#مرام_بقلم_مريم_اليوسف
#الجزء_التاسع_عشر
مرام : هيدي انت ؟؟؟؟!!!! ...نيرمين
نيرمين بصدمة : مرااام ...شوعم تعملي هون
مرام : انا شو عم اعمل هون ولا انت ياااا بوس
نيرمين : هههههه بس بتعرفي انك حليانة ومتغيرة كتير ....قلتلي ياخالد هيدي هية يلي قتلكم
خالد : اي هيدي هية ...بتعرفيها
نيرمين : انا يلي بعرفها ...هيدي البنت انا خربتلا حياتها
مرام : ههههه غلطانة ....اطلعي علي مبين انو حياتي مخروبة بالعكس انا تغيرت ١٨٠ درجة عن القبل ...وفي شغلة بحب قلك اياها انو انا يلي خربتلك حياتك مو انت ...
نيرمين : مافهمت شو قصدك كيف خربتلي حياتي
مرام : ببساطة انا كنت ورا دخلتك عالحبس ...وبوعدك كون وراها اليوم كمان
نيرمين : انت شو عم تحكي
مرام : بحب قلك انا ماضيعت الطريق وماجيت بالصدفة لا انا جاي عن قصد ...انا شفتكن لما خطفتو الولد والقحتكن لهون ....
نيرمين : انتي شو عم تحكي ...وشو قصدك
مرام : رح اعطيكي مهلة تعدي للعشرة بكون البوليس محاوط المنطقة
نيرمين : شووووبسرعة شباب خلينا نتحرك قبل مايوصلو ....وهيدي خلصو عليها
خالد وجه المسدس اتجاه مرام : كنت حابب انبسط معك بس مافي وقت ...واطلق نار
مرام بسرعة ازاحت رأسها ولم تصبها الرصاصة
يوسف وحيدر والبوليس وصلو الى المنطقة ....وسمعو صوت اطلاق النار
يوسف : مرااااااام
ودعس على البنزين وذهبو مسرعين
مرام واقفة مكانها خائفة جدا ....
خالد : هالمرة نفدتي بسرعة شباب ع السيارات ..وغمز شب من خلف مرام ...كان يحمل بيده عصا ...اقترب منها وضربها على رأسها ....مرام شعرت بشيء قاسي ضرب رأسها ووقعت على الارض وغابت عن الوعي
وركضو الى باب المبنى كان البوليس امامهم ومحاوط المنطقة
حيدر : سلمو حالكن المكان كلو محاصر
جميعهم انزل اسلحتهم
حيدر : هيدي انت يانيرمين ...والله لعدمك حياتك ....
جاء يوسف من خلفه مسرعا ...وتفاجئ بنيرمين
يوسف : وينها مرام ولك كلبي
نيرمين لم ترد
تخطاهم يوسف ودخل المبنى ووجد مرام على الارض والدم ينزف من رأسها
يوسف : مرااااام ....
حملها وخرج بها .... كانت عناصر الدرك قد فتحت صندوق السيارة واخرجو جميع الاطفال وذهب يوسف الصغير ورمى نفسه بحضن اباه ...والقو القبض على عصابة نيرمين ...يوسف ذهب روكب بسيارة مرام ووضع مرام في المقعد الخلفي ....ورمى مفتاح سيارته لكرم ....وركبت ليلى مع مرام
قاد سيارته بسرعة الى المشفى ...ليلى تضع رأس مرام على رجليها وتبكي : مرام حبيبتي مشان الله فيقي ...لك شو صار معها
يوسف : مابعرف ....كانت هيك عالارض مشان الله شوفي شوفيها وين منصابة ...
ليلى لم تجد على جسدها اي اثار ...لكن يوجد شيء ساخن على رجليها ..نظرت واذا بالدماء ...بسرعة نزعت عنها الحجاب ...قال يوسف وقف شوي
يوسف : شوفي مرام فيها شي
ليلى : مابظن بس ساعدني لشوف من وين عم تنزف
يوسف : خلينا نوصل عالمشفى وهنيك بنشوف
ليلى : لا تنسى انا عم ادرس طب ...ومشان اذا عم تنزف كتير نكبسلا على الجرح مشان ماتنزف كتير لحتى نوصل عالمشفى ...
اوقف يوسف السيارة على طرف الطريق ...ونزل واتجه الى الباب الخلفي : شو اعمل
ليلى : قعدها معي....ادخل لهون وخليها تنام على كتفك
رفع يوسف مرام وضمها الى صدره وكان شعرها يطير على وجهه وهو بدأ يستنشق رائحته ...اقتربت ليلى ورأت مكان الجرح كان جرح بسيط والدم بدأ يتخثر
يوسف : شو طلع معك
ليلى : الظاهر حدا ضاربها على راسها وفاقدة الوعي ...والجرح سطحي مافي داعي للمشفى ...هلق بالبيت بعقملا اياه ...المهم انت قعدها ع الكرسي خلينا نفيقها ....وضعها يوسف على الكرسي ولم يكن له قلب ان يبعدها عن حضنه ......
طلبت ليلى من يوسف ان يعطيها زجاجة الماء ....اخذتها وبدأت ترش على وجه مرام
ليلى : مرام ...مرام ...
بدأت مرام تحرك رأسها وتفتح عيونها ....فتحتهم جيدا وبدأت تظر حولها
مرام : وين انا وشو صار
يوسف واقف بباب السيارة كلو تمام وانت بخير ...ونحنا هلق راجعين عالبيت
مرام : شو صار بالعصابة والولاد
يوسف : دخيل قلبو يلي بخاف على غيرو اطمني العصابة مسكوهن والولاد راجعين لعند اهلون ...
مرام لا حظت بأنها بدون حجاب ...وجدته بجانب ليلى سحبته لكي تغطي شعرها لكنها تفاجئت بوجود دم عليه
مرام : من وين الدم ...انا منيحة صرلي شي
ليلى : اي يمكن حدا ضربك على راسك وغبتي عن الوعي وفي جرح صغير براسك لا تخافي
مرام وضعت الحجاب على رأسها مع انه ملطخ بالدماء
وهم على جنب الطريق بدأت تمر سيارت الدرك ...
وتوقف حيدر وكرم وعمر عندهم
اقترب حيدر بلهفة : مرام انت منيحة
مرام ابتسمت : اي منيحة ..ميرسي الك
كرم : كيف صرت صايبك شي
مرام : لا الحمد لله ...خلص ياجماعة خلينا نمشي انا بدي روح ع البيت ارتاح
حيدر : بتحبي تروحي معي
يوسف : لا شكرا الك انا رح وصلها بسيارتها
تبسم حيدر من غيرته على مرام : اوك ع راحتكم ع اذنكم
وذهب كرم ..وركب سيارة يوسف ومعه عمر ويوسف الصغير
ليلى: كرم انطري رايحة معك
مرام لم تجادلها لان رأسها كان يؤلمها
ذهبو جميعا وبقيت مرام ويوسف
يوسف : بدك تضلي قاعدة هون لا تقومي تقعدي جمبي
مرام : لا نازلة اقعد حدك
فتح لها يوسف الباب ...وركب خلف المقود ومشى
مرام : انا مش متذكرة شي شو صار
يوسف : كانو عم يهربو واجا الدرك وقبض عليهم
مرام : الحمد لله ...شفت نيرمين كانت معهم
يوسف : اي شفتها الله يلعنها ...بس رح تاخد نصيبها
مرام : اي والله ....اااه صح الحمد لله عسلامة يوسف الصغير
يوسف : الله يسلمك .....بس بتعرفي انو انا خفت عليكي اكتر ماخاف على ابن اختي
مرام : مافي الو لزوم هيد الحكي هلق ....ممكن تأسرع لانو قرفاني من حالي ومن الدم يلي ملزق براسي
يوسف : اوك ...وطول الطريق يوسف يحاول ان يتكلم مع مرام ومرام لاتعطيه اي مجال ....
كرم اوصل عمر الى منزله وذهب الى منزل مرام هو وليلى لكي يتطمنو على مرام
دخل عمر ومعه يوسف الصغير وركض الى حضن امه
يارا : حبيبي ياماما الف حمد وشكر الك يارب
سارة : الحمد لله
منار : تقبر قلبي والله كنا رح نجن عليك
محمود : عمر شو صار ..
عمر وهو متعب ؛ قصة طويلة ادخلو لاحكيلكم اياه ...والفضل كلو لمرام
محمود : مرام ما غيرها حبيبت يوسف
عمر : اي هيه ....
................................
في منزل مرام نزلت مرام من السيارة ..وتقدمت خطوة الى الامام وكانت ستقع اقترب يوسف بسرعة وسندها
يوسف : انت منيحة
مرام : اي اي. ...بس دخت شوي
سندها حتى دخلت الى المنزل وخل معها يوسف ...
جاءت هبة وعليا ورئو مرام وحجابها عليه دماء وكان وكان يغطي نصف شعرها والنص الاخر يظهر من الحجاب
عليا : مرام شو صار معك ..انت بخير ....ليش هيك شالك كلو دم
مرام : لاتخافي مافي شي مهم ....استاذ يوسف اتفضل على غرفةالضيوف شوي ونازلي
يوسف : اوك
مرام : هبة لو سمحتي تعي معي
ذهبت هبة وسندت مرام الى الاعلى ...
دخل كرم وليلى
ليلى : وينها مرام
يوسف : طلعت على غرفتها
ليلى : اتفضلو ع الصالة وانا طالعةلعندها ....
دخل يوسف وكرم الى الصالة
في غرفة مرام ...فتحت ليلى الباب ودخلت
مرام : ليلى عطيني دوا يخفف وجع الراس ...وبدي اخد شاور وتعقميلي الجرح اوك
ليلى : اوك
مرام : هبوش فرحي الدرك القو القبض على خالد ورفقاتوالزعران ....
هبة : عنجد ....الله يبشرك بالخير ...بصراحة خجلانة اسألك انت ليش هيك يعني تقاتلي انت واياهم مرة تانية
مرام : ههههه لا هالمرة هنن قتلوني ...المهم صارو بأيدين العدالة ...وانت ارتاحي
دخلت مرام اخذت شاور سريع ولبست بنطال ضيق وفوقه بروتيل ونشفت شعرها بالستشوار
يوسف وكرم يرشبون القهوة بالصالة ....
وجلست على السرير وربعت قدميها وجلست خلفها ليلى لتعقم الجرح ...وهبة نزلت الى المطبخ ....
ليلى : عم وجعك
مرام : لا كبير الجرح
ليلى : لا صغير .....شوبدك تلبسي هلق مشان تقابلي يوسف
مرام : هلق بلبس عبايتي المهم انت خلصي بسرعة ...صرلون زمان ناطرين
............
يوسف : نحنا مطولين ونحنا عم ننطر هون انا بدي فل عبيتنا
كرم : هلق بينزلو ما سمعت هبة قالت خلصو شوي ونازلين
يوسف : انا طالع لعند مرام شوفها وفل عالبيت
كرم : لك ع وين طالع انت بدك تفضحنا
خرج يوسف ولم يرد عليه
..............
ليلى : مرام يوسف بحبك كتير بتعرفي انو كان خليف عليكي اكتر من ابن اختو ...
مرام : لم ترد
ليلى : مرام ليش ماعم ترجعيلو انت مابتحبيه
في هذه الاثناء اقترب يوسف من الباب كان يرد ان يطرق الباب لكنه توقف عندما سمعهم يتكلمون واقترب لكي يسمع
مرام : انا مابحب غيرو ولا رح حبو غيرو طول عمري بس مافيني ارجعلو
ليلى : ليش ؟؟؟
مرام : بدون ليش مابدي ارجعلو وبس
ليلى : عشان موضوع الخلفة ماهيك ...
التفت اليها مرام بسرعة : انت شو عم تحكي ...انت من وين عرفتي ...
ليلى : بصراحة مبارح لما كنت عم اخد شي البسو من عندك شفت التقارير والصور وعرفت انك .....
مرام : اني شو ماتكملي اني عاقر ..اني مارح كون ام بحياتي ....اي هيدا هو السبب عرفتي ليش مابدي ارجع ليوسف هو مانو متطر يعيش مع وحدة مابتجبلو ولاد ....
ليلى : طيب قوليلو لازم يعرف الحقيقة وهو بعدها بقرر ...
مرام : لا يوسف مالازم يعرف لازم يفهم اني بكرهو وبس اكيد اذا عرف بصير بدو يشفق علي وانا مابدي شفقة من حدا ..ولاتنسي يوسف وحيد لاهلو ولازم يكون عندو ولد يحمل اسمو ويفرح اهلو ...بس انا مين او مين بيسأل عني اذا تزوجت او لأ او اذا جبت ولاد ....محدا فرقاني معو ....بترجاكي سكري عالموضوع واذا خبرت انو حدا خبر بهالشي رح اتصرف معك تصرف تاني ....وهلق خلصي بسرعة بدي البس وانزل لعندون
يوسف كان مصدوم من الذي سمعه كيف مرام لابتقدر تكون ام ...مع كل هيدا عم تفكر بيوسف وخايفة عليه ...عم تعمل حالها بتكرهو مشان يتزوج غيرها مشان يكون مبسوط ...طيب وهية مافكرت بحالها ...يقول : ليش يامرام ليش ...فتح الباب بهدوء كانت مرام تعطي ظهرها للباب وشعرها على كتفها وليلى تعقم الجرح اسفل رأسها ومرام كانت ترتدي بروتيل اي ان ظهرها ويدها بين على يوسف ..دخل بهدوء رأته ليلى ...بسرعة اشار لها ان تبقى صامتة واشار لها ان تخرج من الغرفة ...قامت ليلى بكل هدوء وخرجت من الغرفة ...
ليلى : ياربي والله مرام لتقبرني .. وكمان مانها لابسة كيف بيدخل عليها هيك ...انا مادخلني لروح لعند حبيبي كرم احسن الشي وعرفو على ماما ....
جلس يوسف مكان ليلى ومسك القطنة وبدأ يضعها ببطىء على الجرح
مرام : ليلى مطولي يلا بدي انزل .....شو خلصتي ...ليلى ماتحكي شبك ..التفت مرام وتفاجئت ...وقامت من مكانها بسرعة ووضعت يديها على صدرها واكتافها ....: لك انت شو عم تعمل هون ماعيب عليك فايت علي وانا ماني متسترة ...وسحبت من جانبها ثوب الصلاة ولبسته وغطت شعرها واكتافها
يوسف : انا جيت شوف مرتي المستقبلية واطمن عليها وبعدين عادي اذا شفتك ما انت رح تصيري مرتي
مرام: بأحلامك ...وهلق لو سمحت اطلاع من هون وهيدي الحركات بطلها ...عيب عليك تدخل على وحدة هيك وهية محرمة عليك
يوسف : وانا عم قلك مارح تضل محرمة رح تصيري حلالي ....مرام انا اسمعت كل الحديث يلي دار بينك وبين ليلى وعرفت السبب انك مابدك ترجعيلي...
مرام : شووووو .... لا انت فهمان غلط
يوسف : لا ماني فهمان غلط ...مرام انت متخيلي اذا انت بعدتي عني ممكن اتزوج وحدة غيرك ....انا مستحيل المس مرة غيرك...عم تفهمي يعني حتى لو انت مابتجيبي ولاد وانا كمان مارح اتزوج ولا رح جيب ولاد ... مرام انا واياكي بنحب بعض ومابظن في حدا بهالكون بحب اكتر مننا ...مرت سبع سنين لا انا نسيتك ولاحتى انت نسيتيني ...خلينا نعيش هالكام سنة مع بعض ونحنا مبسوطين ...مرام انا ببيع الدنيا كلها علشانك وهلق بدك تفرقينا عن بعض بسبب الولاد انا وجودك معك بيغنيني عن سكان الكرة الارضية كلها
مرام واقفة والدموع تنزل من عيونها
يوسف : مرام شو قلتي ...بترجاكي وافقي ...
اقترب منها ومسح دموعها ....: ياحبيتي انا دموعك بوجعوني كتير خلص حاج بكي نحنا بكينا كتير ....مرام بتقبلي تتزوجيني
مرام : بس انا مابدي اظلمك معي
يوسف بصوت عالي : لك انت عم تظلميني لانك بعيدة عني ...انا عندي هيدا اكبر ظلم عم عيشو ......مرام انا بحبك ...بحبك عم تفهمي شو عم قلك ... ..
مرام والدموع في عينيها : وانا كمان بحبك ..والله بحبك ...اقتربت منه ورمت نفسها في حضنه ...
ويوسف ايضا بدأ يبكي ضمها اكثر على صدره وبدأ يمسح بيده على رأسها ....
يوسف : خلص ياعمري انت حاج تبكي من اليوم مابدي شوف دموعك....خلص من اليوم مافي بحياة يوسف ومرام غير السعادة ....
مرام : يوسف انا تعبانة ...تعبت كتير بغيابك ...لاتروح وتتركني والله بموت ...انا معد اقدر على فراقك ...
يوسف : والله يامرام معد اتركك .....
سحبها وجلسو على السرير ....مسك يديها ونظر بعيونها : اشتقتلك
مرام بخجل : وانا كمان اشتقتلك ...اقتربت منه وباسته على خده ووضعت رأسها على صدره وضمته
مرام : يوسف ممكن تخليني بحضنك ....
يوسف : انا رح خليكي بقلبي طول العمر ....
............................
في الصالة
دخلت ليلى ومعها امها عليا
ليلى : ماما بعرفك كرم حبيبي وبكرا بدو يجيب اهلو ويجو يخطبوني
عليا : اهلين فيك يا ابني تشرفت بمعرفتك ....
كرم : اهلا ياحماتي وانا كمان تشرفت بمعرفتك
عليا : مشاء الله عنك بتجنن متل ماوصفتك ليلى بالظبط...
كرم: ليلى دخيل قلبا مافي متلها بالكون ....
جلسو وجلست ليلى بجانب كرم ...
كرم بهمس : وين يوسف
ليلى : بالغرفة عند مرام والله مرام لتعلق مشنقتي
كرم : ليش شو صار
ليلى : اول شي يوسف فات بهدوء ومرام ماشافتو وكمان انا اطلعت وماحست علي وكمان ماكانت لابسي يعني شعرا وضهر وايدها وصدرا كلو مبين
كرم : شوووو هيدا يوسف اكيد بدو يفضحنا ...ورح نروح من هون تقليع
عليا : كرم وينو رفيقك
ليلى : ماما عند مرام بالغرفة فوق عم يحكو شوي
.....................................
يوسف ومرام في حضنه : على فكرة كنت طالعة حلوة قبل ماتلبسي توب الصلاة
مرام ضربته على صدره : انت واحد غليط ...
يوسف : هههههه دخيلو العصبي انا ...وكمان هيدي بوسةبتبوسيني اياها ....
مرام : ليش شبها ماعجبتك ..
يوسف : لا عجبتني وكتير كمان بس البوسة ع الخد بعتبرها انا بوسة اخوية
مرام : يوووووسف قوم انقلع برات الغرفة
يوسف : ههههه لك شبك يامجنونة عم امزح معك ...
مرام : انا عطيتك وجه زيادة عن الزوم يعني اذا قلتلك خليني بحضنك شوي مامعناتها انك تاخد راحتك ...
يوسف : كمان هيدا حضني ويلي بدو يجي عليه بدو يلتزم بشروطو
مرام : اي قوم قوم دخيلك انت وحضنك
يوسف : ع وين قاعدين ومبسوطين
مرام : ههههه كأنك نسيت حالك انو انت هلق ببيتي والعالم تحت كلها عم تنتظرنا ....يلا اطلاع لبرا خليني البس ولاحقتك
يوسف : اي البسي مين ماسكك
مرام : لا حول ولا قوة الا بالله ...
يوسف : طالع طالع لاتعصبني ...خرج يوسف وكان قلبه ينبض بالفرح ...هذه اول مرة يصل الى هذه الدرجة من السعادة منذ سبعة سنين ...
مرام ايضا كانت سعيدا جدا ...لبست عبائتها ووضعت حجابها على رأسها وخرجت كان ينتظرها يوسف على باب الغرفة ...
يوسف : جمالو حبيبي
مرام : انت بعدك هون ليش مانزلت
يوسف : ناطر اميرتي لحتى انزل انا واياها ....مرام بحبك ..بحبك ..اليوم اسعد يوم بحياتي واخيرا حبيتي وعمري وحياتي رجعتلي بعد هالسنين
مرام : وانا كمان مبسوطة ياعمري
يوسف : كلمت عمري شو طالعة حلوة منك ...عنجد انا عمرك
مرام : انت عمري وحياتي وكل دنيتي ...يلا للنزل
نزلت مرام ويوسف وكانو سعداء جدا ولمعة الفرح في عيونهم ...في الصالة كان وصل احمد وغسان ..خبرو بالذي حصل وجائو يتطمنو على مرام ..
ليلى عرفت غسان على كرم ...واحمديجلس بجوار هبة ....دخلت مرام ويوسف ويديهم ببعض وكانت الابتسامة تغطي وجوههم ...وجميعهم وقفو وانصدمو ....
مرام ؛ مرحبا
احمد : اهلا مرام ....واشار الى يدها وقال : شوهيدا ..
رفعت مرام يدها مع يد يوسف وقالت : انا قررت ارجع ليوسف وكمل حياتي معو ....
سحب يوسف يدها وقبلها ..والجميع بدأ يصفق فرحا لمرام ويوسف ....
جلسو جميعا وبدأ يتكلمون
كرم : استاذ غسان انا من بكرا بدي جيب جاها واجي اطلب ايد اختك ليلى اذا ماعندك مانع
غسان : اهلا وسهلا بتشرف بأي وقت
يوسف : وانا ايمت بدي اجي اطلبك ياعروستي
مرام : حتى يجي عمو من السفر بخير وسلامة
يوسف : وبدو يطول
مرام : هههنهه انت وحظك...
يوسف : ياحبيبي ...
احمد يهمس هبة : طالعة بتجنني بالحجاب
هبة : تقبرني ...انت يلي بتجنن
يوسف : حبي مرام انا متطر فل عالبيت بدي اطمن ع ابن اختي واختي
مرام : اي ياعمري وطمني معك
يوسف : بس والله ما الي قلب فارقك بس شوبدي اعمل ...جاي الايام ورح عوض كلشي راح مني
مرام : هههه ان شاء الله ياعمري
................................
في منزل يوسف دخل يوسف وكرم
قام يوسف الصغير وركض الى حضن خاله
يوسف : دخيل قلبو لحبيب خالو ..الحمد لله ع سلامتك ياحلو
يوسف ص: خالو انا بحبك كتير ...بس زعلان منك
يوسف كان يحمله وجلس على الاريكة : قلي ياحبيبي ليش زعلان انا شو عملت معك
يوسف ص : انت مابتحبني انت بتحب هديك الخالة ....اخدتها الها وانا ماقربت علي
يوسف : ياحبيب خالو اول شغلة ماشفت هديك الخالة ياحرام كان عم يطلع من راسها الدم وهية يلي لحقتك واعرفنا مكان العصابة ...وكمان انت البابا كان معك.....قلي بعدك زعلان
يوسف ص: لا ماني زعلان ...وانا كمان بدي روح اتشكرها لهديك الخالة
يوسف : من عيوني بكرا بنروح انا واياك لعندها
يارا : اخي كيف صارت مرام قال كانت عم تنذف من راسها عنجد
يوسف : منيحة يمكن ضربوها على راسها وصار جرح صغير ...
منار : والله قد ما اتشكرناها لهل البنت مابنكافيها ...بنت اصل ... ياحرام اشقد كنا ظالمينها من زمان ...
يوسف : مرام بنت بتجنن ...ياريت كل العالم تكون متلها وبصفاء نيتها
ابو يوسف : يوسف حاسك مبسوطة ماعالعادة ..
يوسف : ميبن علي
محمود : مبين وكتير قلي شو صاير معك ...
يوسف : مرام وافقت ترجعلي ونتزوج
سارة بفرح : عنجد الف الف مبروك ياروحي واخيرا رح نشوفك مبسوط
منار : تقبر قلبي يايوسف ....مبروك ياقلبي الله يهنيك ويفرحك ..
يارا : مبروك ياحبيبي وانت ومرام مابتستاهلو غير كل خير
عمر : مبروك يوسف ...واخيرا رح تتزوج مرام هههه
محمود : مبروك ...بس يوسف كيف مرام لحتى وافقت ..
يوسف : كيف يعني ...مافهمت عليك ...
محمود : بصراحة من يومين اجت مرام لعندي وقالتلي مستحيل ترجعلك ....
يوسف : مرام اجت لعندك؟؟ وقالت مستحيل ترجعلي ؟؟
محمود : اي
يوسف : امممم ...اي وافقت وانا عرفت سبب عدم موافقتها وانا اقنعتها
محمود : وهيدا عشمي فيك
منار : شو هو السبب ماما يوسف ليش مرام ماكانت موافقة ترجعلك
يوسف : مافي شي مهم سبب تافه بتعرفي انت البنات بحبو يكبرو القصص
يارا : شو رأيكن اليوم نروح نزور مرام ونشكرها
منار : اكيد ياحبيبتي ...لازم نروح نشكرها ونتطمن على صحتها
سارة : بس رح تكون زيارة نسوان وبس مشان محدا يجهز حالو هههه
يوسف : شو قصدك مدام سارة ..عم تسمعيني بس انا بفرجيكي
سارة : ههههنهه يلي فيه شوكة بتنخزو ...بس معي حق البنت ساكنة لحالها ومافي داعي لوجود الزلم معنا
يوسف : اوك ماشي انا قايم احكي معها وخبرها
سارة : ههههه لقة حجة مشان يحكي معها
يوسف : سارة انت حدامسلطك علي اليوم ....وبعدين انت مادخلك انا بحكي معها وقت يلي بدي ....عن اذنكن
....................
في غرفة مرام
كانت تطير مثل الفراشة التي تتنقل بين الزهور
موبايلها يرن
مرام : الو
يوسف : كيفها يلي عزبت قلبي
مرام : مشتاقتلك ...
يوسف : حبي قال امي واخواتي بدو يجو يعملولك زيارة ويتشكروكي
مرام : بشرفو بأي وقت ....ايمت جايين
يوسف : المسا تقريبا على الساعة ٨
مرام : وانت اكيد جاي معون
يوسف : لا والله ياقلبي قال زيارة نسوان
مرام : ياخسارة ....المهم اهلا وسهلا فيهم بأي وقت
يوسف : اي قوليلي محل الضربة عم يوجعك
مرام : لا ياقلبي مافي شي عم يوجعني بوجودك جنبي كل جروحي بتطيب....
يوسف : حبيتي بدي سكر في عندي شغل بالشركة ماخلصتو
مرام : لا سلامتك ....بس مر لعندي قبل مايجو اهلك ..
يوسف : بدون ماتحكي انا كنت رح اجي مابستحمل ماشوفك من هون لبكرى ....
................................
انهى يوسف عمله عند المغرب وذهب الى مرام ...وصل الى الباب وطرق الجرس.....
نزلت مرام بسرعة كانت عليا تفتح الباب
مرام : خالة عليا انا بفتح الباب ...
عليا : حاضر يابنتي ..
فتحت مرام الباب ...كان يوسف بيده بوكيت ورد
يوسف : مساالورد للورد
مرام : احلا مسا تعال ...مسكته من يده وسحبته
يوسف : ع وين اخدتيني
مرام : تعال هلق بتعرف ....اخذته ودخلت به الى غرفتها
يوسف : ههههه مرام شو كتير مستعجلة لحتى تنامي معي ههههه
مرام : يوسف احترم حالك ...وبعدين انا ماني قاتلي حالي عليك تعال ...بدنا نقعد هون ع البرندا ....
كانت مرام مجهزة الشرفة كانت تضع شموع وفنجانين قهوة وقالب كيك صغير ...
يوسف : الله على الدلال والله امي داعيتيلي بليلة القدر على هالبنتوتة الحلوة يلي الله بعتلي اياها ....
مرام : هلق انا طلعت بنتوته ...
يوسف : واحلا بنتوته بشوفها بحياتي
مرام : مقبولة منك ...يلا تعال لنقعد ...
سحبته لكي يجلسو لكنه هو بيقي مكانه ولم يمشي معها وسحبها اليه ....عندما سحبها مرام خبطت بصدره ....نظرت بعينيه وهو بادلها نفس النظرة ...
بدأ يلمس وجهها بيده .... لحظة صمت لحظة تتكلم بها العيون ...تتكلم بها القلوب .... تمرق اللحظات وهم مكانهم وينظرون الى بعضهم وكأن الوقت توقف عند هذه اللحظة ....
يوسف : ب...ح...ب...ك
مرام وهية تتنفس بصعوبة من تسارع نبضات قلبها : ب..ح...ب...ك
اقترب منها وطبع على شفتيها قبلة حارة تحمل الكثير من الشوق .......................ابتعدت مرام لكي تأخذ نفس وكانت مرتبكة كثيرة
مرام : يوسف ...تعال لنقعد هلق بتبرد القهوة ...
يوسف كانت يبتسم ...ولم يرد ذهب وجلس وهية جلست بجانبه ...
مرام كانت نظرات يوسف لها تربكها كثير : يوسف ممكن تبطل تتطلع علي هيك والله رح دوب من الخجل
يوسف : لك انا رح دوب فيكي ....
مرام : اعملتلك هيدي قهوة انا متل ماكانت تعملها الك ماما الله يرحمها
يوسف : عنجد ...عطيني لدوق ....اممممممم الله اشقد صرلي ماشربت متل هالقهوة من بعد امك الله يرحمها ما استطعمت بطعمتها ....
مرام بحزن : الله يرحمها ...
يوسف : طولي بالك حبيبتي الله يرحمهن هنن بكون بالجنة وعم يترضو عليكي .....
مرام : الحمد لله .... عطيني فنجاني من عندك
يوسف : حبيبتي ماقلتيلي انو القهوة بتضرك
مرام : ما بأثر وانا كمان ومارح كتر وكمان اشرلت الدوا تبعي
نظرت مرام الى الساعة: لك يوسف الساعة سبعة ونص قوم قوم ...
يوسف : شوفي ع وين بدي قوم
مرام : قوم فل ع بيتكن ...امك واخواتك رح يجو ع ٨ وانا يادوب لحق البس
يوسف : اوك اوك قايم ....
اوصلته الى الباب الرئيسي ...
يوسف : بدك شي ياعمري
مرام : سلامت قلبك ...
يوسف : بكرى مر اخدك معي ووصلك ع شغلك
مرام : هههههه شو رجعنا لايام الجامعة ....
يوسف : شو بدي اعمل معد استحمل تغيبي عني ولا ثانية ...
مرام : هههه اوك ماشي مر خدني بطريقك .....يلا باي
يوسف : باي ...
اغلقت مرام الباب وكانت تطير من الفرح ...خرجت ليلى من غرفتها وكانت تبتسم
ليلى : مروم كأنك ماخدك حريتك ع الاخير ..
مرام : وانت شو دخلك ااااه ولا تكوني غيرانة ..
ليلى : ههههه لا حبيبتي ماني غيرانة ...
مرام : اي تعالي بلا غلاظة نقيلي شو البس جايين اهلو ليوسف يزوروني ويتشكروني
............
في غرفة مرام
مرام : هدول التياب مناح ماهيك....
ليلى : مين جاي بالظبط
مرام : امو واختو واختو
ليلى : يعني مافي رجال
مرام : لا بس نسوان
ليلى : وليش لحتى تلبس هدول وتتحجبي البسي شي حول ومظلط
مرام : شوو انت عم تحكي جد
ليلى : اي جد لكن جاي لعندك نسوان وبدك تتحجبي شو هالمنطق ....وكمان اصلا يوسف شافك بلا حجاب وقفت عليهن ههههههه
مرام : هههه ما اغلظك ...لكن شوفي شي يكون حلو وكيوت البسو بس مايكون بعري بدي شي خفيف ....
ليلى واقفة امام الخزانة محتارة ....
ليلى : لقيتها ...ليكي هيدي التنورة حلوة والبسي عليها هيدي الكنزة الحفر وفوقها هيدا القميص بس خليه مفتوح وارفع اكمامو ...شو رأيك
مرام : اي والله حلو ...بس كيف رح اعمل شعري ..
ليلى : ارفقه واربطيه ونزليه على صدرك بيطلع كتير حلو ....
لبست مرام التنورة كان لونها رمادي للركبة وكانت منفوشة قليلا وفوقها البروتيل لونه ابيض وعلى جنب اليمين يوجد قلب من الستراس الزهري الغامق ..وفوقه قميص رمادي ويدخله لون زهري ورفعت اكمامه مثل ماقالت لها ليلى ورفعت شعرها وربطه وانزلته على كتفها ..
ليلى واقفة مصدومة
مرام : ليلى حلو .....ولييه وين شاردة ...ليلى حلو
ليلى : لك بتجنني ...مشاء الله عنك الله يحميكي من العين ....وهي دقينا عالخشب ...لك نيالوووو...
مرام : خلص خجلتيني ....
ليلى : دخيلو الحلو لما بيخجل ...لبستي تياب عادية واطلعتي هيك كيف لونك لابسة تياب تقيلة او شي فستان سهرة كانو جنو عليكي ...
مرام : اسمعي ...يمكن وصلو تعالي ...
نزلت مرام وليلى وخرجت هبة من غرفتها ...واستقبلوهم ..
دخلو وجلسو ...وكانت اعينهم لاتفارق مرام من شدة اعجابهم بها
منار : مشاء الله ..تبارك الرحمن ...شو هيدا يامرام من وين عم تجيبي هالحلا
مرام : تسلمي ياطنط هيدا حلا عيونك ...
منار : اسفة يابنتي على كلشي مريتي فيه بسبب يوسف
مرام : ولا يهمك كمان يوسف مادخلو المهم انو هلق ارجعنا لبعض
سارة : اي والله لو تشوفي يوسف عيونو عم تضحك من سبع سنين ماشفناه فرحان هيك ...
مرام : ان شاء الله بضل طول عمرو فرحان
.............................
مر اسبوع وتزوج احمد من هبة وعملو حفلة كبيرة حضرها الجميع وكان الجميع مبسوط .....
واليوم خطبة كرم وليلى ....
مرام اصرت ان تعمل الحفلة في منزلها ...
في الصباح اتصلت مرام بأحمد
مرام : صباحو ياعريس ...
احمد : اهلا مروم ...
مرام : شو ماخلصت من العسل هههه
احمد : ولا رح خلص خير شوبدك
مرام : ايمت رح تنزل على الشغل
احمد : اليوم ماني نازل ممكن بكرا انزل
مرام : اوك ع راحتك ...بس لاتنسى تجو اليوم انت وهبة عخطبة ليلى وكرم ...
احمد : اممم ...بأسر شي اذا ماجيت
مرام : احمدددد ....لاتعصبني اي بأسر وبأسر كتير ....معك هالاسبوع بدك تتحملني وبعدها رح تروحو على شهر العسل وبتشبعو من بعض
احمد : شهر عسل ؟؟؟!! لمين
مرام : مشان تعرف انو انا ما صديقتك ع الفاضي ...حجزتك بباريس رحلة مدفوعة التكاليف لمدة شهر انت وهبوش ...كيفني معك
احمد : مرام انت بتجنني ....مرام انا بحبك
مرام : هههههههه لاتعيدها مرة تانية والله يوسف بيطلع بروحك ....
احمد.: ههههههه اوك باي
مرام : باي سلم ع العروس
احمد.: الله يسلمك ..واغلق الهاتف
نظر حوله احمد ولم يجد هبة ....قام واتجه نحو المطبخ ...كانت هبة تعد الفطور
احمد : بونجور حبيبتي ....
هبة : بونجورك حبيبي ...
احمد : شو عم تعملي مرتي الحلوي
هبة : عم حضرلك احلا فطور ....
اقترب منها وقبلها على يدها : الله يخليلي هالادين الحلوين ...
.................................
في منزل مرام ...مرام تكلم نفسها ياربي عمو هشام شو قصتو ...عم حكيه بقلي منيح وبهاليومين راجع وينو ......
جائها اتصال من غسان : اي غسان .....امممم ....يعني ضروري لازم اجي .....اوك اوك مسافة الطريق
مرام : ليلى يا ليلى
خرجت ليلى من غرفتها : اي مرام شوفي
مرام : حبيبت انا رايحة ضروري عالشركة ...انت شوفي شو ناقص وخبري الخدم وهنن بيتصرفو ..وما رح طول مشان ما نتأخر ع الكوافير ....
ليلى : اوك انت روح ...ولا يهمك
مرام خارجة من الباب ..واستض
مت بيوسف ...
مرام : سووري حبيبي ما انتبهت
يوسف : ع وين ضاهرة ومستعجلة ....
مرام : ع الشركة دقلي غسان وقال في ملفات ضروري بدي وقع عليها ....بس انت ليش مانك مع كرم ...
يوسف : هلق بروح لعندو بس مش عم اقدر بلش يومي اذا ما اتصبحت بهل الوجه متل القمر ....
مرام : هههه اوك لكن مشي وصلني
يوسف من عيوني ...
........................... ا
انهت مرام عملها وعادت الى المنزل واخذت ليلى الى الكوافير ....لبست ليلى فستان احمر كبير ...ومرام لبست احمر ايضا ومرام اول مرة تضع ميكب فاقع وروج احمر ...
عادتا الى الفيلا التي كانت مزينه ومجهزة ...كانت جميع النساء تقريبا تلبس احمر ليتناسقو مع العروس ...وبدأت تأتي المعاذيم ...وكانت مرام ملفتة للانظار كثيرا والجميع منبهر بجمالها ....
وبعد قليل جاء كرم مع عائلته وعائلة يوسف ..لكن يوسف ليس معهم ...ودخلو ...
اقتربت مرام من سارة : سارة وينو يوسف
سارة : مابعرف من الضهر ماشفنها بس قلنا انو بجي ع الوقت ...
مرام : امممم ميرسي الك
سارة : بس على فكرة انت طالعة بتعقدي ...
مرام : ميرسي الك كلك زوق حبيبتي ...
اقترب منهم محمود : انتو النسوان مابتخلصو حكي
مرام : اهلا دكتور محمود ....كنت عم اسألها على يوسف
محمود : اي اطمني دقيلتلو وقال ربع ساعة بخلص شغلو وبيجي هو وعمر ...
مرام : اممم .....
محمود : مرام شو هالجمال والاناقة والله يوسف ليطير عقلو فيكي ...
مرام : هههه شكرا خجلتني
سارة : حبيبي لاتنسى هيدي بتكون خطيبت خيي ...
محمود : هههههه بعرف ....وانت كمان طالعة بتطير العقل ...
سارة :تقبرني ..
مرام : الله يخليكن لبعض ...عن اذنك بدي شوف المعازيم ...
مرام رأت على الباب حيدر ومايا وذهبت لكي تستقبلهم
مرام : شرفتونا بزيارتكم ...
حيدر مزهول من مرام وجمال مرام
مايا : مبروك الخطبة وانشاء الله عقبال التمام
مرام : ميرسي الك ......كيفك حيدر
حيدر لم يرد ..نكعته مايا لكي يصحى من شروده
حيدر: اي اي شوفي
مرام : عم قلك كيفك
حيدر : هههههه انا غير شكل وخصوصا بعد ماشفتك
مرام : احممممم .....هههه لا انت مافي منك فايدة ابدا ...مايا خدي خطيبك وادخلو لجوا
مايا : هههههه معك حق ...اتفضل حياتي لندخل
....دخلو ...وجاءت جميع المعازيم وجاء عمر ايضا لكن يوسف لم يأتي ....واشتغلت الاغاني ...ومرام تتصل بيوسف ولا يرد ....
واشتغلت اغنية رومنسية ...وقام الجميع كل شخص يرقص مع شريكه ....يارا وعمر ...سارة ومحمود ...كرم وليلى ...هبة واحمد ....مايا وحيدر ...سليمان ونسمة ....بقيت مرام جالسة مكانها وكانت متوترة كثيرا لان يوسف لم يأتي وان الجميع مبسوط ويرقص الا هية كانت تعض على اظافرها ....
وبعد قليل دخل يوسف كان انيق جدا وجميل ...وبدأ يبحث عن مرام ...فأشر له محمود بعينيه عليها وذهب الى مرام ...
يوسف :حبيبتي مرام اس..............انت شو عاملي بحالك
مرام : ليش اتأخرت يا استاذ ..
يوسف : مرام شو عاملي بحالك ليش الميكب تبعك فاقع لهل الدرجة
مرام : ليش مو حلو ... وبعدين انت جاي تحاسبني انا يلي لازم حاسبك
مسكها من ذراعها واخرجها الى الشرفة
مرام : يوسف شبك ليش هيك سحبتني ...
يوسف : مرام ليش هيك عاملي بحالك ...مابتعرفي انو انا بغار عليكي من نسمة الهوا .... والكل كانو عم يتطلعو عليكي ...لك انت ع الطبيعة بتجنني كيف اذا اتمكيجتي ...
مرام : يعني مو حلو
يوسف : مو هيك القصة بالعكس طالعة بتطير العقل ... بس والله مابستحمل حدا يشوفك بهالجمال غيري ....
مرام : اوك هلق بمسحو .... هاه خلصت الغناي كنت حابي ارقص انا واياك معهن ....بس يلا مشي الحال انا طالعة امسح الميكب وارجع ....
يوسف : وقفي ميمو حبيبتي خلص لاتمسحيه ....حلو كتير ....وهلق تعالي بدي ارقص انا واياكي
مرام : هه وبعد شو بعد ماكلون قعدو وخلصت الغناي ...
يوسف : يقبرني الزعلان انا تعالي معي ....
اخذ يوسف مرام من يدها وطلب من الدي جي ان يعيد الاغنية ..واقترب الى الساحة وضم مرام وبدأ يرقص هو وهية لوحدهم
يوسف : شايفي هيك الجو احلا انا وانتي لحالنا نحنا مابنرقص مع حدا
مرام : بس انا خجلانة ليك كل العالم عم تتطلع علينا ..
يوسف : انت بس خليكي عم تتطلعي بعيوني وانسي كل العالم
وضعت مرام يديها حول رقبة يوسف و تنظر بيعينيه وبدأو بالرقص ...وكانو في عالم ثاني والجميع كانو ينظر اليهم والى الحب الذي بعينيهم..... انتهت الاغنية ..وبدأ التصفيق ....
منار : تقبرو قلبي طالعين بتجننو
يوسف: دخيل قلبك ياماما
كرم : يوسف كأنو اليوم خطبتي انا وليلى ما انت ومرام خطفتو الانظار انت واياها
يوسف : هههههه سووري استاذ كرم معد نعيدها ...المهم الف الف مبروك ...مبروك ليلى
كرم : الله يبارك فيك ...
ليلى : ميرسي الك وعقبالك انت ومرومتي ...
يوسف ضم مرام اكثر : ان شاء الله عن قريب ....
كرم : مرام على فكرة طالعة بتاخدي العقل
مرام بلعت ريقها ونظرت الى يوسف كان يوسف منزعج كثيرا
مرام : ميرسي الك عن اذنكن شوي
وبسرعة ذهبت الى غرفتها ومسحت الميكب عن وجهها ونظرت بالمرأة وقالت : والله انا حلوة شو اعمل بحالي ...جاء صوت يوسف من خلفها : انت لاتعملي شي انا بعمل
مرام : يوسف ....المهم هيك منيح...
يوسف : اي منيح كتير يقبرني جمالو
مرام : اوك ....يلا تعال لننزل
يوسف : مع انو مش جاي ع بالي انزل ..حابب ضل معك لوحدنا
مرام : ههههه لا ماحزرت يلا مشي معي ...
نزلو واكملو الحفلة وقطعو الكاتو وكان الجميع مبسوط ....انتهت الحفلة وكل الناس عادت الى منازلها
.......................
في صباح اليوم التالي ...مرام عزمت على الفطور يوسف وكرم ....
مرام : كلشي جاهز
ليلى : اي بس بعد الشاي ...
طرق الباب
مرام : خليكي انا بفتح الباب اكيد وصلو ...
ذهبت مرام فتحت الباب ....ووقفت مصدومة ..
مرام : ....................
...................................
يتبع ....
