فاطمه:انتى م بتحسي😡
نرمين:😳شنو
فاطمه:ياخ انا خلاص غلبني عديل م بقدر اسكت اكتر من كده ياخ ولدى ده تعب معاك و اتمرمط مرمطط السنين انتى ي بتي لو عدوتو م بتعملى فيهو كده ياخ كفاهو
نرمين:...
فاطمه:استحملتك سنتين مع انك م بتجيبي اولاد بس قلتا حلوه و الناس كان بتتكلم و دى الحاجه الوحيده المسكتانى بس لو على حساب سعاده ولدى و القروش البصرفا على علاجك اخير عدمك ياخ😡😡
نرمين:(طبعا انا بقيت في حاله صدمه معقوله دى هيا البقول ليها امى معقوله😳😳بقيت بس ساكته و من شده م مقهوره م حاسه بحاجه😢)
فاطمه:انتى بتحبي راشد
نرمين:
فاطمه:بتحبيهو😡
نرميين:اى
فاطمه:خلى طيب يشوف غيرك ياخ اطلعى من حياتو خليهو يتهنا حبه بس💔
نرمين:...
فاطمه:لو بجد بتحبي كان حسيتي بيهو هو نفسو في طفل و تعب منك لو انتى بعدتى مستحيل يقرب بس لو انا حاولتا اقنعو م ح يسيبك ياخ عشان بتحبي ريحيهو😢
و إذا عايزه تعرفي انا ليه يادووب قلتا كده فأحب اقول ليكي راجلك حسي الدكتور ضرب ليهو و قال ليهو احتماليه تحملى تاني ضعيفه💔و هو زعل م شفتى وشو بقا عامل كيف😡
نرمين:...(طبعا لمن قالت لي الدكتور قال كده انا خلاص بقيت اعاين ليها بطريقه حتا هيا نزلت راسا💔)
فاطمه:لو بتحبيهو بس خليهو(و مشت سابتني انا فضلتا قاعده براي لمن م جا رااشد و شافني جا قعد جمبي..
راشد:نمشي؟
نرمين:يلا(و طلعتا و طبعا ماسكه دموعي بالغصب و عامله كاني م عارفه حاجه جات امو سلمت علي و بالاحضان بجد قرفتا منها معقوله زول زيها يكون عندو وشين كده😳اتحركنا علي البيت و هو ساكت و انا ساكته..اول م دخلنا البيت انا كان خلاص قررتا و ح امشي بقراري ده مره اسبوع و كان اكعب اسبوع لي💔تعاملي مع راشد بقا كعب شديد لا بهظر لا بعمل اكل و لا حتا سلام م بسلم يوم جا زهجان من الشغل..
راشد:نرمين اعملي لي اكل جعان
نرمين:هناك المطبخ
راشد:(جا مسكني من يدي شديد و عيونو دي حمره😡)في شنو ياخ مالك ي نرمين اتغيرتي كده
نرمين:م عاجبك الوضع سيبني😊
راشد:نرمين(بصوت عالي)جنيتي انتي😡
نرمين:لا بس انا قرفتا من الوضع ده صراحه و عايزاك تطلقني😊
راشد:(سكت مسافه)نرمين مالك في شنو فجأه مما رجعنا اليوم داك و انتي كده معقوله انتي نفسها البت البحبها😢
نرمين:انا ي راشد م عايزاك و احسن شي نطلق(و م استنيتو يتكلم دخلتا الغرفه و عايزه ابكي بس ماسكه دموعي عشان يصدق انو انا م متأثره لميت حاجاتي و جيت طالعه و هو قاعد بعاين لي💔)
نرمين:ي ريت ورقتي تصلني سريع..
و طلعتا وقفتا امجاد و انا الطريق كلو ابكي😭بكيت بكا لمن الناس المعاي بعاينو لي مستغربين مستحيل تحسو بس قلبي ده زي الفيهو سكينه😢واجعني شديد ياخ💔وصلتا البيت و امي و اختي نور اول م شافوني بحالتي دي جو جارين انا بس شفتا امي اترميت في حضنها و بكيت😭و هيا مسكينه مخلوعه م شرحتا ليهم حاجه و هما م حبو يضغطو علي دخلتا غرفتي نمتا و لمن تاني يوم انا بس ساكته و م بااكل ابوي كان يادب جا من السفر يدخل يعاين في الغرفه يلقاني نايمه يطلع..
ساميه:ي ربي امكن مشكله بسيطه مع راجلا💔
نور:امي م شفتي بتك كان عامله كيف😢ياخ كانو مات ليها زول
احمد:انا م بسكت اكتر من كده بضرب لي راشد افهم منو😡
محمد:(ده ابوي)لا انتا م تدخل و اصبر حبه
اليوم البعدو كان نفس الحاله زي العصر كده دخلت علي نور
نور:نرمين
نرمين:م عايزه اتكلم الله يخليكي اطلعي
نور:لا م طالعه في شنو
نرمين:عايزه اطلق من راشد بس
نور:نرمين😳ي بت انتو بينكم 5 سنين حب معقوله طيب الحاصل ايه
نرمين:و لا حاجه اطلعي
نور طلعت و بعد شويه باب الغرفه تاني دقا
نرمين:ياخ اختيني😡
راشد:متأكده
نرمين:راشد
راشد:(دخل و قفل الباب و قعد قدامي)مشتاقين
نرمين:...
راشد:انتي ليه بتعملي كده
نرمين:م مرتاحه
راشد:م مرتاحه من ياتو ناحيه
نرمين:من كل النواحي انا بس عايزه اطلق
راشد:طيب المشكله ايه انا م فاهم😡
نرمين:شوف الناس بتزوج ليه؟!..
راشد:كيف يعني
نرمين:الناس بتزوج عشان تجيب اولاد و تعمل عيله و م دام انا و انتا م بنقدر نجيب احسن نسيب بعض انتا تشوف ليك زوله و انا ارتاح من الهم ده
راشد:هم شنو
نرمين:همك انتا😊تعبتا انظف و اعمل كل حاجه و ليه عشان نستمرا كده كل حياتنا
راشد:انا بقيت هم😂😂و الله ي نرمين دي مشكله
نرمين:المهم م علينا احنا نسيب بعض و انتا تشوف طريقك ي ود الناس انا م عايزاك من الاخر كده
راشد:طيب ي نرمين م عندك مشكله بكره بتصلك ورقتك(و طلع و قفل الباب طاخ😡انا بقيت بببكي بطريقه هستريه لمن ناس امي جو مخلوعين😢)
ساميه:ي بتي م تقطعي قلبي😭في شنو
نور:نرمين انتي لو م عايزه ططلقي ليه قلتي ليهو طلقني انا سمعتا كل كلامكم و متأكده ده م هو ااسبب
نرمين:😭😭ي الله
تاني يوم فعلا راشد رسل لي ورقتي و انا بجد وقتها قربتا اموت اسبوع و انا م باكل و لا بشرب و كل م انوم ارجع اتذكر خلاص انا لا حقت راشد و لا راشد حقي😭😭😭💔
يتبع..
