منتصر جا قايم وهبك مرتين ع وشو!؟ والمره التالتة مسكو خالد وقال ليهو انا المتقذ!! منتصر مسك ف يد خالد وقام ع حيلو! وشكرو!! خالد قال ليهو إذا تعبان ارجع للجماعة فتحت ليهم عربية غير حقتكم لانو يمكن المتوحشين ديل يمشطو المكان داك!!؟
قال ليهو لا بقدر طلع قميصو وربطو ف ضهرو ف محل الطعنة! وكل واحد مشى بطريق عشان م يتقبضو سوا...وخالد وصف ليهو المكان الحاجزين فيهو ناس حسن!؟ وقال ليهو البيصل فينا اول يساعدهم ويغتش البت!! يقصد اسوم...وفعلا مشو!! وجماعة سيد كانو منتشرين شديييد والواطا قربت تصبح...الواطا بدت تتكشف شوية يعني لو زاحفين ف الارض حيتشافو!!؟
بعد تعب حتى منتصر قدر يخش اما خالد م منو خبر!!؟ منتصر لم شاف الغرفة وجر عليها قبال م زول يشوفو شافها مطبوله بس م نغس الوصف القالو ليهو خالد!!؟ عرف انو ناس عمو م محجوزين هنا!؟ بس قال يمكن يكون ف ناس تانين محجوزين! وفعلا لم قرب ع الباب دقاهو دقة خفيفة كدا نقرة اصبع بس! عشان ماف زول بحس!!؟ البت المحجوزة كانت صاحية ولا سمعت الكركبة م معروف جرت ع الباب وختت اضانها وعايزه تتأكد!!؟ تاني منتصر نقر الباب قالت ليهو منو!؟ عرف انو دا م صوت اسوم وقال ليها بحاول اطلعك إذا قدرت!! تاني معاك ناس ولا براك!!؟
وقبل م ترد عليهو سمع صوت كلام!! جرا ع الزاوبة الكان فيها وجرحتو عملت ليهو زمممة ف الصدر وبقى م قادر يتنفس!؟ وحاول يكتم انفاسو اكتر عشان دلاك م يسمعو!! وفلا جو مارين وواحد منهم هبش القفل لقاهو موجود يعني انهم م هربو!؟ ومشو بشارعهم وبعد م منتصر إتأكد إنهم إبتعدو حتى رجع تاني والمرة دي دقة الباب بخوف ع توتر المهم الدقة كانت قوية خلت اسوم تصحى!! ومن العطش والجوع حيلها ميت وم قادرة تتحرك!؟ جرت عليهو البت وقالت ليهو نحنا تلاتة ساعدنا عليك الله!! قال ليها بشوف حاجة اكسر بيها القفل ف بت اسمها...وقبل م يتم كلامو ويسألها عن اسوم سمعت صوتو وحبت ع الباب وهي بتبكي!!
وبعد صعوبة حتى قدرت تقول منتصر!! بكى بكى بحرقة وقال ليها م تخافي انا جيت!! قالت ليهو المفتاح معانا!! قال ليها بنهرة ي حمارة ومنتظرة شنو!؟
طلعتو سريع من البنطلون وجدعتو ليهو بتحت الباب اول المعولقة المعاهم القتلو اختها ديك اتجرست وقالت م بتطلع بيقتوهم ف كل الحالات بس اسوم والتانية جرجروها غصب حتى مرقو!! وجرو ع الزاوية الوصفها ليهم منتصر وهو فضل لحدي م قفل الباب تاني حتى حصلهم!؟ لانو لو جماعة سيد لقو الباب فاتح حيعرفو انو البنات هربو وحيجنو اكتر!! لم وصلهم قال ليهم الطرق خطر وطويل وانا متصاب م بقدر عليهم براي ف اعملو حسابكم م نتقبض وإلا لو شافونا م حيرحمونا!!؟ اسوم قالت ليهو اهلي!!؟ وراها انو وليد وريان بامان بس بحاول ينقذ حسن وآمال ومروة!!
اسوم حضنتو وبكت...البت المعاهم تقول ارح سريع قبل م الواطا تصبح حنتكشف!؟وهم طالعين لاقو خالد وش لمن البنات كوركو!؟ سكتوهم بس بعد فوات الاوان جماعة سيد سمعو الكواريك!؟ وجو جارين!!؟ خالد قال لمنتصر انا بحمي البنات وبوصلهم للعربية إنت تلب بيجاي وحصل عمك بعد سمو الجوطة دي بكونو ادوك مجال تخش ف البيت الهم فيهو!! وإفترقو هناك...اسوم والبتين جرو ورا خالد ومنتصر تلب عشان يقدر يساعد عمو!؟ لم جماعة سيد وصلو الغرفة الفيها البنات لقوها مقفولة!؟ نادوهم بس م ردو عليهم!؟ سيد قال ليهم اكسرو الباب!؟ بعد كم ضربة كسروه وكانت الصدمة ليهم م لقو زول!؟ سيد صرخ وضرب الحيطة براسو!؟ وطلع غضبان وتلب ف راس البيت وعندو قرن طويييل زي سن الفيل او بالمعنى الاصح اسمو بووق!؟ وضربو نفخو قريب الدقيقتين!!؟ دي إشارة للمتوحشين وكأنو إنذار ولا نداء ليهم وتلب من راس البيت!؟ وخشي ع البيت!! بعد كدا خلاص الحيتقبض منهم حياتو حتتحول لجحيم وكيف ناس خالد حينجو منهم وهل حيتقبضو ولا لا دا حنعرفو ف بكره....!؟
نواصل بعدين
