طائشه ولكن ،،،،،،بريئه

في غياهب الجب

ركب ادم سياره الترحيلات- أول ماطالعه اجسام خمس رجال اربعه منهم مربطه ايديهم والخامس حر وجوههم مخفيه باقنعه سوداء هذا اخر ماراه قبل ان يضعوا القناع علي وجهه لم يكن لديه القدره علي الكلام- كان مستسلم تماما ويحاول أن يقنع نفسه أن الأمر- مجرد انتقام سخيف من شخص أحمق ولكن لن ينكر شعوره العارم بالرعب لم تغادر تفكيره صوره والدته الباكيه ولاصوره- ايسل كذلك توقفت العربيه وبدا اتنين يسوقونه الي مكان مجهول كان يسير ببطء حتي لا- يتعثر الأرض- غير ممهده ثم سار علي أرض ممهده ثم ممر طويل ثم درجات هابطه ثم باب حديدي بمزلاج
- يفتح
واحدهم يدفعه للداخل ويرفع الغطاء عن عينيه المكان بارد معتم تماما تحرك ببطء ولكنه اصطدم باحدهم
#آه رجلي يااخي
قال بلوعه
#حسام
ميز صوته الساخر
#اعد زي ماانت دي طلعت ايده طيله قوي مشوفتش سلمي
اختنقت الكلمات علي شفتيه
#داانا كنت معتمد قلت هيبقي معاهم راجل هيعملوا إيه دلوقتي
أنت ذنبك إيه في ده كله
ربت علي كتفه
#ذنبي اني صحبك يااخي
#أنت ليك نفس تهزر
تنهد بقوه
#سيبني يمكن تكون دي اخر ضحكه
#إيه يابني احنا معلناش حاجة مفيش تهمه
قال بسخريه
#هنا يابابا هيقتلونا الأول- وبعدين يفكرولنا في تهمه
#ليه هو إحنا فين بالضبط
#بما انهم جيين بعد نص الليل نبقي في امن الدوله
صوت من اخر الغرفه
#صدقه هنا طالما دخلت يبقي خلصت
سال حسام
#انت مين
# اقترب الرجل
#انا سليم محمود دكتور فارماكولجي في كليه عين شمس هنا بقالي يومين هما لسه محققوش معايا كان جاي معايا اثنين
واحد منهم مات امبارح
والتاني معرفش عنه حاجة
قال ادم بانفعال
#طب ليه هما عملوا إيه
#ملحقتش اعرف هما عملوا إيه
قال حسام
# طب أنت عملت إيه
#قلت كلمتين في الكليه أنا مالي ومال السياسه في البلد دي مينفعش حتي تقول رايك وانتوا بقي
رد حسام
#أنت قلت كلمتين إحنا بقي ضربنا ظابط
#ظابط أمن دوله
#لاءه- ظابط شرطه
#مش هيعمللكوا حاجة دي شده ودن بس
قال ادم
#وانت واثق كده ازاي
#مهو لو ضابط امن دوله مش هتشوف الشارع تاني بس دي مجمله هتبقي شده ودن بس
#اتمني تكون صح
اراح حسام راسه على كتف ادم ‘ونام بعمق هز ادم رأسه وهمس وابتسم تري كيف يكون حالهم
------------------------------------------------
#هي انفعلت جامد فضغطها اترفع أنا ادتلها مهديء هي هتنام والصبح هتبقي كويسه
صحبت ايسل الطبيب للأسفل- حتي خرج امسكت الهاتف واتصلت بمحمود ولكن هاتفه خارج نطاق الخدمه اتصلت بريناد واخبرتها بسفر كليهما وعاودت الاتصال- ولكن بغير جدوي
#هنعمل ايه ياايسل
ربتت علي كتفها
#خدي بالك أنت من ماما أنا هلف علي الاقسام- وهروح لعم محمود مبيردش على التليفون وهشوف محامي
#طب متكلمي محامي المصنع
هزت راسها نفيا
#ادم قلي محدش يعرف في الشغل هاتي مفتاح بيتك وانا هجبلك هدوم ليكي وادم وأنا راجعه
لفت جميع اقسام العاصمه ولكن بلا- جدوي وكأنهم ومضه حلم وانتهت عمها محمود خارج البلد سياتي في بدايه الشهر
حدثت المحامي فقال
#قبضوا عليهم قبل الفجر هما ليهم في السياسه
#خالص
#تمام يامدام أنت كده بتدوري في حته غلط
#ازاي يعني
#نص الليل ده يبقي امن دوله أنا ليه ناسي هناك بس هتسبيلي كام يوم لحد ماعرف حطوهم في انهي مقر
دخلت ايسل البيت وهي تشعر باعياء كامل وزاد من وطاته عليها عدم توصلها لاي- شيء
#عملتي إيه ياايسل
#ولا- حاجة ياسلمي مفيش اي خبر
زي مايكونوا فص ملح وداب ماما عمله إيه دلوقتي
#منهارة فوق اطلعلها ياايسل
صعدت مثقله انها ام تخشي علي ولدها فتحت الباب ودخلت
#عملتي ايه ياايسل
زفرت بقوه
#لسه مفيش اخبار بس وكلت محامي وهو طمني وقلي كلها يومين بالكتير وهيعرف مكانهم وعم محمود هيجي اول الشهر -
  انهمرت دموعها
#يعني إيه مفيش حد هيطمني علي ابني
جلست امامها وقالت بثبات
#شوفي بقي ياست الكل
في كل أزمه كنا كلنا بننهار وانت اللي بترجعينا
لو أنت وقعتي مننا محدش فينا هيعرف يعمل حاجة
سلمي منهارة تحت جوزها واخوها وانت يبقي كتير قوي
عشان خاطري قومي صلي وادعيلهم ربنا يذيح عننا الغمه دي
ربتت الأم- علي كتفها وعبرتها الي الحمام نزلت ايسل للأسفل- وجدت ادم الصغير يبكي حملته وربتت على كتفه
#سلمي قومي اعملي حاجة الواد ده ياكل ولماما كمان
مسحت دموعها وتوجهت الي المطبخ جلست ووضعت ادم علي ساقها له نفس عيون حبيبها اراحت رأسها المتعبه علي المقعد وسقطت دموعها وتقريبا نامت ودموعها تجري