آمال يئست من انهم يطلعو من القرية دي بس كانت بتدعو ربنا يحفظ اولادها محل م كانو وبدعو ربنا يكون وضعهم افضل!؟ ريان إستعادت وعيها وبتبكي وبتقول موية!؟ وامها وابوها ببكو معاها وم عارفين يتصرفو كيف ولا يجيبو ليها موية من وين!؟ اما مروة لانها صغيرة وم بتتحمل حصل ليها جفاف وبقت بس ممددة ع الارض مرة تدروخ عيونها ومره تغزهم ف السماء!! ابوهم قام بيترتع من التعب ودقى الباب بكل قوتو وبكورك وبنادي ف البرا بس ماف زول جاهو!!؟ لمن فتر قعد إتكل ع الباب ورفع يدينو لرب العالمين دا حلو الوحيد!؟ اما اسوم والمعاها كانو قاعدين مترقبين تحت اي لحظة يجي واحد يكسر فيهم الباب ويسوقو واحدة منهم ولا تجي مرت سيد وتنتقم منها!؟ وفعلا سمعت صوت مشي جرت ع الباب وقالت دا منو!؟ اول ماف زول ردا! قالت عليكم الله ساعدونا!؟ البرا قال ليها عندك مفتاح!! اسوم قربت تقول اي بس البت التانية هزت ليها راسها بمعني قاولي لا وفعلا اسوم قالت لا م عندنا!!؟ قال ليها متأكدة! قالت لو كان عندنا كان طلعنا!؟ ونتظرة رد وفجأة ف زول شلت الباب لمن صرخت وقال ليها طيري مكانك وإلا حكسر الباب افصر راسك عن جسمك!! من الخوفة م قدرت تقوم حبت ف الواطا وإتصرت ف زاوية الغرفة بتبكي!؟ البت المعاها قالت بكونو فقدو المفتاح وعايزين يشوفو نسوه هنا ولا لا!؟ نحنا لازم نعمل حسابنا واي زول ماشي برا بكون منهم ومستحيل يساهدنا!؟ اسوم وهي بتشهق من شدة البكاء قالت ليهم لو ربنا قاسم لينا نطلع من هنا بنطلع!!
البت التانية ديك كانت مدسية راسها بين رجلينها ولم سمعت كلام اسوم بقت تضحك وقالت ليها احلمي ساي!! وهناك الحال كان سيئ شديد عند حسن ومرتو وبناتو إلا انو ف زول فتح الباب وجدع ليهم باقة مخيطة بشوال خيش من مرا ومعاها رزمة كدا وحاول يقفل الابو مسكو وقال ليهو عايز مننا شنو إنت ارحمنا عليك الله خلاص خلوني معاكم وفكو اولادي شوفو حال بناتي بموتو قدامي وبقى يبكي!؟ الراجل رفس حسن لمن وقع ومرتو صرخت وحتى ريان البين الحياة والموت قالت ليهو ي كلب!؟ بعداك تعالو شوفو الحصل!! الراجل الملثم جا راجع عليها وابوها بترجاهو يسامحها وانها م تقصد وانها م استحمت تشوف ابوها بتهان!! بس بدون فائدة حاول يجرها من شعرها بس آمال نطت ليهو ف رقبتو طقشها مع الحيطة وقعت كاضمة ورفع ريان ف كتفو وجا طالع بيها والابو قدر م جابدو ومع انو حيل م عندو بس بكل قوتو حاول يحمي بتو بس الراجل كان شايل ريان بيد والتانية سلا بيها سكين من نصو وغزاها ف حسن!! وبتو صرخت وعضتو ف كتفو بس ولا اثرت فيهو وقالت باااباااا وصرخت بأعلا صوتها وهو شايلها وبيقفل ف الباب والراجل الضيف الاسمو خالد داك سمع صوت الكورايك قام جاري من الديوان وإتاوق بحيطة كدا فاصلة بينو وبين الحتة الفيها ناس حسن وشاف المنظر البشع حق ريان جسمها مجرح وملابسها مشرطة وكلها دم وترفس وتنادي ف ابوها!!؟ عرف انها مخطوفة ولا حاصل عليها حاجة وقبل م يتلب عليها سمع صوت مشي جرا من حتتو ديك وقبل م يدخل الديوان سيد ومعاهو اتنين جو داخلين!!؟ سيد قال ليهو جاي من وين!؟ عاين لسيد ف نصص عينو وقال ليهو بكل ثقة كنت ماشي ع الحمام وناديت بس ماف زول سمعني وجيت راجع لاني م عارف مكان الحمام وين!؟ سيد ردا ليهو نفس النظره المتفحصة ديك وقال للمعاهو ودوهو الحمام!!؟ لم جا ماشي معاهو سيد نادى واحد فيهم بأسمو داك طوالي جا راجع وخالد إتلفت عاين ليهو وواصل مشيهو مع التاني!؟ اما الرجع قال ليهو الزول دا ماكر اعملو حسابكم م يخدعكم!؟ خليكم قراب منو وم يفارقكم ولا لحظة لحدي م نتخلص منو بعدين المساء!!؟ والراجل مشي حصلهم!! اما حسن زحف ع مرتو وخبطها ع خفيف كدا ف خدودها وبنادي فيها ويبكي ومتألم!! لحدي م فتحت وعاينت ليهو حتى هو وقع جمبها قامت مخلوعة وراسها رفعتو بعد صعوبة بس لم شافت الدم إتخلعت!؟ وصرخت وبقت تهبش ف جسمو وكان قميصو كلو دم لحدي م شافت الطعنة وختت يدها ف خشمها وبتبكي!! ضغط ع يدها وقال ليها اعفي لي لو م اوفيت بوعدي ليك!!؟ حضنتو وتبكي شرطت جزء من توبها وإتناولت الباقة الجدعوها ليهم ديك وفتحتها حاولت تشربو منها قال ليها اشربي إنتي اول!؟ خبطتو ف جبهتو وقالت ليهو كمان بنتعازم!؟ ابتسم وشال بقة واحدة ولفت ليهو القطعة ف بطنو وشدتها شديييد لمن قنت بصوت عالي قريب للصراخ!! وهي بتبكي وقال ليها مروة!؟ حتى شالت الموية وجرت عليها غسلت ليها وشها وكانت جثة هامدة وحاولت تزقيها تكب الموية ف خشمها وهي م قادرة تبلعها وبتطلع من خشمها!! وبعد كذا محاولة حتى قدرت تبلع ليها كم بقة!!!؟
الام حضنتها وقبلت ليها راسها وجرت تاني لحسن!؟ اما منتصر خلي الواطا مغربت ونزل من الشجرة وزحف ع بطنو لحدي م وصل قراش العربات ولا مستودع م معروف بس فيهو كمية عربات ورغم صعوبة الزحف والشوك الطعنو ف بطنو وصدرو إلا انو م إستسلم لحدي م وصل لانو لو قام ع حيلو حيتشاف وهو م عارف هم بكونو لابدين وين ولا اوكارهم وين!؟ المهم بعد وصل شاف ليهو حديده واقرب عربية ليهو كسر قزازها فتح الباب وشاف عدة الصيانة م لقاها!!! تاني شال نفس الحديدة وكسر عربية تانية بس دي لقى فيها العدة وطلع الفاتيح حقت اللساتك شالهم وزحف ع بطنو سمع حركة لبد تحت عربية والرجال المتوحشين جوكشفو ف محل الكركبة م لقو زول وشافو تحت كم عربية م لقو شيء وجا واحد جممممب العربية الهو تحتها وهنا خلاص منتصر راسو لمن تقل بس الله شاف ليهو وم إتقبض!؟ ورجعو للمكان الجو منو!! طلع من تحت العربية وشاف اللساتك البتناسب عربيتهم وحلاهم وبدردق واحد واحد لحدي م خلص تبديل اللساتك اخدت معاهو قرابة الاربعة ساعات لانو كان شغال ببطؤ عشان م يتكشف!؟ بعدا فضل ليهو بس المفتاح وعمو واولادو!! خش تحت جرار كدا وخرم خزان الوقود وختى قصادو باقة كبيرة لقاها ف واحدة من العربات وقال بينو وبين نفسو حيحرقهم كلهم الكلاب!!؟
وهناك الراجل النبزتو ريان وداها الجزارة مع وليد اخوها ورقدها ف طاولة كدا وربط اوصالها من اليدين والرجلين ف الاربعة زوايا خلاها مشتحة وهي تصرخ!؟ وليد كان مغمي عليهو من الجوع والعطش والقرف الهو فيهو والضرب!!؟ وريان لم شافتو زادت البكاء ونادتو بس بدون جدوى!؟ لم استعاد وعيو وكان بشوف طشاش قالت ليهو ولييييد!؟ قام مخلوع وجرا عليها بترتع ريان وكانو بيبكو الإتنين وحاول يحلها بس م قدر إلا يقطعو بأله حادة وبقى يتلفت عشان يلقى شيء وريان تقول ليهو اسرع قبل م يجو!؟ وشاف ساطور واقع ف الارض من مسكو الجزار جا خاشي وفكاهو بالسكين جات ف نص يدو قربت تقطع الاصابع وجا عليهم!!؟
نواصل بعدين!!
