ماما الجكت بتاع الجنز م لقيتو!!؟
_ياخ م ضروري ي اسوم برانا متأخرين م تأخرينا اكتر!! بس انا بتفائل بيهو!!
_انتو لسسسه بتتجادلو!!؟ نأجل الرحلة دي ولا كيف!!؟
_دي بتك دي انا لابسة بس هي بتتحاوم ساي وقالت مضيعة ملابسها!؟
_الاب بنظرة غضب لبتو...وهو انتي م عندك ملابس تاني!! دائما متأخرين بسببك!!؟ اسوم زعلت وطلعت ركبت ف العربيه! ابوها ضحك وقال لمرتو بتك حمقى زيك😁الام ضحكت وقالت ليهو وانت مقصر!!
طلعو ركبو عربيتهم واتحركو!؟ يلا الاسرة دي مغتربة وتمو اجازتهم وقالو قبل م يسافرو يقومو بجولة أخيرة وحددو وجهتهم الاتفقو انهم يزوروها!!!
سبعة افراد الام والاب وتلاتة بنات وولد،وماهم ود اخوة....السفرة كانت سمحة والطريق كلو ونسة وضحك ومشاغلات وغناء،وبتهم الصغيرة عمرها عشرة سنوات متخصصة ف النكات وقصرت عليهم الطريق لم وصلو نص المسافة بنزينهم قرب يقطع وكأنو مرهقين شديد نزلو ف فندق ف منطقة اول مرة يسمعو بيها الاب وولدو ولد اخوة ف غرفة والام وبناتها ف غرفة الصغيرة م قدرت تنوم لانو عندها كديستها مبيتاها ف العربية لانو ادارة الفندق مانعين دخول الحيوانات!!
والبنات اتجرسو وقالو باعوض المهم الليلة كانت سيئة شديد!! ف صباح اليوم التاني واتحركو وكانو بيحكو لبعض عن نومة امس ويتزكرو فنادق برا!! وابوهم بيضحك؛ سأل ود اخوة وقال...اها قربنا ولا لسسسسه ياخ انا القعدة دي تعبتني...وطوالي مرتو استلمتو عجزت وكلام كتييير وعلت الضحكات!! منتصر ود اخوة قال ليهو لو م وقفنا ف الطريق كتير للعصر بنكون وصلنا!! وف اثناء م هم بتونسو شافو زول بعييييييد بأشر لتوصيلة مرتو قالت ليهو م تقيف زول م بتعرفو وغير كدا العربيه م بتشيييل،الراجل غمز ليها وقال ليها م عايزة ترجعي ورا مع بناتك للدرجه دي م بتقدري.....وقاطعتو بنهرة كده ي مخرف اسكت مني!!؟ خلو اولادهم بتبسمو ومروة الصغيرة قالت احم احم بصوت عالي خلتهم كلهم بيضحكو!!
الراجل قاليها وإن كنا مغتربين دا م يعني انو ننسي اصلنا وسودانيتنا الشهامة جارية ف عروقننا...صرت حواجبينها وقالت ليهو راحتك بس انا حذرتك؟؟
ابتسم ودنقر عليها وقال ليها طالما انتي معاي م شايل هم شيء...طوالي زولتنا ابتسمت،وقف العربيه قصاد الراجل وفتحت الباب نزلت وركبت مع بناتها وخلت الغريب يركب قدام مع الراجل...شكرو وكان ظاهر عليهو التعب العرق ينتف من شدة السخانة!! وكان ظريف وخشى فيهم بدون مقدمات واتعرف عليهم كلهم وعرف قصتهم وورهو ماشين وين!!؟ استغرب وقال ليهم انتو مش ماشين المنطقه الفلانيه!!!؟
الاب قال ليهو اااي الراجل اتلفت ع الابو وقال ليهو طيب ي استاز حسن انتو ماشين بطريق طوييييل شديييد وللعصر م حتصلو!؟ ف طريق مختصر بعد اقل من كيلو من هنا دا لو مشيت بيهو ف ساعتين بس ختصل!!!
الاب قال ليهو معقولة!! منتصر قال لعمو بس انا متأكد من الطريق! الراجل اتلفت عليهو وقال بس انا زول المنطقة دي وبعرفها اكتر منك!! ف اثناء م بيتكلم وهو متلفت الكديسة اتخلعت قامت ناطة وتلبت لناس منتصر ووليد ورا!! الاب قال ليهم اها رايكم شنو نغير مسارنا ونمشي بالطريق المختصر!!؟ البت الكبيرة اسمها ريان قالت بصرة وش كدا ااي ي بابا خلينا نمش تعبنا ياااخ!!! والاصغر منها اسوم قالت م عندي مشكله محل م ماشين انا معاكم! وليد وامو قالو احسن نمش بطريقنا البنعرفو ووكت م نصل نصل....الابو اتردد بس الراجل اثر عليهو وقال والله لو م واثقين فيني م مشكلة امشو بطريقكم بس انا نيتي شريفة وعايز اساعدكم!! الابو اتحرج من الراجل وجاملو وقال خلاص حنمشي بطريقك القلتو دا!! الراجل شال نفسو واتلفت ع الشباك والمرا بتحمر لراجلها بالمرايا وملامحها م بتتفسر!!!
لحدي م وصلو الطريق الوصفو ليهم والابو انحرف عن الشارع الرئيسي وسلك الطريق الفرعي ومن هناك بدت القصه...
