مصعب: رد
مهند :افتح المايك
نادر :نعم
هيام :عمر لقبه
نادر :حبيب ماما اعمووري😂😂
هيام :جدتي تعارك فيا تقوله خاطفته
نادر :😂😂
وسام :جدتي تدعي عليه خطفو ان شاء الله غير مايمشيش عليهم دعواات
نادر :😂
مهند :جدتي حرام عليك يردن دعوات عليك
هيام :ان شاء الله يردن كلهن فيك
مهند: لا يابنت عمي 😥
الجده :هل مقفصوت الرقبة غير اولدي شن امداير ربي باليه بيها غير امتي تجوز ونفتك منها
مهند :احي كان اتجي احداك
الجده :الا هل الفرخه هدي مانخليها احدايه
نادر :لا اوخيتي ياجدتي هدي ماتبعدهاش عليا
الجده :خزززي ولد عمكم مخطوف وانتم تسهوكو
نورا &سام &مصعب &مهند :😂😂
مهند :ماترعشيش روحك سيوره يروح
الجده :يفرج ربي مافيش الخبر عليه
هيام : اهي رصيد واني امكلمه خويا وانت تبقبق
مهند :معقولة اسلوب بنت هدا
نورا: تضحك هههه
هيام :شن رااايك
وسام : رجولتها توزعها عليه عمر
نادر: ههههههههههه ووووووه
مصعب :😂😂
هيام :مش حتسدا
الجده :😡😡اصكري يافرخه ومدة يدها وقرصتها
نورا :هههههههه
هيام :اه ياجدتي مادوتش شي غالط
هيام :صكرت عليه نادر
------
عند مهند
نادر :ههههههه
مهند 😂😂ياعنجد جوها بوكل
مصعب :حصلت القرطه سمحه من جدتي
مهند :منخش لحبيب قلب جدتي
نادر:منلعب ببجي
مصعب :نكسد على الفيس
نردو ل وسام
الجده: هل الفرخه مااطول لسانها غادي كلهم عليه اعصابهم وهيا تسهوك😂😂
وسام تي باهي ياجدتي اصغيره مادوريهاش
الجده يلي بعمرها بااصغارهم وهيا ماتهني
نورا :😂😂
هيام:😒😒
هيام: من قالك نبي نتجوز
الجده: ها ريتها ريت طول لسانها
وسام: هيام اسكتي
الجده: ماكويسته نورا ياريتك متعلمه منها
هيام: ارفعيها ديما معاك
وسام: برق في المرايا وشاف نورا
نورا:☺
هيام :🤨🤨
هيام: وسام امطب
وسام : تحشم 😅نشوف فيه
هيام :اه ادرتك سارح
وسام :😒😕
هيام :جدتي غدوه مش حنمشي حتي ولو مات
الجده :اريت هل الخايبه بترقلي السكر بعيد سوء عليه في راس عدوينه
هيام :نخبر فيك بس وانت كان تمشي فيسع مانمشوش عليه طبق الدحي
وسام :😡😡مش عاجبك معاش تركبي معايا ومره اخري ماتدويليش هكي
هيام :باهي ياواعر
نورا:وسام غدوه ان شاء الله ارفعني اني وجدتي
وسام :غير دكرني
وصلو
الجده :سلمك ياوليدي ربي يكثر سيارتك
نورا :شكرا صحيت
هيام :تصبحو على الخير
هيام خشت والجده وراها
وسام ركب في سياره بيدرسها في القراج
نورا :وسام
وسام :نعم
نورا مادورهاش هيام هيا هكي طبعها
وسام :هيام نعرفها اكثر من خواتي غير مرات فيها الحرق الدم
نورا :هي سلام تصبح ع الخير
وسام :وانتي من اهل الخير
عند الشباب
مهند :عمر تسمع كلامي بيش معاش تضرر اكثر من هكي اولا نشوفك تبرق في نورا او اي بنت من العيلة نهارك اسود يلي مافيه شمس زرقت تانية تباعد على المشاكل ومعاش تفتن ثالثة ماتدويش ل حد تقول انخطفت تقول كان في موضوع اصغير وشدوني عليه واطلقوني لما مالقوش انهم دخلي في موضوع رابعا تحترم روحك وتشحط روحك فهمت
عمر :ءء اي ح ح حااضر
مهند :حتقعد هنا لبعد يوم او يومين نطلقوك اقعد راجل (وماتقودش) علينا مش خايف منك لكن امتحشم من عمي كنت نقدر ندير اكثر من هكي بس مابتش فهمت كلامي ولا
عمر: اي فهمت
عمر :اسف يلي ادرته سامحن
مهند : اعتدارك مايهمنيش
مهند طلع من الدار
مهند :رقد
عند وسام
وسام :لتوه ماقدرتش نشد عليهم ان خافطين عمر بس اني متاكد ان هما 🤦♂️ياااربي ماتخلشي يخرط هل مهبول
أنت تقرأ
ماي فاميلي (مكتمله )روايات ليبية💓
Подростковая литератураروايه ليبيه مضحكه مشوقه تحكي ع عيله ❤💪 اخشو اقرو 😁50 حلقة جزء الاول😎 الجزء ثاني في الكتاب ثاني 💓ع حسابي الثقة في الله نجاح 💓 لايتم نقل الروايه الا باذن مني وب اسمي 💓
