كبرنا معا ... منذ ان كنا صغارا نحن معا حتى في المدرسه معا ... صديقات روح وطفوله ... نعم انهم نحن ... لنا همومنا ومشاكلنا ولنا افراحنا وجنونا ... نعيشها معا ....
وجد و ريلام في السادس علمي بنات خاله وكانو حيل يدرسون بس حتى يجيبون درجات عاليه حتى يدخلون نفس الجامعه بس الوضع م صار مثل م يردون وحده ..
وجد دخلت هندسه وريلام صيدله .... وورا سنة ونفس الحاله ارجوان اخت وجد دخلت صيدله وبت خالتهم بعمر ارجوان عهود دخلت هندسه ...
في كفتريا الجامعه ... ووجد وريلام مرحله ثانيه وعهود وارجوان مرحله اولى ....
- ارجوان تاكل و ريلام تجرا منها ... كافي رح تصيرين بقرة
- ارجوان ... انتي شعليج ... ترجع تاخذه منها
- ريلام ... اي والله قابل انا الي رح اصير بقرة لو انتي ... وصارت تاكل وياها
- ارجوان ... شوف منو يحجي 😒
- عهود ... انتي هم رح تصيرين مثلها بالاكل 😒
- ريلام ... انتي شجايبج بكليتنا
- وجد ... سدي حلكج فوكاها جايين الج لاعاد تجين كليتنا
- ريلام ... كليه ابوج وانا مادري
- ارجوان تاكل ... تدرون انتو ضاربين محاضره ع خالي بلاش ؟!
- وجد ... وانتي ؟!
- ارجوان ... اسوي شي مفيد اكل
بقو البنات يسولفون بملل اوصفلكم البنات .....
ارجوان ... حنطاويه عيونها سود و كبار ،شعرها طويل واسود وجسمها يخبل عدها غمازه ع خد واحد ضحكتها تجنن وتهتم حيل بالاكل بس شكد م تاكل م تسمن وطولها ١٥٩
ريلام ... حنطاويه و عيونها جوزي وعيونها وتسحر حيل و شعرها طويل جسمها حلو ويناسب طولها وتهتم حيل بالمكياج وطولها ١٦٢
وجد ... حنطاويه شعرها قصير ... عيونها اسود حيل وكبار وجسمها شوي متروس تهتم بالمشاكل وماتهتم حيل لمظهرها وعدها غمازات وطولها ١٦٠
عهود ... بيضه ... عيونها جوزي فاتح ورموشها كثيفه ... شعرها طويل حييل ... وضعيفه ... فاهيه الشله وطولها ١٦٠
الصيدله الكل يقرا ومحد اله شغل بالخبال تقريبا الا ريلام و ارجوان من دخلو الكليه وهمه خبالهم زاد م نقص
بالمحاظره ... ريلام
ريلام كاعده وتفكر يمته تخلص ... وبنفس الوقت تلعب بالفون ... اندق باب القاعه
- الدكتور ... تفضل
- استاذ ممكن كلمه
كان الطالب ممبين برا القاعه ويحجي وي الاستاذ ... انطه ورقه للاستاذ ... وانا من التفت الاستاذ غيرت مكاني وقعدت الستيج الاول حتى اشوفه واسمع حجيهم ( فضوليه ☹️)
- بس هواي محاظرات فايتك ؟!
- ادري بس انا عدت هالسنه يعني ماخذها حتى م تفوت محاظرات علي
- تفضل ابني
- الكتور ... الطالب عبدالرحمن
دخل شخص انا اول م شفته كلت مستحيل هالشخص موجود هنا اباوع وارد اقول حقيقي ويمشي والله ... شكيت انا بحلم لان محد مر علي حلو 😂 خلي اوصفه حتى تحتارون وياي 🙁
