💙JUST ONE DAY💙 (mizo Ver) #complete#

CHAPTER EIGHT

🦋JUST ONE DAY🦋

💜TAEHYUNG FF💜

___________

Inchhung ka luh chuan ka pa inchunglam chhohna step vawnchhan vuan a lo ding reng chu ka hmachhawn chat a.. engmah sawilo mahse a mitmeng a natna leh inthiamloh na in larchhawk zut zut chuan a ngaihtuahna te chu a tilang chiang hle..

“pa ,.. khawngaihin engmah sawisuh.. keimah a awm ka duh” amah chu kalpelin inchung pan na step chu ka rap a,

ka kut chu dam te a vuan in “bawihi keimah vanga I tawrhna hi ka hmutheilo ani, kalsan rawh . ka tuar mai ang” a aw khur der der leh min vawnna kut tha neilo a dul riai chuan a taksa chak tawhloh zia alantir chiang kher mai.. hetiang em em hian ani maw kapa hi alo chhiat tawhle!

“pa… engkim atha vek dawn alawm” a mit ah ka en ngam hlawllo… a tha vek dawn em tih ka chiang tlatlo ani. Hnemtu ka mamawh ngawih ngawih laiin hnemtu zawkah ka tan ala ngai ta fo chu ania leh……

Kim Taehyung hi ka neilo anih phei chuan kan dinhmun chu chhe tak ani ngei ang.

Min chhan leh atum chu thulhin ka kut a hmer vang vang a min kalsan ta a.. muangchangin ka pindan ka pan a..ka luh chuan kawngka dimte a kharin ka ngheng zui a..

ka tha neih zawnh zawng ka hmangzo ni hialin ka hria.. ka khup chu ti tawmin ka thuhniam riai riai a. chhuat a ka thut hnawk chuan mahni in khawngaihna avangin ka mittui a luang chhuak zawih a.. thawm erawh ka chhuah thei miahlo.. ka khur dawt dawt ringawt ani.

Ka duh niin ka hria a. mahse tunah cuan midang te huat dan ka hriat zawng zawng aia nasa in ka haw thung. . ka pa inthiamlo leh na hmel chu ka hma ah awm in min enreng ang mai in ka hria a… ka intih paukhauh angai ani..

Tuna ka buaina tawh kha chu a khuhhawnna ang chauh ah ka ngai tur ani.. hmuhsitna leh hreawm ka tuar anih pawhin pawnlam ah a chhuaklo ang an chungkaw zahawmna humhim an duh vang pawh in. mahse ka neilo anih thung chuan rei tak ka lo thup tawh ka pa mizia leh kan chhungkaw leiba te pawh thehdarh ani anga kan chhungkua chu mualpho tak a awmturin ka phal lullo mai.

Engtiklai atang in nge kapa leiba chu kan chhungkaw leiba anga ka ngaihtak ka hrelo,. Mahse ka pa hmangaihna keimahah lo nung thar leh mek chuan amah mai a hmachhawn tur a ka duhloh avangin ka tan chuan ka pa mimal ba ni tawhlo in kan chhungkaw buai na ah ka ngai tawh a . ka nu pawhin chutiang tho chuan ati ngei ang..

Reife ngaihtuahna mumal neilo leh thil tha zawk ngaihtuah chhuak silo in ka thu reng a.. ka chau a ka ni nghulh bawk.. Babie pawh alo thleng tep tawh ngei ang…

Taehyung hnen a ka thusawi kha a hrepha anih siloh chuan tunang hunah lo thleng tawh ngei tur ani si a..min zui lutlo pawh kha amak deuh tlat.

Inhnuai ka thlen thlak chuan alo reh thap a.. tunang hunah chuan kapa chu living room ah T.V en in emaw lehkhabu chhiar in ala awm ngei tur ani.. ka pen ri thlap thlap a thawm a chhuah chuang miahlo chu mak ka ti deuh.. ka kal ri chu hria in minlo ngaihven emaw minlo koh ngei ka ring si a.

Thaw ri hrawp hrawp ka hriat chuan hmanhmawh leh zualin thutkhawmna pindan chu ka pan a… ka pa sofa a apum lo dawm chung a vial ngawlh ngawlh ka hmuh chuan ka chiai takzet.. tihmai tur ka hrelo… mahse a reilo.. ka pa chu dawmin ka ko mawlh mawlh a.. a meng miahlo a.. a thaw hrawih hrawih bawk… zawite in a damdawi awmna min hrilh a.. ka chiai luttuk chuan ka hre lawk theilo lehnghal.. a pindan pawhdawh killam ah adah tih asawi nawn leh chuan ka tlan vat a, tui nen a ei a.. a reh mailo.. minute nga aliam a minute sawm.. darkar chanve lai aliam ta.. awmngaihna reng ka hrelo. Damdawiin a kalpui ka tum lahin aduh der bawk silo a.. thei leh theilo in a tha mai ang tih asawi a.. asawi ang tak takin ahnu lawk ah a chhawk ta deuh ani ngei ang a hahdam hmel ta deuh a..