صحيت لقيت مكالمتين من فهد م رجعتا ليهوو و قفلتا تلفوني كان الساعه 1 تقريبا طلعتا بره الظاهر كانو بتكلمو في حاجه و اول م دخلتا سكتو💔
نرمين:صباح الخير
كلهم:صباح النور
ساميه:م كان تقومي بجيب ليكي شايك في الغرفه😍
نرمين:مافي داعي(جبتا الشاي و قعدتا)ي نور
نور:عيوني
نرمين:عايزاك تعملي لي استشوار😊
نور:ليه
نرمين:ماشه بعدين حفله
محمد:حفله وين
نرمين:شوفو انتو عارفين انو الليله عرس راشد مافي داعي للأستهبال
نور:😳😳و ماشه؟..
نرمين:و ليه م امشي اجي😂
ساميه:لالا مافي ليكي مشي😡
نرمين:لا معليش بس انتو لو عايزني اطلعو من حياتي لازم امشي و اشووفو بقا لوحده تانيه عشان اقدر ادعسو و اكمل
محمد:بس..
نرمين:يلا ي نور انا مستنياكي جوه😊(و دخلتا)
محمد:م تقوم تعمل حاجه هناك
ساميه:لا بتي واعيه انا متأكده م ح تعمل حاجه
نور:هيا لو عايزه تمشي خلوها تمشي و بعدين امكن بجد تقدر تنساهو💔
اساميه:الله يعينك ي بتي💔
نور جاتني جووه و عملت لي شعري و بعدين طلعتا فستان احمر كده حلو شديد😍جهزتو و عملتا منكير احمر و طلعتا كعب عالي اسوود و ظبطا الاكسسوارات الح البسا زي المغرب كده بديت البس و اتمكيجتا😍و اتظبطا و طلعتا قمر❤طلعتا بره كلهم بعاينو لي و متفاجئين..
ساميه:اصبري نور تمشي معاك
نرمين:لااا لا بمشي براي
محمد:ي بتي..
نرمين:م ح اعمل حاجه م تخافو ي جماعه و نور عندها امتحانات خلوها تقرا
محمد:طيب اصبري عشان اوصلك
نرمين:تمام(ابوي لبس ليهو جلابيه و طلعنا)
عنده فهد:
مصطفي:ي مان وين انتا
فهد:وين شنو؟!..
مصطفي:ي فهد م جادي ياخي الليله عرس راشد معقول تنسا
فهد:اخ ياخ عندي حاجه شاغلاني عشان كده نسيت لكن م حنك مسافه السكه اكون عندكم😊
مصطفي:تمام طيب
فهد مشا لبس و طلع طوالي علي الحفله❤
انا دخلتا قعدتا و طبعا خ فاطمه لمن شافتني فتحت خشمها ده مترين و انا بكل دم برود ابتسمتا ليها😊و بنات خالتو دول كلهم بدخلو و يعاينو لي و يتوسوسو لمن م جا وقت الزفه و انا قلبي ده شغال دلووكه💔جا داخل معاهو مشكاه😢حبيبي و روحي داخل و معاهو وحده تانيه😢كان نفسي اصرخ و اقول ليهو وين وعدك انك م تكون لغيري💔دموعي وقفت في عيوني بس مسحتا سريع و اتصنعتا الابتسامه تاني😊اول مره اشوفو بعد 5 شهور و هو م اتغير و لاا شوويه😢💔...بدو يرقصو سلوو و راشد اول م بدا يرقص مع مشكاه اتذكر..
راشد:حسي بقيتي حقتي😍
نرمين:😍اي اخيرا
راشد:انا بحبك و مستحيل احب بعدك مستحيل
نرمين:خلاص م وقت رومنستك الناس بتعاين لينا😂
راشد:خليهم يعاينو مش انتي حقتي❤(قطع تفكير رااشد لمن شاف نرمين واقفه قدامو😳بقا مصدوم و بعاين لي و انا بعاين ليهوو و للحظه نسينا العالم كلو و عيونا كانت بتتكلم💔بتتكلم عن كل الشوق و العتاب بس بعد شنو امكن الوقت فات😢)
مشكاه:راشد في شنو(و اتلفتت وراها و شافت نرمين)😳نرمين(الناس بدو يتلمو عليهم و يباركو و راشد لسه مصدوم و بعاين لنرمين و يسلم علي الناس لمن م جا فهد و سلم عليهو)
فهد:الف مبروك ي عريس😍
راشد:ااا الله يبارك فيك
فهد:مالك
نرمين:راشد😊الف مبروك
فهد:نرمين😳
راشد:نرمين😢
مشكاه:(مسكت يد رااشد)الله يبارك فيكي😏
نرمين:😂تتهنو ي حبييتي بجد انبسطتا ليكم و بيت مال و عيال ي رب😊❤(و مشت منهم اول م مشت راشد ده وشو اتغير لمن م فهد سحبو براحه و طلعو بره)
فهد:راشد في شنو
راشد:معقوله جات بكل دم بارد😢
فهد:شوف الليله عرسك و انا م فاهم حاجه لحدي الان في زول في عرسو شكلو بكون عامل كده
راشد:بحبها و الله و م نسيتا طول ال5 شهور دي و الله م نسيتا😭
فهد:راشد كدي بسم الله انتا بتتكلم عن منو
راشد:..
نرمين:معقول ي عريس يوم عرسك سايب عرووستك و جيت تقعد هنا😊
فهد:😳😳
راشد:نرمين انا
نرمين:انتا شنو
راشد:انتي معقوله قاسيه للدرجه دي عارفه اني ح اتأثر لمن تجي و مع كده جيتي
نرمين:تتأثر😊ليه يعني م هو يوم عرسك معناتا من المفترض انو م يكون عندك مشاعر لي صح؟
فهد:مشاعر...دقيقه نرمين مرتك القديمه ي راشد😳(و بدا يربط االاحداث)
راشد:انتي السبتيني م تنسي
نرمين:سبتك..طيب رأيك ايه ي استاذ تسأل امك انا ليه سبتك
راشد:امي دخلها شنو
نرمين:امك هيا الطلبت مني اعمل كده انتا مفتكر اني سبتك بس عشان نفسي😢انا سبتك لانو كنتا عايزاك تعيش حياه حلوه و م اكون سبب في تعاستك سبتك لانو امك قالت لي كلام خلاني احس اني انا اكبر عاقبه في حياتك😭(و ابتديت ابكي)عارف انا بحبك لدرجه انو طول الفتره الفاتت م نسيتك بس انتا شنو؟انتا بكل بساطه قررتا تكمل في حياتك و من الليله انتا منسي بالنسبه لي و ربنا يسعدك😢(و مشيت)
راشد:نرمين😭
فهد:(بقا واقف في النص م عارف يرجع لصحبو و لا يجي وراي في النهايه جا وراي و مسكني عاين لي مسافه بعدين حضني❤)ممكن م تبكي💔
نرمين:ي الله انا ذنبي شنو ي الله ليه وضعتني في الامتحان ده ليه😭😭
فهد:خلاص يلا اربكي(و ركبنا السياره و اتحركنا وقف في حته كده هاديه و جاب لي موويه)ممكن تحكي لي القصه
نرمين:(حكيت ليهو كل حاجه)
يتبع..
