قلبي تملك بحب فصليه

البارت الثالث

دع رأسك على كتفي
أريد ان اشعر
بأن الحياة عادله
⚘
⚘
بين الحلم والامنيه
لا يحدث الا ما كتب الله لنا
⚘⚘
.
.
.
.
ياقوت...كعدت الصبح والوجع البيه موتني رجليه ميشيلني ايرجفن كوه وكفت على حيلي ومرت خالي ماكعدتني استغربت وكفت شفت دم بهدومي والوجع البيه كلت اهوووو هسه وكته الشهريه رحت بدلت وكملت وطلعت واسمع جميله تلطم بغرفته
جميله..ولك جاسم اشسويت اتخبلت تكتل الولد وانته سكران
جاسم..يمه هوه بده اول جنه كاعدين اني ولد نشرب هوه اجه فر بيده وكال مترهم جارتكم سكارة واني سمعت هيج طفرت عليه واتعاركنه بس هوه مو مثلي اني اقوه دفعته دفعه وكع على الصبه جنه كاعدين نشرب عليه وعفته وشردت
جميله ..اتخبل ليش اتكتله حزت ابكلبك كمله سكارة هسه ساعه الساعه يجون ايعدموك روح ولي اشرد يم خوالك وللي انعل ابوك يا ابو حته خيرك كبل ابن الكلب
ياقوت..سمعت من الشباج الحجي وكلت خل اروح بلمطبخ لتروح اتطلع حركته بيه وسويت غده بس احس الشهريه موتتني مديوكف الدم مو مثل كل مرة وبعد هوسه مرة خالي وخالي امسوين كعده عشاير ورة الضهر واني اليوم الوحيد الما اترزلت بي اليوم مرت خالي ملتهيه ويه شغله جاسم وللعصر اجه خالي وطب للغرفه مالته ايسولف ويه جميله وامينه هم كاعده واني اسمع من الشباج كلت بلكي اخلص منه لجاسم كون ما ايرد والله اخاف منه وسمعت جميله اتكول
جميله ..شنو شنو امينه ما انطيه فصليه لو اموت
خالي...لعد اشون كوه قنعهم ١٠٠ميلون وهاي حته البستان ابيعه واداين ويريد فصليه وقافل قفل اله فصليه وخل امينه اتحضر روحه يجي بليل ياخذه
امينه..لو ايموت جاسم ما اروح فصليه علمود امكسراته افتهمت
جميله..بتي ما نطيه فصليه بس اكوو غيرهه انطيه
خالي ..منو
جميله..ياقوت واخلص منه وابني يرجعلي
ياقوت..لطمت على وجهي وكلت عارك يا جاسم ينذب عليه واروح فصليه علمود انته ترجع لسوالفك ورحت ركضت للمخزن ابجي واكول لييش اني دومي مضلومه ليش وابجي ابحركه ليش يارب تقبل عبدك ينضلم واني ذوله ضلموني لييييش والله الحق على مامه وبابه ذبوني هسه من ميتين ميته وياكم واشاهك وابجي من كل وكلبي والوجع موتني والدم الميوكف احسه ايسل مني ورحت هم بدلت وكملت ومسحت ادموعي وكاعده مقهورة وما اشوف لن الباب مال المخزن انركع واجت جميله وكالت
جمليه..شوفي ولج بت الكلب اليوم انطيناج فصليه عملود جاسم ضارب واحد وبعشواي يجون ياخذوج علمود جاسم ميأذو افتهمتي تتحضرين واتولين وهاج هاي عبايه
ياقوت..ليشششش اهئ لي يشش ش
اني اشسويت الكم علمود اتذبوني هيج ليشش هاا وابجي بحركه وجميله ما مهتمه وطلعت وطبكت الباب على السريع حته فزيت من الصوت اباوع شتحضر هوه اني طرك الهدوم الابستهن والباقيات خرك وانطتني عبايه حمررره من الشمس تلبسه من اتروح اتحش شسوي طلعت بلحديقه وشلت العبايه اخذت اهدومي بعلاكه سوده واباوع للسمه واكول ربي انته حسبي ونعمه الوكيل فوضت امري الك وكعت على دجه مال البيت وباوع للسمه واتخيل شكل مامه وبابه وشنو شكلهم ما اعرف وما ادري اشكد صفنت واسولف ويه روحي لحد ما سمعت صوت سيارة وكفت
اسد..طلعت من يم محمد وكبل للمستشفى ورحت للردهه سألت عليه ودلوني يا غرفه وركضت رحت لغرفته ما خلوني اطب الحاله حرجه وسألت عن دكتور المشرف عن حالته ورحتله وكتله دكتور بشرر شبي اخوي
الدكتور..اخوك مضربوب ضربه على راسه وشاكه الجمجه مال راسه وارتج دماغه وعنده ضربات هواي جسمه امزوك وبعد شغله خايف منه
اسد..شنو دكتور لتخبلني
الدكتور..اخوك ماكل ضربه على العمود الفقري وصاير عنده تهشم فقرة من فقراته واخاف من يصحه ايصر بي شلل نصفي
اسد..اتخبلت واني اسمع الدكتور ايسولف عن حالته انجنيت وكتله دكتور وهسه اشونه
الدكتور..اذا طلع من غرفه الانعاش كول راح ايعيش واذا جسمه ما اتجاوب مع العلاج فأني افعتذر العلينه سوينا
اسد..زين اكدر اشوفه
الدكتور ..اله حالته تستقرر ياله اتشوفه هسه ممنوع دخول يمه ابدد
اسد..منو جاب اخويه لها
الدكتور ..ما اعرف اسمه بس هوه موجود بلردهه وروح شوفه
اسد..رحت اريد اشوف منو جاب جبر لهنا رحت للردهه ولكيت ادهم الفلاح جايبه
ادهم..اشونك دكتوروالحمدالله على سلامه اخوك.
اسد..الله ايسلمك كلي منو سوة بخويه هيج اله اكطعه بس كلي منو.
ادهم..والله دكتور ما اعرف شكلك بس اني إلي شفته جاسم العركجي اتعارك ويا واني شفته جنت جاي من السوق رحت بعت جم صندوك طماطه  واجيت من دفع اخوك ومن شاف دمه كام يطلع شرد واني ركضت عليه وحطيته بسيارة مال ابن عمي وجبته لهنا واسعفو بسرعه واني كاعد انتضر اشون صار
اسد..ديموت وهسه اني رايح وطلعت من المستشفى فاير على جاسم النذل ومن بعد ما خبرت اهلي بلحادث وابويه اجه وحميد للمستشفى وسويته هوسه عليهم واتفق شيخ عشيرتهم اله كعده اجلاب دازيليا اني اعلمكم اله اخليك تتوسل يا جاسم الكلب وثاني يوم سوينه كعدهه وابويه واني رحنه وبعد نزاع طويل من الطرفين اني اريد اهدر دمه وشيخهم كال افلوس وفصليه وجايب بعد ويا جم شيخ هم نفس الحجي كتلهم شوفو خاف فديوم اشوف جاسم اكبالي لا اتلوموني على الاسوي بي راح اقبل بلفصل واني ماعايزني افلوس ولاشي والبنت خطيه اتروح برجلين وشيوخ اصرو اله فصليه واني اادري بسولف الفصول لازم اتروح البنيه بلرجلين بس شسوي
قبلت وطلعت من المضيف ورحت اجيب الفصليه ولمن وصلت ودكيت الباب وطلعتي مرة مو جبيرة
جميله..طلعت فتحت الباب وكلت انته دكتور اسد.
اسد..اي ويله بسرعه الفصليه وين اريد اروح بسرعه طبت ورة اشويه طلعت وجايبه الابنيه اباوع عليه طفله ازغير ولابسه دشداشه تسحل مبينه مو مالته وحطت على راسه العبايه وشايله بيدهه علاكه وطلعت ومرة طبت وسدت الباب اجت يمي وعيونه كله دموع وحمر وخايفه ووكالت
ياقوت..السلام عليكم
اسد..وعليكم السلام ويله امشي همياله اروح اوديج واروح للمستشفي
ياقوت..يله واني اول مرة اصعد سيارة بحياتي صعدت ليورة
اسد..اخذت الفصليه وجنت ناوي اشلع جلده بس من شفته ازغيرة ودموع بعينه بطلت واكو شغله شاغله بالي البنيه الجابه محمد اشصار بيه وداهه لا ..وصحيت على صوت الفصليه
ياقوت..من صعدت مدري اشبيه اشو الدم اخذني مديوكف واحس حرورته تنزل على رجليه وعرك امسح بكصتي بلعبايه وجنت اصيح صوت وبعد ما حسيت
اسد..من صاحت سمعته ورت وشفته غركانه بدمه وحته بسيارة نازل دمه اتخبل اصيحه متكعد وحرت لسيارة على السريع للمستشفى نزلته شايله واخذوهه مني على سديه وطببوه ورة اشويه طلعت الدكتورة كالت محتاجين دم دمه امصفر وكلته شنو فصليه دمه
الدكتورة ..دزيت عينه من دمه للتحليل وربع ساعه ويطلع واريد دم للمريضه وانته شتصير منه
اسد..اني.. زوجتي
الدكتورة..ليش اشوكت اتزوجه
اسد..مو مهم
الدكتورة ..زوجتك متعرضه للغتصاب ودتنزف
اسد..هنا اتخبلت بس ما بينت كلت خل تكعد واشوف منو الاعب بيه ومنطينياهه بس لا تطلع نفس البنيه يالله
الممرضه..هاج دكتور هذا التحليل
الدكتورة..طلع دمه A+وانته شنو زمرة دمك
اسد..اني هم A+
الكتورة ..اتفضل لعد اتبرعلنه
اسد..طبيت لغرفته وهيه نايمه وايسحبون مني الدم واباوع عليه وهيه نايمه على السديه جنه طفله وهيه نايمه والي لفت انتباهي اردان دشداشته مهزوع وطالع زندهه ومجويه وجويه يابه هنا طخت بعقلي
واتخبلت يعني انتي نفسج ذيج البنيه
....
.
.
.
.
.
ازل مراد

علقوا ووصوتوا وانشالله تعجبكم