻓﻨﻲ ﻟﺨﻄﺒﺔ،ﺍﺻﻼ ﻋﻼﺵ ﺩﻳﺮﻳﻨﻬﺎ .. ﻧﺘﻌﺎﺭﻑ ﺍﻧﺎ ﻭﻭﺳﺎﻡ ﻭﻧﺘﺎﻓﻘﻮ ﻭﺍﻳﻼ ﺗﻔﺎﻫﻤﻨﺎ ﻣﺰﻳﺎﻥ،،،ﻣﺘﻔﺎﻫﻤﻦﺍﺵ .. ﺭﻓﻌﺖ ﺻﻮﺗﻲ ﻭﺑﺨﺸﻮﻧﺔ : ﻛﻞ ﻭﺍﺣﺪ ﻣﻦ ﻃﺮﻳﻘﻮ ! ﺑﺪﻳﺖ ﻛﻨﻬﻀﺮ ﺑﻮﺣﺪﻱ .. ﻣﺸﻴﺖ ﻛﻨﺠﺮﻱ،ﻣﺸﻴﺖ ﺟﺒﺖ ﺍﻟﺘﻴﻠﻴﻔﻮﻥ،،ﻭﺑﺒﺲﺍﻃﺔ ﻋﻄﺎﺗﻮ ﻟﻲ ﻏﺰﻻﻥ ﺑﻘﻴﺖ ﻏﻴﺮ ﻛﻨﺸﻮﻑ،ﻗﺎﺩﻱ ﺧﻤﺎﺭﻱ ﻭﺧﺮﺟﺖ ﻧﺮﺟﻊ ﻟﻠﺪﺍﺭ،ﺍﻟﻄﺮﻳﻖ ﻛﺎﻣﻠﺔ ﻭﺍﻧﺎ ﻛﻨﻔﻜﺮ ﻓﺎﻟﻜﻼﻡ ﻟﻲ ﻗﺎﻝ ﻭﺳﺎﻡ .. ﻭﺍﺵ ﺑﺼﺢ ﻛﺎﻥ ﻛﻴﻬﻀﺮ ﺍﻧﺎ ﺣﺴﻴﺖ ﺍﻧﻪ ﻛﻴﺘﻔﻼ،،ﻣﻌﻘﻮﻝ ﻋﻨﺪ ﺑﺎﻟﻮ ﺍﻧﻤﺸﻲ ﻟﻠﺪﺍﺭ ﻧﺠﻠﺲ ﻗﺪﺍﻣﻮ ﺑﺎﺑﺎ ﻭﻧﻤﺪ ﻟﻴﻪ ﻭﺟﻬﻲ ﻭﻧﻘﻮﻟﻴﻪ ﺯﻭﺟﻨﻲ ﻟﻮﺳﺎﻡ،،ﻭﻫﻮ ﻳﺠﻲ ﻣﻌﺮﻭﺽ ﻓﺎﻻﺧﻴﺮ !! ﻭﺻﻠﺖ ﻗﺪﺍﻡ ﻟﺒﺎﺏ : ﺍﻭﻑ ،،ﺍﻟﺤﻤﺪ ﻟﻠﻪ ﺍﻧﺎ ﻗﺪﺍﻡ ﺑﺎﺏ ﺍﻟﺪﺍﺭ ﺩﻗﻴﺖ،ﺣﻠﺖ ﻟﻲ ﺃﻣﻲ : ﺍﻟﺴﻼﻡ ﻋﻠﻴﻜﻢ،ﻓﻴﻦ ﺗﻌﻄﻠﺘﻲ ! ﺍﺭﺗﺒﻜﺖ : ﺍﻧﺎ؟ ﻓﻴﻦ؟ ﻻ ﻣﺘﻌﻄﻠﺖ ﻭﺍﻟﻮ،ﻳﺎﻻﻩ ﺳﺎﻻﺕ ﻟﺤﻔﻠﺔ،، ﺩﻭﺭﺍﺕ ﺭﺍﺳﻬﺎ : ﺍﺣﻴﺎﻧﻲ ! ﺑﺪﻳﺖ ﻛﻨﺨﺮﺝ ﻓﻌﻴﻨﻴﺎ ﻭﻛﻨﺪﻳﺮ ﻣﺎﻓﺮﺍﺳﻲ ﻣﻴﺘﻌﺎﻭﺩ : ﻣﺘﻴﻘﺘﻴﻨﻴﺶ؟ ﺭﺍﻩ ﺧﻠﻴﻴﻴﺘﻬﻢ ﻣﺎﺯﺍﻝ ﻛﻴﺤﺘﻔﻠﻮ ﻭﺑﺎﻗﻲ ﻣﺴﺎﻻﻭ،، ﺷﺪﺍﺗﻨﻲ ﻣﻦ ﺍﻳﺪﻱ : ﻭﻭﺳﺎﻡ ﺑﺎﻗﻲ ﻓﺎﻟﺤﻔﻠﺔ؟ ﻏﻴﺮ ﺟﺒﺪﺍﺗﻠﻲ ﻭﺳﺎﻡ : ﺍﻩ؟ﻻ .. ﺍﻩ ؟ ﻭﺍﻗﻴﻼ؛؛ﻣﻨﻌﺮﻑ ﺍﻧﺎ ﻣﺎﻟﻲ ﻛﻨﺖ ﺣﺎﺩﻳﺎﻩ !! ﺟﺮﺍﺗﻨﻲ : ﻭﺩﺧﻠﻲ ﺩﺧﻠﻲ ! ﺩﺯﺕ ﻣﻦ ﺣﺪﺍﻫﺎ ﻭﺍﻧﺎ ﺣﺎﺩﺭﺓ ﺭﺍﺳﻲ : ﺍﻭﻑ ﻣﺪﺍﺕ ﻣﺎﺟﺎﺑﺖ ﻓﺎﻟﺨﻤﺎﺭ ﻣﺎﺷﻲ ﻫﻮ ﻟﻲ ﺧﺮﺟﺖ ﺑﻴﻪ ﻓﺎﻟﺼﺒﺎﺡ ! ﻋﻠﻰ ﺍﻟﺪﺧﻠﺔ ﺷﻤﻴﺖ ﺭﻳﺤﺔ ﻋﻄﺮ ؛؛ﺑﺪﻳﺖ ﻛﻨﺸﻤﺸﻢ،ﻭﺍﻣﻲ ﻏﻴﺮ ﺗﺎﺑﻌﺎﻧﻲ ﻭﻛﺘﺸﻮﻑ ﻓﻴﺎ،ﺷﻤﻴﺖ ﺣﻮﺍﻳﺠﻲ ﻗﻠﺖ ﻓﺨﺎﻃﺮﻱ '' ﺍﻭﻑ ﺗﺨﻠﻌﺖ ﺍﻳﺴﺤﺎﺑﻠﻲ ﻛﻨﺘﻬﻴـﺄ ﻋﻄﺮ ﻭﺳﺎﻡ،ﺳﺎﻋﺔ ﺟﺎﻳﺔ ﻣﻦ ﺣﻮﺍﻳﺞ،،ﻭﻧﻬﺮﺏ ﻣﻦ ﺣﺪﺍ ﺍﻣﻲ ﻟﻨﺤﺼﻞ،،ﻛﻨﺴﻤﻊ ﺍﻟﻀﺤﻚ،ﺩﺭﺕ ﻋﻨﺪ ﺍﻣﻲ : ﺃﻣﻲ؟ ﺍﺻﺪﻗﻴﻨﻲ ﻟﻘﻮﻝ،ﺷﻜﻮﻥ ﻓﺎﻟﺼﺎﻟﺔ ﻣﻊ ﺍﺑﻲ ! ﺑﺪﺍﺕ ﻛﺘﻀﺤﻚ ﻭﺍﺣﺪ ﺍﻟﻀﺤﻜﺔ ﻏﺮﻳﻴﻴﺒﺔ ﻓﺸﻜﺂﺍﻝ : ﻭﺳﻴﺮﻱ ﻟﺒﻴﺘﻚ ﻫﺎﻧﺎ ﺟﺎﻳﺔ ﺩﺯﺕ ﻗﺪﺍﻡ ﺍﻟﺼﺎﻟﺔ ﻛﻴﺒﺎﻥ ﻟﻲ ﻭﺳﺎﻡ ﺟﺎﻟﺲ ﻣﻊ ﺃﺑﻲ ﻫﻮ ﻭ ﺍﻧﺲ ﻭﺳﻂ ﻣﻨﻬﻢ ﻛﻴﻀﺤﻜﻮ؛؛ﻓﺮﺣﺂﺍﻧﻲﻥ ﻭﻛﻴﺠﻤﻌﻮ ﻣﻊ ﺭﺍﺳﺎﺗﻬﻢ ﻏﻴﺮ ﺷﻔﺘﻮ ﻭﺍﻧﺎ ﻧﺘﺼﺪﻡ ﺗﺨﻠﻌﺖ ﻭﺑﺪﻳﺖ ﻛﻨﻘﻔﻘﻒ،،ﻗﻠﺒﻲ ﻓﺪﻳﻚ ﺍﻟﻠﺤﻈﺔ ﺑﺪﺍ ﻛﻴﺮﺟﻒ،،ﻭﺣﺴﻴﺖ ﺍﻧﻪ ﻏﻴﺨﺮﺝ ﻣﻦ ﺑﻼﺻﺘﻮ،ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ ﻭﻛﺄﻧﻲ ﻛﻨﺤﺎﻭﻝ ﻧﺮﺟﻊ ﻗﻠﺒﻲ ﻟﻤﺎﺑﻴﻦ ﺿﻠﻮﻋﻲ : ﻭ .. ﻭﺳـ .. ﺳﺎﻡ؟ ﺟﺮﺍﺗﻨﻲ ﺍﻣﻲ ﻟﺒﻴﺘﻲ : ﺑﻘﺎ ﺗﺴﻮﻝ ﻓﻴﺎ، ﻭﻧﻔﺲ ﺍﻟﺴﺆﺍﻝ ﻛﺘﻌﺎﻭﺩﻭ ﻟﻴﺎ ﺏ ﺍﻟﻒ ﻃﺮﻳﻘﺔ ﺑﺎﺵ ﺗﻌﺮﻑ ﺍﺵ ﺗﺤﺖ ﺭﺍﺳﻲ،ﺍﻟﻠﻪ ﻋﻠﻴﻚ ﻳﺎ ﺍﻡ ﻳﺎ ﻣﻐﺮﺑﻴﺔ ﻭﻋﻠﻰ ﺫﻛﺎﺋﻚ ﺍﻟﺨﺎﺭﻕ ! ﺍﻧﺎ ﻃﺒﻌﺎ ﻧﻜﺮﺕ ﻣﺸﺎﻋﺮﻱ،ﻣﻘﺪﺭﺗﺶ ﻧﻘﻮﻝ ﻟﻴﻬﺎ ﻫﺎﺩﺍﻙ ﺍﻟﺸﺨﺺ ﺧﻼﻧﻲ ﻧﺤﺲ ﺑﺎﻥ ﺍﻟﺠﻤﺎﻝ ﺍﻟﺪﺍﺧﻠﻲ ﻣﻮﺟﻮﺩ ! ﻭﺑﺎﻥ ﻋﻨﺪﻱ ﺭﻏﺒﺔ ﻧﺎﺧﺪ ﺑﺎﻳﺪﻳﻪ ﻭﻳﺎﺧﺪ ﺑﺎﻳﺪﻱ ﻓﻄﺮﻳﻖ ﺍﻟﺪﻳﻦ،،ﻭﻳﻜﻮﻥ ﺍﻣﺎﻣﻲ ﻓﻜﻞ ﺻﻼﺓ ﻟﻠﻪ !! ﻭﻟﻮ ﺍﻧﻬﺎ ﻣﺸﺎﻋﺮ ﺻﺪﺍﻗﺔ ﻣﻨﻲ ﻟﻴﻪ،،ﺍﺳﺘﺤﻴﻴﺖ ﻣﻦ ﺃﻣﻲ !
ﻫﺪﺁﺗﻨﻲ ﻭﻋﻠﻤﺎﺗﻨﻲ ﺑﺎﻥ ﻟﻲ ﺑﻐﺎﻫﺎ ﺍﻟﻠﻪ ﻫﻲ ﻟﻲ ﻛﺎﻳﻨﺔ .. ﻧﻔﻜﺮ ﻋﻠﻰ ﻣﻬﻞ،،ﻧﺼﻠﻲ ﺻﻼﺓ ﺍﻻﺳﺘﺨﺎﺭﺓ ﻭﺑﻠﻲ ﻭﺳﺎﻡ ﻫﻨﺎ ﻟﺨﻄﺒﺘﻲ .. ﺍﻳﻤﻜﻦ ﻓﺮﺣﺖ ﻭﺍﻳﻤﻜﻦ ﺷﻮﻳﺔ ﻻ ﻻ ﺑﺰﺍﻑ ﺗﺨﻠﻌﺖ،،ﻳﻤﻜﻦ ﺷﻲ ﻧﻬﺎﺭ ﻳﺠﻨﻨﻲ،،ﻭﻟﻜﻦ ﻛﻴﻔﻤﺎ ﻗﺎﻟﺖ ﺃﻣﻲ ﻗﺒﻞ ﻣﺘﻘﻮﻟﻲ ﻧﻮﺽ ﻧﺒﺪﻝ ﺣﻮﺍﻳﺠﻲ : ﺍﻟﺰﻭﺍﺝ ﻓﻴﻪ ﺍﺧﺘﻴﺎﺭ،،ﻳﻌﻨﻲ ﻧﻔﻜﺮ ﻋﻠﻰ ﻣﻬﻞ ﻭﻧﺨﺘﺎﺭﻭﺍﻳﻼ ﻭﺣﻠﺖ ﻓﺎﻻﺧﺘﻴﺎﺭ،ﻧﺴﺘﺨﻲﺭ ﺍﻟﻠﻪ ﺑﺼﻼﺓ ﺍﻻﺳﺘﺨﺎﺭﺓ،،ﻭﻟﻲ ﻣﻜﺘﺎﺏ ﻫﻮ ﻟﻲ ﻛﻴﺠﻲ ﻣﻦ ﺑﻌﺪ ﺍﻳﻮﺍ ﻋﻴﻄﻮ ﻋﻠﻰ ﻟﺒﻨﺖ ﻳﺸﻮﻓﻬﺎ ﺍﻟﺴﻲ ﻭﺳﺎﻡ : ﺳﻤﻌﺘﻬﺎ ﻣﻦ ﺑﻴﺘﻲ،ﻭﻗﻔﺖ ﻭﺑﺪﻳﺖ ﻛﻨﻀﻮﺭ ﻭﺳﻂ ﻟﺒﻴﺖ،، ﺩﺧﻠﺖ ﻋﻨﺪﻱ ﺍﻣﻲ : ﻳﺎﻻﻩ ﺍﺑﻨﺘﻲ ﺍﺟﻲ ﺗﻜﻠﻤﻲ ! ﺷﻔﺖ ﻓﻴﻬﺎ : ﻓﻴﻦ؟ ﺟﺎﺕ ﻟﻌﻨﺪﻱ ﻭﺑﺪﺍﺕ ﻛﺘﻘﺎﺩﻟﻲ ﻑ ﻓﻮﻻﺭﻱ : ﻋﺎﺭﻓﺔ ﺍﺑﻨﺘﻲ،،ﺍﺣﻴﺎﻧﻲ ﻋﻠﻰ ﻣﺎﺷﻲ ﺣﺘﺎ ﺍﻧﺎ ﺗﺨﻄﺒﺖ ﻗﺒﻞ ﻣﻨﺘﺰﻭﺝ،،ﻭﺍﺟﻲ ﺗﺠﻠﺴﻲ ﻣﻊ ﺍﻟﻨﺎﺱ ! ﻫﺰﻳﺖ ﻓﻴﻬﺎ ﺭﺍﺳﻲ : ﺍﻳﻨﺎ ﻧﺎﺱ؟ﻋﻼﻩ ﻫﻮ ﻟﺤﻖ ﻳﺠﻴﺐ ﺍﻟﻨﺎﺱ،ﺍﺻﻼ ﻫﻮ ﺍﻳﻤﺘﺮﺍ ﻭﻛﻴﻔﺎﺵ ﺟﺎ !! ﺟﺮﺍﺗﻨﻲ ﻧﺨﺮﺝ : ﺍﻭﻳﻠﻲ ﺑﻐﻴﺘﻴﻨﻲ ﻧﺴﻮﻟﻬﻢ ﺍﻳﻤﺘﺎ ﻟﺤﻘﺘﻮ؟ﺷﺎﻓﺖ ﻓﻴﺎ ﻭﻫﻲ ﻛﺘﺤﻠﻒ : ﻋﻨﺪﺍﻙ ﺗﺴﻮﻟﻴﻪ ﺍﺷﻨﻴﻮﻟﺔ !! ﻫﺎﻩ؟ ﺍﻧﺎ؟ ﺑﺪﻳﺖ ﻛﻨﺘﻠﻔﺖ ﻓﺠﻨﺎﺑﻲ : ﻻ ﻻ ﻣﻨﻐﻨﺸﻮﻓﺶ ﻓﻴﻪ ﺍﺻﻼ ! ﺧﺮﺟﺖ ﺑﺰﺯ ﻣﻦ ﻟﺒﻴﺖ،،ﺩﺧﻠﺖ ﻟﺼﺎﻟﺔ،ﺣﺎﺩﺭﺓ ﺭﺍﺳﻲ ﻭﻛﻨﺠﺮ ﻓﺮﺟﻠﻲ ﺑﺰﺯ ﺣﺴﻴﺖ ﺑﻴﻬﻢ ﺟﺎﻣﺪﻳﻦ،ﻭﺑﺎﺭﺩﻳﻦ،،ﺍﺵ ﻫﺎﺩ ﺍﻟﺰﺭﺑﺔ ﺍﻭﻋﺪﻱ ﺍﻧﺎ .. ﺟﻠﺴﺖ ﺣﺪﺍ ﺃﺑﻲ،،ﻭﻫﻮ ﺟﺎﻟﺲ ﺑﺠﻨﺒﻮ،،ﻛﻴﻄﻞ ﻋﻠﻴﺎ ﻳﺸﻮﻓﻨﻲ ﻭﺍﻧﺎ ﻛﻨﺮﺟﻊ ﺑﺎﻟﻠﻮﺭ ﻭﻛﻨﺘﺨﺒﺎ ﻭﺭﺍ ﻇﻬﺮ ﺃﺑﻲ ! ﺳﻤﻌﺖ ﺻﻮﺕ ﻋﻤﻮ ﻛﻴﻀﺤﻚ ﻟﻲ ﻣﻌﺮﻓﺘﻮ ﺣﺘﺎ ﺑﻐﺎﻭ ﺍﻳﻤﺸﻴﻮ ! ﺃﻣﻲ ﻛﺎﻧﺖ ﻛﺘﻘﻮﻟﻲ ﺑﻌﻴﻨﻴﻬﺎ ﻧﻮﺽ ﻧﻘﺪﻡ ﺃﺗﺎﻱ ،،ﻭﺍﻧﺎ ﻛﻨﻘﻮﻝ ﻟﻴﻬﺎ ﻻ،ﻭﻛﻨﺪﻳﺮ ﺭﺍﺳﻲ ﻣﺸﻔﺘﻬﺎﺵ .. ﺩﺍﺭ ﻋﻨﺪﻱ ﺃﺑﻲ : ﺍﻳﻮﺍ ﺍﺑﻨﺘﻲ ﻫﺎﻧﺘﻲ ﻛﺘﺸﻮﻓﻲ،،ﻭﺳﺎﻡ ﻫﻀﺮ ﻣﻌﺎﻳﺎ ﻋﻠﻰ ﻭﺩﻙ ﺑﻐﺎ ﻳﺘﺰﻭﺝ ﺑﻴﻚ،،ﺍﻳﻼ ﻗﺒﻠﺘﻲ ﺗﺒﺎﺭﻙ ﺍﻟﻠﻪ ﻣﻘﺒﻠﺘﻴﺶ ﺍﻧﺎ ﻣﻨﺮﻏﻤﻚ ﻋﻠﻰ ﺣﺘﺎ ﺣﺎﺟﺔ ﺟﺎﻭﺑﻮ ﻭﺳﺎﻡ : ﺍﻳﺎﻩ ﻣﻨﺮﻏﻤﻬﺎ ﻭﻣﻨﺠﺒﺮﻫﺎ،،ﻭﻟﻜﻦ ﻧﺴﻮﻟﻚ ﺍﻋﻤﻲ ﻭﺍﺣﺪ ﺍﻟﺴﺆﺍﻝ ﻭﺍﺧﺔ ﺍﻧﺨﺮﺝ ﻋﻠﻰ ﺍﻟﻤﻮﺿﻮﻉ،،ﺍﻟﺘﺨﺎﻁﺭ ﺣﻼﻝ ﻭﻻ ﺣﺮﺍﻡ؟ﻭﺍﺣﺪ ﺍﻟﺴﻴﺪ ﺗﺨﺎﻃﺮﺕ ﻣﻌﺎﻩ ﻋﻠﻰ ﺍﻧﻲ ﻏﻨﺠﻲ ﻧﺨﻄﺐ ﺣﻔﺼﺔ ﻟﻴﻮﻡ ،ﻗﺎﻟﻲ ﻣﺘﻘﺪﺭﺵ ﻭﻗﺎﻟﻲ ﺍﻳﻼ ﻣﺸﻴﺘﻲ "" ﺍﻧﺎ ﻧﻬﻀﺮ ﻣﻊ ﺑﺎﻫﺎ ﻓﺒﻼﺻﺘﻚ "" ﺑﺪﺍ ﻛﻴﻀﺤﻚ ﺍﺑﻲ ﻭﻫﻮ ﻣﻌﺎﺭﻓﺶ ﻫﺪﺍﻙ ﻛﻴﻤﻌﻨﻲ ﻟﻲ : ﻫﻬﻪ ﺍﻳﻼ ﻛﺎﻧﺖ ﻋﻠﻰ ﻫﺎﺩﻱ ﺟﺎﺋﺰ ! ﺷﺎﻑ ﻓﻴﺎ ﻭﻫﺰ ﺣﺠﺒﺎﻧﻮ ﺯﻋﻤﺎ ﺍﺵ ﻛﺎﻳﻦ : ﺍﺵ ﻗﻠﺘﻲ ﺍﺣﻔﺼﺔ .. ﺑﻼﻣﺎ ﺗﺤﺸﻤﻲ ﺗﺨﺒﻴﺖ ﺗﺎﻧﻲ ﻓﺒﻼﺻﺘﻲ ﻭﻗﻠﺖ : ﻣﻜﻨﻌﺮﻓﻮﺵ !.. ﺿﺤﻚ ﻭﺳﺎﻡ : ﺍﻧﺎ؟ﻣﻜﺘﻌﺮﻓﻴﻨﻨﻴﺶ ﻧﺎﻛﺮﺍﻧﻲ؟ﻫﺎﺩﺷﻲ ﻛﺎﻣﻞ ﺧﺮﺝ ﻣﻨﻚ ﺍﺣُﻔَﻴﺼﺔ ! ﺟﺎﻭﺑﻨﻲ ﻋﻤﻮ ﻭﻫﻮ ﻛﻴﻀﺤﻚ : ﻭﺍﻻﻟﺔ ﻓﻠﺨﻄﺒﺔ ﻋﺮﻓﻴﻪ ﺣﺘﻰ ﺗﺤﻔﻀﻴﻪ ﺳﻜﺖ ﻭﺑﻘﻴﺖ ﻛﻨﻔﻜﺮ : ﻭﻟﻜﻦ ﻫﻮ ﻣﻐﻨﻲ .. ﺍﻧﺎ ﻣﺒﻐﻴﺘﺶ ﻧﺘﺰﻭﺝ ﺑﻤﻐﻨﻲ ! ﺟﺎﻭﺑﻨﻲ ﻭﺳﺎﻡ : ﺣﺘﻰ ﻫﺎﺩﻱ ﻛﻮﻧﻲ ﻫﺎﻧﻴﺔ،ﺍﺻﻼ ﺳﺎﻟﻴﺖ ﻟﻜﻮﻧﻄﺮﺍ ﻟﻴﻮﻡ ﻣﻊ ﺍﻟﺸﺮﻛﺔ،ﻭﺍﻟﻜﻨﻄﺮﺍﺕ ﻟﻲ ﺑﺎﻗﻴﻴﻦ ﻟﻲ ﺭﺍﻩ ﺗﺎﻓﻘﺖ ﻣﻌﺎﻫﻢ ﻧﺨﻠﺺ ﺍﻟﺸﺮﻭﻁ ﺍﻟﺠﺰﺍﺋﻴﺔ،ﻭﻧﺘﻲ ﺍﺩﺭﻯ ﺑﻬﺎﺩﺷﻲ ﺍﻭﻻ .