#عوضني_بيك
الحلقة 5
خالد: انحس في روحي حايس اندور في حاجة انعارك عليها وخلاص انفكر في المصيبة يلي جتني كيف بندير معاها كيف بنتفاهمو اخخخخ حكيت راسي ومسحت يدي ع وجهي حركة السيارة وعديت اني ونوري
~~~~
رهف: جتني رانيا في المزينة غيرتلي جوي شوي
رانيا: هوفي حبيبتي وتيتي حاجاتك يلي تبيهاً اليوم😊😊😊
رهف: لااا شنو بنوتي مانعرف اصلا اكيد رفعوه ع احلام قاتلي وتيهاً بنرفعوهاً بعد طلعت😔😔
رانيا: انتي غبية عبيطة في حد مايعرفش ايوتي😠😠 توا جايني باتي انعدي انوتيهلك
رهف: سامحيني رنووو ديما امتعبتك معاي انتي عارفه ضروفي ماعندي حد نعتمد عليه💔💔💔
رانيا: تعبك راحه ياروحي مانبي شي غير اتهني واتريحي من هالعقارب بس😂😂😂
رهف: ههههههههههه
~~~~
رندة: هههههههههه خيرك خايفة انتي
سمر: اني خايفه عليك لو كان تسمع بيك امي اتوريك
رندة: شن بندير يعني بنشم العطر بس😂😂😂
سمر: اي صدقتك ماهو عارفتك وحافظتك ماتديريش حاجة هكي وخلاص ربي يهديك وخلاص وعدت
رندة: هو صح ماوعدني بشوي ولا عطاني وجه لكن اني انمووت فيه وماني امخليتهم ايتهنو😏😏😏
ع سالمة: خيرك واقفة يارندة عدي عاوني البنات خلاص ماعاد في وقت قريب توصل العروس
رندة: حاضر ياعميمة
~~~~
خالد: برمنا عالشقة ولبست ومشينا لشباب علقو عليا وصورنا جميع ضحكو وعلقو عليا واني في عالم تاني حتي فرق العمر يلي بيني وبينها زايدني هم تي صغيرة البنت اكيد حتي تفكيرها تفكير فرخات افففف دايرها ع الدخان بس
نوري: ياراجل خفف من الدخان والله بيقتلك
خالد: بالك انموت وانتريح بالله خليني
نوري: ماهو هذرزنا وتفاهمنا والباقي خليها ع ربي تو تنحل غير لوح البلي
خالد: ايصير خير نقالي ضرب الووو
طارق: وينك ياخالد الخيمة مليانه الشباب ينشدو عليك
خالد: اهو جايين اني والشباب مش امطولين
طارق: تم تم
نوري: هيا شباب ماشيين انزفو العريس😂😂😂 والله عارف لما انقول عريس الضحكة تطلع بروحه ياراجل مش راكبه عليك ههههههههه
الكل: هههههههه
خالد: ههههه خيرها مش راكبه اني اكتر واحد راكبه عليا😌😌
نوري: غير خف علينا😂😂😂 هيا هيا وقت..
~~~~
رهف: كملت جي احمد بيروح بيا ع اساس تطلعي من حوش يلي ربيتي فيه الحوش يلي ماريتش فيه الراحة لما وصلنا للحوش قالي عمي انزلي كلهاً واتيات بيش تطلعي انتي وياهاً الحاجة الوحيدة يلي درتها كويسة في عمري رفضت ننزل مانبيش نطلع من حوشك...
رانيا: بعد صراع خلنها اتوتي شنطي
ع احلام: لالا ماتقربي شي تو تعرف حاجتها بروحها😏😏
رانيا: خيرها هيا متزوجة من قبل بيش تعرف وبعدين ديريها وحدة من بناتك ليش دايرة الفرق😠😠
بدور: هي هي وطي صوتك
رانيا: حولي عني حس العروس جت دفتها وطلعت😂😂
رهف: خلتهاً يرحاً داخل طلعت لقتني قاعدةفي السيارة عطت لي احمد الشنطة وقاتله لما توصل حطها في سيارة العريس الدنيا زحمة قعدو يركبو في السيارات وطلعنا لي حوش العريس انحس كاني ماشية للموت احساس جاني مش عارفه💔💔💔
خالد: نسمع في تبييب السيارات عرفتهم وصلو وجت يلي انجبرت انعيش معاها في مكان واحد يلي انجبرت انتحملها غصباً عني...
رهف: دخلوني داراً واجبهاً زي اي عرس ليبي رانيا وبدرية ماشيات جايات عليا ايخففاً عليا في التوتر لاحظت وحدة قريبة مني تشبحلي في شبحات وترني شكيت في روحي وخفت في نفس الوقت نرفع في راسي فوق مانبيش نبكي تمنيت باتي وامي معاي في اللحظة هذي ايشوفو بنتهم شن صاير فيها نبي باتي ايشوف خوه يلي عمره ماتمناله غير الخير كيف ايعامل في بنته 😢😢😢 انشوف في العرب ايتعشو حسيت روحي جعت ليا اسبوع ماقعمزت وكليت كيف الناس انتلفت اندور في رانيا اول ماجت عيني في عينها ناديتها براسي جتني تجري
رانيا: خيرك تبي شي اتحسي في شي انشوف فيك من امبدري وجهك مش طبيعي
رهف: غير اسكتي اتقول زارطة راديو نبي حاجة ناكلها حسني جيعا..... ماكملتش كلمتي نسمع في الدنيا انقلبت سلاح وتبييب جتني حماتي قاتلي خالد ايراجي فيك برا عيوني تعباً دموع طول شبحت لي رانيا نبيها تنقدني نبي حد ايوقف معاي وفي نفس الوقت استغربت ليش ماخشش هو طلعني رانيا كانها فهمت عليا حسيت وجها تغير وعيونها دمعاً
رويدة: هيا تعالي انساعدك
~~~~
خالد: تعشينا احني والشباب وهذرزنا وجونا سمح جاني شبوب صغير اول مرة انشوفه
احمد: خير ياعريس كيف حالك
خالد: تمام والله ماعرفتك سامحنا
احمد: اني ولد عم رهف غير بنعطيك شنطتها تبيك ترفعها لي الشقة بعدين
خالد: قعدت ساعة مستاك من رهف واي شنطة اتضببت عندي بعدييييين جمعت اها عادي مش مشكلة جيبها عدا شوي وجي هو وخوي طارق
طارق: هيا قالولك وقت طلع مرتك وروح
خالد: خديت الشنطة حطيتها في السيارة الولد عدا قوللهم ايطلعوها ليا مش خاش
طارق: كيف اتجي ياراجل عيب
خالد: لاتجي قول لامي والا وحدة من البنات انراجي في سيارتي برا وركبت سيارتي ودرستها قدام الخيمة انشوف في طارق حاط النقال شكله ايكلم في امي ونوري شاد سلاح ويضرب والشباب قالبينها تبييب قابلني ستار الخيمة ارتفع عرفتها طلعت جابنها ركبنها جمبي انشوف في امي تشبح فيا نظاراتها نظارات ترجي كانها اتقولي ماتغلطش ياولدي ابتسمت وهزيتلها براسي حسيتها فرحت ولعت مسجل السيارة وطلعت...
رهف: اول ماركبت فاحت عليا ريحة عطر ودخان امخلطة وهو ولا كلمة انشوف في يده ولعت المسجل نبي نرفع راسي انشوف شكله ماقدرتش خفت نلقاه شين والا شايب تنهدت ورضيت بلي كتبه ليا ربي حسيت كأن السيارة وقفت شكله الحوش قريب نزل وجاني فتحلي الباب قعدت انراجي نسحابه بينزلني رفعت راسي لقيته راقي مع الدروش نزلت ولحقته واني انكر في الفيلو....
خالد: نزلت فتحتلها الباب وخشيت قعدت نفتح في الشقة لقيتها وقفه وراي دخلتها وخشيت صكرت الباب رفعت يلي نازله ع وجها حليت فمي فيها رغم اللبز يلي دايرته لكن اتبان صغيرة وحلوه تحشمت و قعدت اتحوس عرفتها ماعرفتش وين تمشي قلتلها تعالي وراي فتحتلها باب الدار وحطيت الشنطة ع السرير قلتلها بدلي تو انجيك
رهف: ححاضر
خالد: حتي صوتها كيف وجها حلو وعيت ع روحي اني شن نخرط طلعت وصكرت الباب قعمزت في الصالة قعدت اندخن يد شاد بيها الدخان ويد انحك بيها في لحيتي لين سمعت باب الحمام اصكر تلفتت القيتها طالعة من الحمام ولابسة رووب ابيض واااااك حسيت بشعور غريب قعدت حال فمي لين حسيت بالدخان حرقني في يدي وهيا خشت الدار...
رهف: درت حمام ولبست روبي واني طالعة من الحمام قعد خالد يشبح فيا حسيته استاك قعدت انقول في عقلي الله محلاه ومحله عيونه ولحيته وكل شي فيه ايهببل بعدها حسيته صارتله حاجة قعد ايحك في صبعه واني خشيت لدار قعمزت ع السرير انراجي شن بيصير فيا...
****
يتبع
#الكاتبة_موني_موني
