فهد .
كعدت الصبح سالار بحضني نايمة وخالة راسها على صدري
سالاري يالى گومي كافي نوم
ما خليني انام تعبانة
يالى حبيبتي گومي اريد اروح للشغل
حبيبي ارجع نام بعد وگت
انتي ضلي نايمة
عفتها وگمت طبيت سبحت وبدلت رحت يمها بستها بخدها
ونزلت امي گاعدة هيا وبيبيتي بالمطبخ
صباح الخيريالغاليات وبست راسهن
بيبي .صباح العافيه يارويحتي
امي .صباح الخير نور عيوني
كعدت صبتلي امي چاي وسوتلي ريوگ
بيبي.وين مرتك ليش ماگاعدة
نايمة بيبي تعبانة
بيبي .يمكن مزودها وياها البارحة
ههههههه تلگفيها على طاير
بيبي .دير بالگ لاتفطس بيدك
هههههه الله على سوالفچ بيبي ضحگتيني من الصبح
يالى رايح محتاچين شي
سلامتگ يمة
الله يسلمچ يالغالية
سالار .گعدت فهد مو يمي باوعت للساعة بالتسعة
طبيت سبحت ولبست تراك
ونزلت
صباح الخير
بيبي .دنيا الضهر ياصباح
امي .صباح الخير بنيتي
رحت بست ماما وبست بيبي
بيبي.ليش ماگعدتي ويا رچلچ الصبح
بطلي سوالف الزعاطيط چنتي عند.اهلچ تگعدين للضهر هسى انتي مزوجة ومو ازوجة زوجة شيخ
حاضر بعد ماعيدها
امي .گومي يمة تريگي
لايمة ماشتهي شسوي غدة اليوم
امي .لا حبيبتي اني اطبخ
لاماما اني ماعدي شي وضايجة خلي اتونس بيه
امي .بگيفج حبيبتي
رحت للمطبخ شفت ام احمد تنضف
صباح الخير خالة
صباح الخير شيخة
خالة اگو بالثلاجة علاگة من ترحين اخذيها للجهال طلعنا البارحة اشترينا حلويات وذكرتچ بيهن
الله يديمچ شيخة ويخليچ لاحبابچ
لاخالة انتي وحدة منا شيصير بيچ يصير بينا وامانة شتحتاچين تچين تگوليلي
مشكورة شيخة ماتقصرين
بديت اطبخ سويت تمن وبامية ودجاج
كملت صعدت بدلت وخليت مكياج
ونزلت
بيبي.هلاهلا شعدچ اليوم متمگيجة وطالعة على اخر حباية. فاتحة الشعر
ماكو شي يعني ميصير اخلي مكياچ
