قراءه ممتعه ♥️🌹
نام سيف و هوه شابك سحر
سيف كل مآ انام اشويه تجيني دفره من سحر وغير البجي الي تبجي كل اشويه تضربني واني نعسان مابيه حيل افتح اعيوني وهاي تبجي وتضرب بقيت نايم يمه وماكمت
الصبح
سيف كعدت لكيته نايمه مثل الملاك خليته على اديه والعب بشعره وبعد اشويه حسيته راح تكعد سويت نفسي نايم
سحر : عاااااااا انته شسوي اهنا هااا
سيف سوه نفسه مخترع : هاااا اشبيج
سحر : ليش اني نايمه اهنا
سيف : انتي الي اجيتي هاي الغرفه مالتي
سحر : واني خبله اجي الغرفتك مو
سيف : والله يمكن
سحر : شنو تقصد هسه اريد اعرف اني اجابني اهنا
سيف : انتي تمشين بنومج واجيتي يمي
سحر : اني ما امشي بنومي
سيف : اي اني الي امشي
سحر : يمكن ( كامت من الجربايه)
سيف : وين
سحر : شنو وين
سيف : وين ترحين هاا
سحر : اروح للغرفه حوراء
سيف : اهدومج اهنا تره مو بغرفت حوراء
سحر : اي بس عندي اهدوم بالغرفه حوراء
رادت تطلع من الغرفه جره سيف من اديه وسد الباب
سحر : هدني
سيف : واذا ماهديتج شسوين يعني
سحر : اعيط
سيف : عيطي يله
سحر : وخر مني عوفني
سيف : ما اعوفج
سحر : وخر احسلك قبل لا تندم
سيف : والله صايره تهددين سحر خانو
سحر : اي اهدد
سيف : ما اوخر شسوين
سحر : لعد لا تعتب عليه
سيف : ليش اعتب عليج هاا
سحر : خوش لعد
سحر ضربت سيف برجليه و شردت طلعت من الغرفه تركض وتضحك عليه لان شكله صار يضحك
سيف : اااااااخ لج اني اعلمج
سحر هي وتضحك : والله كلتلك وخر وانته ما وخرت شعليه اني
سيف : بسيطه اني اعلمج
سحر ركضت نزلت جوه لكت علي و عمار
سحر : علي علي علليي
عمار : شنو هذا الازعاج
