نصف شهر عسل

بارت 40

شعليه بكلام الناس ؟
احب روحچ و احب شكلچ
الـ مغروره عليچ يگول ؟
ما يوصل طَرف حجلچ
نظرتچ بارده لغيري
-واحس تچويني لو اصدلچ ،💙

اسد علي صباح النور

شذى صباح الخير

اسد علي مو كلنه صباح النور

شذى ها ياستار شكو من الصبح شبيك

اسد علي ماكو شي يله امشن كملتن

ريحانه اي كملنه

طلعنه وهو طلع كدامنه صعدت شذى كدام واني وراهم واباوع ع ايد علي متعصب عرفته خايف علينه من الكليه وخايف يصير بينه شي

صرت اعرف اسد علي من نضرته من حركته اباوعله شكله اشلون مخلي ايد ع الاستيرن وايد مطلعها من الجام

ومعصب اشلون حواجبه مطبوكه من العصبيه وكل شويه يباوع من الجام لو يباوع بالمرايه عليه

سرحت ع شكله ثواني ماعرف ليش بوقتها عجبني ابقه اباوع عليه واصفن بملامحه بشكله

لحد ماوصلنه باوعلي بالمرايه شافني صافنه عليه ابتسم واني خجلت كحيت

ونزلت وي شذى

اسد علي اوكفن محتاجات شي

شذى لا سلامتك 

اسد علي ديرن بالجن ع نفسجن وانتي خليج وي ريحانه هاي كليتها تعرفها وماريد سوالف ماصخه وتليفونجن خلنه مفتوح اخابرجن من اريد اجي

شذى بعد بعد اتاكد الفات موجوده بالجنط لو لا شبيك اسد ترة كبار ونعرف نصرف

اسد علي شوفو منو تحجي ام الكبار انجبي ونفذي كلامي

ريحانه مالك دخل بيها اني وياها واعرف اصرف وياها والتليفون مفتوح طول الوقت بس اذا مجاوبنه يعني بالمحاضرة

اسد علي ماشي يله روحن

ريحانه فتنه من باب الكليه يبوو اذكرت اول يوم اليه هنا واشلون جنت مرتبكه وهسه هم لازم ارتبك لانو الي جانو وياي هسه مرحله ثالثه مو وياي اكيد والي وياي هسه  لازم اتعرف عليهن من جديد

ولو اني ماتعرف ع احد ومادام وياي شذى هذا هو ابقة وي شذى

شذى اكلج ريحانه فدوة شنو ذوله اشو كلهم حلوين

ريحانه عزة العزاج عود هستوه اسد علي يوصي بينه شبيج انتي

شذى هسه اني شحاجيه دباوعي عيني باوعي الجمال كله هنا شي احله من شي

ريحانه ولك اشبيج سريعه التفاعل اشو انتي اهدي حبي اهدي

شذى شهده فدوة لكلبج باوعي الاسود هذا يليس اسود واحنه من نلبس الاسود لو هذا لابس زيتوني اني ماجرء البس زيتوني اصلا

ريحانه شذى استري علينه ترة اذا ياخذون عليج طبع من هسه يبقه وياج لحد ماتتخرجين اثكلي حبي كلهم يركضون وراج

شذى اي طبعا اشبيج قابل تعلميني وداعتج اله اموتهم

ريحانه لا حبي لا تموتيهم ولا يموتونج هنه كم سنه انتبهي ع دراستج وانجبي وامشي  يله  قسم الماليه منا خلي نشوف اسمج وين

رحنه دورنه اسمها لكينا اشرتلهاع القاعه واخذت جدول المحاضرات واني هماتين رحت شفت قاعتي واخذت الجدول طبيت للقاعه هواي طلاب اكو واكثرهم ولد مو بنات يمكن ب 7 بنات وياي

طبيت وكعدت شويه وطب الاستاذ ورايه بده يعرف عن نفسه والطلاب هماتين يعرفون  على نفسهم وصل يمي

الاستاذ انتي ريحانه صح

ريحانه احم اي نعم استاذ اني

الاستاذ شنو رسبتي

ريحانه لا استاذ جنت تاركه وهل سنه رجعت

الاستاذ هسه الي وياج مرحله ثالثه

ريحانه اي متركت هواي بس سنه

الاستاذ خوش قرار سويتي برجعتج

ريحانه اي نعم استاذ

.. بقو بقيه الطلاب يعرفون عن نفسهم ومر اليوم بدايه تعارف