سااار .اكثر شي اذا هوا خسارة ابني چنت اتمنة اصير ام واچيب لفهد وريث
بهاي الفترة گومة ناس اچت تتحمدلي على السلامة
البنات ماعفني بهاي الفترة خطية كلة عليهن گدرت امشي بس الة استند على شي
گاعدين بغرفة عمتي والبنات يمي
اچت عمتي ام فهد
يالى بنات راح يچن خالات فهد وخوالة خلي انحضر الغدة
عبير .حاضر عمة لاحگينچ
گومي فاطمة خلي انگمل من وگت علمود نگشخ
فاطمة .تردين علي يذبحني هوا منا عصبي دورة يتخبل علية .
عبير .ههههه گومي گومي مايحچي ضحگي عليه بك كلمة
سالار .مشبعن من الحچي گومن چان هسة گملتن
عبير. اعصابچ عيوني هيچي اخذتچ الغيرة على اخوچ
سالار .يكون يعبيران ازوچچ وسام يگعدچ بكتلة ينيمچ بكتلة
عبير .
اويلاه اموت على الرچال لي يهيني
سالار .ههههه مو ميل گلچ الاحترام
عبير .صحيتي وگمتي تقلدين اروح اشتغل احسلي
راحن البنات ضليت وحدي اچت بيبي يمي ضلينا انسولف طبعن بيبي لازم تحچيلها حچاية تغثني مدري شعدها وياي تگولين ماخذة رچلها وحفيدها
بببي. شگال الطبيب على الحبالة تحبلين بعد
ماكال شي بيبي واصلن چان الطفل صغير
يالى شدي حيلچ وحبلي اريد وريث لفهد
الله كريم بيبي
ندري الله كريم بس يكول اسعة يعبدي وانا وياگ شو الرجال صارلة سبوع نايم وحدة مين تحبلين
چاي تحچي بيبي وطبت عبير
عبير.يارجال ياحبالة شجاي تكولين بيبي طلعت من حلگ الموت الله سترنا وعافاها لاضغطين عليها
بيبي .انتي مايخصچ لاتدخلين
وعافتنا وگامت
سالار .عبير ليش رديتي عليها مرة جبيرة ومتعودة عليها
عبير .حتى لو ماتشوف حالتچ كومة متگدرين تگومين الى واحد يكومچ شو لخاطر ربچ سكتي شنو هل برود الي عدچ مرمرتي روحي الله يعين الشيخ سالار وصبيحية ثنينهن عليه
سالار .هههههههه تكون سمعچ تكولين صبحية
(صبحية اسم بيبي )
كملن طبخ وتنضيف طبيت للحمام استندت على الحايط سبحت بيد وحدة ماكدر احرك يدي اليسرة لفيت المنشفة وطلعت هدومي على الفراش بدلت على گيفي ميصير اخل عطر اواي شي بي ريحة خاف يلتهب الجرح
لبست دراعة خليجية حلوة
ورجعت تمددت على فراشي
اچتني فاطمة جايبة عصير
سالار هاي شوكت سبحتي ليش ماصحتيلنا
