راشد:نرمين يلا ح نتأخر
نرمين:راشد ياخ اصبر حبه💔
راشد:دايما بتأخرينا...بتعملي في ايه😕(و دخل الغرفه لقاني واقفه قدام المرايه و لابسه توب كبدي كده حلو شديد مع مكياج خفيف و فاكه شعري😍)😍😍مرتي حلووه ربنا يخليكي لي و يحفظك
نرمين:امين ي رب😌احم احمد ربك عندك مره حلوه زي
راشد:هي حسي لو عايز بجيب التانيه😏
نرمين:تقدر😡
راشد:براحه براحه كلو و لا حقتي تزعل😍(طبعا بقول لي حقتي😌)
نرمين:اي كده😂تعال تعال(و مشيت ظبطا ليهو القميص الكان لابسوو و طلعنا طوالي)
يلا خلوني احكي ليكم حبه عننا❤انا نرمين عمري 24 سنه اتخرجتا قبل سنتين من اداره الاعمال و اول م اتخرجتا الهو قبل سنتين اتزوجتا حب حياتي راشد😍😍انا و هو بنحب بعض من 5 سنين...كان ساكن جمبنا و من 3 ثانوي احنا في علاقه و الحمد لله اتزوجنا عندي اختي اصغر مني اسمها نور و اخو واحد اسمو احمد و بس❤رااشد شغال مهندس سيارات عندو شركه كبيره و معروفه عمرو 27 سنه عندو اخو واحد غيرو يعني ولدين بس اخوهو التاني مغترب في السعوديه متزوج و بعيالو و هنا راشد قاعد عشان امو م عندها غيرو😍الحمد لله مرتاحين من كل النواحي و طبعا انا م اشتغلتا لانو مافي داعي و غير كده شاغلاني حاجات تانيه ح تعرفوها لقدام💔
وصلنا بيت كبير في واحد من احيااء الخرطووم😍و دخلنا و كالعاده استقبلونا احلا استقبال...
فاطمه:اولادي😍😍نورتونا❤
نرمين:امي كيفك😍(يلا هيا م امي هيا ام راشد بس من شده م بحبها و علاقتنا قويه بقول ليها امي❤)
فاطمه:و الله الحمد لله انتي كيفك..اشتقتا ليكي ياخي وين مختفين كده
راشد:هي طيب ي امي يعني نسيتيني خلاص مما لقيتي مرت ولدك😕
فاطمه:(ضربتو في كتفو)دي م مرت ولدي دي بتي هووي😠
نرمين:احم احم😂
فاطمه:ادخلو يلا ناس عمتك هنا و مستنينكم من قبيل
راشد:حااضر(دخلنا)
سوسن:اوووه ي حلووين كيفكم😍
نرمين:الحمد لله كيفك انتي ي خالتو
سوسن:و الله تمام راشد وين مختفي ياخ
راشد:و الله الشغل و كده
سوسن:الله يديك العافيه ي ولدي ادخل غرفه الرجال عمك هناك امشي سلم عليهو و شايفه في رجال بعد يمشو جيبو و تعال نقعد كلنا طولنا م قعدنا😍
راشد:حااضر(رااشد مشا و فضلنا قاعدين احنا و نتونس و كالعاده عارفين ونسه النسوان😂بس فجأه جا حديث م حبابو💔)
سوسن:طبعا م شفتي ي فاطمه تتذكري زينب بنت محمد علي العرست قبل كم شهر
فاطمه:اي مالا
سوسن:حامل و ولادتا الشهر الجاي اتخيلي😂
نرمين:(طبعا اول م سمعتا حامل دي جسمي برد و خلاص دمووعي بقت في عيني😢)
فاطمه:يحليلا ربنا يقوما بالسلامه ي رب..اكيد امها مبسوطه لانو كان نفسها في حفيد😍
سوسن:اي
نرمين:(انا خلاص ضاقت بي شديد طوالي قمتا💔)
فاطمه:نرمين ...
نرمين:لااا لا ماشه الحمام و جايه😊(مشيت الحمام و طوالي بقيت ابكي😭طبعا اكيد عرفتو مشكلتي للأسف م بجيب اولاد💔لينا سنتين و م حملتا و الدكتور قال انو عندي مشكله في الرحم و ده السبب المخليني م اشتغل متابعه العلاج اللي من سنتين م اثر😢💔بس الحمد لله...المصبرني رااشد لانو عمرو م حسسني بأني عاجزه و امو كانت بتعملني زي بتها❤بس عمت راشد الهيا سوسن دي عندها بتها مشكاه و كان نفسها تزوج مشكاه لراشد و اظن مشكاه برضو كان نفسها تتزوجو بس طبعا النصيب م وقف معاهم عشان كده دايما بتطعني بالكلام بس بصبر لانو م عندي حل💔مسحتا دموعي و ظبطا مكياجي و رجعتا كأنو حاجه م حصلت و اتونستا عادي لمن م راشد جا و قال لي يلا و مشينا...)
في السياره:
رااشد:نرمين
نرمين:اممم
راشد:مالك💔
نرمين:مالي
راشد:زعلانه من حاجه؟
نرمين:لااا لا بس مصدعه شويه😊
راشد:انتي عارفه اني حافظك و عارفك لمن تكوني زعلانه في ايه؟
نرمين:م عايزه اتكلم في الموضوع💔
راشد:(وقف ااسياره)في شنو ي نرمين
نرمين:راشد م حاجه مهمه😢
راشد:كل اللي يزعلك مهم بالنسبه لي❤
نرمين:عمتك سوسن...
راشد:فتحت سيره الحمل صح؟
نرمين...(و طوالي دموعي نزلو😢)
راشد:هي م تبكي(و مسح دموعي)الحاجه دي بيد الله صح
نرمين:بس انتا م عندك ذنب عشان تتعاقب معاي
راشد:ي محلا العقاب لو كان معاكي❤و بعدين م تقولي عقاب م صح ده امتحان بس احنا علينا نصبر❤
نرمين:بس انتا نفسك في ولد
راشد:انا م عايز غيرك
نرمين:😢
راشد:ي بت خلاص بكا يلا عشان اشتري ليك اسكريم😉
نرمين:😂ارح طيب
راشد:😂😂بحبك ياخ
نرمين:و انا بموت في اللي خلقك❤❤
راشد:اي عارف😌
نرمين:😂(ضربتو في كتفو)اهبل
مشينا اكلنا اسكريم و مشينا شارع النيل😍و بعدها رجعنا البيت تاني يومم صحيت راشد بدري طبعا و عملتا ليهو الشااي و وصلتا لحدي الباب
نرمين:م تتأخر
راشد:😂لالا انتى عارفه في مزز في الشغل معقول اسيبهم و اجي
نرمين:😒😒عاين لي وحده عشان اقدا ليك عيونك طيب
راشد:هو انا اقدر اعاين لغيرك❤
نرمين:🙈🙈خلاص يلا طير كترتا
راشد:😂غلطان انا البتكلم معاك كلام رومنسي
نرمين:طيب طيب بس ح تتأخر يلا يلا😂(و قفلتا الباب💔ده موالنا كل يوم😍هظار و ضحك❤مع انو ناقصنا ولد بس راشد عمرو م حسسني بالحاجه دي❤)
يتبع...
