قلبي تملك بحب فصليه

البارت الرابع

.
.مدري وين ومدري ليش

وبين اموت وبين اعيش

شايل اجناحي ارد ابيعه بلايه ريش

هناك يم ذاك الغص عصفورة ميه

هناك كل المارجع ومتاني جيته

حالي حال الماتو اهله اشفادة لو طول لحيته

كون احط روحي بجزيرة وعيشت المجون اعيشن

مدري وين ومدري ليش

.
..
.
.
اسد..يعني نفسه ذيج الابنيه يالله الدنيا اشكد ازغير بس اريد اشوفه من تكعد تدري الصار بيه لو لا واني كاعد على الكرسي وانتضر تصحه وبعد وقت صحت
ياقوت ..صحيت واباوع الكانونه بيدي والرجال اجابني وكعدت على حيلي وممرضه واكفه يمي اشرت اله اتنزل راسه اريد اسأله واكلج اشبيه
ممرضه..متدرين وجان ايأشري رجله
اسد..خزرته توهه اتريد اتسولف للفصليه
ممرضه..انتي اشرحي حالتج
ياقوت..تعاي اشاورج اكلج ما ادري اشبيج هاي الشهريه هلمرة حيل اذتني وماادري ليش هلكثر نزل مني دم
ممرضه..هنا سكتت شحاجيه
اسد..اتشاور الممرضه بس اني سمعته وشتقصد متدري هيه فاقده عضريته انقهرت عليه يعني محمد النذل خاطفه ومنومه اني اعلمك محمد بس افرغلك واباوع عليه ازغيرة شكلج اني اشسويت بيج وجان اتباوعلي وكالت
ياقوت..انته جبنتي المستشفى شكرا والله اني اشكرك من كل كلبي اول مرة احد ايجيبني لهنا اني اتمرض واطيب اوحيدي وشصيحلك شنو اسمك هاا
اسد..اسمي اسد وانتي ألي راح اتصيرين زوجتي خوش ويله كومي الحمد لله على سلامتج
ياقوت..الله ايسلمك زين راح اكوم اباوع على اهدومي ايخبن بلدم ما كمت رجعت اتغطيت ودنجت مستحيه ما اكدر عيب هيج
اسد..شفته كامت ورجعت عرفت بيه مستحيه من المنضر مالته كمت وكتله هسه جايكم وطلعت بلسيارة ودنيا ليل وادور على محل امبصط اجيبله اهدوم ضليت ادور هنا يمنه قليله محلات كوة لكيت محل امبصط طبيت وبعد السلام وكفت ادور اهدوم كوه لكيت حجمه هيه ازغيرة جبت اله بنطرون بناتي اسود وثوب جوة الركبه سماكي وبي حزام اسود وشدر وشال وباوعت على هدوم تدرون حبشكلات ميتسمن ولا يتباوعن اخذت هم منهن وانطيت الاحساب وطلعت ورحت للمستشفى وطبيت اله لكيته على كعدته منتضرنتي وايدهه على خدهه وامبينه باجيه رحت يمه وكتله يله كومي بدلي واني طالع بلباب انتضرج وهاي الممرضه اتساعدج واريد اطلع اسمعه اتكول ذني الي طول عمري احلم البسهن حته بلحلم اشوف هم مو هيج
قهرتني  يعني ذني شي بصيط كيفت بي امبين عليج مضلومه وطلعت وسديت الباب وراي
ياقوت..من شفت الملابس عقلي طار كل عمري احلم البس هيج ولا والله هم اقل من ذني من فرحتي كمت على السريع ولممرضه اتساعدني ولبسهن ايخبلن الله اشكد حلوات وكلت خل اطلع اشكرة لن جابلي هيج ملابس وطلعت لكيته واكف اكبال الباب منتضرني
اسد..من طلعت باوعلته من فوك ليجوه اتخبل واشون كاعده الاهدوم عليه شال ذابته على راسه وشايله عبايته وتقربت من يمي وكالت
ياقوت..اشكرك من كل وكلبي على ذني الملابس والله عجبني وفرحني اشونهن مو حلوات.
اسد..اباوع عليه السماكي وهيه لابسته تضوي وعيونه خضر اتخبل طالعه ولا منتبه اله واحس روحي اشماباوع عليه ما امل من وصفه وكطعت صفنتي من كالت اشونهن مو حلوات
اسد..اي حلوات ويله خل نطلع اوديج للبيت اريد اروح للمستشفى يله
ياقوت..اي يله خل البس عبايه ولبسته وطلعت ويا
اسد..دتصد بلسيارة كتله لتصعدين وره كله دم تعاي هنا ليكدام خل اوصلج واخذ غير سيارة وهاي ادزهه للغسل
ياقوت..خجلني بس شسوي لازم اصعد وصعدت ويا واني امدنجه ومستحيه وبعد وقت من السياقه وكفت السيارة ونزلنه لبيت كله ضويات وقصرر ايخبل كلت معقوله اني اطب لهذا البيت لا ما معقوله وصلني طبيت للبيت بس الصاله اشكبرهة وصاح اسد
اسد..ابتهال تعاي
ابتهال..ها اسد بشرني اشون صار جبر
وباوعت على هاي منو
اسد..هاي البنيه فصليه اشكد اكرهه الافصول واتروح مثل هاي الابنيه بلرجلين
نبأ..خوي بشر اشونه جبر اشون صار
اسد..على الله
ابتهال..هاي فصليه اله اشرب من دمه هاي بسب اخوهه ابو بيتي بين الحيات والموت
اسد..لا اتشربين من دمه ولا ابد خليه ترتاح بين ما اجي
ابتهال..شنو شنو ترتاح من كل عقلك اني ناويه عليه اكطعهه بسبب اهله هيج صار بينه وخطيه هذا حميد راح اتطيح ابراسه هاي الفصليه
اسد ..ومنو كلج حميد يتزوجه
نجلاء ..جنت انزل من درج واسمع حجيهم
ابتهال..لعد منو
اسد..اني الي اخذ الفصليه
نجلاء ..شششنو وليش بله ماتتزوج واخوك هوه اعزب وخل يلعب بيه طوبه ما تتزوج هاي لو اموت
اسد..هذا حجيج لا ايقدم ولا ايأخر ولحجيته يتنفذ واني رايح اجيب ابويه وحميد هم من يم جبر خطيه تعبان واني اضل ابداله وديري بالج على هلطفه
وخليت وطلعت
نجلاء ..اني اعلمك يا اسد على هلدكه واباوع على الفصليه الكرهته وهيي ولج فصليه اني اعلمج تععااي.
ياقوت ..اشش ششبب بيج اا ننن ي اشش شش شسسويت
وجان تسحلني من شعري وطلعتني برة البيت وشمرتني بغرفه اباوع عليه واكول مخزن هوه اني متعلمه على المخزن هاي عباله انام مثل البشر هههه متدري مخزن عايشه بي وهنا هم وعافتني وراحت اباوع مخزن احله من ذاك المخزن وبعدين احس روحي دايخه ما بيه حيل كعدت وانتجيت على الحايط واتذكرر من عايشه هناك بداك المخزن تدرون من يجي الشته من البرد شسوي افرش وبطانياتي امشككات ميدفن شسوي اطبك الدوشك فوكاي وبطانيات فوكاهن واطبك رجليه وانام وهسه هنا حته افراش ماكو شسوي حطيت راسي على رجليه واني شابكه رجليه وعبايه على اجتافي وغفيت
وبعد وقت صحيت على صوت...
..
...
اسد..رحت للمستشفى واخذت ابويه  خطيه تعبان وسالني
ابو اسد..جبت البنيه
اسد..اي بويه
ابو اسد..من باجر تعقد عليه لا اتضل هيج حرام وحرامات البنات اتروح بعادات وتقاليد متخلفه وداريه ادري ابني بين الحيات والموت بسبب اهله واليتعاقب حر وهاي الطاحت بيه.
اسد..ادري بويه ادري واني ما اذيه بس الكف اخوهه لا اتلوموني اله اكطعه بس هيه ماله ذنب
حيمد..يلنجر راح ايصير عندك نسوان اثنين واني ولا وحده
اسد..هسه هاي شيسموهه هم غيرة متتزوج منو لازمك
حميد..عوع عفت الزواج الك

...وبعد وقت وصلو للبيت...
اسد..يله بويه امشي طب خل اروح
ابو اسد..يله اوليدي
حميد..اروح انام لن غادي طلي
نبأ..طلي اقصد حميد يله امحضرة افراشك روح نام بويه يله تعال انطيك دواك وعلمود ترتاح من الهبطه
اسد.. نجلاءوينج
نجلاء .اجيت
اسد..اكلج لعد وين البنيه
نجلاء ..الفصليه بلمخزن والله فصليات تالي وكت يتدللن
اسد..ششششنننووو ليش ماكو غرف بيت اشكبرة واشكدة اتشمريه بلمخزن خليت وطلعت شايط من مرتي المصونه اشون اتفكر خرة بيومج رحت طبيت لكيته امكرفصه ونايمه قهرتني امين تلكاهه مني من اهله كعدت يمه اباوع عليه واكو شعور ابكلبي شفقه مدري شنو ما اعرف وجه طفولي وبياضه كلشي بيه حلو بس اخ من هذا الوكت الشكله حلو عام عليه والحلو حضه مو حلو ندهته وجان اتفز
ياقوت..اسد
اسد..اي ليش ههيج نايمه يااا شسمج ما سألتج عن اسمج كومي تعاي للبيت
ياقوت..اني ياقوت
اسد..عاشت الاسامي يله عيني كومي
ياقوت..اول مرة احد يندهني هيج اني متعلمه على ادفر مرت خالي وكمت ويا وطبيت للبيت ماهيه مرته مدري وين راحت واخذني اسدلغرفه يم الدرج طبيت اله وكال
اسد..ياقوت هاي الغرفه الج هاي امجهزهه لمن يجي خطار  هسه الج ملكج
ياقوت..شهكت من شهكت صوته وصل لبيت خالي
اسد..اشبيج
ياقوت..هاي الغرفه الي صددك انام بيه.
اسد ..اي الج ويله طبي لتدوخيني اني رايح للمستشفى

اسد..رحت للمستشفى يم جبر انتضر بلكي يصحه ماكو وبعد اتلاث ايام ياله عده مرحله الخطر  وصحه واني بين المستشفى والبيت والحمد الله احس وكعد اني وابويه يمه ماعفنا والدكتور كال اذا ماكو مضاعفات اطلعه نهايه الاسبوع وكتله مشكور دكتور
الدكتور..هذا واجبي واني اترخص
اسد..غالي.
ابو اسد..اشونك جبر اشون صرت
جبر ..ززين اليوم احسن
اسد..كوم انته بطل خوفتني عليك
جبر ..لختاف خوي
ابو اسد..يله اسد وصلني اليوم اني انام مرتاح
اسد ..يله وكمنه من يم جبر وطلعنه وبطريق
ابو اسد..اسد لازم اليوم تعقد على البت
اسد..اليوم ناوي اقعد عليه خل ادك على السيد يجينه للبيت

.
.
.
.
.
.
ازل مراد