طائشه ولكن ،،،،،،بريئه

نفوذ

في الصباح جلس ماهر بمكتب مدير الأمن-
#حمدالله- علي السلامه- ياماهر إيه انت عجبك جو ألمانيا قوي كده
جلس وقال بعصبية
#ازيك ياعصام هي دي زماله السلاح- اخص علي دي زماله
#في إيه ياماهر أنا مش فاهم حاجة
#جوز بنتي بيعمل إيه عندك
قطب
#جوز بنتك عندي ودا تهمته إيه
قال بغضب
#تهمته أنه عايز يحمي مراته
من عيل وسخ وابوه اوسخ منه
اعتدل الرجل وقال باهتمام
#مش فاهم حاجه
قص ماهر الأمر- علي اللواء عصام نور الدين زفر بقوه
#هو في انهي قطاع
#شرق الدلتا
رفع هاتف المكتب
#اتصلي يابني بسامح بيه
هدي نفسك ياماهر اللعبه دي معرفش عنها حاجه
#والله- ياعصام لهربيه هو وابوه وان مطلعتهم الاثنين- معاش مبقاش أنا ماهر النجار
انا هوريه الواطي يتهجم علي بنتي ازاي
رنين هاتف المكتب رفع الهاتف
#ايوه ياسامح عندك واحد اسمه ادم مهران
#‘‘‘‘‘‘‘‘‘‘‘‘‘‘‘‘‘‘‘‘.‘‘‘‘
#مين اللي مقدم البلاغ-
#‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
#تحرياتك قالت إيه
#‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
#تمام نص ساعه وهيكون عندك سياده السفير ماهر النجار
يروحوا معاه وحسابك معايا ياسامح
اغلق الخط
#خلاص- بقي ياماهر امسحها فيه المره دي
وأنا اللي هشدلك ودن الواد ده وهرميه في الصعيد
زفر بقوه
#ماشي بس عرفه أنه لواتعرضلهم تاني أنا هنسفه
أنا كنت هبلغ السيد الرئيس
قال بقلق
#استهدي بالله- بس دي حاجة بسيطه تحب اجبهوملك هنا
اشار بيده
#مفيش داعي أنا هروح اجبهم
-------------------------------------------

#آدم مهران وحسام عزت تعالي يااخويا منك له
تحرك ادم وحسام ناحيه الرجل فغطي وجوههم قال ادم
#اكيد هنتعرض على النيابه زي ما الضابط قلى
#اكيد
ادخلهم مكتب ورفع غطاء الرأس وانصرف دخل المكتب رجل آخر غير الذي راه آدم في المره الأولي- وقال
#اتفضلوا اقعدوا
تحركوا وجلسوا
#مين فيكوا آدم
#أنا
#تعرف سياده السفير ماهر النجار منين
#حمايا
#إحنا آسفين قوى على سوء التفاهم آللي حصل ده
قطب بين عيناه
#مش فاهم
#إيه انت عجبتك القعده معانا ولا- إيه
قال بسرعه وقلبه يخفق بقوه
#خالص يعني إحنا ممكن نروح
ابتسم
#ربع ساعة وسيادة السفير جاي يخدك في الحقيقه أنا مكنتش اعرف أنت مين وسياده السفير حالف يوصل الموضوع لرئيس الجمهورية
بس ولا- تزعل نفسك خالص ده السيد المدير
حالف يشده شده محترمه
واوعدك عمره ماهيتعرضلك تاني
واحنا اسفين كمان مره
تشرب إيه لحد ماسيادته ييجي
#كوبايه ميه يبقي كويس
خرج الرجل من الغرفه قال حسام
#انا خايف أصدق يكونوا بيضحكوا علينا بس إيه ده دا حماك جامد يابني
دخل العسكري يحمل صنيه عليها ماء وعصير
#اتفضل يابيه
علق حسام ساخراً
#بقيت بيه فجأه
#ياباشا انا عبد المامور
ربت ادم على كتفه
#كلنا عبيد لربنا ياراجل ياطيب
اصوات تقترب من المكتب
#ياباشا والله- ماكنا نعرف
#لوحد مد ايده عليهم والله- مهعتقكوا
#لاءه- ياباشا دول زي الفل
انفتح الباب وظهر ماهر للحظه وارتمي ادم بين ذراعيه يشم به رائحه حبيبته أشتاق لعبيرها لكل شيء وانهمرت دموعه أبعده ماهر وقال بغضب
#عملوا فيك إيه
قال باختناق
#مفيش بس كنا ياسنا أن إحنا نطلع
سلم علي حسام بحفاوه وقال وهو يربت علي اكتافهما
#ولادي- رجاله اخدوا منكوا حاجه
#البطايق والتليفونات
#حجتهم ياسامح باشا
ناوله اشيائهم فتحرك بهم للخارج وقف ادم وحسام ينظران الي السماء ويشمون الهواء باشتياق ربت الرجل علي كتفهما
#يلا- بقي عشان نروح
بعد قليل كانوا يعبرون البوابه ارتمي ادم بين ذراع والدته وتعلقت سلمي بعنق زوجها باشتياق
#أنت كويس ياادم
وانت حسام كويس شكرا يا ماهر شكراً قوي
قبلت والدته وجهه بانفعال وكانت سلمي تقبل وجهه زوجها بانفعال ربت علي خد والدته ومسح دموعها
:#ماما ايسل فين
احتضنت وجهه وقالت بانفعال
#آيسل في المصنع موتت نفسها عشان تسلم الطلبيه
حدقها كل من ادم وحسام قال ادم بانفعال
#أنت بتقولي إيه
تنهدت الأم- بعمق
#آيسل حته البنبونايه الصغيره
هي اللي شالت كل حاجة
كلنا انهارنا الاهي-
كانت بتطيب خاطرنا
اتصلت ريناد وقلتلها الطلبيه لازم- تتسلم في ميعادها ومعتش وقت نخلصها
عملت ورديه تلته وبقت تبات في المصنع وتيجي ميته
تعد علي الكنبه تنام ودموعها علي خدها
إمبارح مضتلها علي تسليم الطلبيه
هي زمنها جايه قلتلي النهارده نص يوم وهدي العمال بكره أجازه
ربنا يباركلك فيها
أنا نفسي مش مصدقه اللي عملته
ادخل خدلك دش سخن وغير هدومك عقبال ماحضرلك الأكل- وانت ياحسام
رفع يديه وقال بمرح
#انا كده حلو قوي
مش عاوز اعرفكوا تاني
ضحكت المراه
#ياخرب عقلك ياحسام
والله- وحشتني خفه دمك
قبل يد المراه وهو يحتضن ادم الصغير
#ربنا يخليكي لينا
ويخللنا عم ماهر الجامد ده
والست ايسيل اللي انقذتلنا شقي عمرنا كله
بس انا محتاج اخد عيالي في حضني
ربتت علي خده
#ربنا مايحرمكوا من بعض أبدا ولايفرقكوا-
تنهد بقوه
#آمين هرتاح النهارده وبعدين تعمليلي البطه بتاعتي اللي وعداني بيها ‘من قبل ماادم يتجوز
#من عنيه ياحبيبي
علق ادم
#آه والنبي دا إحنا بقلنا شهرين مبنكلش
#ياحبايبي حاضر من عنيا
#ماشي همشي أنا بقي
احاط كتف سلمي بذراعه وهو يحمل ادم الصغير
#حسام استني خد مفتاح العربيه روح بيها