دخلتا و سلمتا علي النسوان و ساعدتا الناس و طبعا كلهك بعلقو فيني😍و بقولو لام راشد مرت ولدك حلووه و بعد شويه جات و سلمت علي مشكاه💔(دي القلتا ليكم امها سوسن و كانت عايزه راشد و كده)
مشكاه:نرمين كيفك😊
نرمين:الحمد لله كيفك انتي
مشكاه:الحمد لله الف مبروك قالو لي حامل
نرمين:الله يبارك فيكي تسلمي
مشكاه:الله بحبك ح يرزقك بطفل بعد كل الحصل
نرمين:اي الحمد لله
مشكاه:يلا انا بنادوني😊
نرمين:الله معاك
مشكاه مشت و محل م تمشي تسمع نسوان يقولو نرمين و حلوه و ماشاء لله عليها و طبعا جواتا بس نار و عايزه تنفجر طوالي دخلت المطبخ لمحت قداما سم فيران و بقت تفكر و قالت(م انا التهزمني وحده زيك😡)شالت سم الفيران و جابت كاسه بتاعت عصير و كبتو فيها و نادت ام راشد..
مشكاه:ي خالتو
فاطمه:ايوه ي بتي
مشكاه:نرميين دي من قبيل واقفه و تعبانه الله يخليكي اديها تشرب ده
فاطمه:اي و الله البت حامل نسيتا خلاص جيبي و تسلمي😍(خ فاطمه مشت و جابت لي العصير)نرمين اشربي ي بتي بتكوني تعبتي
نرمين:اي و الله في وقتها😍(شربتا حبه و الطعم بقا لي غريب)ي امي طعمو غريب شديد💔
فاطمه:بري بس اشربي غايتو انا ح امشي اشوف ناقص بره ايه عشان شايفه العروسه جات و بدو يغنو
نرمين:تمام طيب😊(و شربتو كلو💔)
طلعتا بره و بقيت مراقبه الحفله و الهجيج بس مسكتني غصه في بطني زي زول بدخل سكين و يطلعا😢و بقيت شايفه طشاش عاينتا تحت لقيت دم كتير نازل مني و رجلي م شايلاني من شده الوجع و لا قدرتا اصرخ طوالي اغما علي💔و النسوان شافوني و بقو يسكلبو و جات خ فاطمه و مشكاه واقفه بعيد و تتبسم..خ فاطمه ضربت لراشد و طوالي جا و نظراتو كلها خوف😢و عيونو دي مليانه دموع شالني وداني المستشفي و مشت معانا خ فاطمه و امي جات هناك💔دخلوني طوالي عمليه و راشد بقا بس ماسك قلبو و قاعد في الارض و لا اتفاهم معاهم عن الحصل امي جات بتصرخ و خ فاطمه تهدي فيها...بعد ساعتين طلع الدكتور😢
راشد:في شنو مرتي مالا
الدكتور:و الله انا عملتا العلي بس يظهر انو زول مديها زي سم فيران
راشد:سم فيران😳😳😳
ساميه:(امي)بتي😭😭😭
الدكتور:اي و للأسف م قدرنا ننقذ الطفل الفي بطنها بس الله بحبها لانو قدرنا ننقذا❤
خ فاطمه:وووب😭
راشد:ينفع اشوفا
الدكتور:شويه كده و بتدخلو ليها
طبعا الجو بقا مكهرب و راشد بس ساكت و راسو ده عايز يطرشق منو ممكن يعمل كده طيب يمكن بالغلط و من ناحيه تانيه بفكر في مرتو لو عرفت ح تعمل ايه😢بعد نص ساعه كده دخلو لي الغرفه و انا كان يادوب بديت افتح..
ساميه:بتي😢(و جات حضنتي)حمد لله علي سلامتك
فاطمه:نرمين حمد لله علي السلامه الحمد لله بس😢
راشد:....
نرمين:انا...ولدي..
ساميه:ي بتي ده الالله كاتبو استهدي بس😭
نرمين:يعني..
فاطمه:زي م الله سهلا عليكي و حملتي بتحملي تاني
نرمين:(طبعا جمله خ فاطمه بقت مدوره في راسي يعني انا نزلتا الولد انا هنا خلاص زي كأنو قالو لي انتي متي بقيت اصرخ و جا راشد مسكني و حضني و انا لسه في حالتي بقيت بصرخ بهستريه😭لمن م جات الممرضه و الدكتور و ادوني ابره مهدئه💔اضطرو يقعدوني تاني يومين بسبب حالتي دي انا بس ببكي و م باكل و عيلتي كلها جمبي و راشد مسكين بقا م بنوم بس بقعد جمبي و بمسك يدي💔بعد يومين طلعوني و انا قرفانه من اي حاجه حتا نفسي مشينا البيت و انا ساكته بقا فيني هدوء غريب و استمرا الحال ده اسبووع و راشد بقا م بمشي الشغل و بحاول يطلعني من الانا فيهو💔
راشد:نرمين
نرمين:اممم
راشد:لمتين
نرمين:ايه هو؟!..
راشد:الانتي بتعملي في نفسك ده😡
نرمين:راشد ممكن ططلع عايزه انوم
راشد:الله كاتب كده ح تعملي شنو يعني
نرمين:ايوه الله كاتب انو م يجيني طفل
راشد:نرمين م تقولي كده زي م الله رزقك بده برزقك بغيرو بس خلي إيمانك بيهو اقوا💔
نرمين:بس انا تعبتا😭
راشد:طيب م توجعي قلبي معاكي الله يخليكي😢(و جا حضني بكيت بكيت لمن نومتا صحيت تاني يوم لقيت راشد مجهز االاكل قلتا خلاص انا لازم اطلع من الانا فيهو
صليت و طلعتا ليهو حضنتو❤)
راشد:..
نرمين:تعبتك معاي اسفه😢
راشد:😍ياخ كلو و لا دموعك(و مسح لي دمعتي)ي بت انا بحبك و ح افضل معاك في الحلوه و الشينه❤
نرمين:الله يخليك لي😍
راشد:يلا اقعدي ناكل😂
نرمين:الله اصلا انا جعانه😂(قعدنا و اكلنا زي العصر كده امو ضربت قالت عازمانا بكره فطور طوالي راشد قال ليها طيب و مره اليوم عادي حضرنا فلم😍و اتونسنا و طلعني من الجوه الانا فيهو❤تاني يوم مشينا من بدري و سلمنا و قعدنا انا و راشد و امو و سوسن كان مافي مع انو دي دايما معاها بيتهم واحد بس مقسوم نص جهه لي ام راشد و جهتم بهناك عشان م تقعد خ فاطمه براها و كده)
راشد:(جاهو تلفون طلع بره و اتكلم و جا داخل عيونو حمره💔)انا ماشي
فاطمه:اجي ي ولدي م اكلتا
راشد:لالا طالع
نرمين:راشد في شنو
راشد:و لا حاجه(و طلع مشت وراهو امو قلتا اخليهم براهم و بعدين بسألو عن الحاصل💔و بعدها رجعت قعدت قامت فجأه قالت لي...
يتبع...
