#مرام
#بقلم_مريم_اليوسف
#الجزء_الثامن
جاء صوت من خلف مرام يقول انا من الاقرباء خبرني دكتور شو في ....التفتت مرام ووجدت هشام ...لم تتكلم مرام معه اي شيء .....اقترب هشام من الطبيب ..خير دكتور قلي شوفي
الطبيب :لو سمحت بدي احكي معك موضوع على انفراد
مرام بصوت غاضب :لا هو مابيقربنا خبرني الي دكتور ...شوفي شبها امي واختي هنن بخير
هشام:.لاترد عليها...قلي شو في
الطبيب :لو سمحت اتفضل معي
ذهب هشام والطبيب ووقفو على جنب بعيد عن مرام
مرام جلست على الكرسي خارج الغرفة ومسكت راسها
وتكلم نفسهاوالدموع في عينيها : مرام اهدي ....مرام ركزي ....مرام حاولي تستوعبي .....يارب يارب .....
وبدات تستوعب ماذا يحصل معها .....وعرفت ان عبير ماتت ....وان والدتها قد ماتت ايضا فهمت هذا من كلام الطبيب ....وان كل هذا حقيقة
الطبيب :بصراحة اختها وامها ماتو سوى امها ماتت بأزمة قلبية وهية مانها عم تستوعب و ماحبيت قلها خفت عليها
هشام :الله يرحمهم ....ياحرام يامرام ...كيف رح تتقبل هالصدمة
الطبيب : انت اذا بتقدر تخبرها بطريقتك
هشام :رح حاول .....
...............
اقترب هشام من مرام
هشام: يا بنتي مرام ....انت قوية وانت صبورة والدنيا ماوقفت هون
مرام بصوت حزين:ماتو ؟؟
هشام رأسه بأجابية : اي ماتو الديم هو الله
مرام بهدوء والدموع تنزل من عيونها :ليش راحو وتركوني ليش خلوني لحالي ...قامت من مكانها بكل برود ...وكأنها في حالة جمود وكانت تخفي حزنها بقلبها ...اتجهت نحو الغرفة التي توجد بها سملى وعبير وكل واحدة تنام على سرير ...اقتربت منهن وقلبتهن كل واحدة على راسها .....هشام كان منصدم من وضع مرام وخاف عليها لانها تمر بصدمة كبيرة جداً ..خرجت مرام من الغرفة
هشام : مرام انت منيحة ...عوين رايحة
مرام :انا منيحة فيك تروح ولا تفرجيني وجهك مرة تانية ...وشكرا الك ع وقفتك جنبي
هشام :مرام انا خايف عليكي
مرام :لو سمحت اتركني بحالي ...وانا منيحة كتير ومابدي حدا يخاف علي
ذهبت لكي تنهي اجراءت للخروج ...ووجدت ان الحساب مدفوع فعرفت انه هشام وقالت بنفسها انها سوف تعطيه المال في وقت اخر لانها لاتملك المال ....
واحضرت التقارير الطبية معها
حملت سيارة الاسعاف سلمى وعبير الى منزل مرام وخرج جميع الجيران على صوت سيارة الاسعاف.....
ونزلت مرام من السيارة وكانت لاتحرك ساكن الا انها كانت تذرف الدموع بغزارة ....اقتربت من سلام بلهفة
:مرام حبيبتي شو صاير شو في شبها امك واختك وانت شبك ليش هيك وجهك مورم ....جاوبيني شبون امك واختك ليش هيك حاملينون ....مراااام احكي معي شبها امك واختك
مرام وهية بحالة جمود :مااااتو
سلام :شووووووو ....لااااااا ....سلمى ..عبيييير ..كيف صار هيك
وبدأت تضرب نفسها وتبكي بغزارة .....ووضعو سلمى وعبير في ارض المنزل والتمو حولهم نساء الحارة وبدأو يبكون عليهن ...مرام جالسة بعيدة عن امها واختها وتبكي بصمت .....وبعد نواح طويل ....
جاء بعض الرجال وقالو ان هذا الشيء لايجوز ..وان اكرام الميت دفنه ....فقامت بعض النساء غلسلوهن وكفنوهن ....وجاء الرجال واخذوهن الى المقبرة لكي يدفنوهن ومرام تمشي مع النساء خلف الرجال وكأنها فقط جسد يتحرك لم تنتطق بأي كلمة ....انتهت اجرأت الدفن وعاد الجميع الى منزل مرام وجلسو حولها ويحاولون ان يكلموها او يحاولن ان يجعلوها تبكي بصوت عالي ولاتحبس بقلها ....لكنها كانت مثل الصنم ....وتمر الساعات وجاء الليل والجميع رحل الى منازلهم ...وبقيت مرام وبجانبها سلام ...
سلام والدموع في عينيها :مرام ...حبيبتي احكي اي شي لاتضلي ساكتة...ابكي صرخي ...لاتحبسي بقلبك ... قومي كسري ...قومي اتوضي وصلي وادعيلهن ..........مرام ..عم تسمعيني ...مرام ردي علي ....الله يصبرك يا بنتي ويعينك ...
مرام مازالت جالسة مكانها ولا تكلم احد ......تمددت على فراشها والدموع لم تفارق عيناها منذ الامس
...................................................
******** باااااااااااك************
مرام منهارة من البكاء وليلى اقتربت منها وضمتها
ليلى :حبيبتي يامرام حاج تبكي ......معقول كل هيدا صاير معك .....معقول استحملتي كل هيدا...معقول بنت بعمر ١٩ تمر بكل هيدا
مرام :اي كل هيدا صار معي .....بيومين اتغيرت كل حياتي الابيض صار اسود والجنة صارت نار .....اصعب يومين بمرو علي بحياتي..... بين ليلة وضحاها صرت وحيدة ماالي بهل الدنيا غير رب العالمين ....بقولو ضربتين على الراس بوجعو انا اجوني ثلاثة ضربات على قلبي مو على راسي .....
ليلى :خلص حاج تبكي الله يرحمهن وكلنا عهل الطريق ياحرام شو اتحملتي الجبال ما بتتحمل الي تحملتيه ....والله لو انا مكانك كنت جنيت وماضل فيني عقل ......كملي شوصار معك بعدين
مرام : اول انهار كنت بصدمة قوية ما كنت احكي مع حدا ولا حتى كنت اشعر بحدا...حتى امي واختي ما ودعتون .....لا حتى بكيت عليهن بصوت عالي .....كان كلو محبوس بقلبي .....كان هالشي عم يدبحني ....
ليلى :ما منيح الشخص يحبس بقلبو كل هيدا بأسر عصحة الانسان ......ياحرام يامرام ....وبعدين اكيد صار معك انهيار عصبي
مرام :صح صار معي انهيار ......
..................................................................
*********فلاااااااش بااااااااااااااااااك**************
الساعة الواحدة بعد منصف الليل مرام نائمة على فراشها والوسادة مبللة من الدموع ....فاقت مرام من صدمتها الى حالة جنون ....
قامت بسرعة دون ان تشعر بها سلام وذهبت الى المقبرة وكانت السماء ماطرة وكأنهاحزينةو تبكي على مرام ....جلست بجانب قبور امها واباها واختها ....وبدأت تصرخ من اعماق قلبها :لييييش.....ليييش ....ليش كل العالم بتكرهني ليش .....حتى انتو بتكرهوني .....رحتو وتركتوني .....انتو بتحبو عبير اكتر مني ....اخدتوها وتركتوني ......ومن انا وصغير بحس حالي مظلومة .....صح عبير كانت مريضة بس انا كنت غار منها واتمنى انو انا كون مكانها ...... انتو السبب انتو السبب ....لو ماانكم تجوزتو وهربتو ماكان صار معنا هيك ....صرنا مقطوعين من شجرة وماعنا اقرباء .... وبعدها نحنا جينا على هالدنيا ......ولما كنا عايشين ومبسوطين ....متت انت يا بابا ....وانا كتير تعبت على غيابك واستحملت كتير وحرمت حالي كتير شغلات مشان الماما تقدر تصرف علينا ....وانا صرت اكبر من عمري كنت احبس كتير بقلبي ....مشان الماما ماتحس انو ناقصني شي ....بس انا كان ناقصني كلشي .....كان بدي الماما.... كان بدي لما اجي من المدرسة اقعد بحضنها واحكيلها شو صار معي .....بس لما ارجع مالاقي حدا ....تكون بالشغل ولما ترجع تكون تعبانة وماحب ازعجها...... كنت انااختهاو امها لعبير كنت درسها وعلمها واسمع مشاكلها وربيها ......والماما عم تتعب طول النهار مشان مصروف البيت ....وبعدها اكتشفنا بمرض عبير وصار عنا هم جديد ....وكان كل همنا انها تشفى من المرض ....انا كنت البس ملابسي من البالات او حدا يشفق علينا ويشحدنا ملابس ....ماكنت اطلب اي شي وماعشت حياتي متل اي صبية ....وعبير كانت عم تتدبل قدمنا متل الوردة ونحنا ماكان طالع بأيدنا نعمل شي .....كنت استحمل اهانات العالم ع شكلي
......علشان امي واختي ......كنت استحمل انو ماحد يرافقني علشان امي واختي .....وبالاخير بتروح امي واختي وبيتركوني .....انتو من الاول مابتحبوني ....لو بتحبوني كنتو اخدتوني معكن لمين تركتوني لمين .....انا شوبدي اعمل بحالي وين بدي روح .......
لك لييييييييش ......انا شو اعملت لحتى ينكسر قلبي بهالطريقة .....لك حتى الشب الي حبيتو ماصدقني واعتبرني وحدة خاينني ...... اااااااااااااااااخ .....ياااااارب ....يااااااارب .....ساعدني انت الوحيد الي بتقدر تساعدني هنن تركوني انت لا تتركني يارب ......الله يرحمكم ويسامحكم انا بحبكم كتيرياماما وبابا وعبير ......ساااامحوني.....
السماء كانت تمطر بغزارة فوق مرام ومرام تبللت بالكامل ......ثم تمددت بين قبر امها وقبر والدها ونامت ...............
في الصباح توقف المطر جاء هشام وطرق باب منزل مرام ....استيقظت سلام على صوت الباب .... بدأت تنظر حولها ولم تجد مرام قامت بسرعة وفتحت الباب
هشام : مرحبا مرام موجودة
سلام :اهلين ...لا مرام مانها موجودة هلق فقت مالقيتها بس مين حضرتك
هشام :كيف مانها موجودة وينا
سلام :والله مابعرف كانت نايمة....وهلق فقت مالقيتا .....بس مين انت وشوبدك منها .....
ذهب هشام ولم يرد عليها .....
خرجت سلام تنده على الجيران وتقول لهم ان مرام مفقودة .....
هشام وصل الى سيارته .....
هشام:انت شو عم تعمل هون ما قلتلك خليك عم تراقب مرام ....
علي :والله ياهشام بيك من امبارح هون وما شفتها ليش وينها مرام مانها بالبيت ...
هشام :لا مانا بالبيت بسرعة روح ع المقبرة يمكن تكون هونيك ....
ذهب هشام بسرعة الى المقبرة اقترب من قبور عائلتها وجدها نائمة والماء والطين يملون ملابسها ....حاول ان يفيقها لكنها لم تفيق وضع يده على رأسها واذا برأسها ساخن جدا وكأن النار تشتعل به .....حملوها وذهبو بها الى المشفى بسرعة.....وهو نفس المشفى الذي ماتت به عبير وسلمى ......ادخلوها بسرعة .....ودخل اليها الاطباء وفحصوها ....وبعد ساعة خرج الطبيب ....
هشام :خبرني دكتور كيف وضها مرام .....
الطبيب :بصراحة صاير معها انهيار عصبي .....والظاهر انها طول الليل نايمة تحت المطر ومعها حمى قوية ....
ماقلتك امبارح انكم تنتبهو عليها لانو الصدمة الي اكلتها قوية ....
هشام :بصراحة يادكتور ما انتبهنا عليها لما طلعت بليل وراحت قعدت عند قبور اهلها ....المهم هية هلق شو وضعها
الطبيب :هلق عم نحاول نخفض الحرارة لان حراتها ٤٥ وبعدها بدنا ننطرها لحتى تفيق ....لانو يمكن تدخل بغيبوبة اويمكن لاسمح الله ما تطلع منها نهائيا .....
هشام :انت شو عم تقول يادكتور .....
الطبيب :متل ماعم قلك لانو حالتها كتير صعبة ....وحالتها النفسية صفر بالمية يعني يمكن ماتساعد حالها ...بس كل هيدا هلق مجرد احتمالات رح ننطر ٢٤ ساعة وبعدها بنقرر ...
هشام : العذراء والمسيح يحموكي يابنتي يامرام ......
سلام والجيران بحثو عن مرام لكن لم يجدوها ولم يعرفوا عنها اي شيء .....
بعد عدة ايام ......
هشام: طمني يادكتور مرام صرلا ايام ومافاقت ....
الطبيب:بصراحة مرام داخلة بغيبوبة ....
هشام:وايمت بدها تصحا منها
الطبيب :والله مابعرف العلم عند الله ....
هشام :والحل ؟؟
الطبيب:الحل هو انو ننطر ونراقب حالتها اكتر من هيك مابنقدر نعمل اي شي
.................................
بعد مرور شهر .....وفي هذه الفترة مرام توقف قلبها ثلاثة مرات ويرجع يدق من خلال الصدمات الكهربائية.....واثار الكدمات والزراق من وجهها ومن جسمها اختفت نهائيا
هشام جالس بجانب مرام وهية نائمة ويتأملها ...وكانت جميع ملامحها تشبه ابنته كثيرا ...دخل الطبيب
هشام :دكتور مافي اي تحسن على مرام ؟؟
الطبيب :امبلا عم تتحسن ....وان شاء الله مابتطول وبتصحى
هشام بفرح: عنجد دكتور ....الله يبشرك بالخير ...
الطبيب : بدي خبرك كمان ...انو نحنا خلال هالشهر ونحنا عم نراقب وضع مرام ...وكل انهارين عم نعملا تحاليل جديدة ...وتبين معنا انو صار معها امراض مزمنة وكل هاد نتيجة الحزن
هشام :شوووووو.... امراض مزمنة ....امراض متل شو ؟؟
الطبيب :الضغط ...وحساسية ربو بصدرها
هشام :وشو علاجو هيدا المرض
الطبيب : اهم شغلة انها تتبع حمية واتابع الدوا ...بس كل هيدا الحكي بعد ماتفيق بخير وسلامة ...
هشام ؛ان شاءالله تفيق بخير وسلامة ....
الطبيب :لو سمحت ممكن اسأل سؤال
هشام :اتفضل اسأل دكتور
الطبيب :انت شو بتقرب مرام ....بصراحة انا ملاحظ انك انت مسيحي وهية مسلمة
هشام :اااااه ....اي هية بصراحة بتكون بنت رفيقي ...لما مات ابوها وصاني بعيلتو .....
الطبيب: الله يجزيك الخير الي عملتو ماحدابيعملو ....
هشام :شكرا الك ....
...............................
بعد اسبوع ...... جاء اتصال هاتفي من المشفى الى هشام واخبروه ان مرام فاقت داقائق وعادت الى النوم وان هذه اشارة ان مرام سوف تفيق من غيبوبتها ..فرح هشام جدا بهذا الخبر وذهب الى المشفى .......
هشام :طمني دكتور كيف صارت مرام عنجد فاقت
الطبيب :صح ...فاقت وان شاء الله بهل اليومين بتفيق من غيبوبتها ....بس انا بفضل يكون في طبيب نفسي لما تفيق لانو اذا فاقت واتذكرت شو صار معها يمكن ترجع تنصدم
هشام : اذا هيدا رأيك بنجبلا طبيب نفسي بس انا مابعرف.... انت اذا بتعرف شي طبيب عطيني رقمو وعنوانو وبخليه يراقب وضها
الطبيب :اوكي ....انا بعرف طبيب نفسي كتير شاطر اسمو محمود الحسن ...مشان ماعذبك انا بحكي معو وبخبرو وهو بيجي
هشام :بتكون فضلت على راسنا يادكتور
الطبيب :ولو هيدا واجبنا ...والفضل لله سبحانه وتعالى
....................
في اليوم التالي جاء محمود (ملاحظة محمود زوج سارة اخت يوسف لكنه لايعرف مرام) وجاء هشام ودكتور مرام الى غرفة مرام وجلسو بجانبها ....اقترب منها الطبيب وبدأ يشممها رائحة قوية لكي تفيق ....بدأ مرام تحرك يدها ...وبعدها بدأت تحرك رأسها لكي تبتعد عن الرائحة ....وبدأت تفتح عيونها ....بدأت ترى غشاوى .....ثم بدأت تتوضح الصورة امامها فتحت عيناها ووجدت واقف فوق رأسها هشام ومحمود والطبيب ....
مرام بصوت خافت :وين انا ....ومين انتو ....
محمود : اهدي انت بالمشفى ....تعبتي شوي وجبناكي لهون ....الحمد لله ع سلامتك
مرام :شو صار معي .....وين الماما ....
محمود : انت هلق لاتفكري بأي شي المهم انك فقتي ....
مرام :اشقد صرلي نايمي .....
محمود :يومين .....المهم انت هلق حاسي حالك منيحة
مرام هزت رأسها بأيجابية :اي ....بس تعباني شوي
محمود :انت شو اسمك
مرام :مرام
محمود :اشقد عمرك
مرام :١٩
محمود: بتتذكري شوصار معك
مرام :لا راسي مشوش ماني عم اتذكر شي
الطبيب :دكتور محمود معقول فقدت الذاكرة
محمود :لا لا ...بس بداها شوي وقت لتتذكر
مرام :انا فاقدي ذاكرتي ؟؟
محمود :لا لا...انت منيحة بس حتى تصحصي اشوي رح تتذكري كلشي ....بتقدري تقعدي
مرام : اي ....
محمود :يالله قومي
جلست مرام على السرير ونظرت الى هشام وظنت انها تعرفه
مرام : دكتور انا....
محمود :ولا كلمة ...بس لحتى تصحصحي منيح بنحكي....جيبولا شي تاكله ...
مرام وهية تنظر الى هشام تذكرت كل شيء وبدأت تصرخ :ماااااماااا ....عبير .....ماما وعبير ماتو بدي روح لعندون .وقامت من مكانها بسرعة لكن محمود وهشام منعوها ووضعوها على السرير ...وهية تقاوم وتصرخ وتبكي ....جاء الطبيب بسرعة واعطاها ابرة مهدء ....وذهبت في نوم عميق
محمود :ياحرام ....باين عليها آكلة صدمة قوية ...وحالتها صعبة
هشام :دكتور معقول ما تشفى ويصير عندها عقدة نفسية
محمود :لا لاتخاف ان شاء الله مابيصير معها شي .....انا هلق بدي استأذن ....وبكرا الصبح برجع وبقعد معها بس انتو لاتخلوها تنفعل كل مافاقت عطوها مهدء وخليها ترجع تنام
الطبيب :اوكي دكتور
هشام :شكرا كتير الك دكتور محمود
............................
في اليوم التالي جاء محمود الى مرام كانت نائمة وطلب ان يبقى معها لوحدهم .....
اقترب منها :مرام ....مرام ....مرام ....فيقي
فاقت مرام ونظرت اليه ....تنهضت وجلست ...
مرام وبدأت تبكي :انتو شو بدكم مني اتركوني روح ...انا امي واختي ماتو ...بدي روح زورهم
محمود :مرام انت وضعك صعب ....
مرام :انا كتير منيحة ...ومافيني شي.....انتو ليش خاطفيني ...شوبدكم مني بدكم تبيعوني
محمود :ههههنهههه .....اطلعي حوليكي ...نحنا بالمشفى .... ومحدا خاطفك .....انا بكون دكتور نفسي اسمي محمود وبدي ساعدك مشان تتخطي هالمرحلة
مرام بصوت عالي :بس انا ماني مريضة نفسية .....خلوني روح ومابدي منكم شي ....طااااااالعوني طاااااالعوني
محمود :خليكي هادية احسن ماخليهم يضربوكي ابرة مهدء ....وبعرف انك مانك مريضة نفسية بس انت نفسيتك كتير تعبانة .....والله محدا حابسك ولا حدا بدو منك شي ....بس انت اسمعيني وخلينا نكون اصدقاء هشام بيك حكالي كل قصتك
مرام :هيدا هشام هو الي خاطفني ما هيك
محمود :ههههه انت شو قصتك انت والخطف لا هشام بيك بس حب يساعدك لانك صرتي وحيدة
مرام :انتو كلكن كذابين .....ومارح صدق حدا كل العالم عم تستغلني
محمود :مراااااام ....اسمعيني ....انت بتعرفي شو صار معك لحتى اوصلتي لهون
مرام سكتت واتذكرت اخر مكان كانت فيه هو المقبرة
محمود :ليش سكتي انا بقلك اخر مكان كنت فيه هو المقبرة ....
مرام :وشو صار بعدين
محمود :هشام بيك راح دور عليكي بالمقبرة ولقاكي كنت غايبي عن الوعي تيابك كلها مي وكانت حرارتك كتير عالية ...وجابك ع المشفى ....وبتعرفي اشقد صرلك بالمشفى
هزت مرام رأسها بالنفي :لا
محمود :ايمت ماتت امك واختك اشقد كان الشهر
مرام :6\10
محمود فتح موبايله على التاريخ واعطاه لمرام : اطلعي تاريخ اليوم19\11
مرام مصدومة :شو يعني ...يعني انا صرلي اكتر من شهر بالمشفى
محمود :صح كنتي بغيبوبة .....هداك النهار صارمعك انهيار عصبي وصابتك حمى قوية ودخلتي بغيبوبة.......
مرام والدموع في عينيها مثل الانهار :.................
محمود :شفتي نحنا مابدنا نخطفك نحنا بس بدنا نساعدك ....انت نفسيتك كتير تعبانة ....بتعرفي انو قلبك وقف ٣ مرات وانت بالغيبوبة .....
مرام :وليش ماتركتوني موت اشرفلي من هالعيشة
محمود : انت بدك تعيشي هيدا نصيبك بركي قلبك بعدو عم يدق لشي حدا
مرام عندما سمعت هذه الكلمات تذكرت يوسف وبدأت تبكي بغرزاة :مشان الله تركني بحالي .....انا قلبي مات ...عم تفهم علي قلبي مات مات كلون حرقولي قلبي .....انكسر قطعة ورا قطعة ماضل ولاقطعة بقلبي ...
عندما سمع كلامها محمود عرف انه يوجد احد كسر لها قلبها وانه ليس فقط موت اختها وامها الذي أسر بها وانما هناك شخص اخر حطمها ...وجاء موت امها واختها دمرها نهائيا ....
محمود :مرام ....مرام .....انا اسف سامحيني ......
ماكان قصدي ماكنت بعرف انك مجروحة لهل الدرجة
مرام : انا عم اختنق ....ياريت خليتوني موت ....والله كنت ارتحت ....
محمود :مرام انا جنبك وبدي ساعدك ......اذا بتقبلي رح طلعك من هالمحنة ....
مرام :ياريت .....انا قلبي متل النار ..متل شي بركان ثائر ومانو عم يهدا ....عنجد انا بدي حدا يساعدني ....
محمود :خلص ولا يهمك ....انا جنبك ..... المهم انت تصيري منيحة وتطلعي من هون
مرام :انا منيحة ....بدي اطلع من هون
محمود :ع وين بدك تطلعي ....
مرام :ع بيتنا اكيد ....
محمود :انا برأي ماتروحي ع بيتك
مرام :انا ماالي مكان روح عليه
محمود :نسيتي هشام بيك .....الزلمي ساعدك كتير ...بتعرفي ليش؟؟ بس لانك بتشبهي بنتو ...وهو مستعد يوقف جنبك طول العمر هو بيعتبرك متل بنتو كان كتير خايف عليكي عطيه فرصة واسمعيه
مرام : عنجد هو عمل كل هيدا علشاني
محمود :اي صح ...هو هلق برا وعم ينطرني لحتى خلص ....
مرام :ممكن تندهلو
محمود :اكيد ....وانا هلق رايح عندي شغل... بكرى بجي وبشوفك .....بس بدي قلك انت بنت قوية ومابينخاف عليكي ورح تتخطي هالمحنة ... يمكن لانو ايمانك قوي
مرام :الحمد لله انا ايماني برب العالمين كتير قوي ....
محمود : كتير منيح اصبح قومي اتوضي وصلي بترتاحي
مرام :شكرا كتير الك يا دكتور ...
خرج محمود وتكلم قليلا مع هشام وطلب منه ان يدخل الى مرام
قامت مرام من مكانها واتجهت نحو الحمام وتوضت وخرجت ....وجدت هشام قد دخل الغرفة ...اقتربت من السرير وجلست ....
هشام :مرام يابنتي انتي منيحة
مرام هزت رأسها بالنفي :لا ....انا اكتير تعبانة ....
هشام :انا بشو بقدر ساعدك يابنتي .....
مرام :انتي شو بدك مني ...وليش عم تهتم فيني
هشام :اول شغلة انا بدي ساعدك .....وتاني شغلة عم اهتم فيكي لانك شبه بنتي كارلا ولما بشوفك بحس حالي عم شوفها
مرام :معك صورة لبنتك
هشام :اي ...خدي هيدي صورتها
نظرت مرام الى الصورة ووجدت شبه بينها وبين كارلا لكنه شبه عادي ...
مرام : صح في شبه بيني وبينها ....الله يرحمها ...كيف ماتت
هشام :حادث سير ....صح انتو بتشبوه بعض بس انت احسن منها
مرام :كيف يعني ؟؟....
هشام :كارلا من لما كانت صغير امها تركتنا وراحت ...وانا كنت دللها كتير ...ولما كبرت معد سمعت كلمتي ...وتقضيها سهر بالبارات ....وتضل مع رفقاتها ليل انهار.....ولما كنت حكيها ماتسمع مني لحتى يوم من الايام اجاني خبر انها كانت سكرانة وعملت حادث بالسيارة وماتت وصرت اتندم لانو انا السبب انا الي ماربيتها منيح .....ولما شفتك راقبتك واعرفتك اخلاقك ...وقررت ساعدك بركي بخفف عني الندم اشوي
مرام :كيف بدك تساعدني
هشام: مابس كنت بدي ساعدك الك كنت بدي ساعدك وساعد اهلك بس مالحقت ساعدهم الله يرحمهم .....
مرام :وهلق شلون بدك تساعدني ....
هشام :بالطريقة الي بترتاحي فيها انا بساعدك ....اذا بتحبي بشتريلك شقة صغيري تعيشي فيها وبتشتغلي عندي بالشركة واذا حبيتي تكملي دراستك ...واذا بتحبي انا مستعد سفرك برات البلد ......
مرام : انا مستعدة لاي شي بتطلوبو مني المهم تطلعني من هون ...واذا بتطلعني من البلد بكون ممنونتك
هشام :انت بتأمري يابنتي ع المكان الي بتحبيه بتروحي عليه .... المهم انت تكوني قوية وترجعي توقفي ع اجريكي .....ومشان تتطمني كل ليرة صرفتها عليكي بكرى بخصمها من راتبك لما تشتغلي معنا ....شو موافقة
مرام والدموع لم تفارق عيونها :اي موافقة ....شكرا كتير الك ....ممكن قلك عمو
هشام :شو مابدك قولي عمو ...بابا ...خالو ....هشام ...شومابدك قولي
وهلق بدك شي بدي اتركك ترتاحي
مرام :اي بدي ملابس صلاة وسجادة صلاة وقرآن
هشام :خلال ربع ساعة بكونو عندك .....
...........................
خرج هشام وطلب من علي ان يحضر لمرام ملابس وملابس للصلاة وسجادة صلاة وقرآن ......وبعد اقل من نصف ساعة كانت الاغراض عند مرام ....قامت مرام وبدأت تصلي ...وبعدهاجلست تقرأ بالقرأن ...حل المساء وبقيت طوال الليل وهية تصلي وتقرأ قرآن ....
وبعد اذان الفجر ...تمددت على سريرها ونامت ......
وبقيت نائمة حتى اذان الظهر ...فاقت توضت وصلت الظهر وكانت تشعر براحة نفسية ...وكان قلبها بارد تجاه والدتها واختها وكأن الله صربها على فراقهم وكأنها اطمأنت عليهن .....لكن كان في قلبها غصة وجرح عميق هو يوسف وكيف ظلمها ولم يصدقها وكيف مها ونيرمين ظلموها ولعبو بشرفها ....وانكشفت على اشخاص غريبة ....وهذا الجرح سوف يلاحقها طول حيتها ...صح هية مكسورة على موت امها واختها معا لكن مكسورة اكثر على غياب يوسف ...وتقول بنفسها لوكان جنبها كانت شعرت بالامان وكان ساعدها لكي تتخطى صدمتها وحزنها وكان وقف جنبها لكن تركها ولم يسمعها وهية تعتصر الم لكي تراه لانها اشتاقت له كثيرا ولا تعلم عنه اي شيء ....وتذكرت ايضا موضوع المال وانها تريد ان تعيد له كل المال الذي صرفه عليها وعلى اختها ...صح هية تحبه وتحبه كثيرا لكنها لن تسامحه ....
فاقت من شرودها ع صوت الباب يطرق
مرام :ادخل
محمود :مرحبا
مرام مع ابتسامة حزينة :اهلين دكتور
محمود :كيفك اليوم
مرام :حاسي حالي صرت احسن الحمد لله ...حاسي قلبي بارد وكأنو الله عم يقويني ويعطيني صبر
محمود :كتير منيح ...فرحتيني بهالخبر .....ماقلتلك انت قوية وبتقدري تساعدي حالك
مرام :الحمد لله
محمود :على فكرة انا دقيت الصبح وسألت عنك وقالولي انك طول الليل سهرانة وعم تصلي وتقري بالقرآن ....وانا افرحت كتير بهل الخبر
مرام : احلا شي صار معي بهالحياة انو الله خلقني مسلمة ....عنجد نعمة الاسلام اكبر نعمة بحياة كل مسلم
محمود : اي والله الحمد لله .....بتعرفي مرام انت مانك بحاجة لطبيب نفسي ...بتقدر تكملي حياتك طبيعي ....انت عقلك كبير وايمانك قوي وبتعرف الصح من الغلط ....
مرام : عم تحكي جد دكتور
محمود :اي والله عم احكي جد ....بس انا حاسس في وجع بقلبك غير حزنك ع امك واختك اذا بتحبي تحكي بقدر ساعدك ....
مرام :صح في وجع ووجع كبير كتير ...وجع مخلوط بالظلم والخيانة والشرف
محمود : اف ومين عامل فيكي كل هيدا
مرام : انسى دكتور .....بصراحة ماني حابي احكي بالموضوع ..
محمود :بس انا صار عندي فضول كبير اعرف
مرام :لا لاتشغل بالك انسى ...وانا لما بحس حالي حابي احكي انت اول شخص رح احكيلو
محمود :وعد
مرام :وعد .....بس دكتور انا بدي مساعدتك بموضوع تاني
محمود :موضوع شو احكي عم اسمعك
مرام : دكتور لو انت مكاني شو بتعمل ....قصدي كيف رح تكمل حياتك
محمود :انا لو مكانك بكمل حياتي وبحاول انسى ومافكر بكلشي جرحني وبحاول غير حياتي
مرام : واذا اجاك عرض متل يلي اجاني من عمو هشام
محمود :بقبلو فورا ومابفكر ...مرام انت لازم ترمي كل الماضي ورا ضهرك وتبلشي حياة جديدة ....هو قلي انو عرض عليكي شغل وانو يشتريلك بيت صغير ...واذا بتحبي بتكملي دارستك وانت عم تشتغلي شوبدك احسن من هيك ...وبدي قلك انسي الماضي نهائيا واصحك ترجعي ع بيتكن القديم لانو رح يكون في اوجاع كتير ....لاتخلي اي شي من الماضي يكون معك ....عم تفهمي علي
مرام هزت رأسها بأيجابية :اي عم افهم ....بس عمو هشام مسيحي
محمود :ههعههههه مرام شو انت بدك تتزوجي ..هو رح يكون بمثابةرأيسك بالشغل .....وبعدين انت ممكن تخليه يأسلم وتكسبي فيه ثواب
مرام مع ابتسامة خفيفة :معك حق
محمود :اي شو هيدا شو هالابتسامة الحلوة ....مرام عنجد هالحياة مافيها شي بينزعل عليها ...وكلنا رح يجي علينا يوم رح نموت .....
مرام :ياالله يادكتور شو انو حكيك بريح ....شكرا كتير الك
محمود :العفو هيدا واجبنا ......
مرام :ايمت بدي اطلع من هون
محمود :هلق بشوف دكتورك.....وانا بقول انو اليوم رح تطلعي لانو وضعك منيح كتير....صح في شي ماقلنالك عليه
مرام :شو هو
محمود :بصراحة انت طلع معك حساسية ربو بصدرك ...وضغط وهيدا كلو نتيجة الحزن والزعل
مرام : شوووو ....
محمود:اي للأسف ....بس لاتخافي مانهن خطرين بعمرك واذا تابعتي الدوا بأذن الله مابتشعري فيهن
مرام :الحمد لله على كل حال
محمود :اي والله الحمد لله ع كل حال ....ومابدي وصيكي انت بتعرفي كيف بتعالجي حالك كل ماحسيتي الدنيا داقت فيكي بتقومي بتصلي واقري بالقرآن ....لانو القرآن افضل علاج ...
مرام :انا حابي روح على بيتنا ودعو ...شو بتنصحني دكتور
محمود :اذا انت حابة تروحي روحي اقعد فيه شي يومين ودعيه وودعي ذكرياتك فيه .....وبعدها لازم توقفي ع رجليكي وماتخلي حدا يجرحك مرة تانية اويضحك عليكي .........انا اتأخرت وصار لازم روح عاوزي مني شي
مرام :سلامتك ......شكرا دكتور
محمود :العفو ....يلا سلام
مرام :سلام
....................................................
**********بااااااااااااااك*************
ليلى :مرام ليش ما احكيتي شوصار معك ومع يوسف للدكتور محمود
مرام :مابعرف .....مع انو الحكي معو كتير مريح ...بس في شي بداخلي قلي لاتحكي ....مابعرف يمكن كنت خايفي احكي وقتها
ليلى :مين بيعرف بقصتك غيري
مرام :في عمو هشام واحمد وانت
ليلى :احمد؟؟؟؟!!!!!!!
مرام :ههههه اي احمد ليش مستغربة ....
ليلى :مرام شوفي بينك وبين احمد
مرام :احمد صديقي ....احمد اكتر من صديق......او فيكي تقولي اخ ....او اكتر من اخ ....هههههه وانا واياه متل الضراير ههههه
ليلى :ههههههههه .....يلله كملي شو صار معك بعد ما اطلعتي من المشفى ....وكيف بلشتي حياتك مع هشام بيك ...وكيف تعرفتي على احمد
مرام : اوكي رح كمل من محل واوقفنا .......بعدها عمو هشام عمل اجراءات الخروج واطلعت معو ركبت معو بالسيارة ...وطلبت منو انو ياخدني ع المقبرة بالاول ....ورحنا ع المقبرة نزلت وقريت الفاتحة لماما وبابا وعبير ودعيتلون .....وبعدها رحت ع بيتنا وعمو هشام ما اعترض وقلي ع راحتك ......وصلت ع الحارة نزلت من السيارة واتجهت ع بيتنا ......وهنيك شفت جارتنا سلام
..................................................
*******فلاااااااش باااااااااك***********
نزلت مرام من السيارة واتجهت الى منزلها ....وهية تفتح الباب سمعت صوت سلام من خلفها :مرااااام
مرام :خالة سلام كيفك
سلام :حبيبتي يامرام وين كنتي والله كان بالي مشغول عليكي وين كنتي برمنا الدنيا عليكي ومالقيناكي ....طمنيني انت منيحة
مرام :اي ...اي منيحة ....انت كيفك
سلام :انا بخير.....بس انت وين كنتي كل هالمدة
مرام :تعالي لندخل ع البيت وبحكيلك كلشي
دخلت مرام وسلام الى المنزل ....وبدأت مرام تتفحص المنزل وبدأت تبكي لانها تذكرت كل الايام التي قضتها بهذا المنزل ونظرت الى فراش عبير والى فراش والدتها وذهبت واخذت وساداتهن وبدأت تحضنهم وتشمهم وتبكي
سلام :خلص حبيبيتي حاج تبكي الله يرحمهن ويجعل مثواهن الجنة ....
مسحت مرام دمواعها بأناملها وقالت :آاااامين
سلام :قوليلي مرام وين كنتي كل هالفترة والله كان قلبي عليكي متل النار وخفت يكون صاير عليكي شي
مرام بصوت حزين :صار كلشي
سلام :مشان الله يابنتي احكيلي
حكت مرام كل ماحدث معها للخالة سلام لكنها لم تقل لها عن هشام ......
سلام وهية تبكي :سلامتة قلبك ياعمري كل هيدا صار معك ونحنا مابنخبر ....تقبري قلبي والله بعدك صغيري ع المرض والضغط والربو .......
مرام :الحمد لله ...قدر الله وماشاء فعل
سلام :اي والله الحمد لله ع كل حال .....بس مرام قوليلي مين لقاكي بالمقبرة
مرام :اشخاص مابعرفون ساعدوني يكتر خيرون
سلام :اي والله يكتر خيرون والله يجزهن الخير ......المهم انت كيف صارت نفسيتك
مرام :الحمد لله انا صرت احسن من قبل
سلام:حبيبتي شو مشان دراستك مابدك تروحي ع كليتك صرلك اكتر من شهر غايبة
مرام :لا خالة انا هيدي السنة راحت علي وراح علي كتير مواد ومارح لحق ...ان شاء الله بكملها السنة الجاي وهلق بدي دور ع شغل مشان اصرف ع حالي وبكون صمدت اشويت مصاري للسنة الجاي
سلام :الله يوفقك ولايضيعلك تعب ....
مرام :آمين ....... خالة سلام بدي اسألك
سلام :اسألي حبيبتي شوفي
مرام :مافي شي حدا اجا سأل علينا او على الماما
سلام :لا محدا اجا .... بس انت مين بتقصدي بدو يجي يسأل
مرام :قصدي الناس يلي بتشتغل عندهم الماما
سلام :لا محدا اجا .....بس ع حد علمي امك ماخدة اجازة شهرين وقالتلي انهم مسافرين كمان
مرام : ااااه ...صح نسيت انها ماخدة اجازة ....
سلام :مرام حبيبتي لما ماتت امك واختك ....انا لاحظت انو كان وجهك مورم وازرق ....شو كان صاير معك
مرام :ااااه ....لا لا مافي شي بس كنت عم اقطع الشارع وخبطت فيني سيارة ....وصار معي شوية رضوض ...لاتخافي عرضية
سلام :الحمد لله انو هيك ولا غيرو
....................... .........
وبعد حديث طويل بين مرام وسلام .......ذهبت سلام الى منزلها وبقيت مرام في منزلها ....نظرت حولها وجدت نفسها وحيدة ....ولم تحتمل اكثر وجلست على الارض ومسكت ملابس من عبير ومن امها وبدأت تضمهم وتبكي من كل قلبها .......وذهبت في نوم عميق .....دخلت عليها سلام ورأتها نائمة ...عدلت لها نومتها وغطتها ونامت بجانبهة ......
في الصباح استيقظت مرام توضأت وصلت الفجر ....وايقظت سلام وقامت سلام وحضرت الفطور وجلسو وفطرو معا ....... وبعدها طلبت مرام من سلام ان تذهب الى منزلها لانها تريد ان تنظف المنزل لوحدها .....لكن سلام اعترضت واصرت ان تساعدها .....لكن مرام ترجتها كثير .....ثم وافقت سلام وذهبت الى منزلها ........ احضرت مرام عدة التنظيف ورافقت شعرها الطويل وربطته في اعلى رأسها ورفعت عن ساعديها وعن قداميها وبدأت حملت التنظيف ........وبدأت تخرج اغراض المنزل الى الخارج ......وهية تعمل لاحظت بوجود صندوق خشبي صغير اول مرة تراه وتفاجأت به ....حملت الصندوق وجلست وفتحته وتفاجأت ما بداخله ....كان يوجد بداخله رسالة ...وصور لاشخاص لاتعرفهم ...لكنها رأت بالصور شخص عرفته ....نعم انه هو .....؟؟؟؟
يتبع .......
