ياااااهلاااااا
شخباركم
معنوياتكم للدراسة شلونها
نصائح للدراسة
1_هاي السنة خلوا طموحكم تنجحون بمعدل عالي ويرفع الراس هاي السنة بالذات سنة تفوق ونجاح اهم شي تشدون حيلكم شككـد حلو من تجيكم النتيجة ناجحة ودجاتج عالية واهلج يفتخرون بيج وانتي تحسين بقيمة تعبج وثمرة تعبج وسهرج
2_من ترجعين من المدرسة صلي واكلي وارتاحي تريدين تنامين او تلعبين بالفون اذا منعسانة بكيفج المهم ابد لتتجهين للدراسة رأسا بدون راحة عقلج لازم تريحيه وبعدين اقري
3_من تقرين للامتحان لترجعين تلزمين التلفون وتلعبين بي لان راح تركزين بي وتنسين القريتي
4_ديروا بالكم تبتعدون عن ربكم بهالفترة اتقربوا لله حتى يوفقكم
5_اقري بصوت عالي واشرحي لاي شخص موجود يمج واذا ماكو احد اتخيلي انتي دتشرحين للطلاب واقري بورقة وقلم هم
6_اهم فقرة والي هي نضافتج الشخصية اسبحي دائما واهتمي بنضافة جسمج واستخدمي مزيل عرق واني انصح بالشب حتى المنطقة تبقى بيضة ونهائيا متصيرلج ريحة
7_ابتعدي عن الصديقات السلبيات الي ميهمهن مستقبلهن
8_حضري الدروس يوم بيومه صدكيني حيتحسن مستواج الدراسي والمدرسات يحبوج
9_ابتعدي عن الشتم بالمدرسة والحجي ع المدرسات لان اكو مراقبات سريات ينقلن الحجي وتنحط عليج علامة اكس بس بين صديقاتج عادي وبصوت ناصي😹😹
10_بالشارع لتضحكين بصوت عالي وامشي بتوازن ولتلتفتين وتركضين حتى مياخذون عنج نضرة محلوة
11_سويلج اجواء للدراسة مثلا اشعلي شموع ونضفي المكان التقرين بي واستخدمي الالوان وحطي طموحج كبال عينج حتى يصيرلج واهس اكثر
12_من تريدين تقرين وانتي اصلا مالج واهس او يقفل عقلج ميحفظ بعد عوفي الكتاب وروحي سولفي ويا امج واضحكي ويا اهلج او تابعي مسلسل ع التلفزيون المهم تخلصين من هالمود فد نص ساعة وارجعي لان اذا قافل عقلج وتقرين ترا بالامتحان تتفاجأين نص المعلومات متتذكريها وعن تجربة مو تبجين وتقرين😹
13_نصيحة للي علاقتهن سطحية بأمهن ويردن يقونها بفترة الدراسة خلي امج قريبة الج بدون متسألج شسويتي وشنطوج دروس انتي اول متجين احجيلها هي حتتفاعل وياج وتكومين لا ارادي اي سر متضمين عنها وهي تصير صديقتج ولينة وياج مو متشددة وعلاقتكم تصير حلوة
14_ابتعدي عن صديقات السوء لان يضروج اول شي سمعة تصير عليج مو زينة لان تعرفين مجتمعنا المثقف عليهم بالظاهر او هاي تمشي ويا فلانة اكيد مثلها وحتى متأثر ع مستواج الدراسي
15_حددي هدفج من الدراسة شنو اي طموحج شنو هندسة طب قانون اي شي معليج بصديقتج يعني مو صديقتي حتروح علمي او احيائي او هي هيج طموحها اني هم اروح وياها واتخله عن حلمي لا حبيبتي ترا هي اول تالي عايفتج بس يخلص السادس وهي راحت للمجال الي اتحبه انتي هم اختاري الاختصاص الي يفيدج وانتي تحبي هذا مستقبلج ومستقبلج خط احمر واسود وبنفسجي😹
أنت تقرأ
• دڪـتـ͡ـۅꪆرههـہٰ ⁽👩🔬💙₎ْٰ⇣۽ۧ
Mizahيُـقويڪ الله , إذا استضعفتڪ الدنيـا 🍁 --أمٰي كيٓف لاآحبٓك وانتي وصيٓۃ الرحمّن 💛 ⠀ ☻. ⠀⠀⠀⠀⠀- 🇮🇶||20 Y.O ❞ When the " It is something that pleases the heart. "💛🍫🔐 مآ اجّمل الصَبر ؛ حينَ يكوﻥ🌸💧" نِهآيتهُہ , شيء يُسعِد القلب .🕸💛" يتحد...
