آنين العشاق

اسيره بقلعته

تمشى على قمة الجبل والارض تبدو سحيقة امام عيناها مرتعبة وترتجف ويظهر كريم ليمسك يدها ويسلمها للمجهول الذي يشدها نحوه و يقربها اليه وهى تصرخ
#ابعد عنى
ليضحك بقوه ويقول بصوت مرعب
#قتلتي مراتي وابني ولازم تدفعي التمن تتعذبي زي ماهي اتعذبت
لتصرخ #لاءااااااااااااااااااااااااااا

اعتدلت جالسه وهي تحاول التقاط انفاسها اللاهثه
#مالك ياروز في ايه
قالت بلهاث
#مفيش حاجه ياشاهي
جلست شاهي علي طرف الفراش .
وقالت بقلق
#روز انتي وشك اصفر خالص اييه الحكايه
تنهدت بقوه
#ماانتي عارفه اللي حصل
ربتت علي كتفها
#عارفه يمكن اللي حصل انتي شيفاه حاجه وحشه بس صدقيني بنات كتيير اووي كان نفسها تكون مكانك مازن راجل اوووي ياروز
دمعت عيناها
#انتي مش فاهمه حاجه ياشاهي،،،،  انا عمري ماكرهت حد في حياتي اده ،،،، انا مقهوره اوووي اشتراني بفلوسه ً،،، عارفه يعني ايه تتباعي جاريه،،،،
سقطت دموع شاهي وقالت
#ياريت في ايدي حاجه ااقدر اعملها
ربتت علي كتفها
# متعيطيش ياشاهي ،،،،،،،،،،عارفه برغم اللي حصل دا كله بس انا حاسه ان احنا قربنا من بعض ،،،هتنسيني ياشاهي
احتضنتها شاهي وقالت
#لاء طبعا هتفضلي اختي
قبلت جبينها لتقول
#روز عرفتي ان كريم سافر
تنهدت
#معدتش فارقه،،،  مهو اشتراه زي مابيشتري، كل حاجه،،،،  كريم نزل من عيني، من ساعه ما كان عاوزني اغضب ربنا،،،،،  خلاص ياشاهي خلاص كل حاجه حلمت بيها راحت،،،،
ربتت علي كتفها
#مفيش داعي للدموع،،،،،،، طب عارفه مازن جابلك حته فستان ايه روعه ،،،،،،،،طب هقولك علي حاجه عرفتهاهو اللي كان بيخلي ماما تنزلك تجيبي انتي حاجتك،،،،،،،وهو كمان اللي دفع تمنها
ظنت شاهي انها تخفف عنها ولكنها زادتها اختناق علي اختناقها
#يلا بقي ياروز لحسن امك علي اخرها
قطبت وقالت بسخريه
#ليه زعلانه عشاني ولاحاجه
#اصل مازن سلمها الشغل كله النهارده
قالت بحيره #طيب ليه
هزت كتفيها #معرفش ،،،،،بس مازن عبقري في شغله وامك مش هتعرف تدير الشركه لواحدها ،،،،،،يعني هتبقي ايام طين علي دماغي ً،،، متكسبي فيا ثواب وتخديني معاكي القلعه
قالت ساخره
#طب ماتكسبي انتي فيا ثواب وتخدي القلعه بصحبها
لدغت خدها #مانا كنت قدامه بس هو اختار خالتي بمبه
روز بغيض وهي توكز كتفها
#انا خالتك بمبه ياشاهي
تنهدت شاهي
#ايوه كده اضحكي،،،،، الكوافير اجا تحت بس ايه اكبر خبيره. تجميل في البلد ،،،، لاء وجيبلك تيم كله حريمي ،،،، مفيش ولاراجل ،،،،،،بيغير يابمبه
روز بحنق
#بطلي بمبه دي يازفته انتي
يجملونها لتلقى زوجها همس عقلها ماذا سيفعل وكيف ستتعامل مع وحش و خصوصاوهو يؤكد دوما انه سيتمتع بكل لحظة بين ذراعيها ولايخجل
كانت ترسم على وجهها ابتسامة باهتة ولكن نظرة المتحدة فى عيناها لم تخفى علية
#شايفك النهاردة مشرقة وعنيكى مليانه تحدى
قالت من تحت اسنانها
#وكره وارف  متنساش
احاط كتفها بذراعة
#هنشوف يا روزي
اقتربت شاهي منهم
#مازن خد بالك من روز
ابتسم وللمره الاولي تري نظره غير الاستخفاف بعيناه لشاهي
#هحطها في عنيا ياشاهي
شاهي وهي تحتضن روز 
#هتوحشيني اوووي ياروز
#وانتي كمان ياشاهي
ابتعدت شاهي لتخفي دموعها ليميل هو علي اذنها
#مش يلابقي عشان منتاخرش
قالت بتوجس
#ممتتاخرش علي ايه
احتضن كتفيها بذراعه
#خليها مفاجاه لما نوصل
الذي حضر زفافها عدد قليل للغايه فتح لها باب السياره ليساعدها علي الركوب لينطلق بالسياره لم تندهش ان والدتها لم تكلف نفسها حتي ان تودعها،
،،  لقد تم تسليمها الي هذا الوحش
حتي يذيقها اصناف العذاب والويلات يمر امام عيناها احداث وكوابيس صارت رفيقتها في الايام القليله الماضيه,,,,, تراه مره يغتصبها مره يضربها مره يعذبها صار هذا الوحش الهاجس الاكبر بداخلها
الغريب انه يتمكن من السيطره عليها ماان تراه،،،،
  نعم يستطيع السيطره ولكنها تتمالك نفسها
وتتمكن من تحديه ,,,,بل ان نزعه التحدي والتمرد لاتظهر الافي حضوره ,,,, لن تجعله يهنئا ابدا,,,,, انتبهت الي اقترابه وان السياره واقفه لتشهق فزعه
#ااانت بتعمل اييييه
اعتدل جالسا وقال بغيض
#هعمل ايه يعني واحنا في الشارع كنت بنزلك الكرسي عشان تنامي السكه طويله وكده هتتعبي
انتبهت ان المقعد الذي تجلس عليه مفرود بالفعل عقدت ذراعيها وقالت بتحدي،
#تعرف تخليك في حالك
داس علي الوقود لتنطلق السياره
#اتفلئي ياحبيبتي
همهمت بغيض،
#حبك، برص يابعيد
اشعل لفافه ونفث دخانها
#اعدلي الكرسي طالما هتفضلي قاعده عشان ظهرك ميوجعكيش،
زفرت بضيق لتنظر من النافذه المغلقه ورغم انها كانت تريد معاندته الاان ظهرها بالفعل بدا يؤلمها ولكنها لن تطلب منه شئ
#طالما هتقضي الطريق صامت كده شغلي اي حاجه تسلينا
رمقته بنظره سريعه وعادت مره اخري للنظر من النافذه بدا ظهرها يشتد المه لتسنده بذراعها اوقف السياره بالاستراحه
#تحبي اجيبلك حاجه يابيبي،
#مش عاوزه حاجه من وشك
زفر بقوه وترجل للداخل عاد بعد قليل ليفتح بابها يعدل المقعد ويضع كيس كبير علي قدميها ويلتف لينطلق اسندت ظهرها لتزفر بارتياح
#متعنديش في حاجه تاذيكي
#ملكش فيه،،،  وبعدين شيل، حجتك من هنا
#لا ء يابيبي الحجات دي عشانك انتي ماكلتيش حاجه من الصبح
في هذا هو محق  هي بالفعل تتضور جوعا زفرت بقوه
#قلتلك مش عاوزه منك حاجه
اوقف السياره بجانب الطريق ليرفع الكيس ويبدا بفتح الحلوي ويقربها من فمها ويتحدث وكانه يطعم طفله
#يلا ياحبيبتي افتحي بوقك هممم ياجمل
حدقت بوجهه ورغما عنها انفجرت ضاحكه ليحشر قطعه الكيك بفمها ليلدغ خدها
#برافو ياروزي كملي اكلك بقي
حسنا لن يضيرها بعض الطعام رغما عنها شعرت بالسعاده من جميع الحلوي والشيكولا الموجوده كانت تاكل باستمتاع، متناسيه تماما الوحش الذي ترك كل شئ وكان يتابعها عن كثب شعرت بالامتلاء لتترك الكيس الذي فرغ تقريبا ليحمله منها ويضعه في الخلف،
#تعرفي ان شكلك حلو اوووي وانتي بتكلي
عادت مره اخري للنظر من النافذه وتجاهله ليزفر وينطلق بالسياره شغل احد اغانيها المفضله احمق سيظنها تنخدع ولكنها وجدته يدندن بصوت رخيم مع الاغنيه
#احبيني بلا عقد وضيعي في خطوط يدي احبيني لاسبوع لايام لساعات فلست انا الذي يهتم بالابد

كان يركز بصره علي الطريق.ولهذا وجدت مرتع في تامله صوته الرخيم يمتلئ احساس عاشق،،،، 
تري كيف يكون عشق الوحش،،،، بالتاكيد نهي عاشت معه بالجنه، خصوصا انه اعلن، عشقه لها،،،،
  تري هل ستجد. اثاراها في تلك القلعه ،،،،، بالتاكيد فهو لن يتخلي عن ذكري حبيبته ،،،
تفلتت منها زفره ليقول هو
#لومضيقاكي الاغنيه غيريها الاسطوانات عندك في الدرج
رمقته بنظره سريعه لتنظر مره اخري من النافذه لتتجاهله تماما لويدرك انها تعشق تلك الاغاني وان كل اختيارته تناسب زوقها
اسندت راسها علي النافذه لتتابع الطريق الذي يمر امامها سريع