اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحكاية الثانية
ج1
خرجت من الشقة بتفحم من العياط بعد خناقة كبيرة بينى وبين ادهم جوزي بسببها اتعصب جداً قبل ما ينزل على شغله ويرزع الباب وراه روحت على شفة فريدة جارتى وصاحبتى الوحيدة فى العمارة اللى برتاح لها فضلت اخبط على الباب و ارن الجرس لحد ما فتحت اتخضت من منظري ،دخلت قعدت فى الصالة وهى دخلت المطبخ تعملي ليمون اهدي به اعصابي كان باين على تعابير وشها ان عندها شك ان الخناقة المرادي اكبر من الخناقات بتاع كل يوم ماكنت مستغربة انها مسألتش لانها اتعودت ان بعد ما اهدي بحكى لها كل حاجة ،ادتنى الليمون وجات قعدت جمبي وبعد ما اعصابي هديت شوية اخدت الكوباية من ايدي وحطتها على تربيزة صغيرة كانت قدامنا ،بصتلي بفضول:
-شكل الخناقة المرادي كبيرة مش زى كل مرة ..احكيلى خناقة النهاردة سببها ايه؟!
-كنا بنتخانق عادي زى خناقة كل يوم لكن اتنرفزت اوي فقولتله اني تعبت من كتر الخناقات فلو السبب الخلفة نروح نكشف!!
-تاني يا نيرة مش من فترة ضربتوا خناقة بسبب الخلفة وقالك ان دا قضاء ربنا وانه راضي بها حتى لو ماخلفتوش العمر كله وطلب منك متفتحيش الموضوع دا تانى انتِ بتنبشي علي النكد باي طريقة!
سكت بعد كلامها وسرحت فيه حسيت انى مش بدور علي المشاكل لكن نفسى اخلف ويكون عندي اطفال مسئولة عنهم وافرح اوي وهما بيكبروا قدامي ولما اعجز يكونوا عكازي لكن حاسة ادهم جوزي عنده برود من ناحية الخلفة ولو مش خناقنا مش بسبب الخلفة ليه كل يوم بنتخانق على اسباب تافهه ؟!هو ممكن يكون كرهنى؟!فوقت من سرحانى على فريدة وهي بتهز دراعي بكف ايديها كأن فى حاجة مهمة كانت نسياها وافتكرتها بصتلي بحماس:
