الام وبناتها بقو يكوركو بصوت واحد مروة إدست تحت السرير والباقين بدفرو ف الشباك بكل قوتهم وم قادرين يثبتوه ولا يقفلوة!! لحدي م ابوهم والناس جو جارين فتحو الباب! وامال من شافت راجلها صدمت!! وبناتها حضنو ابوهم الكان عايز يجن من خوفو عليهم لدرجة انو فقد المنطق وبقى م قادر يتكلم وبيلمس ف جسمهم نظام الحاصل عليكم شنو!؟ بعد هدو شوية ريان حكت ليهو الحصل الراجل قال الاسمو سيد قال ليهم دي حمير متوحشة دائما بتجي بليل وبتزعجنا وغالبآ بجيبها الجوع!؟
قالت ليهو طيب لشنو قافلنا ببرا!!؟ قال ليها لو خلينا الباب فاتح كان خشت ليكم جوة!؟ وكمان انتو نمتو وم قفلتو الباب والمرا م حبت تصحيكم فقفلتو من برا!!
الابو قال ليهو حصل خير بس ابا يرجع الديوان وفضل معاهم لحدي م الواطا صبحت!! ومن الفجر امال قالت لحسن امشو شوفو المكنيكي جا ولا لسسسه!؟ ابتسم وقال ليها حتى لو جا م بقدر امشي ليهو اسه بكون نايم ي ستهم!! بكت وقالت ليهو قلبي م مطمئن ي ابو وليد!! مسكها من يدها وقبل جبينها وقال ليها ولا انا بس هانت كلها ساعتين زمن ونتخارج من هنا اصبري وشجعي البنات عشان لو انتي ضعفتي كلنا بنضعف!!
قشقشت دموعها وهو ساعدها! وقام ع حيلو ونفض بنطلونو وقال ليها اخدي راحتك شوية من امس انتي مساهرة!؟ ابتسمت وقالت ليهو انت عارف انا م بقدر انوم إلا ف......وقبل م تتم كلامها اسوم صحت!! الابو ابتسم وقال ليها صباح الخير ي كسلانة ابتسمت ليهو وردت وطلع خلاهم...بعداك كلهم صحو وطلعو يتسوكو كم شجرة كدا وكان الذباب لامي فيها بطريقة خيالية ريان ضحكت وقالت ليهم الحالة والواطا صباح طيب وسط النهار الحالة بتكون كيف!؟ وتاني المرا سمعتها!؟ اسماء بقت تضحك وقالت ليها ف كل حتة فاضحانا!! وف اثناء م بيتسوكو مروة شافت شعر واقع جمب الشجرة قالت ليهم شوفو شوفو بيلبسو بواريك كمان!!؟ اسوم ضحكت وريان قالت ليها كدي نشوفها مروة جرت عليها ترفعها من الارض كان باقيها مدفون تحت لم جرتها بيدها طلعت ب وشها!! جدعتها وصرخت وقامت جارية! وقالت ليهم دي م باروكة دا قناع فيهو وش والله انا متأكدة!! وقبل م يجو جارين عليهو!! المرا جات جارية قبالهم ونهرتهم!! وكانت منفعلة شديييد قربت تضربهم واتعفرتت فيهم ريان مسكت اخواتها الاصغر منها ورجعو ع الغرفة ومروة لمن كانت بترجف!؟ حكو الحاصل لامهم!؟ طوالي نادت الراجل وقالت ليهو انا ولا لحظة م بقعدها تاني!؟ وكانت منفعلة شديد وقالت ليهو انا لو م مهمة عندك ع الاقل شوف لبناتك ديل لشنو عايز تجننهم!؟ حمر ليها نظام دا شنو الكلام السخيف دا!؟ وساق منتصر قال ليهو ارح نشوف المكنيكي!؟ وليد وقفو وقال ليهو بمشي معاك انا!! بنهرة كدا نظام انا زاتي راجل منتصر ابتسم وقال ليهو خلاص امش انا بقعد مع الحريم!؟ وسيد ساقهم ومشي يوديهم لبيت المكنيكي،ومنتصر قال دا انسب وقت اوري فيهو ريان ع الاقل يسمع ردها قبل م يصلو مكان رحلتهم! وفعلا مشي عليهم ولقاها بتاكل ف شبس ودلاك بيشربو ف الشاي عادي بس هي مستحيل تاكل ف بيت غريب عليها!! قعد معاهم شوية وقال ليها تعالي دقيقة!! طوالي طلعت معاهو نظام اخوها ودعمها وفردتها وطول الوقت مناقرة وهزار!! قال ليها اها اتأقلمتو مع المكان!!
حمرت ليهو قوووي بمعني ناديتني لدا!! ابتسم وعرفها بتفكر ف شنو بس بينو وبين نفسو بقول ابدا ليها من وين ولا اقول شنو!؟ ولازم القى لي مقدمة!!؟ قاطعتو وقالت ليهو اكيد مناديني بسبب م ساي!؟
ابتسم وقال ليها سبحان الله طلعتي بتفهمي!! ضحكت وقالت ليهو عايز تقول شنو براي زهجانة اسسسه بزفها معاك!! لم قالت ليهو زهجانة خاف يصارحها وتصدو بدون تفكير لانها زهجانة!؟ وم عرف يقول شنو!! وخلاص استجمع قواه وقرب يقول ليها انا بحبك جا صقر دي العارض ورمى مصارين من فوق فكت من بين مخالبو!؟
ريان صرخت وإتدست ورا منتصر افتكرتو ثعبان وقع!! ياخ سبى للصقر دا سب ف سرو بس لم شافها مدسيا وراهو ولمن ماسكة ف كتفو قريب يطرير من الفرح!؟ امها جات جارية من جوة!؟ لمن سمعت صوت بتها! وفالت دا مصران شنو دا القدر حق البقر دا عندكم ضبيحة ف الحله ولا شنو!؟
المره كالعادة م ردت ونادت المرا التانية وكانت بتشاكل فيها وبتتنفض فيها بس ماف زول سامعها بتقول فشنو!؟ لانها بتتكلم براها وغير كدا كانت جاراها طرف وبتتكلم معاها!!
الراجل جا وقال ليهم جيبو البشارة لقينا الكنيكي!؟ ريان لمن صرخت ابوها ضحك وقالت لاخواتها ارح نلم حاجاتنا!؟ ابوها قال ليها اصبري ي سجمانة خلي نمشي نربط الاستك ونجيكم بالعربية هنا بدل م نتعب الجماعة وتاني يرجعوكم بالكارو جارنها بيدينهم!؟ امال قالت ليهو طيب م تتأخرو علينا!! وليد قال ماشي بس ابوه منعو وقال ليهو الاستك اتقل منك م بتقدر عليهو!؟ فكلام ابوه استفزاهو وضحكات منتصر إستفزتو اكتر بالرغم من انو م اتجاوز17سنة بس قلبو حار وشايف نفسو شاب ف نهاية العشرينات ولا تلاتيني عديل....المهم الابو خلاهو مع امو واخواتو واداهو المسدس براحة عشان الجماعة م يحسو وقال ليهو م اوصيك!؟ ومشو مع الكنيكي عشان يصلح العجل ويجيبو العربية ويجو!؟ بس الحصل بعداك م كان متوقع!؟
نواصل بعدين..
