قراءه ممتعه 🌹
حوراء : اي بس ديري بالج خاف النسوان يكتلنج
سحر : اني ما اخاف من اي شخص
حوراء : والله قويه
سحر : شعبالج يله ننزل
نزلت اني و حوراء بعدني منزلت البايه الاخيره جرتني ابنيه ونطتني وراشدي وحاوطني النسوان يظربن بيه اريد اوخرهن من يمي ما أكدر حوراء اتوخر ماكو مره جبيره عاطت عليهن ماكو يدفرت بيه ايدي صارت اتاذيني كلش
حوراء
حاولت اوخر سحر من اديهن ماكدرت وامي هم ماكدرت رحت اركض اصيح سيف ماكو بالبيت بالديوان شفت ولد اصغير صحتله وكالتله صيح سيف ابساع راح واجه سيف
سيف
جنت كاعد يم الشيخ الي راح يعقدلنا واجه ولد كلي واحده أتريدك ادكول تعال ابساع رحت ركض خفت خاف امي بيه شي طبيت لكيت حوراء تبجي خفت بالزايد
سيف : شكو حوراء
حوراء : الحك سحر راح اتموت على اديهن كتلنهه
سيف : شنو وينه امشي
طبينه لكيت هوسه مال نسوان
سيف بعياط : جاااااي اشسووون هااا فهمنيي وخرن
هديل : هاي الي كتلو اخويه اله اكتله
سيف : اذا صار بيه شي متلومون اله نفسكم وخرن من الطريق
رحت اركض عليه شفت وجه كله دم متاذايه كلش اديه تنزف شلته وصعدته بالسياره حوراء اتوسلت اتروح وياي وأخذته وصلنه للمستشفى ابساع ودوه الغرفت العمليات اني خفت عليه كلش البنيه اخوه كلي امانه عندي واني ماصارله ساعه هيج سوو بيه
علي
بنص الطريق بعد ما عرفت اتنفس اختنكت كلش طبكت السياره ونزلت
رفل : علي بيك شي
علي : ما اعرف اختنكت كلش ما اعرف ليش
رفل : ارتاح اشويه اخذ نفس طويل
علي : بالي كله يم سحر خاف بيه شي
رفل : انت مو وصيت سيف عليه
علي : اي وصيته بس مادري ما مرتاح ابد
رفل : خابره واسأل عليه
علي : اي راح اخابره
سيف : هذا علي اخوه شراح اكله
سيف : الو
علي : الو هلو اشلونك انشالله بخير
سيف : تمام
علي : سحر اشلونه ممكن اسمع صوته
سيف : سحر والله اا ااا
علي : سحر بيه شي كلبي راح يوكع فدوه
سيف : والله ما اعرف شكلك سحر بالمستشفى
علي : شنننو يا مستشفى هسه جاي انتهت المكالمه
