မင်းသားလေးတစ္စာ အရမ်းချောလွန်းလို့ သူကို ရေသူမရော ရေသူရော ချစ်ရေးဆိုကြတယ်။ အသက်လဲပြည့်ခါနီးဆိုတော့ တချို့သူတွေက လက်ထပ်ခွင့်လာတောင်းကြတယ်။ တစ္စာကအကုန်လုံးကိုငြင်းခဲ့တယ်။ သူ့ရုပ်ရည်ချောတာမချောတာ သူစိတ်မဝင်စားပါ။ သူ့အတွက် အရေးကြီးအရာက သူ ကုန်းမြေရဲ့အလှကိုမြင်ချင်တာပဲ။ သူ တစ်ခြားရေသူ၊ရေသူမတွေနဲ့ ရောရောနှောနှောမနေဘူး၊ သူ့အဖွားနားပဲကပ်နေပြီး လူတွေအကြောင်း ပုံပြင်နားထောင်လေ့ရှိတယ်။
သမုဒ္ဒရာကြီးဘယ်လောက်လှတယ် ပြောပြော၊ သူ့အတွက်ရိုးအီနေပြီ။ သူတို့ရဲတိုက်ကြီးကျယ်ခမ်းနားပြီး လှတာကိုလက်ခံပေမယ့် ကုန်းမြေပေါ်မှာရှိတဲ့ ရဲတိုက်တွေဘယ်လိုပုံရှိလဲ သူသိချင်တယ်။
ကုန်းမြေမှာ ပန်းပင်တွေ သစ်ပင်တွေ၊ တောင်တန်းတွေနဲ့ စိမ်းစိုနေတယ်တဲ့....ဘယ်လိုစိမ်းစိုတာလဲ။ လိပ်ပြာတွေ၊ ငှက်တွေလေမှာပျံနိုင်တယ်တဲ့....လိပ်ပြာဆိုတာဘာလဲ၊ ငှက်ဆိုတာဘာလဲ။ တိရိစ္ဆာန်တွေ အရောင်မျိုးစုံရှိတယ်တဲ့....။ ပိုထူးခြားတာက လူတွေပဲ။ လူတွေက ခြေထောက်ပါတယ်၊ ခြေထောက်နဲ့လမ်းလျှောက်ကြတယ်တဲ့။ သူ့တို့လိုပုံစံချင်း ဆင်ပေမယ့် အမြီးမရှိဘူးလို့ အဖွားကပြောဖူးတယ်။ ခြေထောက်ဆိုတာ ဘာလဲ၊ ဘယ်လိုမျိုးလဲ။
တစ္စာအရမ်းစိတ်ဝင်စားနေပြီ၊ သူငယ်ငယ်ကတည်းကမျှော်နေခဲ့တာ ခုသူ့အသက်၁၅မြန်မြန်ပြည့်ဖို့အရေး ပင်လယ်နတ်ဘုရား မာရယ်တဲ ဆီဆုတောင်းနေမိတယ်။
နောက်၃ရက်ဆို သူ့အသက်၁၅ပြည့်ပြီ။ သူ ရင်တွေအရမ်းခုန်တယ်၊ ပျော်လဲပျော်တယ်။ သူ အငြိမ်မနေနိုင် အဖွားဆီသွားလိုက်၊ အကိုအမတွေဆီသွားလိုက်နဲ့ အမြဲစပ်စုနေတယ်။ အကိုအမတွေကလဲချစ်တော့ သူ့ကိုစိတ်ရှည်ရှည်နဲ့ ပြောပြပါတယ်၊ ဒါပေမယ့် အကိုအမပြောတာက အဖွားလောက်မပြည့်စုံဘူးလေ။
"တစ္စာ လူတွေကိုမြင်ဖူးချင်တယ်"
သူ့စကားကြောင့် အကိုတွေအမတွေလန့်သွားတယ်။
"တစ္စာရယ် လူတွေက ငါတို့လိုပုံစံရှိပေမယ့် ငါတို့လိုမဟုတ်ဘူး။ ကြောက်စရာကောင်းတယ်၊ ရက်စက်တယ်တဲ့။ မတွေ့ချင်ပါနဲ့ကွယ်.....အန္တာရာယ်များတယ်"
YOU ARE READING
The Little Merman
Fantasy(own + fanfic) based on original story of 'The little mermaid' Unicode ✌
