قراءه ممتعه 💖
نزلت اني و حوراء سلمت على عمي و على عمتي وبقيت كاعده يمهم وشويه اجه سيف كال الشيخ اجه عقد النه وراح واني مجبوره على هذا الزواج بس شسوي لازم اقبل صعدت الغرفتي ابجي على هذا الزواج جنت احلم مثل البنات البس البدله العرس وروح لصالون مكياج تسريحه بس هسه ماكو هاي الاشيا ورى اشويه اجتني حوراء
حوراء : سحر كومي لا تبجين
سحر مع دموع : الحلم الي جنت اتحلم بي هسه ماكو
حوراء تمسح الدموع سحر : شنو الحلم
سحر : جنت احلم ازوج الي احبه و البس البدله واروح ام الصالون اويلي تسريحه و مكياج هذا حلمي بس هسه ادمر هذا الحلم
حوراء : يله وانشالله اخويه يحققه الج
سحر : منو الي يكول يحققه الي
حوراء : اني اكول
سحر : وين راح سيف
حوراء : شنو اشتاقيتيله
سحر : لا بس ما شفته بس لمن عقدنه
حوراء : راح ويه أصدقائه
سحر : هاا
حوراء : يله البسي شي حلو وخلي مكياج ونزلي
سحر : ليش هي ملابسي حلوات
حوراء : لا لأن راح يجون بيت عمي يلي بتهم و أمه الي كتلنج
سحر : لا هله ولا مرحبه
حوراء : بصراحه اني ما احبهن بس عمي حباب ولدهه هم حبابين مالهم شغله بينه بس مرته وبته هديل مصيبه
سحر : بس ليش كتلني
حوراء : لان ابنهم هوه الي ميت
سحر : اي واني شنو ذنبي مو اني الي كتلته بن عمي
حوراء : اذا ما كمتي اتبدلين راح ازعل عليج
سحر : اذا زعلتي اموت والله اسويه لان بس انتي الي اسولف ويه اهنا
حوراء : اي ادري بيج اسويه تعاي اني اطلعلج ملابس
سحر : اليوم البس على ضوقج يله
انطتني فستان طويل حلو لونه وردي لبسته ويه احرام الخصر خلتلي مكيج حلو و بسيط و سوتلي تسريحه حلوه
سحر : واااااو حلو 😍
حوراء : لعد شعبالج اني حوراء 😎
سحر : اي اتني حوراء هههه
حوراء : بعد اكو شي نقص
سحر : شنو
حوراء : عندج كسوارات
سحر : عندي بس ما ادري اذا جيبلياهن
حوراء : شنو مددرين وينهن
