Saahil- Ek toota shayar.
Baat kuch gehri hai jo teen shabdon mein samjhi nahin jaa sakti.
Kuch kahaniyaan aisi bhi hoti hain.
SAAHIL
Saahil...
Saahil...
Yeh hai kaun?
Aaya kahan se hai?
Karta kya hai?
Kuch aise hi sawaalon se ghire pade hain Saahil ke padosi.
Saahil jo abhi kuch do mahine pehle hi Bhalswa Jahangirpur ( Delhi ) mein aa basa hai.
Yeh kaun hai, kahan se aaya hai, naam kya hai, kaam kya karta hai... aise kuch sawaalon ke jawab uske padosiyon ko mil nahi paayein hai,
Aur mile bhi to kaise?
Saahil ke 15 ghante uske kamre mein hi roj ke roj beette hain.
Naa to kisi se baat karna,
Naa kisi (padosi) ko dekh muskurana,
Bas roj shaam ke 5 baje apne thaile ( bag) ko le sanjay van nikal jaana.
Wahan jaa kar sunahre drishya ko dekh apna mann behlata aur kalam aur kagaaz ka mel kar kuch shayri likh jaata.
Bas yahi dincharya hai saahil ka inn kuch do mahino se.
Saahil kaun hai?
Saahil ka janam Patna(Bihar) mein hua tha,
Uska ghar Patna ke Shivpuri Colony mein hai.
Saahil ke peeta Sukhdev Mishra ek peshkar( Judiciary court clerk) hain aur ek kaafi imaandar insaan hain.
Saahil ki maa Sumitra Mishra shikshika( tutor ) hai aur padhana unka shauk bhi hua karta hai.
Saahil ek madhyam wargiya parivaar( middle class family) ka ladka tha.
Halaaki, woh padhne mein awwal tha aur dimag se bhi kaafi tez aur udhyami (active) ladka tha. Woh apne maa-baap ka bada dulara tha.
Saahil ke janam ke waqt haalat kaafi bigde hue the, chikitsak (Doctor) ne chetavani bhi de di thi ki paristhiti aisi bhi hai ki shayad maa(Sumitra jee) ya fir saahil dono mein se kisi ek ki hi jaan bache. Uss samay paristhiti bahut naazuk aur bhayaavah thi.
Sukhdev jee( Saahil ke peeta ) to kaafi nirasha mein the ki unke aankhon se aansoo ruke na ruk rahi thi. Aur roj ke roj woh 4-5 ghante ro-ro mandir mein hi bitate the, Par shayad ise sanyog ya ishwar ka hi aashirvaad kahein ki saahil ka janam bhi ho gaya haan, kathinayi to zaroor hui par sumitra jee( saahil ki maa ) ki bhi jaan thik-thik bach gayi.
Saahil ke janam ke baad ghar mein itni hi khushi aa gayi thi ki maano yeh khushi varshon se chhupi padi lukka-chhupi khel rahi thi.
Sukhdev jee aur Sumitra jee ko Saahil ki ek chot naa bardaasht hoti thi, Saahil ka jeevan maa ki mamta aur baap ke pyar se hi khushi-khushi guzra hai.
Haalanki, Saahil apne bachpan mein bada hi natkhat aur ziddi bachcha tha par dil se kaafi vinamr (soft hearted) , dayavan aur aagyaakaari ladka tha, shayad yeh sanskaar usne apne maa-baap se hi paaya tha.
Sukhdev jee ke ghar ki istithi kuch kaafi thik nahi thi par unhone saahil ke padhai pe zara bhi rukawat ya koi pareshani naa aane di.
Saahil tha bhi achcha vidyarthi aur mehnat mein kami bhi nahi karta tha.
Aur humesha vidyalaya mein achche hi shrenee( rank ) laaya karta tha,
1st, 2nd ya 3rd saahil inn shrenee ke bich hi raha karta tha kaafi awwal darje ka vidyarthi tha par ek baar class 7 mein uski shrenee bigad gayi aur fir saahil kaafi toot bhi gaya tha itna ki mahine bhar rota raha naa bahaar khelne jaata naa khana khata naa hi apne janak (parents) se thik se baat karta.
Woh itna toot gaya tha ki uska aatmvishvaas kaafi nich gir gaya tha jiske wajah se uski class 8 aur 9 ki bhi pariksha thik-thak hi reh paayi thi.
Saahil ko khud ke mehnat pe bhi bharosa naa reh gaya tha. Fir ek din uske peeta sukhdev jee use behla kar Patna ke Gandhi Maidaan ( Park ) mein le gaye aur use prerana dene lag gaye.
Unhone saahil ko kuch aise samjhaya
"Beta nirasha kis baat ki hai, humko to tumpe garv hai ki tum mehnati hai aur humko tumse poori umeed hai ki tum bahut bada insaan banega aur humara naam raushan karega tum.
